Марија Синадиновска Арсовска – Kurir.mk

Синадиновска Арсовска: Еден прст покажан кон виновникот покажува три прста вперени кон себе!

Дарко Андоновски — Mon, 09 Aug 2021 12:47:45 +0000

Во средината на летната сезона угостителските објекти кои се категоризирани за организирани настани се изненадени и затечени од одлуката на Владата по 16 август да стапи на сила забраната за организирани настани во внатрешноста на угостителските објекти. Во моментов сме вратени во една безизлезна ситуација од претходниот период кога беше побарано угостителските објекти да ги легитимираат гостите, за што не постои никаква правна основа. По 16 август се бара присуство на организирани настани но само со потврда за вакцинација, за што сметаме дека се прави огромна неправда и дискриминација на овој тип на екомски оператори кои цели 16 месеци беа под забрана за вршење на својата дејност, ова како реакција во пресрет на новите мерки кои владата одлучи да важат од 16 август го истакна Марија Синадиновска Арсовска од Иницијативниот одбор за организирани настани. -Апсолутно дегутантно делување и обесправување на сите економски оператори од оваа дејност. Не можеме да прифатиме ваква одлука во екот на сезоната на организирани настани, посебно во време кога границите за проток на туристи и патници се отворени ,без никаква потреба од приложување за потврда за вакцинација или негативен PCR тест. Воедно да посочиме дека кампањата за потребата за вакцинација во овој сектор па и на ниво на целата држава речиси е целосно отсутна. Апелираме до сите економски оператори и гости во угостителските објекти на максимално почитување на постоечките мерки за заштита од Ковид вирусот предложени од страна на Комисијата за Заразени Болести кои се преточени во моменталниот протокол за работа и воедно се надеваме дека Владата ќе ги усогласи своите ставови согласно земјите членки на Европската Унија каде што забраната за организирани настани е отстранета и заменета со потврда за имунизација на вработените и гостите во угостителските објекти или со приложување на негативен ковид тест во затворените делови каде што истата мерка важи и за сите економски оператори кои ја вршат својата дејност во затворен простор како шопинг молови, банки, јавен превоз и друго, потенцира таа. Синадиновска Арсовска во својата реакција истакнува дека во моментов се соочуваме со масовно откажување на закажаните свадбени прослави и нивно одлевање во приватни куќи,дворови и викендици, каде што нема да има никаква можност за спроведување на веќе донесениот протокол за работа во оваа дејност.

Синадиновска Арсовска: Мора да има континуитет во мерката за поддршка за плати и придонеси за вработените во угостителскиот сектор

Ивона Петрова — Thu, 08 Apr 2021 10:25:26 +0000

Вработените во угостителскиот сектор стравуваат за своите работни места, стравуваат дали ќе имаат плата и здравствено осигурување. Ова во изјава за Курир го истакна Марија Синадиновска Арсовска од Иницијативниот одбор за организирање настани. Вели одлуката на Владата за затворање на угостителските објекти била очекувана, но посочува дека мора државата да продолжи со финансиска поддршка кон овој сектор. -Континуитет мора да постои во мерката за поддршка за плати и придонеси за вработените, бидејќи ако не продолжи оваа мерка овој месец сите ќе ги отпуштат вработените. Илјадници луѓе ќе останат без работa. Алармот досега требаше да биде вклучен. Околу 17.000 вработени чекаат исплата на платите за февруари и март, немаат можност за здравствено осигурување, стравуваат за своите работни места, вели за Курир Синадиновска Арсовска. Таа посочува и дека мерките кои се предлагаат како помош за овој сектор, треба да бидат по примерот на европските држави, а не како минатогодишните. -Потребно е да се дозволат финансиските инструмент како безкаматни кредити, државна банкарска гаранција за ослободување на дополнителни средства на ликвидност со која ќе може да земеме комерцијални кредити со намалена каматна стапка . Потребно е итно носење на пакет мерки за плати и придонеси. Најавите за грантови, не’ плашат бидеќи сме поучени од моделот од минатата година каде видовме дека критериумот во однос на исплата на грант за угостителите беше пренизок, не беше праведен реално да се искористи. Голем дел од угостителските објекти кои имаа прикажано поголем промет, ги казнија. Скалата на исплата на грант сметам дека е неправична и не ги следи европските вредности како економски показатели каде секаде стоеше процент на исплата од вкупниот промет. Треба да направат критериум кој ќе биде правичен за сите, да се следат европските примери, нагласува Синадиновска Арсовска. Посочува дека согласно бројките на новозаболени и починати од коронавирус, очекувана е одлуката за затворање на угостителските објекти, но смета дека забраната требало да ја добијат после Нова година кога ковид статистиката била слично висока како периодов, а летните тераси на локалите не работеле.

Синадиновска Арсовска: Сѐ уште немаме слух од владата за нашите барања! (ВИДЕО)

Тале Кристо — Mon, 22 Feb 2021 10:45:49 +0000

Марија Синадиновска Арсовска од иницијативниот одбор на рестораните кои организираат настани вели дека од ввадата се уште нема слух за нивните барања – Иако го имавме предупредувачкиот штрајк во петокот сѐ уште немаме слух од Владата за сите наши барања, вели Марија Синадиновска Арсовска за Радио Лидер. Најпогодени од оваа криза се рестораните кои организираат веселби. Ова го истакна гостинката Арсовска која кажа дека инцијативниот одбор се залага за рестораните да организираат настани, но не само тоа туку и ноќните клубови, музичарите, шминкерите и други. Таа додава дека веќе една година се без протокол за работа, односно од 15-ти март. Вели дека се загрозени околу 6000 луѓе во оваа дејност и додава дека нивната дејност е комплетно забранета. – Нашата дејност е комплетно забранета за да може да почнеме со работа. Тоа е иницијативата за излегување на улица. Излеговме во петокот, ќе продолжиме на улиците од средба, па натаму, завршува Синадиновска Арсовска.