Николоски оствари средба со амбасадорката на Португалија, а Заев во последните шест месеци нема ниту една средба со европски премиер

Магдалена Андонова — Tue, 02 Feb 2021 16:03:11 +0000

Денеска претседателот на Националниот совет за евроинтеграции, Александар Николоски, оствари средба со Н.Е. Марија Виргина Мендес де Силва Пина, вонреден и ополномоштен амбасадор на Република Португалија, со седиште во Белград, Република Србија, која ја покрива и нашата земја. Николоски е првиот политичар кој остварил средба со амбасадорката откако Португалија е актуелен претседавач со ЕУ, при што ја искористи можноста да упати покана амбасадорката да го посети Собранието, како и да се обрати пред Националниот совет за евроинтеграции. За разлика од ВМРО-ДПМНЕ, никој од актуелната власт на СДСМ не се сретна со амбасадорката на Португалија, претседавач на Европската Унија. Со ова слободно може да се каже дека премиерот Зоран Заев е тотално изолиран политичар од страна на светските, но и од страна на Балканските лидери. Изминативе 6 месеци премиерот Зоран Заев нема остварено ниту една билатерална средба со премиер на некоја европска или светска земја. Пред десетина дена претседателот на ВМРО-ДПМНЕ Христијан Мицкоски и потпретседателот Николоски остварија средба со премиерот на Унгарија, Виктор Орбан каде што соговрниците разговараа за одличните и пријатески односи, како и за блокираните европски интеграции на Македонија. На оваа средба претседателот на ВМРО-ДПМНЕ Мицкоски побарал од неговиот соговорник поддршка од страна на Унгарија за одблокирање на европскиот пат на Македонија. Исто така Мицкоски и Николоски остварија работни посети и во Република Словенија и Република Хрватска, каде што имаа средби со премиерите на овие две земји, Јанез Јанша и Андреј Пленковиќ. На овие средби се разменети искуства за светската здравствена криза со КОВИД-19, како и за економските предизвици кои се последица на оваа пандемија.

Средба на Николоски со амбасадорката на Португалија, земја претседавач со ЕУ

Ивана Ефремовски — Tue, 02 Feb 2021 14:55:31 +0000

Претседателот на Националниот совет за евроинтеграции, Александар Николоски, денеска, оствари средба со Н.Е. Марија Виргина Мендес де Силва Пина, вонреден и ополномоштен амбасадор на Република Португалија, со седиште во Белград, Република Србија, која ја покрива и нашата земја. Николоски изрази задоволство за прифатената покана за средба од страна на амбасадорката на Република Португалија и посака успех на Португалското претседателство со Советот на ЕУ. Претседателот Николоски на средбата изрази заложби нашата земја час поскоро да ги почне преговорите со ЕУ и сугерираше процесот да отпочне во рамки на Португалското претседателство со ЕУ односно во првите шест месеци на 2021 година. Претседателот на Советот ја запозна амбасадорката со идејата за формирање на Националниот совет за евроинтеграции, надлежностите и клучните цели, инклузивниот карактер на неговиот состав, градењето и одржувањето на консензусот за членството во ЕУ. Изрази надеж за плодна соработка и побара поддршка за зајакнување на собраниските капацитети значајни за интегративниот процес. Николоски е првиот политичар кој остварил средба со амбасадорката откако Португалија е актуелен претседавач со ЕУ, при што ја искористи можноста да упати покана амбасадорката да го посети Собранието, како и да се обрати пред Националниот совет за евроинтеграции. Амбасадорката на Република Португалија го честита изборот на Николоски за претседател на Советот и истакна дека Португалија е сигурен партнер кој ја нуди својата поддршка за интеграцијата во ЕУ. Информираше за актуелното претседателство со Советот на ЕУ, приоритетите во шестмесечното претседавање, како и интенцијата Португалија да го продолжи процесот на проширување на Унијата со земјите од Западен Балкан врз основа на новата, поверодостојна и поефикасна методологија. Изрази очекување за што поскоро започнување на преговорите и надминување на пречките кои и стојат на државата на евроинтегративниот пат. Соговорниците разговараа и за актуелните состојби во ЕУ, регионалната политика, актуелната состојба предизвикана од пандемијата со Ковид-19, процесот на вакцинација.

Марија Виргина Мендес де Силва Пина – Kurir.mk

Николоски оствари средба со амбасадорката на Португалија, а Заев во последните шест месеци нема ниту една средба со европски премиер

Средба на Николоски со амбасадорката на Португалија, земја претседавач со ЕУ