Марија Захарова – Kurir.mk

Захарова: Украина ја напаѓа Русија со австралиски дронови

Тале Кристо — Tue, 05 Sep 2023 17:27:16 +0000

Русија денеска соопшти дека Украина користи австралиски дронови за да напаѓа цели на руска територија и оти Австралија се повеќе се вовлекува во конфликтот. - Излезе дека австралиски беспилотни летала всушност се користат за напади врз цели во Русија, рече портпаролката на руското Министерство за надворешни работи, Марија Захарова. Таа ова го кажа во одговор на новинарско прашање за информациите објавени минатата недела во „Сиднеј Морнинг Хералд“, според кои аеродромот во рускиот град Курск бил нападнат со австралиски дронови. Захарова ја обвини австралиската Влада дека „со ентузијазам придонесува за антируската кампања диригирана од Вашингтон“, обидувајќи се на тој начин да ги скрие од јавното мислење „незавидните околности што укажуваат дека Австралија се повеќе е вовлечена во конфликтот во Украина“.

Захарова: Украина е еден од светските лидери во илегалната трговија со човечки органи

Катерина Бојаџиева — Mon, 07 Aug 2023 15:19:50 +0000

Портпаролката на руското Министерство за надворешни работи Марија Захарова во авторски текст за „Расиска газета“ наведува дека одамна е познато дека Украина е еден од светските лидери во црната трансплантација. Таа наведува дека Украина вади човечки органи од живите и убиените на бојното поле и ги продава на црниот пазар на клиенти во земјите на ЕУ и НАТО. Според Захарова во Украина незаконски се ваделе органи од мртвите тела уште во доцните 90-ти години од минатиот век, а ситуацијата се влошила од 2014 година по соборувањето на претседателот што го поддржуваше Кремљ. Постојат докази дека во јуни 2023 година, претставници на Министерството за здравство на една од земјите на НАТО се договориле со украинската страна за испорака на вагон-ладилник за човечки органи и делови од телото. Таа тврди дека се тргува со рожници на очите, некои коски, сврзни ткива, срца и црн дроб. Според Захарова срцата се продаваат за околу 21.000 фунти, а бубрезите за околу 11.000 фунти. Киев не ги коментираше наводите на Захарова. Исто така ниту една независна меѓународна организација не ги потврди изјавите на Захарова. Захарова и во мај ја обвини Украина за илегална трговија со човечки органи.

Захарова: НАТО е во војна со Русија

Дарко Андоновски — Tue, 11 Jul 2023 17:17:02 +0000

НАТО е длабоко вклучен во украинскиот конфликт, изјави денеска портпаролката на руското Министерство за надворешни работи, Марија Захарова, пренесена од Тасс. -Дали навистина мислите дека НАТО не е во војна со Русија? Всушност, НАТО го обезбедува целото оружје, борци, платеници, инструктори, советници и разузнавачки информации за режимот во Киев. НАТО дефинитивно е вклучен во воените активности таму, нема сомнеж НАТО е тој што го доведе режимот во Киев до оваа точка, истакна Захарова. Руската агенција потсетува дека рускиот претседател Владимир Путин на 24 февруари 2022 година најави специјална воена операција во Украина, врз основа на барањата на лидерите на републиките во Донбас во услови на ескалација на тензиите во регионот, кога властите во Доњецката Народна Република (ДНР) и Луганската Народна Република (ЛНР) известуваа за некои од најтешките гранатирања во тоа време. Западот, како одговор на инвазијата, воведе санкции кон Русија. Освен тоа, западните земји почнаа да ја снабдуваат Украина со големи количества оружје и воена опрема, чија вкупна вредност моментално се проценува на милијарди долари. Киев постојано бара на украинските сили да им се обезбеди дополнително оружје и понапредна опрема, ракети со долг дострел и авиони.

Захарова: Непријателските акции на Естонија нема да останат без одговор

Тале Кристо — Wed, 11 Jan 2023 18:15:59 +0000

Естонските власти треба да знаат дека нивното барање за ограничување на бројот на дипломати и персонал на Руската амбасада во Талин нема да остане без одговор, изјави денеска портпаролката на Министерството за надворешни работи на Русија Марија Захарова. -За нас не е тајна дека Естонија е една од земјите кои се најмногу непријателски кон Русија. Русофобијата таму е официјална доктрина, рече Захарова. Таа додаде дека во исто време Естонија „сака да ги задоволи своите спонзори од другата страна на океанот“. Министерството за надворешни работи на Естонија денеска соопшти дека Русија мора да го намали бројот на дипломати во амбасадата во Талин до 1 февруари. Во соопштението се прецизира дека Русија мора да го намали бројот на дипломати на осум, колку што има Естонија во својата амбасада во Москва.

Захарова: Нема да се повлечеме од нуклеарната централа Запорожје, таа се наоѓа на руска територија

Катерина Бојаџиева — Tue, 06 Dec 2022 06:56:37 +0000

Портпаролката на руското Министерство за надворешни работи, Марија Захарова изјави дека нуклеарната централа Запорожје останува под руска контрола. Нејзината изјава уследи откако Меѓународната агенција за атомска енергија (МААЕ) побара создавање на демилитаризирана и заштитена зона околу нуклеарната централа Запорожје и истата да биде под контрола на „трета страна“. – Не може да стане збор за какво било повлекување од нуклеарната централа Запорожје. Таа останува под руска контрола и нема да биде предадена на ниту една „трета страна“. Електраната се наоѓа на руска територија и е целосно под руска контрола. Ние верувајте дека само ние можеме да обезбедиме физичка и нуклеарна безбедност на електраната Запорожје, истакна Захарова.

ФОТО: По веста дека Лавров е хоспитализиран се огласи и руското министерство за надворешни работи

Магдалена Андонова — Mon, 14 Nov 2022 09:35:42 +0000

Портпаролката на Министерството за надворешни работи на Русија, Марија Захарова, денеска на социјалните мрежи демантираше дека шефот на руската дипломатија е хоспитализиран на Бали. АП, повикувајќи се на неименувани дипломатски извори, објави дека на Лавров му била укажана лекарска помош поради проблем со срцето. Набрзо и Министерството за надворешни работи на Русија соопшти и демантираше дека првиот човек на ова министерство е хоспитализиран. Захарова напиша дека седела со Лавров и дека не верува во тоа што го чита во медиумите. - Сергеј и јас ги читаме вестите во Индонезија и не можеме да им веруваме на нашите очи: излегува дека е хоспитализиран. Ова е, се разбира, лага, напиша Захарова на нејзиниот канал Телеграм.

Издадени потерници за Захаровa и Медведев

Катерина Бојаџиева — Mon, 10 Oct 2022 17:35:37 +0000

Украинската безбедносна служба СБУ издаде потерница за портпаролката на руското Министерство за надворешни работи Марија Захарова и заменик-претседателот на Советот за безбедност на Русија Дмитриј Медведев, се наведува во денешната ажурирана база на податоци на украинското Министерство за внатрешни работи. Фотографија од Захарова се појави на веб-страницата за лица по кои трага украинското Министерство за внатрешни работи, пренесе ТАСС. Во придружната белешка се наведува дека таа се товари според член 110, дел 3 од Кривичниот законик на Украина (повреда на територијалниот интегритет и неповредливост на Украина од страна на лице кое ги застапува властите и предизвикува сериозни последици). Украинското Министерство за внатрешни работи денеска соопшти дека СБУ издала потерница по заменик-претседателот на Советот за безбедност на Русија, Дмитриј Медведев, кого Киев го обвини за задирање во територијалниот интегритет на Украина.

Захарова: Ако и достават на Украина ракети со долг дострел САД ќе бидат директен учесник во конфликтот

Тале Кристо — Thu, 15 Sep 2022 12:48:05 +0000

Руското Министерство за надворешни работи денеска соопшти дека ако САД се одлучи да и испорача на Украина ракети со долг дострел ќе ја премине „црвената линија“ и ќе стане соучесник во судирот. – Доколку Вашингтон одлучи да го опреми Киев со ракети со долг дострел, тогаш ќе ја премине црвената линија и ќе стане директен учесник во конфликтот, истакна портпаролката на руското МНР, Марија Захарова. Таа додаде дека Русија го задржува правото на одбрана на својата територија“. Вашингтон ја снабди Украина со напредни ракети кои можат да погодат цели оддалечени до 80 километри и досега се воздржуваше од јавно објавување дека ќе испрати ракети со двојно поголем дострел. Според американските власти Киев ветил дека нема да користи американски ракети за напад врз руска територија. По руската инвазија Украина побара и доби големи количини оружје од САД и другите западни сојузници.

Захарова: Се ќе направиме мисија на МААЕ да ја посети нуклеарката Запоржје

Катерина Бојаџиева — Mon, 15 Aug 2022 15:49:05 +0000

Портпаролката на руското Министерство за надворешни работи Марија Захарова денеска изјави дека Русија ќе направи сè што е потребно експертите од Меѓународната агенција за нуклеарна енергија (МААЕ) да ја посетат нуклеарната електрана Запорожје. – Таа ги осуди „обидите да се попречи пристигнувањето на мисијата“. – Остро ги осудуваме обидите да се попречи пристигнувањето на мисијата. Во тесна соработка со МААЕ и нејзиното раководство, ќе направиме сè што е потребно експертите на Агенцијата да ја посетат нуклеарната централа и да дадат вистинска оценка за деструктивните дејствија на украинската страна, посочи Захарова. Таа додаде дека официјален Киев „несоодветните изјави кои доаѓаат една по една од Европската Унија во обид да се освојат имагинарни политички поени“ ги разбира како „зелено светло“ за создавање пречки за пристигнувањето на мисијата на МААЕ во Запорожје.

Портпаролката на руското МНР: Донацијата на тенкови од Скопје за Киев е голема грешка

Ивона Петрова — Wed, 03 Aug 2022 07:19:20 +0000

Русија смета дека е голема грешка одлуката на властите на Северна Македонија да и донираат на Украина тенкови Т-72, изјави портпаролката на руското Министерство за надворешни работи Марија Захарова. Иако станува збор за застарена опрема, со донацијата, наведува Захарова, се дава поддршка за „продолжување на криминалните активностите на режимот во Киев“. – И покрај тоа што, според северномакедонските власти, тоа е „безопасна“ донација на застарена опрема, останува фактот дека лојалното кон НАТО Скопје е вклучено во испораката на оружје а Украина, со што придонесува за продолжување на криминална активност на режимот во Киев против цивилното население во Донбас. Луѓето кои исповедаат демократија, слобода и човекови права треба да го знаат тоа. Сето ова води кон дополнително влошување на ситуацијата. Сметаме дека ова е голема грешка на раководството на Северна Македонија, вели Захарова во изјавата објавена на веб страницата на МНР на Русија.