МАРИЈАН СТОЈАНОСКИ – Kurir.mk

ФОТО: Маријан Стојаноски стана татко по вторпат, објави како ќе се вика синот

Ивона Петрова — Wed, 15 Dec 2021 06:36:01 +0000

Македонскиот пејач Маријан Стојаноски по вторпат стана татко, а убавата вест ја сподели на својот Фејсбук профил со пријателите и фановите. Мама Наташа на свет донесе машко дете, а тато Маријан објави дека синот ќе се вика Петар. -Добредојде синко Петар, напиша тој на Фејсбук. Маријан и Наташа во јули минатата година станаа родители на ќерката Вероника. Инаку Маријан и Наташа се во брак две години. Во јули годинава тие направија венчавка во црква и крштевка за ќерката. Тогаш објавија и дека го очекуваат второто дете.

ФОТО: Маријан Стојаноски пред Бога и се заколна на вечна љубов на Наташа, парот објави и втора среќна вест

Ивона Петрова — Fri, 23 Jul 2021 08:52:10 +0000

Поранешниот македонски пејач Маријан Стојаноски во јуни 2020 година се венчаше пред матичар со Наташа Каранџулоска. Сега истото го направи во црква пред олтарот и попот и тоа во родното Крушево. Покрај венчавката парот организирал и крштевка за нивната ќерка Вероника. Маријан и Наташа преку фотографии на социјалните мрежи објавија и дека го очекуваат второто дете.

ФОТО: Се ожени Маријан Стојаноски, наскоро ќе стане и татко

Ивона Петрова — Thu, 25 Jun 2020 07:03:45 +0000

Македонскиот пејач Маријан Стојаноски вчера се ожени со својата долгогодишна девојка, охриѓанката Наташа Каранџулоска. Откако во декември минатата година се свршија, Маријан и Наташа љубовта ја крунисаа со граѓански брак. Убавата веста, сопругата на Маријан ја објави на социјалните мрежи, а парот откри и дека го очекува првото дете. -Фамилија Стојаноски, напиша Наташа под фотографиите на кои се гледа трудничкото стомаче.

ВИДЕО: Панчо – ДНК посака да биде Маријан Стојаноски – ДЈ Шорти се сплоти со ликот на „крушевскиот Павароти“

Ивона Петрова — Mon, 22 Jun 2020 11:22:32 +0000

Кога си малечок имаш милион желби… Особено посакуваш да бидеш некој и нешто или поточно како некого кога ќе пораснеш. И тоа останува тајна во тебе, длабоко скриена, потајно посакувана се додека еден ден кога ќе пораснеш не си ја отвориш душата и пред сите јавно не ја откриеш и признаеш, дека кога си бил малечок, си сакал да бидеш како… него! Токму тоа му се случи на Панчо од „ДНК“ . Денес познат и популарен, си приушти можност да си го оствари сонот, а неговата желба од сништата да стане реалност – да биде на местото на неговиот македонски музички идол од младоста – Маријан Стојаноски! Владимир Блажев попознат како Панчо ја искористи музичката пауза која естрадата ја стави во лер заради корона епидемијата, па се договори да се најде со дамата која му овозможи да го доживее тоа блажено чувство, да се најде на местото на нејзиниот некогашен дует партнер и сегашен колега од сериозните музички води. Колешката на Панчо му излезе од прва во пресрет, па средбата помеѓу него и Андријана Јаневска беше договорена во едно музичко студио. Се разбира, здравствените протоколи запазени, рацете измиени, маските на лице ставени, а и пропишаната социјална дистанца испочитувана. Но затоа близината на емоциите и среќата што ете, конечно Панчо можеше да биде на местото на „неговиот човек“ од младоста – пуштени на најјако! За професионалци како Андријана и Панчо од проба нема потреба, па спонтано се случи репризата на големиот макфестовски дует хит од почетокот на новиот милинеум, „Љубов ти е адреса“… Се разбира овој пат во изведба на Андријана и Панчо… на местото на Маријан Стојаноски! Изведбата маестрална, а пејачот облиен со море од емоции, блескаше од восхит што конечно, ете, дојде и тој ден, заедно со Андријана Јаневска да може во вечниот евергрин да се сплоти, на местото на „крушевскиот Павароти“! А дека копијата испаднала поверна и од оргиналот, пофалбите сами кажуваат. Особено ако ти ги дал оној, на чие место си посакувал уште од мал да застанеш! А сега кога на неговото место гордо стоиш, и самиот ти се заблагодарува – што постоиш! И после некој нека каже дека, после вака упатените комплименти од една на друга адреса, нема нешто во насловот: „Љубов ти е адреса“!

ФОТО: Се вери Маријан Стојаноски

Тале Кристо — Sun, 15 Dec 2019 18:41:31 +0000

Пејачот Маријан Стојаноски се вери со својата избраничка Наташа, а убавата вест ја споделија и на социјалната мрежа Фејсбук. Инаку, Маријан Стојаноски до сега приватниот живот го чуваше подалеку од очите на јавноста, но веста за неговата веридба веднаш се прошири на социјалните мрежи. Искрени честитки од редакцијата на Курир.