маријана петир – Kurir.mk

Петир: Ќе продолжам да се противам врз неправдите кои задираат во суверенитетот, националниот културен идентитет на Македонија

Ивана Ефремовски — Sun, 07 May 2023 20:06:51 +0000

„Напорите кои ги давате на жените да се вклучат во политика и во процесите на донесување на одлуките што не е само нивно право туку е и многу важно поради посебниот поглед кои жените го донесуваат во таквите процеси. Женските гениј, женската интуиција е восхит“, истакна пратеничката во хрватското Собрание Маријана Петир на денешната 19-та годишна конференција на Унијата на Жени на ВМРО-ДПМНЕ насловена „Одлучни за промени“.

Таа додаде дека позитивните законски прописи кои се поврзани со делувањето на жените во политиката постојат, но постојат предрасуди и стереотипи кои жените се секојдневно изложени.

Петир посочи дека жените и понатаму се застапени сегде каде се донесуваат важни одлуки.

„Сите вие знаете дека ја сакам Македонија и знаете да за Македонија секогаш сум се борела како лавица, бидејќи не поднесувам неправди. Мислам да нема друг народ од Хрвати да ја разберат тешкотијата со која Македонија се соочува“, рече Петир.

Петир потенцираше дека се противела и понатаму се противи на неправедните притисоци кои задираат во суверенитетот, националниот културен идентитет на Македонија. Затоа што тие притисоци имаат негативен ефект не само на политички живот туку и на господарската ситуација на државата.

Петир се огласи по средбата со Мицкоски и Николоски

Ивана Ефремовски — Thu, 21 Jan 2021 15:21:16 +0000

Во рамките на својата дипломатска активност претседателот на ВМРО ДПМНЕ проф. д-р Христијан Мицкоски и потпретседателот на ВМРО-ДПМНЕ, Александар Николоски во Загреб остварија средба со пратеничката во Хрватското Собрание Маријана Петир, поранешна пратеничка во ЕП, основач на групата Пријатели на Македонија во Европскиот Парламент. -Денес во хрватскиот парламент разговарав со Христијан Мицкоски и Александар Николоски за односите и соработката на Хрватска и Македонија, европскиот пат на Македонија и поддршката од Хрватска на тој пат, како и мерките преземени во врска со пандемијата на коронавирус за заштита на населението и помагање на бизнисот, истакна таа.

Danas sam u Hrvatskom saboru razgovarala s @MickoskiHM i @AlexandarMKD o odnosima i suradnji Hrvatske i Makedonije, europskom putu Makedonije i podršci Hrvatske na tom putu te mjerama koje se poduzimaju u pogledu pandemije #COVID19 u zaštiti pučanstva i pomoći gospodarstvenicima. pic.twitter.com/oamH44PK66
— Marijana Petir (@marijana_petir) January 21, 2021

Мицкоски на средбата со Петир: Владата на Заев покажа дека не умее да затвара прашања во полза на земјата, туку отвора проблеми и спорови кои ја одведоа земјава во ќорсокак

Ивана Ефремовски — Thu, 21 Jan 2021 14:27:16 +0000

Денес (21 јануари 2021 година) во рамките на својата дипломатска активност претседателот на ВМРО ДПМНЕ проф. д-р Христијан Мицкоски и потпретседателот на ВМРО-ДПМНЕ, Александар Николоски во Загреб остварија средба со пратеничката во Хрватското собрание Маријана Петир, поранешна пратеничка во ЕП, основач на групата Пријатели на Македонија во Европскиот Парламент. Лидерот на ВМРО-ДПМНЕ, Христијан Мицкоски се заблагодари на Петир за сиот нејзин труд, залагање и посветеност во промоција на интересите на Македонија и граѓаните на нашата земја. -Народот е посебно благодарен за отворената поддршка која ја добиваме од Хрватска, но и од Петир како долгогодишен промотор на нашите стратешки интереси, истакна Мицкоски. На средбата стана збор и за актуелните предизвици на земјава на патот кон Европската Унија, спорот со Бугарија, како и економската и здравствена криза. Мицкоски истакна дека Владата во Македонија не смее да преговара за идентитетските прашања кои се наследен и траен белег на нашата земја и народ. -Спорот со Бугарија е последица на нестабилната, сервилна политика на Заев кој не водејќи сметка за државните интереси во преден план ги става личните интереси. Владата покажа дека не умее да затвара прашања во полза на земјата, туку отвора проблеми и спорови кои ја одведоа земјава во ќорсокак, истакна лидерот на ВМРО-ДПМНЕ. Мицкоски посочи дека сиромаштијата и корупцијата се едни од најзначајните проблеми на земјава, како и тоа дека ВМРО ДПМНЕ нуди перспектива, извесност и промена на политичкото мочуриште составено од политичарите од транзицијата. -Македонија мора да се придвижи на патот кон ЕУ при што е важна и добредојдена поддршката од пријателите како што е Хрватска, истакна Мицкоски. Во текот на денот Мицкоски и Николоски ќе остварат средба со премиерот на Хрватска Андреј Пленковиќ.

Мицкоски оствари средби со Антонио Тајани, Маријана Петир и Катја Леикерт

Тале Кристо — Thu, 21 Nov 2019 19:23:23 +0000

Во рамки на посетата на Загреб каде што се одржа изборот за претседател на Европската народна партија, претседателот на ВМРО-ДПМНЕ Христија Мицкоски денеска оствари неколку средби со високи претставници од сестринските партии како и големи пријатели и поддржувачи на Република Македонија. -Во Загреб имав средба со потпретседателот на Европската народна партија и доскорешниот претседател на Европскиот парламент Антонио Тајани, со пријателот на Македонија и голем поддржувач, поранешната европарламентарка Маријана Петир, како и со Катја Леикерт од групата ЦДУ ЦСУ. Разговаравме за актуелните проблеми во Македонија, проблемот со криминалот, корумпираното судство, и стагнацијата на реформите. Побарав поддршка и продлабочена соработка која ќе донесе напредок на европските интеграции. Македонија мора да се издигне над ниските страсти на власта, нејзините лоши политики и популизмот кој е покритие на нивната нервоза поради престојниот пораз, пишува на Фејсбук претседателот на ВМРО-ДПМНЕ Христијан Мицкоски.

Европратеничката Петир: Јас и понатаму планирам Македонија да ја нарекувам Македонија

Предраг Кукиќ — Sat, 26 Jan 2019 09:17:16 +0000

Европратеничката и пријател на Македонија, Маријана Петир, не го признава новото име на земјава кое за неа е резултат на насилство на западот кон македонскиот народ. “Јас и понатаму планирам Македонија да ја нарекувам Македонија. Преспанскиот договор претставува насилство на западната демократија над една држава и еден народ“, порача на социјалните мрежи европратеничката од Хрватска во Европскиот парламент.

Eвропратеничката Петир застана во одбрана на Стоилов

Предраг Кукиќ — Tue, 15 Jan 2019 16:49:52 +0000

Хрватската европратеничка Маријана Петир јавно застана во одбрана на ракометниот репрезентативец Столе Стоилов. Реакцијата на Стоилов за името за Петир е оправдана затоа што никој нема право од никого да бара да го смени името. Ова што го зборува Столе Стоилов #StoleStoilov не е политички испад туку вистина пишува хрватската претставничка во европскиот парламент во одговор до порталот дневно.хр кој реакцијата на Стоилов во која вели дека за него останува Македонија и не ја прифаќа Северна е скандалозна. Според неа срамни се притисоците врз Македонија да го промени името на државата. Како што никој од нас не би се согласил да го промениме името на својата држава апсурдно е и неморално такво нешто да се бара од Македонија, вели Петир која е докажан пријател на Македонија.

Петир: Овој референдум покажа недоверба во политиката која се води во Македонија

Катерина Бојаџиева — Sun, 30 Sep 2018 20:41:25 +0000

Хрватската конзервативна политичарка, Маријана Петир порача дека, малиод одзив на гласачи на референдумот, е показател за недовербата во политиката што ја води Македонија. „Малиот одзив на гласачи на референдумот во Македонија е показател на недоверба на политиката која се води во Македонија. ЕУ може да искаже поддршка до Македонија така што да и ги отвори преговорите во пристапот а сите отворени прашање треба да се решаваат во текот на преговорите“, порача Петир.

Петир: Од Македонија се бара историски преседан, да се одрече од својот идентитет

Ивона Петрова — Wed, 27 Jun 2018 13:58:26 +0000

Маријана Петир, европратеничката од Хрватска која ја бранеше Македонија, акоја е исклучена од групата Eвропски пријатели на Македонија,по барање на македонската Влада денес на својот Фејсбук профил објави видео порака упатена до Македонците. Петир меѓу другото посочува дека секогаш ја воодушевувала одлучноста и храброста на македонскиот народ во борбата за зачувување на националниот идентитет. Европратеничката додава дека единствено народот и неговиот глас може да одлучува за иднината на Македонија. -Драги млади Македонци и Македонки, граѓани на Македонија. Верувам дека знаете дека Република Македонија посебно ми е во срцето. Македонија ја сакам не затоа што е земја на исклучителна историја, култура и традиција, или пак земја која е богата со природни убавини, Македонија ја сакам бидејќи е земја на срдечни луѓе. Секогаш ме воодушевуваше вашата храброст и одлучност во борбата за зачувување на националниот идентитет, како и културата на вашата земја и народ. Знам дека токму таа љубов кон сопствената земја со години ве водеше во тешки борби со кои бевте соочени. Следејќи ја вашата борба и неправдата која со години ви е нанесувана, не можев да останам настрана, бидејќи длабоко верувам дека граѓаните на Македонија заслужуваат почитување и правда, заслужуваат да бидат полноправни граѓани и граѓанки на Европската Унија и во европското семејство да го донесат целиот свој идентитет, посочува Петир во својата видео порака. Таа нагласува дека денес сме соочени со посебен предизивик, кој можеби е посилен од сите претходни, и овој момент, вели Петир, е пресуден за македонската историја и кој ќе одлучи за македонската иднина. Европратеничката нагласува дека македонската сегашност и иднина зависат од нејзиниот народ. -Во суверенитетот на Република Македонија никој нема право да задира насилно. Народот има право да го избере својот пат, а власта која произлегува од народот, мора да биде одговорна пред истиот. Народот е тој кој треба да донесе конечна одлука за својата иднина. Вие сте единствените кои на тоа имате право, не дозволувајте вашиот глас да не се слушне или некој да го задуши. Од Македонија се бара историски преседан, да се одрече од својот идентитет, а за идентитетот не може да се преговара, бидејќи тој нè прави тоа што сме. На вашиот идентитет е основано вашето минато, изградена е вашата држава и тој е темел на вашата сегашност и иднина. Вашиот идентитет е она што вас Македонците ве прави горди граѓани на Македонија. Идентитетот ве разликува од сите останати народи во Европа и ви дава посебност. Длабоко верувам дека иднината на Македонија е во нејзиниот народ. Мило ми е што гледам дека сте проактивни, дека се борите и дека сакате промени. Верувам во вас и во иднината на Македонија, ја завршува својата видео порака Петир.

Маријана Петир: Кога му го земаш името на еден народ, тоа е духовен геноцид

Дарко Андоновски — Mon, 09 Apr 2018 15:18:35 +0000

Во ситуација кога на еден народ сакаш да му го одземеш неговиот идентитет, култура, вредности, дух, да го избришеш како да не постоел. Кога му го земаш името, тоа со сигурност може да се нарече духовен геноцид. И тоа е нешто е недопустливо, вели Маријана Петир, хрватски европратеник од редовите на ЕПП, во вчерашното интервју во емисијата во Центар, на Васко Ефтов, коментирајќи го проблемот кој Грција, го има со нашето име.

- Јас сметам дека името го претставува идентитетот. Тоа е заштитен знак. Името нешто кое останува зад нас и кога ние повеќе нема да бидеме тука. Поради тоа сметам дека со името ниту народот, ниту државата не смее да се коцка. Оние кои поставуваат такви отстапки од Македонија не се добронамерни, дадава таа.

Петир вели дека никаде во светот нема друг пример каде што соседна држава бара промена на името на државата на својот сосед. Според неа други држави ги менувале своите имиња, но затоа што тоа самите го сакале, а не зошто некој тоа им го поставувал како услов.

Според Петир се работи за класична уцена. Имено таа вели дека кога владата ги отвори преговорите околу името се покажало дека за Грција не била доволна географската одредница, туку целосно бришење на терминот Македонија од името на државата. Тоа според неа не е воопшто прифатливо, таа вели дека истото наликува на народната “ Се дава прст, земаат цела рака.“

Во текот на целото интервју Ефтов неколку пати повтори дека Петир има поцврсти ставови за Република Македонија од одредени македонски политичари.

Пристапот кој Грција го има со Македонија, не е прифатлив, не е добар и неможе на никој начин да се оправда, вели Петир. Според неа дополнително е апсурдно што овој проблем се појавува на крајот на 80-тите, а пред тоа не преставува проблем. Таа вели и дека Грција со проблемот со името практично ја дефокусира сопствената јавност од лошите економски политики.

Таа вели дека ЕУ треба да удри во маса и да ја запре оваа пародија.

- Јас ова неможам поинаку да го наречам, освен пародија, изживување, една бескрупулозна уценувачка политика. Покажувањето на сила и мускули бидејќи мислиш дека тоа го можеш без никакви причини и аргументи. Тоа по мене е апсолутно недопустливо, јас се надевам и сум оптимист дека правдата на крајот мора да победи. Само не треба да се прифатат никакви уцени и да не се поминат границите кои македонскиот народ ги има, заклучува Петир.

Петир: Неприфатливо е да се менува Уставот и името на Македонија, народот треба да каже дали ја прифаќа оваа уцена

Курир — Sun, 25 Mar 2018 08:47:18 +0000

Европарламентарката од Хрватска, Маријана Петир, во интервју за хрватскиот портал „Народ.хр“ ја искритикува Европска унија за оставањето на Македонија на милост и немилост на Грција. Петир веќе неколку пати до сега со видео пораки порача дека Македонија има едно име и не треба да го менува, а сега повторно стои на тој став: - „Пред сè, сметам дека Република Македонија никогаш не требаше да биде доведена во ваква ситуација и ЕУ тука има свој дел од одговорноста, бидејќи по прашањето на Македонија ги покажа сопствената неверодостојност и двојните стандарди и буквално и препушти на Грција да се изживува врз Македонија. Македонија одамна беше подготвена за отворање на преговори, а преговори сè уште не се отворени. Уште повеќе, Македонија беше поподготвена за влез во ЕУ отколку што беа некои земји кога влегуваа во Унијата, вели европарламентарката. Таа вели дека грчкиот народ протестира, бидејќи не само што не прифаќаат Македонија да се вика Македонија, туку не сакаат во името на државата да се спомнува каков било збор кој во својот корен го има зборот ‘Македонија’ во кој било облик и сакаат промена на устав што е неприфатливо. - „Јасно може да се види дека Грците не сакаат договор, туку сакаат на една современа и демократска држава да ѝ го одземат нејзиниот идентитет“, плашејќи се дека „ако продолжат притисоците врз Македонија, ќе дојде до дестабилизација на целиот регион“, смета Петир. Петир смета дека ниту една влада или партија не може самостојно да донесе една толку голема одлука каква што е промената на името. „Македонија и македонскиот народ се на прво место. Народот треба да каже дали ја прифаќа оваа уцена или не и одлуката на народот треба да се почитува, не само од македонската Влада, туку и од ЕУ и НАТО“, вели таа додавајќи дека народот е разочаран во сопствените политичари и Европа.