Маријана Зајферт – Kurir.mk

„Мојата сестра е убиена“: Маја откри вознемирувачки детали за исчезнатата Маријана

Ивана Ефремовски — Thu, 10 Aug 2023 05:50:39 +0000

Учесничката на „Задруга 6“, Маја Ковачевиќ, ја шокираше јавноста со својата приказна, откако проговори за исчезнувањето на нејзината сестра Маријана Зајферт. Откако и се изгубиле сите траги, неуспешно барала индиции кои ќе откријат што се случило со нејзината сестра. Маријана исчезнала под неразјаснети околности од нејзината загребска адреса во април 2022 година и оттогаш, до денес, од неа нема ни трага ни глас. Локалната полиција првично ја бараше Маријана и на нејзиното семејство му даде малку надеж дека ќе биде пронајдена, а објавата на Маја ги насолзи очите на многумина. Истрагата е добро во тек, а Ковачевиќ со објава на својот „Инстаграм“ профил стави до знаење дека дознала нови детали кои ги вознемириле сите што читале за што се работи. - Сестра ми е убиена! – напиша Ковачевиќ. Таа опиша и што дознала за тоа. -Сестра ми не се самоуби, не се уби. Се наоѓа на патека 9, две лица ја влечеле по падината 30 минути, морам прво да се смирам, после роденденската забава на која била се скарала со момче кое го удрила и си заминала, тој ја следел, ја удрил со алат во главата, повикал маж од ромска националност, тројцата се упатиле кон Шљемен. Во Шљемен ја убиле кога ја одвлекле по падината. Документите биле наместени, човекот кој бил платен да ја убие и ги оставил документите на мостот, така што би изгледало како да се самоубила, рече Маја.

Не дочека да дознае што се случило со неговата ќерка, почина таткото на исчезнатата Маријана од „Велики брат“

Ивона Петрова — Fri, 30 Dec 2022 10:22:49 +0000

Синоќа на 64-годишна возраст во болницата во Шибеник почина Иво Ковачевиќ, таткото на исчезнатата Маријана Зајферт, победничка во реалното шоу „Велики брат“. Како што јавуваат хрватските медиуми, пред неколку недели дознал дека има рак на белите дробови и за жал болеста забрзано напредувала. Неговата сопруга Гордана Ковачевиќ ја потврдила тажната вест за Слободна Далмација. -Му се слоши и умре од тага за нашата Маријана, не дочека да дознае што и се случило, рекла неговата сопруга. Последното збогување со него ќе биде следната недела во крематориумот во Загреб. -Најважно ми е да ја дознаам вистинската вистина, дури и ќерка ми да е мртва, да знам што се случило и да можам да однесам цвеќе на нејзиниот гроб. Само сакам да знам каде е моето дете? Што се случи со неа, рече тој неодамна во едно интервју. Маријана исчезна во Загреб на 27 април годинава, кога се оддалечила од станот на улицата Ластовска во Савица, каде живеела со сопругот и синот. Пронајдени се само нејзините документи. Нејзината сестра Маја во моментов е учесничка во реалното шоу „Задруга“ каде во својата исповед ги изрази силните сомнежи дека Маријана извршила самоубиство.

Таткото на Маријана со нови детали откако женско тело беше пронајдено во Сава

Ивона Петрова — Tue, 25 Oct 2022 10:27:07 +0000

Во водите на Сава во Загреб вчера попладне беше пронајдено тело на жена, по што веднаш се појавија сомнежите дека можеби се работи за Маријана Зајферт која исчезна во април годинава. Таткото на исчезнатата Маријана се огласи и рече дека семејството само сака да заврши агонијата. Телото е во Институтот за судска медицина каде се утврдува идентитетот. Таткото на Маријана, Иво Ковачевиќ, изјави дека од полицијата му кажале дека се чекаат резултатите. случајот и дека му рекле дека се чекаат резултатите. -Ми рекоа дека најверојатно не е таа. Се работи за 45-годишна жена, а телото е во вода околу еден месец. Не знам дали е олеснување или не, изјавил таткото на исчезнатата Маријана. Маријана Зајферт, победничка на регионалниот Голем брат, исчезна на 27 април годинава.

ТЕШКО Е ДА СЕ ЖИВЕЕ ВАКА: Семејството на победничката на познатото реално шоу каде имаше и Македонци во неверување – телото пронајдено во Сава?

Дарко Андоновски — Tue, 25 Oct 2022 07:55:30 +0000

Хрватската полиција вчера попладнето соопшти дека околу 14 часот во градот Дубровчак Лијеви во Сава било пронајдено тело на непозната жена. Корисниците на социјалните мрежи набрзо почнаа да коментираат и да се сомневаат дека можеби станува збор за телото на исчезнатата Маријана Зајферт, поранешната победничка на „Големиот брат“ која исчезна ноќта на 27 април од домот во Савица, каде живееше со сопругот и децата. - Во контакт сме со полицијата, а утре ќе знаеме повеќе детали. Не можеа да ни кажат повеќе детали, па не знам во каква облека е пронајдена таа жена и дали тоа би можело да е Маријана, изјавил за „Слободна Далмација“ таткото на Маријана, Иво Ковачевиќ. - Ќе дадеме се што треба! Уште една непроспиена и неизвесна ноќ е пред нашето семејство. Сакаме само што побрзо да заврши оваа агонија, тешко е да се живее вака – додал Ковачевиќ.

Четири месеци живеат во болка: Родителите на исчезнатата Маријана имаат само ЕДНА ЖЕЛБА

Ивана Ефремовски — Mon, 12 Sep 2022 20:19:52 +0000

Од Маријана Зајферт, поранешната учесничка на реалното шоу која исчезна пред четири месеци, се уште нема ни трага ни глас. Истрагата веднаш била насочена кон Сава бидејќи на загрепскиот мост на младоста биле пронајдени нејзините работи - чанта и мобилен телефон. Потрагата деновиве се интензивираше поради нискиот водостој на Сава. Откако нејзините родители дознаа дека нивната ќерка исчезнала, во нивните животи се вовлекоа страшни превирања. -Не можам да ви опишам како се чувствувам. Четири месеци не знам каде е моето дете, каква е нејзината судбина. Не сакам никој да ја доживее оваа агонија низ која поминуваме. Тоа е најлошото, најстрашното нешто што човек може да го доживее, изјави за „Проверено“ мајката на исчезнатата Маријана, Гордана Ковачевиќ. -Ниту мир во куќата, ниту мир во срцето. Ништо не ми причинува задоволство. Спијам два часа навечер, избегнувам друштво. Мојата сопруга два и пол месеци не излегуваше од дома, едноставно не излезе од вратата, изјави таткото на Маријана, Иво Ковачевиќ. Родителите на Маријана имаат само една желба. -Само да ја најдам. Таа е мое дете, каква и да е, таа е мое дете, рече низ солзи Гордана.

Сестрата на исчезнатата Маријана со шок детали: Не мислам дека е жива, чувствувам дека ја нема

Ивона Петрова — Thu, 04 Aug 2022 08:52:04 +0000

Маја Ковачевиќ, сестра на исчезнатата победничка во едно реално шоу Маријана Зајферт, се огласи и изнесе нови детали од истрагата. Таа раскажува неколку чудни моменти случени таа ноќ, но и дека се помалку се надева дека ќе ја пронајде жива. Од април на Маријана и се губи секој трага. Семејството и пријателите се надеваа дека таа ќе се пронајде жива и здрава. -Во ноќта додека Маријан веројатно умирала, сонував како двете се поздравуваме. Следниот ен кога се разбудив веднаш ја побарав на мобилен, а се немавме слушнато еден месец. Не ми се јави, а веќе тогаш имав чудно чувство, вели Маја за „Слободна Далмација“. Маја отворено вели и дека не мисли оти нејзината сестра се уште е жива. -За жал, мислам дека веќе не е жива. Чувствувам дека ја нема. Само сакаме конечно да ја знаеме вистината и да се можеме достојно да се простиме од неа. Нашата потрага за вистината трае секојденвно, а што повеќе откриваме, се повеќе сме во шок. Едноставно, многу работи се чудни таа вечер кога исчезнала. Нејзиниот сопруг Карло неколку пати го менуваше исказот во полиција. Со ова не сакам да кажам дека тој нешто направил, но само нека каже што се случило во станот, бидејќи сум уверена дека дошло до расправија меѓу нив. Мене се’ ми е многу чудно и додека не ја дознаам вистината, со него не можам да имам контакт. Тешко ми е бидејќи знам дека не можам да го видам внукот, но останувам при своето, додава Маја. Маријана исчезнала ноќта меѓу 26 и 27 април. Нејзините лични документи и мобилен телефон биле пронајдени на Мостот на младоста.

РЕЧИСИ ДВА МЕСЕЦИ НИ ТРАГА, НИ ГЛАС: Откриени нови детали, Маријана читала некои книги

Ивона Петрова — Thu, 16 Jun 2022 11:20:03 +0000

Победничката на регионалниот Велики Брат во 2011 година, Маријана Зајфрет исчезна на 27 април. Полицијата се уште нема трага за тоа каде се наоѓа. Нејзиниот сопруг Карло кусо прокоментирал дека нема нови информации за напредок во истрагата, а единствено што полицијата пронашла е она и што веќе е познато во јавноста, односно нејзините лични работи. Стори.хр пишува дека според пријателки на Маријана, таа се свртела кон верата. -Многу читаше книги со верска тематика, но за тоа би можела повеќе да ви каже пријателската со која последните години поминуваше повеќе време. Делеа исти интереси и двете се пронајдоа во верата и молитвата, вели пријателка на Маријана.

Семејството на Маријана стравува дека таа имала иста судбина како Матеј Периш

Ивона Петрова — Sat, 21 May 2022 17:45:14 +0000

Победничката на регионалното шоу „Голмиот брат“, Маријана Зајферт исчезна на 27 април во Загреб и од тогаш активно се трага по неа. Семејството сега се сомнева дека таа можеби имала слична судбина како Матеј Периш, младото момче од Сплит чие тело пред два дена беше пронајдено во Дунав. Сестрата на Маријана, Маја открива дека семејството тешко ја поднесува неизвесноста и се во исчекување барем на некоја вест за настанот. Вели дека е збунета и дека немаат нови информации. -Никој ништо не знае. И натаму се трага за Маријана, се пребарува реката со оглед на тоа дека таму се пронајдени нејзините лични работи. Големо страдање и агонија, тешко ми е да кажам било што разумно. Немаме никаква информација. Родителите се во катастрофална состојба, целото семејство е скршено, вели Маја. Додава дека семејството се сомнева дека Маријана ја има истата судбина како и Матеј. -Целото семејство очекува некои вести, па макар и да се најде на начин на кој е најден и Матеј. Само да откриеме конечно нешто. Тешко ми е да зборувам. Нашиот заклучок во моментов е дека се случило нешто слично како што му се случило на Матеј, вели сестрата на Маријана.

Родителите на исчезнатата Маријана се во агонија, по долгата потрага – се плашат од најлошото сценарио

Ивана Ефремовски — Mon, 09 May 2022 16:06:53 +0000

Родителите на исчезнатата Маријана Зајферт, поранешна победничка на реално шоу, многу тешко го поднесуваат фактот што и по речиси две недели од исчезнувањето немаат нови информации за нивната ќерка, по која хрватската полиција интензивно трагаше со денови. Моментално се во Книн, каде ги одгледале сите три ќерки. Маријана последен пат ја виделе за католички Велигден, кога ја посетиле во Загреб, каде што живеела со сопругот Карло. Родителите на Маријана не беа расположени за разговор со новинарите, но за Слободна Далмација кратка изјава даде пријателот и колега на нејзиниот татко Иво - Томо Зелиќ, со кој работи како автомеханичар. -Му реков дека се ќе биде во ред. Но, знаете како е за еден родител да помине низ ова, тоа е еден голем шок! Воопшто не им е лесно, се може да падне на памет, има разни теории... Од тоа што Маријана намерно ги оставила документите и продолжила до тоа дека се случило најлошото. А можеби наишла на некој што и нанел некоја штета. Иво е изгубен во сето ова. Сопругата е во уште поголем шок, постојано вели дека не знае дали ќе може да го издржи и да го преживее сето ова - истакна за медиумите пријател на таткото на Маријана.

Пет дена од исчезнувањето на победничката во „Големиот брат“, се огласи сестрата на Маријана

Ивана Ефремовски — Tue, 03 May 2022 09:20:02 +0000

Поранешната победничка на „Големиот брат“, Маријана Зајферт исчезна на 27-ми април и оттогаш се води како исчезната. Нејзиниот сопруг пријавил дека исчезнала, а работите на Маријана биле пронајдени во близина на мостот Млади во Загреб, па хрватската планинска спасувачка служба организирала потрага по неа. Се огласи и сестрата на исчезнатата жена, Маја Ковачевиќ. „Засега нема ништо ново, се трудам да бидам добра“, изјави таа за хрватските медиуми. Маја беше скептична на заклучокот дека не треба да се губи надеж и дека се ќе биде во ред. „Можно е, но јас се сомневам“, заклучила Ковачевиќ.