Марин Чилиќ – Kurir.mk

Ролан Гарос без Беретини и Чилиќ

Дарко Андоновски — Sun, 21 May 2023 15:42:46 +0000

Италијанецот Матео Беретини и Хрватот Марин Чилиќ ги откажаа настапите на претстојниот Ролан Гарос, откако и двајцата тенисери сè уште се во процес на рехабилитација од повредите. Беретини, 20 рангиран на АТП листата, нема настап од турнирот на земја во Монте Карло, кога го повреди стомачниот мускул. Италијанецот претходно најави дека ќе биде подготвен за грен – слем турнирот во Париз, но мораше да го пролонгира враќањето на теренот за јуни. Настапот на Ролан Гарос го откажа и Чилиќ, кој сè уште не е подготвен да се врати на теренот по операцијата на десното колено на почетокот на оваа година. Хрватот лани дојде до полуфиналето на Роланд Гарос во кое загуби од Норвежанецот Каспер Руд. Грен – слем турнирот во Париз почнува на 28 мај.

Чилиќ го исфрли Медведев од Ролан Гарос

Бошко Тасиќ — Mon, 30 May 2022 22:48:59 +0000

Марин Чилиќ е последниот четвртфиналист на Ролан Гарос, Хрватот со убедливи 3-0 го победи Данил Медведев, по сетови беше 6-2, 6-3 и 6-2.

Медведев беше втор носител на Ролан Гарос, а Чилиќ е тенисер на кој повеќе му лежи тврдата подлога поради силниот сервис, но вечерва одигра брилијантно и за помалку од два часа победи.

Во четвртфиналето Чилиќ ќе има уште еден Русин за противник, Рубљов кој го помина Синер. При 1-1 во сетови, Италијанецот го предаде мечот.

Другите четврфинални двојки се Руд - Руне, Алкараз - Зверев и Ѓоковиќ - Надал.

Марин Чилиќ го освои турнирот во Санкт Петербург

Бошко Тасиќ — Sun, 31 Oct 2021 21:44:46 +0000

Поранешниот светски рекет број три, Марин Чилиќ е освојувач на титулата на турнирот во Санкт Петербург кој се играше во текот на изминатава недела. Хрватот во завршниот меч беше подобар од Американецот, Тејлор Фриц со 2-1 во сетови со 7-6 (3), 4-6, 6-4 по скоро два ипол часа игра. Ова за Чилиќ беше второ славје на ова место, четврто на руско тло (двапати има победено во Москва) или севкупно ова беше 20 АТП титула со што стана само шести активен играч со ваков учинок. Останатите се Рожер Федерер (103), Рафаел Надал (88), Новак Ѓоковиќ (85), Енди Мари (46) и Хуан Мартин Дел Потро (22).

Чилиќ го запиша своето име во историјата на тенисот

Ивона Петрова — Fri, 18 Oct 2019 07:21:09 +0000

Поранешниот број 3 на светот, Марин Чилиќ го запиша своето име со златни букви во историјата на тенисот. Тој се приклучи на елитното друштво на тенисери кои веќе имаат најмалку 500 победи на натпревари од највисоко ниво во спортот. Ова се случи за време на неговиот натпревар со неговиот сонародник Иво Карловиќ за време на турнирот во Москва. Освојувачот на „Ју Ес Опен“ во 2014 година го освои хрватското дерби по 6:1, 7:6 и стана само 10-тиот активен играч во вакво достигнување. Неговиот прв успех на АТП турнејата се случи во 2006 година, кога тој немаше ни 18 години. Тој сега напредува и изгледа малку веројатно да ја заврши кариерата во скоро време и бара повеќе достигнувања. Еве како изгледаат Топ 10 тенисерите со најмногу АТП победи: 1. Роџер Федерер – 1.229 победи 2. Рафаел Надал – 967 победи 3. Новак Ѓоковиќ – 878 победи 4. Енди Мареј – 666 победи 5. Томаш Бердих – 640 победи 6. Фернандо Вердаско – 544 победи 7. Ричард Гаске – 537 победи 8. Томи Робредо – 533 победи 9. Стен Вавринка – 509 победи 10. Марин Чилиќ – 500 победи

Чилиќ го посакува трофејот на Вимблдон

Дарко Андоновски — Fri, 29 Jun 2018 14:16:20 +0000

Хрватскиот тенисер Марин Чилиќ истакна дека е полн со самодоверба пред почетокот на Вимблдон. Чилиќ, кој сега се наоѓа на петтата позиција на АТП листата, неодамна ја освои титулата на турнирот во Квинс, откако во финалето го совлада најдобриот српски тенисер Новак Ѓоковиќ.

- Фактот дека Енди Мареј и Рафаел Надал триумфираа на Вимблдон, откако претходно ја освоија титулата во Квинс, ми дава самодоверба. Многу сум задоволен дека пехарот од Квинс ми припадна мене, бидејќи тоа значи дека сум подготвен за гренд слем, истакна хрватскиот тенисер.

Чилиќ наведе дека сезоната на трева трае многу кратко, а тоа бара од играчите брзо да се враќаат во врвна форма.

- Во добра форма сум и чувствувам дека можам да остварам добар резултат. Минатата година само за една победа не стигнав до трофејот, нагласи хрватскиот тенисер.

Вимблдон започнува на втори јули, a Чилиќ во првото коло ќе игра против јапонскиот тенисер Кеи Нишикори.

Чилиќ неизвесен за Мадрид

Матеја Петровски — Fri, 04 May 2018 16:07:34 +0000

Хрватскиот тенисер Марин Чилиќ по поразот од Тунижанецот Малек Џазири во осминафиналето на турнирот во Истанбул соопшти дека има проблеми со повредата на коленото, поради која може да го пропушти четвртиот Мастерс оваа сезона. - Викендов ќе одлучам дали ќе го пропуштам Мадрид. Ситуацијата се уште не е толку лоша и се чувствувам добро. Потребни ми се неколку дена добро да тренирам и верувам дека ќе бидам на високо ниво, истакна Чилиќ. Хрватскиот тенисер во Истанбул се пожали на проблеми со коленото, поради што не можел да сервира добро и да игра агресивно. - Имав проблеми со коленото и не сервирав добро. Се обидов да играм агресивно, но не можев. При некои скокови чувствував како болката ме блокирa. Ме ограничуваше при некои движења, наведе четвртиот тенисерот во светот. Турнирот во Мадрид почнува на шести мај. (Миа)

Се ожени хрватскиот тенисер Марин Чилиќ (ФОТО)

Дарко Андоновски — Sun, 29 Apr 2018 14:15:20 +0000

Хрватскиот тенисер Марин Чилиќ вчера се ожени по долгогодишна врска со својата девојка Кристин Милковиќ, а се венчале во црквата „Свети Никола“ во Цавтат. Забавата за роднините и пријателите била во Дубровник, во клубот „Ревелин“. За добра атмосфера на свадбата на четвртиот играч во светот бил задолжен Џибони, кој ја испеал песна за првиот танц, а потоа продолжил со својот одличен репертоар. На свадбата присуствувале околу 400 гости кои се забавувале до доцните вечерни часови, пишува „Индекс“.

Congratulations! Marin Cilic and Kristina are married! ?❤️ pic.twitter.com/NFTtEsU1vq
— Tennis Photos (@tennis_photos) April 28, 2018

Нишикори го елиминираше Чилиќ

Даниел Василев — Fri, 20 Apr 2018 20:41:38 +0000

Јапонскиот тенисер Кеи Нишикори обезбеди пласман во полуфиналето на Мастерсот во Монте Карло. Нишикори во четвртфиналето го победи Марин Чилиќ со резултат 2:1, по сетови 6:4, 6:7, 6:3. Јапонецот го доби првиот сет прилично лесно, додека вториот траеше час и половина и заврши по тај бејк во корист на хрватскиот тенисер. Нишикори се врати во игра во третиот сет по кој славеше победа. Натпреварот траеше вкупно три часа. Во полуфиналето тој ќе се соочи со победникот од натпреварот Гаске-Зверев. МИА

Светскиот рекет број 3 се повреди на тренинг, се уште не се знае неговата состојба

Катерина Бојаџиева — Tue, 17 Apr 2018 14:48:33 +0000

Светскиот рекет број 3, Марин Чилиќ се повреди за време на тренинг со Рафаел Надал и неизвесно е неговото учество на „Мастерс 1000“ турнирот во Монте Карло. Хрватскиот тенисер денеска имаше тренинг со светскиот број 1 на АТП листата, но се повлече предвреме поради повреда на коленото. Сепак, се уште не се знае состојбата на Чилиќ и се очекува да биде соопштено во следните неколку часови. Доколку Хрватот продолжи на турнирот, тој ќе се сретне со Фернандо Вердаско, кој го совлада Пабло Куевас со 2:1 во сетови.