Марин Докузовски – Kurir.mk

Докузовски нов тренер на МКК Куманово

Ивона Петрова — Mon, 07 Aug 2023 11:00:23 +0000

Најтрофејниот македонски кошаркарски тренер Марин Докузовски е новиот тренер на Младински Кошаркарски Клуб Куманово кој се натпреварува во Втората кошаркарска лига. - Клубот постои од 2018 година, а во состав на клубот има младински кошаркарски школи од 12, 14, 16 и 18 години кои работат на развој и создавање на нови локални кошаркарски таленти. Согласно амбициите на управата на клубот за развој на кошарката во Куманово и враќање на победничкиот дух и традиција на кумановската кошарка, Марин Докузовски ќе го предводи тимот во наредните 4 години, информираат од МКК Куманово. Младински кошаркарски клуб Куманово е формиран во 2018 година и се занимава со обука на деца и млади спортисти од Куманово за натпревари, унапредување и промовирање на кошарката во градот и подигнување на јавната свест за значењето на спортот и здравиот живот, а во своите редови има 230 кошаркари.

Марин Докузовски ја посети кошаркарската федерација

Бошко Тасиќ — Thu, 29 Dec 2022 06:02:05 +0000

Легендарниот кошаркарски тренер Марин Докузовски, ја посети канцеларијата на Кошаркарската Федерација во Скопје. „Докторот“ ја предводеше македонската сениорска репрезентација до четвртото место на Евробаскет покрај аут-линијата, додека Претседателот на КФСМ, Перо Антиќ, ја имаше капитенската улога. Посетата на федерацијата, Докузовски ја искористи и да им ги честита Новогодишните и Божиќните празници на своите „ученици“ и да им посака многу успех во работата во годините кои следуваат.

Марин Докузовски нов тренер на Пеќ

Бошко Тасиќ — Thu, 24 Feb 2022 20:49:48 +0000

Македонскиот кошаркарски тренер Марин Докузовски е именуван за нов тренер на косовскиот прволигаш Пеќ. За 61-годишниот Докузовски е враќање во Косово, со оглед на тоа што претходно беше дел од Сигал Приштина, со кој во 2014 година ги освои титулата и купот. Докузовски на клупата на Пеќ седнува на местото на Турчинот Шемсетин Баш.