марина туцаковиќ – Kurir.mk

Најголемиот хит на Џеј Рамадановски е дело на Марина Туцаковиќ: Еве како изгледа нејзиниот лик во филмот „Недела“ (ФОТО+ВИДЕО)

Ивана Ефремовски — Fri, 27 Oct 2023 07:08:43 +0000

Наскоро ќе биде прикажан филмот „Недела“ кој ја раскажува приказната за легендарниот Џеј Рамадановски, а вчера беше објавен првиот трејлер. Во него можевме да видиме како Хусеин Алијевиќ - Хуса личи на Џеј, а големо внимание привлече и актерката која го толкува ликот на Марина Туцаковиќ. Многумина беа заинтересирани да видат кој ќе го портретира ликот на текстописецот кој практично ја направи кариерата на Џеј. Таа дури и зборуваше за тоа во една прилика. -Ни доаѓа тип што ни продаваше облека и вели: „Имам дечко, кога одиме во кафеана, кога ќе почне да пее, сите се заљубуваат. И така, помина некое време, редовно ни кажуваа дека познаваат такви луѓе. Џеј ни дојде, енергијата како да те облеа. Пее и се забавува, танцува, талент од Бога. Се воодушевуваме и почнуваме да работиме за него, рече Марина уште одамна. Во трејлерот можевме да видиме како Милица Јаневски личи на Марина и сцените кога тој снима песна во студио, а таа го гледа со цигара во рака. Моментот кога во трејлерот Марина прашува „Кој си ти брат?“, тој одговара: „Џеј Рамадановски“. Првата песна што Џеј ја сними под диригентската палка на Марина беше, инаку, песната „Зарем јас да ти ги избришам солзите“, со која отиде на фестивал и таму го освои третото место. Исто така, песната „Недела“ која е на Џеј можеби најголемиот хит, по кој и го носи името филмот, е дело на Марина. Со таа песна е погребан легендарниот пејач, а многумина сметаат дека е судбина што недела беше денот кога починаа и Џеј и Марина.

ФУТА НЕУТЕШЕН НА ГРОБОТ НА МАРИНА: Го закопа целото семејство, исцрпен е од болка (ФОТО)

Ивана Ефремовски — Tue, 19 Sep 2023 10:34:19 +0000

На денот на втората годишнина од смртта на Марина Туцаковиќ, екипата на ПИНК.РС го посети гробот на најпознатиот текстописец. -Таму го затекнавме неутешниот сопруг на Марина, Александар Фута Радуловиќ, кој од тага по неа и неговите два сина, исцрпен од болка седна крај семејната гробница, па пријателите и семејството го тешеа. Тој немо гледаше во земјата, пишува ПИНК. Таму беше и долгогодишната пријателка и кума на Марина, Мирјана Петровиќ, како и десетина нејзини најблиски пријатели и членови на семејството. На самиот гроб има неколку букети. После спомен службата завршила, Фута и собраните роднини седнале во близина на гробот. FOTO: PINK.RS/M. MIJATOVIĆ

ДВЕ ТЕШКИ ГОДИНИ БЕЗ МАРИНА: Двата сина се закопани во исти гроб со неа, а на споменикот еден детаљ има силна симболика која ќе ви го распара срцето (ФОТО)

Дарко Андоновски — Tue, 19 Sep 2023 09:17:30 +0000

Денеска се навршуваат две години од смртта на најпознатиот српски текстописец Марина Туцаковиќ. Таа последните денови ги поминала во болница во Белград, а од 14 септември 2021 година е ставена на респиратор бидејќи била позитивна на коронавирусот, додека претходно во 2018 година и е дијагностициран рак на дојката, по што веднаш била оперирана. Таа е погребана до својот син Милош Миша Радуловиќ кој починал на 24 годишна возраст како и до својот друг син Милан Радуловиќ Лаќа кој починал во Израел на 36 години. На нивниот гроб се наоѓа икона на Богородица со дете во рацете, која ја прикажува најважната вредност на христијаните – љубовта на мајката и децата, а се претпоставува дека оваа икона ја донела самата Марина на гробот на својот покоен син. Марина не ги криеше своите трагедии искажувајќи ги преку стиховите, а во една прилика раскажала и како го пронашла синот мртов. „Прстите му беа модри, не знам што се случило. Не знам дали има нешто пострашно од тоа да го затечете своето дете како безпомошно лежи во креветот“, раскажа во една прилика Марина велејќи дека никогаш не ја интересирало да ги види резултатите од обдукцијата. Таа од тага доби и рак и за тоа отворено зборуваше додека беше жива, а 15 месеци подоцна и нејзиниот втор син Лаќа не можеше да се помири со нејзината смрт, па им се придружи на мајка му и брат му и почина во месец декември како и неговиот брат...

Мира Шкориќ откри дека Туцаковиќ ја уценувала за оваа песна, проговори и за болеста

Ивана Ефремовски — Sun, 30 Jul 2023 08:55:26 +0000

Пејачката Мира Шкориќ испеа многу хитови кои и денес се слушаат насекаде, а после 30 години откри дека била уценувана да отпее една песна. Тогаш Мира била на почетокот на кариерата, а покојната Марина работела на нејзиниот албум. Тукаковиќ, Фута и Злата напишале песна која, како што вели Мира, не сакала да ја пее. Сепак, да не ги послушала, денеска ќе зажалеше. -Тоа беше 1991 година кога албумот го направија Марина, Фута и Злата. Не сакав да ја снимам песната „Зошто го носиш мојот прстен“, си ја кубев косата од глава. Марина ме уценуваше и ми рече дека ако не ја снимам таа песна, нема да добијам ниту една друга песна, изјави Мира во емисијата „Милизам“. Мира потоа се осврна на нејзиниот тежок период и болеста со која се бореше. „Во текот на целата кариера имав сериозни падови. Ме погоди таа страшна болест и не сакам да зборувам за неа... Тешко е само кога ќе се сетам на тој период кога имав четири операции на онкологија, кога животот ми висеше на конец, со прашањето дали некогаш би можела да пеам, и сите тие медиумски паузи што одеа заедно со тоа... Најлошо ми беше што многу луѓе од мојата околина, некои медиуми, па дури и пријатели и колеги мислеа дека нема ништо од мене, дека нема да пеам“, рече Мира.

ПО ДВЕТЕ ГОЛЕМИ ТРАГЕДИИ ПОВТОРНО ЌЕ „ОЖИВЕЕ“ – со тоа што започна да го прави нејзиниот сопруг, Марина Туцаковиќ би била многу горда

Дарко Андоновски — Wed, 29 Mar 2023 10:02:18 +0000

Биографскиот фил „Недела“ кој ќе го опише животот на покојниот Џеј Рамадановски започна да се снима пред две недели, а сега испливаа и нови детали за овој проект кој продукцијата го држи во најголема тајност. Како што дознава српски „Курир“ дел од екипата ќе биде и Александар Фута Радуловиќ кој со овој проект се враќа на голема врата по големите две трагедии кои му се случија во изминатиот период. По загубата на Марина Туцаковиќ и синот пред неколку месеци, тој вели дека бил ангажиран поради авторските права на текстовите кои ги има напишано неговата сопруга за покојниот Џеј. -Се е регулирано што се однесува на правата уште одамна. Дури и јас се ангажирав околу музиката за некои делови од овој филм. Малку по малку се враќам и Марина тоа би го сакала и и било многу драго., изјавил Фута.

„Мртви од гробот нè хранат“: Ѓорѓе Давид ВАКА покажа почит кон Туцаковиќ и Ковач

Ивана Ефремовски — Mon, 16 Jan 2023 20:05:07 +0000

Ѓорѓе Давид сними изведба во живо на песната „Ти само биди доволно далеку“ во чест на покојните автори на таа песна, Корнелие Бата Ковач и Марина Туцаковиќ. Како што рече рокерот, засекогаш ќе им биде благодарен на Бата и Марина бидејќи сè уште живее од музиката што тие двајца ја пишувале и создавале пред неколку децении. -Марина и Бата со леб нè хранат нас музичарите и мртвите од гроб! Благодарение на нив секојдневно заработуваме, не само јас, туку и целата естрада. Јадеме од тие пари, плаќаме гориво, патуваме, си го живееме животот... Не ми е јасно зошто никој нема да го каже тоа. Еве, јас ќе бидам прв. Затоа решив на некој начин да им се заблагодарам преку оваа песна, вели Ѓорѓе. Со покојниот Корнелие, кој почина пред неколку месеци, рокерот беше близок соработник.

ФУТА ЕДВАЈ СОБИРА СИЛИ – последната желба на неговиот син мора да ја исполни, речиси само поради ова ќе има волја за живот во иднина!

Дарко Андоновски — Wed, 11 Jan 2023 08:45:22 +0000

Александар Фута Радуловиќ и понатаму се чувствува многу тешко и не може да се помири со вистината дека и неговиот син Милан Лаќа Радуловиќ повеќе го нема. Од погребот на својот син на 27 декември тој неколку пати ги посетил гробовите на своите синови и сопруга Марина Туцаковиќ. -Фута сака да доаѓа сам и на мира да седи на гробиштата, секогаш доаѓа со такси и останува таму по еден час. Секогаш пали свеќи, па пали и цигара и зборува со Марина и синовите. Се исплакува и му олеснува, вели извор близок до Фута. Изворот вели дека во наредниот период Фута има намера да ја исполни последната желба на Лаќа. Станува збор за објавување на збирка песни кои ги напишала Марина Туцаковиќ, а нејзиниот син веќе започнал тоа да го прави, но за жал не успеа во тоа. -Лаќа сакаше на едно место да ги собере сите текстови на мајка му и со тоа да се занимава кога ќе се врати од Израел. Целиот приход од оваа книга тој планира да ги донира во „Фондацијата Марина Туцаковиќ“ која е основана во 2021 година за борба против рак на дојката, завршил изворот за српските медиуми.

Смртта на сопругата и двете деца го скрши, но утеха наоѓа во ОВА: Фута ја кажал најболната вистина во една реченица

Ивана Ефремовски — Mon, 09 Jan 2023 09:43:03 +0000

Не помина ниту еден месец од ненадејната смрт на текстописецот Милан Радуловиќ Лаќа (36). За смртта на Лаќа, која се случи во Израел на 13-ти декември, се дозна дури на 20 декември, а тој беше погребан до мајка му Марина Туцаковиќ и братот Милош на Новите гробишта во Белград на 27-ми декември минатата година. Таткото на Лаќа, познатиот композитор, аранжер и продуцент Александар Радуловиќ Фута ги поминал првите денови кога дознал дека останал без уште еден син во својот дом, а погребот го издржал храбро и достоинствено. Додека неговите блиски пријатели се грижат за него и неговата состојба, целата јавност постојано се прашува како тој се справува со оваа лоша ситуација. Извор близок до Радуловиќ го опишува начинот на живот на Фута и како тој се извлекува од тагата што засекогаш ја обви неговата куќа во црно. -Секако, Фута е човек од крв и месо и нормално дека го скрши сознанието дека останал без уште еден син, но сепак се однесува како маж, размислува трезвено и не дозволува целосно да потоне и да се откаже од себе и од животот, вели изворот, пренесува ПИНК. Свесен е што се случило, но жали за сите добри работи што можеле да ги доживеат, а кои не ги виделе ниту неговите синови, Марина, ниту тој. На еден пријател кој искоментирал дека добро се справува со ситуацијата, Фута кратко му одговорил: „Ова не ми е прв пат“. Колку и да беше болно, Фута му ја кажа на својот пријател најболната вистина во животот. -Иако неговите најблиски соработници беа малку шокирани, Фута ги собра нив буквално веднаш по погребот, ја зеде гитарата и почна да свири нови мелодии. Спасот го најде во музиката, што не е чудно, бидејќи се знае дека музиката ја има и кога ни е тешко и кога ни е убаво во животот, објаснува изворот. Радуловиќ, и покрај тагата што го снашла во животот, очигледно живее од стиховите кои сопругата Марина ги напишала на Ана Николиќ, а кои син му Милан ги сакал и често ги цитирал. Тие едноставно велат: „Животот е за живите“. FOTO: E-STOCK/DUŠAN MILENKOVIĆ, E-STOCK/ČASLAV VUKOJIČIĆ

СИНОТ НА ТУЦАКОВИЌ ПРЕД ЕДЕН МЕСЕЦ СЕ ПРОСТИЛ ОД СИТЕ – куферите ми се тешки, бегам од смртта…

Дарко Андоновски — Wed, 28 Dec 2022 18:18:04 +0000

Синот на покојната текстописец Марина Туцаковиќ и композиторот Александар Радуловиќ Фута, вчера беше погребан на Новите гробишта во Белград во семејната гробница, каде почиваат неговата мајка Марина и братот Милош. Неколку недели пред неговата смрт, Лаќа опиша како се справил со загубата на мајка си: „Почнав да патувам за да избегам од реалноста во која што неа повеќе ја нема. Сè станува бесмислено со нејзиното отсуство. Секогаш кога светот станува досаден, ги пакувам куферите и тргнувам на пат. Бегам од смртта и се уште не сум се вратил“, напишал Лаќа. „Таа ме чекаше да се вратам и потоа се предаде. Потоа ми го упати тој поглед, последниот, пред да се разделиме засекогаш. Оној поглед – и што сега? Помина една година и повеќе од еден месец откако тој поглед не ме напушта и се уште се прашувам – и што сега? За време на таа една година патувања, или бегање од одговорот на тоа прашање, имаше многу заминувања: Стокхолм, Тел Авив, Ерусалим, Дивчибаре, Фрушка гора, Сараево… Секогаш ќе има дестинации, но јас полека станувам уморен од тоа. Куферите стануваат тешки, а неа ја нема да ме спакува…“, напиша Милан Радуловиќ Лаќа пред само еден месец.

Најскапиот стих на Марина Туцаковиќ: За само пет збора земала 100.000 евра!

Дарко Андоновски — Mon, 26 Dec 2022 09:23:40 +0000

Марина Туцаковиќ со децении важеше за една од најдобрите текстописци на овие простори, па затоа многумина пејачи често доаѓаа на нејзината врата. Таа имаше напишано безброј хитови, кои и донесоа брдо пари низ годините наназад. Пејачката Неда Украден неодамна раскажа една анегдота во врска со нејзиниот хит од осумдесеттите години „Зора је“. -Песната ми ја напиша покојниот Ѓорѓе Новковиќ со кого неколку пати се скаравме околу насловот на истата. Прво ја нарековме „Јован зора је“, па потоа „Милан зора је“, а потоа конечното име „Зора је“, раскажува Украден. Таа вели дека потоа и се јавила на Марина која напишала само еден стих, а тоа е „Суза је из ока кренула“, а неа овој стих и донесе преку 100 илјади евра. Инаку најпознатата српска композиторка почина на 67 годишна возраст откако ја загуби битката со ракот, а претходно го загуби и синот на само 24 години кога го пронашла мртов во својата соба.