марио балотели – Kurir.mk

Марио Балотели пак ќе игра во Турција

Бошко Тасиќ — Sat, 16 Sep 2023 04:51:30 +0000

Италијанскиот фудбалер Марио Балотели пронајде нов клуб и ќе игра во веќе позната средина во Турција.. Балотели се договори со тимот на Адана, тим од со кого потпиша договор на една година со можност истиот да биде продолжен на уште една година. За него ова ќе биде втор престој во оваа средина, по сезоната 2021/22 кога настапи на 35 меча и даде 19 гола со уште седум асистенции.

Балотели: Со мене во тимот ќе имавме поголеми шанси да ѝ дадеме гол на Македонија

Ристе Здравков — Wed, 30 Mar 2022 15:31:06 +0000

Еден од најконтроверзните фудбалери во светот, Марио Балотели остана без место во репрезентацијата на Италија за мечот против Македонија, а на крајот неговите сонародници изгубија со 0-1 во Палермо. Овој 32-годишен напаѓач даде коментар за тоа што не бил на последниот список на селекторот Роберто Манчини. „Селекторот си ги бира фудбалерите. Светското првенство е во декември и да се пласиравме имаше можност и јас да заиграм. Се надевав дека дотогаш ќе изборам повик, меѓутоа изгубив голема шанса“, вели Балотели. Балотели, сепак, не мисли дека со него Италија сигурно ќе ја елиминирала Македонија, но сепак ќе имале поголеми шанси за гол. „Добар сум пред противничкиот гол, но тоа не значи дека ќе победевме ако играв. Меѓутоа, ќе имавме поголеми шанси да постигнеме гол“, кажа напаѓачот.

Марио Балотели се враќа во националниот тим на Италија

Бошко Тасиќ — Sat, 22 Jan 2022 13:54:52 +0000

Марио Балотели повторно ќе биде дел од италијанската фудбалска репрезентација, два месеци пред бараж дуелот за СП 2022 што „аѕурите“ на крајот од март ќе го играат против Македонија. Балотели е повикан во тренинг-кампот закажан за крајот на месец јануари, при што фудбалерот ќе има можност да го убеди стручниот штаб да смета сериозно на неговите услуги за обврските во текот на оваа 2022 година. „Супер Марио“ не е дел од националниот тим уште од септември 2018 година, но Манчини е оптимист дека може да го смири проблематичниот голгетер и да го извлече максимум од него на теренот. Марио Балотели сезонава настапува за турскиот прволигаш Адана, за кој одигра 20 натпревари, притоа постигнувајќи осум погодоци.

Рајола смета дека Балотели би можел да ја однесе Монца во Серија А

Ивона Петрова — Tue, 15 Dec 2020 11:58:27 +0000

Агентот на фудбалерот Марио Балотели, Мино Рајола изјави дека размислува за иднината на играчот во Монца. Триесетгодишниот италијански напаѓач се приклучи на клубот од Серија Б на 7 декември 2020 година како слободен агент. – Балотели може да стане основа за Монца. Неговиот потенцијал е неоспорен. Ќе се потрудиме да го донесеме во одлична форма. Транзицијата на Балотели е сигнал дека Монца нема да игра долго во Серија Б, смета Рајола. По 11 одиграни кола во Серија Б, Монца освои 17 бода и се наоѓа на 9. место.

Балотели никој не го сака во своите редови!

Тале Кристо — Wed, 14 Oct 2020 15:50:44 +0000

Поранешниот италијански репрезентативец Марио Балотели изјави дека наскоро ќе потпише со клуб. 30-годишниот голгетер е слободен играч откако на крајот на минатата сезона беше раскинат договорот со Бреша. За време на последната кампања, Балотели запиша 19 натпревари на кои постигна 5 гола. – Сè уште не играм никаде, но за неколку недели ќе потпишам со нов клуб, рече Балотели, цитиран од „Гол“. Покрај Бреша, Балотели има играно и за Интер, Манчестер Сити, Милан, Ливерпул, Ница и Марсеј. За репрезентацијата на Италија, напаѓачот има 36 натпревари и 14 погодоци.

Пато и Балотели можат да станат играчи на Бешикташ

Дарко Андоновски — Mon, 05 Oct 2020 10:16:32 +0000

Турскиот фудбалски клуб Бешикташ преговара со напаѓачите Александре Пато и Марио Балотели. Услугите на Пато кон клубот од Истанбул ги понудија неговите агенти, додека Балотели продолжи со преговорите што започнаа порано, објави на Твитер новинарот Николо Скира. Во моментов, 30-годишниот Балотели е играч на Бреша, но клубот јасно стави до знаење дека напаѓачот повеќе нема да игра за овој тим. Што се однесува до 31-годишниот Пато, тој е во статус на слободен агент откако го напушти Сао Паоло во август.

Балотели може да ја продолжи кариерата во Романија

Магдалена Андонова — Tue, 04 Aug 2020 08:46:07 +0000

Поранешниот италијански фудбалски репрезентативец, Марио Балотели е во преговори со Клуж. Според „РМЦ“, романскиот клуб е подготвен да понуди договор на 29-годишниот Балотели, кој не му е потребен досегашниот негов клуб Бреша. Балотели и се придружи на Бреша летото 2019 година, постигнувајќи пет гола на 19 натпревари. Во јуни, 29-годишниот Италијанец престана да се појавува на тренинзи и одби да го раскине договорот со клубот со меѓусебна согласност на страните. (МИА)

Балотели бара Бреша да го врати во тимот или да му плати обештетување

Ивона Петрова — Mon, 01 Jun 2020 07:29:55 +0000

Конфликтот меѓу контроверзниот фудбалер Марио Балотели и Бреша оди кон правна разрешница. Двете страни ангажираа адвокати, а случајот би можел да оди на суд. Играчот бара да биде вратен во тимот или да му се исплати значителен надомест. Во исто време, многу е веројатно Балотели ова лето да ја напушти Бреша, пренесува новинарот Николо Скира. За 29-годишниот Италијанец се заинтересирани Галатасарај, Васко да Гама, Фламенго и Ботафого. Договорот на Балотели со Бреша важи до јуни 2022 година.

„Балотели е чуден човек“

Ивана Ефремовски — Thu, 28 May 2020 07:48:03 +0000

Претседателот на Бреша, Масимо Челино потврди дека напаѓачот Марио Балотели ќе го напушти тимот. Клубот е разочаран од соработката со 29-годишниот Италијанец. – Случајот со Балотели беше надуен затоа што нема фудбал и нема што повеќе да се каже, вели Челино. Тој е чуден човек, повеќе не размислува за нас и јас го сметам неговото заминување здраво за готово. Овој играч е само малку анархичен. Во случај на заминување од Серија А, договор на Балотели автоматски се раскинува, затоа, по секоја веројатност, тој ќе стане слободен агент следната сезона. – Не го потпишавме Балотели само да привлече внимание, навистина верувавме дека тој можеше да даде важен придонес на теренот. Мислев така затоа што ми се допаѓа Марио. Сега сме разочарани од него, додаде Челино. Балотели и се придружи на Бреша летото 2019 година како слободен агент. Тој има пет гола на 19 натпревари за тимот во сезоната 2019/20.

На Балотели му забранија интервју со порно sвезда

Ивона Петрова — Wed, 22 Apr 2020 07:21:44 +0000

Претседателот на Бреша, Масимо Челино му забрани на напаѓачот Марио Балотели да комуницира со италијанската порно ѕвезда Роко Сифреди, пишува „Кориере дело Спорт“. За време на карантинот, Балотели разговара во живо на својот Инстаграм со познати личности. Следниот гостин во етерот требаше да биде ѕвездата на филмови за возрасни, Роко Сифреди, но шефот на Бреша силно препорачува на Балотели да се откаже од ова интервју. Балотели се пресели во Бреша од Марсеј летото 2019 година. Напаѓачот има 19 настапи во Серија „А“ оваа сезона со 5 голови. Неговиот договор со клубот е за уште една сезона, но тешко дека ќе се исполни, бидејќи Бреша сигурно ќе испадне од елитата.