марио геце – Kurir.mk

Геце се врати во Бундеслигата и потпиша за Ајнтрахт

Бошко Тасиќ — Wed, 22 Jun 2022 05:18:08 +0000

Поранешниот германски репрезентативец Марио Геце (30) и официјално е новиот фудбалер на Ајнтрахт од Франкфурт кој е актуелен победник во Лигата на Европа. еце потпиша договор до 2025 година, а во изминатите две години настапуваше за ПСВ Ајндховен за кого одигра 77 натпревари, постигна 17 голови и забележа 18 асистенции.

– Навистина сум среќен што потпишав за Ајнтрахт Франкфурт. Овој клуб доживеа несекојдневен подем и тргна на возбудливо и амбициозно патување на кое и јас ќе бидам дел. Разговорите со спортскиот директор Маркус Краше и тренерот Оливер Гласнер покажаа дека ги имаме и ги следиме истите цели и идеи. Овој клуб има одлична основа, од стадион преку навивачи до самиот град, се ми одговара. Со нетрпение очекувам да се вратам во Бундеслигата. Освен тоа, имаме можност да играме и во Лигата на шампионите – изјави Геце по потпишувањето на договорот.

Поранешниот германски репрезентативец претходно има настапувано за Борусија Дортмунд и Баерн Минхен кои кои освои пет титули во Бундеслигата, четири во германскиот Куп и по еднаш Суперкупот на УЕФА и Светското клупско првенство

Ајнтрахт Франкфурт го враќа Геце во Бундеслигата

Ивана Ефремовски — Tue, 21 Jun 2022 16:17:52 +0000

Поранешниот германски репрезентативец и стрелец на победоносниот гол во финалето на Светското првенство 2014 против Аргентина, 34-годишниот Марио Геце се очекува да ги засили редовите на освојувачот на Лига Европа, Ајнтрахт од Франкфурт. Геце од 2020 година е член на холандски ПСВ со кој го врзува договор до 2024 година, но, според германските медиуми, Ајнтрахт одлучил да плати 4.6 милиони евра, колку што е износот за автоматски да се активира клаузулата од договорот според која Геце може да ја напушти холандската екипа за која одигра 77 натпревари и постигна 18 голови. Геце настапуваше 11 сезони во Бундеслигата од дебито во дресот на Борусија Дортмунд во 2009 година, а беше член и на минхенски Баерн. Германскиот офанзивен играч за врска не се појави првиот ден од подготовките на ПСВ, кој во новата сезона ќе го предводи Руд ван Нистелрој, а клубот соопшти дека Геце „добил дозвола за финализирање трансфер во друга екипа“. Според германските медиуми, Ајнтрахт на Геце ќе му понуди тригодишен договор. (МИА)

Геце по трансферот во ПСВ: Подготвен за сосема поинаков предизвик

Тале Кристо — Wed, 07 Oct 2020 06:26:53 +0000

Засилувањето на ПСВ, Марио Геце, го нарече трансферот во холандскиот клуб поинаков предизвик. Имавме пријатни преговори со главниот тренер на тимот па јас сериозно размислував за преселба во Холандија. Ова лето имав многу понуди, но јас сум чувствителна личност и донесувам свои одлуки. Чувствувам дека сум подготвен за еден сосема поинаков предизвик и сигурен сум дека овој трансфер ќе биде вистински потег за мене, изјави Геце за клупската веб-страница. Дваесет и осумгодишниот Германец се приклучи на новиот тим како слободен агент.

Вест Хем е заинтересиран за Геце

Дарко Андоновски — Tue, 01 Sep 2020 08:32:26 +0000

Играчот за врска Марио Геце може да ја продолжи кариерата во Премиер лигата, пренесува „Дејли Експрес“. Според британскиот медиум, Вест Хем е заинтересиран за 28-годишниот Германец. Објавено е дека англискиот клуб смета дека Геце покрај средниот ред ќе биде и добра опција за засилување на нападот. Во сезоната 2019/20, Геце одигра 21 натпревар за Борусија Дортмунд, постигна три гола и една асистенција. Бундеслигашот не го продолжи договорот со фудбалерот на крајот на сезоната.

Атлетико Мадрид заинтересиран за Марио Геце

Ристе Здравков — Wed, 24 Jun 2020 13:30:04 +0000

Шпанскиот Атлетико Мадрид е заинтересиран за услугите на Германецот Марио Геце, пренесува германскиот „Билд“. Геце беше на состанок со тренерот на „милионерите“ Лусијен Фавр на кого му соопшти дека неговата кариера во тимот е завршена и да не очекува на него до крајот на сезоната. Главна причина за ова е раѓањето на неговата ќерка Рома на 6. јуни. Германецот периодов го помина во болница, па не може да ги исполни сите протоколи за враќање во тимот. Oва за Марио Геце беше втора авантура во Борусија Дортмунд. Првиот пат за тимот настапуваше во периодот од 2009 до 2013 година кога играше и финале на Лигата на шампионите. Следните три години беше дел од Баерн Минхен за во 2016 година повторно да се врати на „Сигнал идуна паркот“. Доколку премине во Атлетико Мадрид за Геце тоа ќе биде првпат да настапува надвор од домашното првенство.

Геце може да остане во Борусија Дортмунд

Дарко Андоновски — Mon, 27 Apr 2020 07:00:15 +0000

Напаѓачот на Борусија Дортмунд, Марио Геце може да остане во тимот, пренесува „Скај спорт Германија“. Преговорите за договорот ќе започнат по паузата поврзана со пандемијата на коронавирус. Тековниот договор е со важност до крајот на сезоната. До прекинот на сезоната, 27-годишниотфудбалер одигра 19 натпревари на сите турнири, во кои постигна три гола и оствари една асистенција. Геце претходно изјави дека ќе ја напушти Борусија.

Геце преговара за нов договор со Борусија

Дарко Андоновски — Thu, 08 Aug 2019 06:00:36 +0000

Фудбалерот од средниот ред Марио Геце е во преговори со бундеслигашот Борусија Дортмунд за обновување на договорот. Сегашниот договор на 27-годишниот Германец има важност уште една година. Претходно се појавија информации во медиумите дека Арсенал сакал да го ангажира Геце ова лето. Геце кариерата ја започна во Борусија во 2009 година, од 2013 беше дел од Баерн Минхен каде остана три години, по се врати во Дортмунд.