Марио Манџукиќ – Kurir.mk

Со емотивно писмо до “малиот Марио“: Манџукиќ заминува во фудбалска пензија

Ивана Ефремовски — Fri, 03 Sep 2021 15:40:35 +0000

Марио Манџукиќ реши да оди во фудбалска пензија на 35-годишна возраст. Негов последен клуб во кариерата беше Милан за кој играше изминатата полусезона. Хрватскиот голгетер може да се пофали со фантастично фудбалски си-ви, бидејќи освен за Милан играше и за неколку други гиганти како Јувентус, Атлетико Мадрид, Баерн Минхен и Волфсбург. Во својата татковина играше за Динамо Загреб, Загреб и Марсонија. Одигра 582 професионални клупски натпревари и постигна 228 голови, анализира Спорт 1. Во дресот на хрватската репрезентација запиша 89 настапи и постигна 33 голови. Беше дел од националниот тим, кој во 2018 година играше во финалето на Светското првенство и го освои сребрениот медал.

View this post on Instagram

A post shared by Mario Mandžukić MM 9 (@mariomandzukic)

Селта го сака Манџукиќ во своите редови

Тале Кристо — Tue, 10 Nov 2020 07:46:07 +0000

Хрватскиот фудбалер Марио Манџукиќ се најде во сферата на интерес на Селта, објави „АС“. Раководството на шпанскиот прволигаш размислува да го ангажира 34-годишниот напаѓач. Сепак, конечната одлука за играчот ќе ја донесе новиот тренер, кој ќе го замени разрешениот Оскар Гарсија. Манџукиќ во моментов е слободен агент. Последен клуб на Хрватот беше катарскиот Ал-Духаил, кој го напушти во јули. Оваа есен Локомотив покажа суштински интерес за Манџукиќ. Рускиот вицешампион му понудија договор на вицешампионот на светот, но до соработка не дојде.

Фиорентина го враќа Манџукиќ во Италија

Дарко Андоновски — Thu, 16 Jul 2020 15:34:39 +0000

Фиорентина е блиску до трансфер на поранешниот напаѓач на Јувентус, Марио Манџукиќ, јавуваат италијанските медиуми. Хрватот е слободен агент откако се раздели со катарскиот Ал-Духаил на почетокот од овој месец и во моментов бара тим. Според информациите, Фиорентина ќе се обиде да го врати 34-годишниот Манџукиќ во Серија „А“ со предлог за двегодишен договор и плата од 3 милиони евра по сезона. Понудата има и опција за плус година. Поранешниот хрватски интернационалец го освои Скудетото во неговите четири сезони со Јувентус помеѓу 2015 и 2019 година, постигнувајќи 44 голови на 162 натпревари. Минатата есен Манџукиќ се покажа како непотребен за новиот тренер на Јувентус, Маурицио Сари и се пресели во Ал-Духаил, каде не успеа да се прилагоди и постигна само еден гол на седум натпревари.

Интер заинтересиран за Манџукиќ

Ивона Петрова — Wed, 08 Jul 2020 10:43:18 +0000

Калчолигашот Интер размислува за потпишување на договор со поранешниот напаѓач на Јувентус, Марио Манџукиќ, јавуваат италијанските медиуми. Сега фудбалерот е слободен агент. Претходно тој го раскина договорот со катарскиот клуб Ал-Духаил. Според „La Gazzetta dello Sport“, во хрватскиот фудбалер Интер гледа играч кој доколку е потребно може да го замени Ромелу Лукаку. Интер нема да мора да плати надомест за тоа, што ја зголемува веројатноста за трансфер. Извршниот директор на „Нероазури“, Џузепе Марота, кој претходно работеше во Јувентус, сака да го види Манџукиќ во тимот. Триесет и четиригодишниот Хрват се пресели од Јувентус во Ал-Духаил во декември 2019 година и оттогаш постигна еден гол за катарскиот клуб на седум натпревари.

Манџукиќ пред напуштање на Јувентус

Ивона Петрова — Wed, 14 Aug 2019 07:59:55 +0000

Напаѓачот на Јувентус, Марио Манџукиќ, може да го напушти италијанскиот клуб во текот на летото, објави Николо Шира, новинар на „Ла Газета дело спорт“. Според изворот, 33-годишниот Хрват може да ја продолжи кариерата во германскиот шампионат. Претходно беше објавено дека Монако е заинтересиран за Манџукиќ, но самиот напаѓач сака да се врати во Баерн и повторно да заигра со сонародникот Иван Перишиќ. Манџукиќ играше за Баерн настапуваше во периодот 2012 – 2014 година. Минатата сезона Хрватот на 33 натпревари за Јувентус, постигна 10 гола и забележа седум асистенции.

Борусија останува фаворит за Манџукиќ

Дарко Андоновски — Mon, 08 Jul 2019 07:24:33 +0000

Напаѓачот на Јувентус, Марио Мандјукиќ сè уште не е свесен за тоа каде ќе игра во новата сезона. 33-годишниот Хрват неодамна го обнови договорот, но по доаѓањето на Маурисио Сари, најверојатно, нема да остане во тимот, бидејќи не одговара на стилот наметнуван од новиот ментор. Се очекува Кристијано Роналдо да ја преземе улогата на централен напаѓач, а за Манџукиќ нема да има место. Според „Тутоспорт“, Борусија Дортмунд е фаворит за хрватскиот фудбалер. Тој имаше успешен престој во Бундеслигата со Баерн Минхен па дури и ја освои Лигата на Шампионите. „Црно и жолтите“ бараат искусен стрелец, а Манџукиќ е токму таков. „АС“, сепак, тврди дека Марио изненадувачки може да се врати во Атлетико Мадрид. Тој беше дел од тимот на „јорганџиите“ во сезоната 2014/15 и постигна неколку важни голови, но потоа се пресели во Јувентус и стана прилично важна фигура за „старата дама“. Не е никаква тајна дека Манџукиќ има примамливи понуди од САД и Кина, но неговата желба е да остане во Европа.

Манџукиќ верен на „Старата дама“, потпиша нов договор до 2021-ва година

Ивана Ефремовски — Thu, 04 Apr 2019 14:50:56 +0000

Хрватскиот репрезентативец Марио Манџукиќ и официјално го продолжи договорот со Јувентус до јуни 2021. година. Со оглед на фактот дека напаѓачот има 34 години, не би било изненадување да ја заврши кариерата во дресот на најтрофејниот италијански клуб. Договорот помеѓу двете страни беше постигнат уште минатиот месец, а се официјализираше денеска. Манџукиќ минатото лето се закити со сребрениот медал на СП во Русија, со репрезентацијата на Хрватска, по што се прости од „коцкестиот“ дрес. Хрватот е мајстор за големи натпревари, а тоа го докажа сезонава во која постигна осум погодоци, од кој два се против Наполи и по еден против Рома, Лацио, Интер и Милан.

Манџукиќ неизвесен за дуелот со Атлетико во ЛШ

Ивона Петрова — Sat, 12 Jan 2019 16:39:01 +0000

Напаѓачот на Јувентус, Марио Манџукиќ може да пропушти еден месец поради проблеми со колкот, објави „Скај Спорт Италија“. Хрватот се повреди за време на тренингот во четвртокот. Тренерот Масимилијано Алегри, изјави дека прогнозите на лекарите во врска со периодот за закрепнување на играчот не се многу добри. Така, Манџукиќ може да го пропушти првиот натпревар од осминафиналето на Лигата на шампионите со Атлетико закажан за 19 февруари во Мадрид. Во тековната сезона хрватскиот репрезентативец во дресот на Јувентус играше на 21 натпревар, постигна девет и оствари четири асистенции. МИА

Јувентус на Манџукиќ му нуди договор до 2022 година

Предраг Кукиќ — Sun, 06 Jan 2019 14:17:12 +0000

Италијанскиот шампион, Јувентус му понудил нов договор на хрватскиот интернационалец Марио Манџукиќ. Тренерот Масимилијано Алегри е презадоволен од неговите игри оваа сезона, тој постигна неколку одлучувачки голови во шампионатот, и раководството му подготви договор за продолжување на соработката до 2022 година. Со оглед дека тој има 32 години, доколу одлучи да остане во Торино, тоа би значело дека и можност да ја заврши кариерата во редовите на „старата дама“.Манџукиќ има понуди и од Кина, каде би можел да заработи и многу повеќе пари, но, сепак, многу поизгледно е дека ќе ја прифати понудата на Јувентус за обновување на договорните обврски со шампионот на Италија.

Манџукиќ ќе го пропушти натпреварот со Манчестер Јунајтед

Ристе Здравков — Tue, 23 Oct 2018 08:24:35 +0000

Напаѓачот на Јувентус, Марио Манџукиќ нема да игра против Манчестер Јунајтед во натпреварот од третото коло на УЕФА Лигата на шампионите, информира прес-службата на клубот од Торино. Хрватот се здоби со повреда на левиот глужд за време на тренинг по што ќе мора да паузира одреден период. Натпреварот Манчестер Јунајтед – Јувентус ќе се игра вечер од 21 часот „Олд Трафорд“. Во пресрет на овој дуел од третото коло во Лигата на шампионите, Јувентус е лидер во Х-групата со 6 бода, Манчестер е втор со 4, Валенсија има 1 бод, а последен е Јанг Бојс без бодови.