марио танкоски – Kurir.mk

Танкоски потпиша нов договор со Еурофарм Пелистер

Бошко Тасиќ — Mon, 23 Jan 2023 20:35:32 +0000

Повремениот македонски репрезентативец, Марио Танкоски ја продолжи соработката со нашиот вицешампион Еурофарм Пелистер. Танкоски од 2020 година е член на „фармецевтите“, клуб во кој дојде од Металург, а според новиот договор требе да остане во Битола најмалку до јуни 2025 година.

-Довербата од стручниот штаб и тренерот е на високо ниво и тоа е многу важно за мене. Во ова продолжување на договорот улога исто играше желбата на тренерот да останам тука. Нема подобро нешто од доверба од стручниот штаб, имам слобода, самодоверба и тоа за мене е од големо значење, -порача организаторот на играта на „зелено-белите

Танкоски останува ракометар на Металург

Ивана Ефремовски — Wed, 26 Jun 2019 14:08:53 +0000

Марио Танкоски ќе остане ракометар на Металург. Вакво решение донесе Арбитражната комисија на Ракометната федерација на Македонија, откако македонскиот репрезентативец беше поврзуван со преминување во Еурофарм Работник. Сепак, поради актуелниот договор, Танкоски мора даодигра уште една година во тимот од Автокоманда. Доколку битолскиот тим, кој оваа година ќе настапи во СЕХА лигата и ЛШ, сака да го доведе во своите редови, тогаш ќе мора да плати за трансферот. Ракометарот во рок од осум дена може да поднесе жалба на оваа одлука. (МИА)

Повредата на Танкоски сепак не е посериозна

Ивона Петрова — Mon, 10 Sep 2018 06:44:01 +0000

Македонскиот ракометен вицепрвак Металург во првите три натпревари во СЕХА-лигата доживеа пораз, но се соочи и со многу повредени играчи. На синоќешниот дуел со Нексе во Скопје се повреди Марио Танкоски. Тој уште во средината од првото полувреме го заврши својот настап. Танкоски беше турнат, па незгодна стапна и го свитка скочниот зглоб. -На почетокот изгледаше дека повредата е сериозна, но Марио сепак добро мина и најверојатно ќе отсуствува само една седмица, информираат од Металург. Претходно се повредија, Мартин Велковски во првото коло и Томи Јагуриновски во втората рунда. МИА