Европратениците Валсман и Ќучук во посета на македонското Собрание

Тале Кристо — Wed, 21 Jun 2023 05:48:59 +0000

Европратениците, олеснувачи на Процесот на Дијалогот Жан Моне, Марион Валсман и Илхан Ќучук денеска ќе имаат средба со претседателот на Собранието на Република Северна Македонија, Талат Џафери. На средбата, како што е објавено на веб страната на Собранието, ќе присуствува и амбасадорот на ЕУ Делегацијата, Дејвид Гир. Европратениците Валсман и Ќучук ќе одржат и кратка подготвителна сесија со Работната група за учество на Дијалогот Жан Моне. Во рамките на посетата, европратениците ќе имаат поединечни средби и со потпретседателите на Собранието Горан Мисовски и Хусни Исмаили и генералната секретарка на Собранието, Цветанка Иванова, како и со координаторите и претставниците на политичките партии застапени во Собранието.

Мицкоски од средбата со Валсман и Браун: ВМРО-ДПМНЕ има голем број кандидати кои поминале низ обуките и семинарите на Конрад Аденауер

Магдалена Андонова — Fri, 24 Sep 2021 10:25:36 +0000

Претседателот на ВМРО-ДПМНЕ, проф. Др. Христијан Мицкоски заедно со потпретседателот Александар Николоски денес оствари средба со пратеничката во Европскиот парламент Марион Валсман, која е дел од пратеничката група на Европската народна партија, претставник на германската ЦДУ и директорот на Фондацијата Конрад Аденауер во Македонија, Даниел Браун. На средбата се зборуваше за актуелната политичка ситуација во државата и претстојните избори. И од двете страни беше посочени дека се потребни фер и демократски избори, и дека власта е таа која треба да овозможи услови за истите. Марион Валсман и Даниел Браун посакаа голем успех на кандидатите на ВМРО-ДПМНЕ за градоначалници и советници на претстојните избори. ВМРО-ДПМНЕ како градоначалници и советници има луѓе кои поминале низ бројни обуки на Фондацијата Конрад Аденауер во земјата и во странство. Сите тие ќе ги применат стекнатите знаења и во идното управување со општините, но и ќе ги искористат своите контакти стекнати во период на тие обуки за подобрување на животот во нивните места. Меѓу другото стана збор и за ситуацијата со КОВИД кризата, но и последната случка со несреќата во Тетово, по што од страна на претседателот Мицкоски беше истакнато дека власта мора да биде поодговорна и дека е потребно внимание и посветеност за обезбедување поголема сигурност на граѓаните. Исто времено беше посочена потребата од одговорност од прво повиканите Филипче и Хасани. Претседателот Мицкоски посочи и дека Македонија треба да остане силно посветена кон патот кон ЕУ, а за тоа силна поддршка добиваме токму од ЕПП.

марион валсман – Kurir.mk

Европратениците Валсман и Ќучук во посета на македонското Собрание

Мицкоски од средбата со Валсман и Браун: ВМРО-ДПМНЕ има голем број кандидати кои поминале низ обуките и семинарите на Конрад Аденауер