марјан додовски – Kurir.mk

Мицкоски се прости од Додовски: Македонија изгуби човек познат по посветената работа, ентузијазмот, искрена љубовта кон татковината

Тале Кристо — Mon, 03 Jan 2022 14:29:35 +0000

Со искрено жалење ја примив тажната вест за смртта на Марјан Додовски кој беше член на ВМРО-ДПМНЕ, поранешен министер, пратеник и општествен чинител во Република Македонија. Во македонската политичка и општествена меморија ќе остане запаметена неговата посветена работа. Јавноста ќе го запамети како човекот кој го спаси Дојранското Езеро од еколошката катастрофа, но и по низа на други проекти кои ги остави зад себе. Македонија изгуби човек познат по посветената работа, ентузијазмот, искрена љубовта кон Македонија и активен чинител во политичкиот живот во нашата земја во поновата историја. Нека почива во мир. Вечна му слава, пишува на својата Фејсбук страница лидерот на ВМРО-ДПМНЕ Христијан Мицкоски.

Од коронавирус почина македонскиот политичар Марјан Додовски

Тале Кристо — Mon, 03 Jan 2022 13:32:48 +0000

Почина Марјан Додовски, првиот министер за животна средина и просторно планирање од 1998 до 2002 година. Неговата поранешна сопруга, Иванка Василевска, соопшти дека тој починал во болница. Додовски беше и пратеник на ВМРО-ДПМНЕ во Собранието од 2006 до 2008 година, а потоа и член на Советот на Град Скопје. Како што соопшти Василевска, тој починал ноќеска. „Во длабока жал ве известуваме дека ноќеска, на државната клиника, прерано не напушти Марјан Додовски. Марјан беше голем и посветен борец за Македонија, прв министер за животна средина и просторно планирање на ВМРО-ДПМНЕ, во својата плодна кариера извршуваше бројни партиски и државни функции но, пред се и најважно од се тој беше татко на мојата, на нашата Марија Додовска. Не остави во голема жалост, а Македонија изгуби голем човек. Марјан почивај во мир!“, напиша Василевска, поранешан сопруга на Додовски. Неофицијално, Додовски се лекувал на една од државните клиники од коронавирус, каде починал поради компликации од вирусот. Инаку, Додовски извршуваше и повеќе партиски функции во ВМРО-ДПМНЕ, каде е член од 1990 година. Тој беше член на Извршниот комитет, претседател на Комисијата за животна средина, координатор на изборни единици. Исто така, Додовски извршуваше функции и во ВМРО Народна партија, каде беше и претседател.

Додовски: Власта нема програма како ќе ги троши парите од таканаречената економска такса, се сомневам каде ќе завршат парите

Ивана Ефремовски — Wed, 30 Jun 2021 19:31:42 +0000

На денешната трибина во организација на ВМРО-ДПМНЕ на тема екологија екс министерот за животна средина Марјан Додовски посочи дека кога оваа влада би одвојувала реални средства за реални проекти немаше да им текне да удрат по џебовите на граѓаните и да воведат еколошка такса

-Кога ќе слушнете дека 54 милиони евра во текот на една година ќе бидат собрани само по основ на оваа такса, а при тоа да немате направено ниту еден проект, никаква анализа или проценка каде ќе одат тие пари навистина отвора многу прашања. Дали парите ќе одат за заштита на екологијата или за здравјето на луѓето или ќе бидат наменети за други цели. Законот е во моментот во Собрание и до крајот на 2021 година ќе бидат собрани 21 милиони евра. Ви гарантирам дека ни еден во Владата поима нема за што ќе се трошат тие пари. Но, по нештата на логиката се знае за што ќе се потрошат, доаѓа октомври, доаѓаат избори така што сомнежот е многу голем, рече Додовски.

Во Македонија мора да се врати Фондот за животна средина, истакна тој.

-Во времето кога бев министер за животна средина тој Фонд собираше средства и се распределуваа за исклучиво еколошки проекти. Но, СДСМ го укинаа тој фонд. А тој фонд е изгласан во Собранието согласно законот за животна средина, изјави Додовски.

Затоа верувам рече тој, дека доаѓа времето на ВМРО-ДПМНЕ.

-Доста оваа влада ги манипулира граѓаните. Граѓаните ќе направат разлика што е и како е во време на ВМРО-ДПМНЕ, а како е во време на СДСМ. И знам дека граѓаните овој октомври нема да погрешат, истакна Додовски.