Марјан Ѓорчев – Kurir.mk

Ѓорчев: Мицкоски потсети на Шатев- ВМРО е само промакедонска партија која јасно ја определи Македонија во насока на ЕУ и НАТО

Ивона Петрова — Mon, 02 Oct 2023 17:34:47 +0000

Говорот на Христијан Мицкоски ме потсети на говорот на Павел Шатев за обединување на Македонците. Мицкоски потенцираше една голема работа дека ВМРО-ДПМНЕ не е ни просрпска, ни пробугарска, ни прогрчка партија, таа е промакедонска партија, таа е партија на обединување на Македонците- рече Марјан Ѓорчев на гостувањето во емисијата Само вистина на Канал 5 телевизија. Ние не мора да се сакаме во ВМРО-ДПМНЕ, дури не мора ни да се почитуваме, важно е дека не води една иста идеа. Уште на првиот основачки акт на ВМРО-ДПМНЕ, кога СКМ ПДП мечтаеше за Белград и преговараше за асиметрични федарации, не сакаа заедно со Хрватска и Словенија да се одделиме од Југославија, ВМРО-ДПМНЕ јасно се определи за ЕУ и за НАТО. Сите овие прогласи дека ВМРО не е европска парите се малигни и штетни за Македонија, затоа што ВМРО-ДПМНЕ е основата на македонскиот обичен човек кој верува во Македонија- потенцираше Ѓорчев.

Колумна на Марјан Ѓорчев: ЗА ЛУЃЕТО ШТО БЕА НА ЧЕЛО НА ВМРО-ДПМНЕ И НИВНОТО РАЗБИРАЊЕ НА ПОЛИТИКАТА

Ристе Здравков — Fri, 22 Sep 2023 06:25:50 +0000

ЗА ПОЛИТИКАТА Политиката во најширока смисла на зборот е општествена активност со којашто луѓето ги создаваат ,одржуваат и менуваат правилата по коишто живеат.Отука,политиката е несомнено јавна дејност.Комплексноста на материјата што е предмет на политиката имплицитно налага предзнаења и од природните и од општествените науки. ЗА ПРОФЕСИЈАТА ПОЛИТИЧАР Од аспект на човечките индивидуи вклучени во политичкиот живот,политиката пред се е мисловен процес. Дијалектички или метафизички?! Поимање на човекот во секој од нас,како разбирање за самиот себе или како разбирање за другите луѓе со коишто споделуваме иста идеја,исти вредности,иста одговорност. Истовремено,политиката е и легитимирање на нашата совест. Тоа означува колку нашето битие има склоност за почит кон демократските начела,или ги преферира авторираните методи на политичката мисла и акција!! Всушност,во основата на секој којшто е дел од политичката фела е човештината. Најголем противник на секој политичар е преголемата суета. Нема ништо пострашно за политичкиот процес,да не се знае судбинската детерминираност на нештата. Да се натцени својата улога како политички лидер,во ковачницата на човечката среќа или несреќа,во моментот кога човекот-политичар ја има шансата да биде на чело на политичка партија, на чело на државна или пак меѓународна институција и замислува некоја своја месијанска улога. Политичарот е сепак само ковачот,којшто со секој удар на чеканот ја оцртува силината на челикот. А челикот е народот. Креацијата не е во силината на ударот со чекан. Креацијата е во разумското прифаќање на народот на сите искушенија,предизвици,можности и решенија,но и во народната издржливост да ги истрпи сите успеси и промашувања на политичкиот лидер. За тоа е потребна сплотеност,доверба и взаемна почит. Синергијата со народот не се постигнува со помош на маркетинг агенции,секојдневни мерења на поединечниот и партиски рејтинг,ниту пак со вешти ПР стратегии.За жал,Македонските политичари тука ги правеа најголемите грешки при практикување на партиската или државната власт. ЗА ПАРТИСКИТЕ НАЧЕЛА НА ВМРО-ДПМНЕ ОНАКА КАКО ШТО ЈАС ГИ РАЗБИРАМ Да се биде член на ВМРО-ДПМНЕ е заедничко дело на крупни временски збиднувања во даден простор и време и потреба којашто неможе едноставна да се објасни. Таинствен след на необјаснети општествени пројави и човечки судбини. Да се воспеваат или распнуваат луѓето од Партијата коишто биле на партиска функција во опозиција или при практикување на власт е сизифова работа?! Факт е дека вистината и правдата во четирите симболични букви,втемелени во битието на секој Македонец,се издигнуваат над исте одделни човекови заслуги или промашувања. Јас мојата политичка активност во ВМРО-ДПМНЕ не ја започнав со аурата на основач на Партијата,ниту како еден од првоначалните партиски раководители. Едноставно,во Месниот комитет Мичурин се боревме на првите парламентарни избори 1990 година да го избереме во Македонското Собрание нашиот кандидат Д-р.Никола Бундовски,соработник и пријател со мојот покоен татко.За жал,не успеавме. Бевме сложна дружина-јас,Трајко Божинов,Ѕвонко Jакимовски,Благоја Наутлиев,Марко-Ѓуро,Мојсовски,Блаже Димулков...Повеќето од нив не се повеќе со нас. Никој тогаш не размислуваше кој и што ќе биде во Партијата?! Во тоа време,да се биде на функција-Претседател на Општински Комитет Кисела Вода беше голема работа,а посветеноста и довербата кон првите тројца претседатели-Илија Темелковски, Никола јовановски и Љупчо Трајчев (редоследно наброени) претпоставуваше подготвеност веднаш да се откажеш од функцијата ,на ист начин како што се жртвува материјално добро да ја спасиш својата душа. Тоа значеше сам себе да си потпишеш помилување за сите сторени грешки во работата.А никој не е безгрешен!! Безграничниот хоризонт на Делчевата траекторија не водеше кон општи човечки добра,кон општи идеи за човечноста. Независно кој,што и каде работеше и на какво работно место беше,имавме верба во сопартијците,верба во човекот до нас и со скриена добрина го чекоревме Македонскиот простор. ОХРИДСКИОТ КОНГРЕС НА ВМРО-ДПМНЕ Тогаш се случи Охрид. Дванаесетиот Конгрес на ВМРО-ДПМНЕ.Се подели Партијата на стари и млади. Се поделивме на портокалови и црвеноцрни. На непотребни кадри од старото време и експертите во новото партиско раководство,прибрани од сите партии во Македонија?! Сето тоа се правеше со медиумско шоу,со огласи по новини за избор на партиски раководители?! Не беше веќе важна партиската лојалност. Важно беше колку луѓе од други партии ќе ни пристапат. Притоа,под наметката на прагмата и желбата за успех по секоја цена,како страшило се надвиснуваа првите никулци на непотизам,елитизам и клиентилизам!! Партијата за период од две години беше целосно приватизирана. Следеа исклучувања,анатемисувања,озборувања и разни методи на човечка дискриминација на сите нивоа-лична,семејна,на цели партиски групи.Тоа беше “катарза за прочистување” на партиските редови. Јас не би бил тоа што сум,а да не ги споменам добрите страни од избраната партиска стратегија.Авторитарната рака на новото партиско раководство,раководено со палката на Никола Груевски постигна извонредни економски резултати,го отпочна процесот на годишните извештаи на Европската Комисија од 2008-ма година за напредокот на Македонија на Европскиот пат.Се случи визната либерализација во 2009-та година и се отпочна дијалог на високо ниво ао ЕУ во 2012 година...Пред вистината и боговите молчат!! Имав можност да соработувам со двајцата претседатели на ВМРОДПМНЕ-Љубчо Георгиевски и Никола Груевски. Се гордеам што во позни години од мојот живот соработувам со третиот претседател Христијан Мицкоски. За мене тоа претставува континуитет на мојата тридецениска работа во ВМРО-ДПМНЕ Ингениозноста на Георгиевски му ја признаваат и неговите најлути непријатели. Работливоста и неуморната енергија на Груевски станаа еталон за професионална посветеност!! Тоа беа нивните добри страни. Јас немав проблеми со хиерахиската поставеност и почитување на партиските одлуки. Бев одраснат и воспитуван во едно КАКО СОРАБОТУВАВ СО ПОРАНЕШНИТЕ ПРЕТСЕДАТЕЛИ НА ВМРО-ДПМНЕ Меѓутоа,клиентилистичките струи полека почнаа да го разјадуваат институционалниот државен систем. Ерозијата на Македонската држава беше неминовна и проследена со етнизација и партизација во сите пори на општеството.контрола на медиумите,стекнување огромен имот од страна на државни функционери во приватна сопственост.... Странците и шарените револуционери подоцна измислија нова синтагма за тоа-“заробена држава”?! Време,кога почитта кон раководителите и беспрекорноста во извршување на зададените задачи, беше аксиом за успешност во било која професија,вклучително и во политиката. Проблем беше непринципиелноста и различните стандарди. Аршинот не беше ист за сите. Да бидам искрен и невозможмо е да биде ист. Заблудата дека сите сме еднакви,важи само пред Бога и еднкавост на животот со смртта!! Во секој случај,не барав никакви привилегии,ниту барав некаков посебен статус,како за мене,така и за членовите на моето семејство. Тоа што сум бил назначуван на одделни државнички функции не било никогаш по мое барање. Груевски сам решавал и по обавен разговор со мене,се определувал дали своето решение за мое ангажирање на одделна функција е правилно решение или не е!! Отука,алузијата дека некој мене ми подал рака е апсолутно погрешна констатација. Рацете биле подадени од двете страни. Јас сум го ценел односот на Никола кон мене,во насока на искажаната доверба и сум се трудел да ги оправдам очекувањата во извршувањето на одделна службена должност. Ништо повеќе и ништо помалку. Истото го правам и денес!! Дипломатски гаф (или тоа беше смислено од негова страна за моја контрола??) со дозволување Методија Белевски да биде именуван за заменик шеф на мисија во Софија (место коешто не постои во систематизацијата на МНР). Токму тој Белевски контактираше со Заев и Димитров,тој работеше без мои инструкции, а на моето писмено укажување до министрите Попооски и Димитров за непринципелната хиерархиска поставеност на Македонското ДКП во Бугарија, не добив никогаш одговор. Доказ за мојата работа во Р.Бугарија се моите дипломатски извештаи за штетноста на Договорот за пријателство со Р.Бугарија и мојата изолација од преговорниот процес од страна на Димитров. Но,повеќе за мојата работа во Бугарија говорат луѓето од ОМО Илинден-Пирин и уредникот на Македонскиот весник Народна Воља од Благовград (починатиот Георги Меѓутоа,крајно тенденциозно и злонамерно е тврдењето дека јас претставувајќи ја Македонската држава во Р.Бугарија сум отстапил од дипломатските стандарди и правила на однесување,во услови на кохабитација на Премиерот Заев и Претседателот Иванов. Моите акредитивни писма беа потпишани од Иванов и јас бев претставник на претседателот на Македонската држава во Софија. За волја на вистината, министерот за надворешни работи Никола Попоски направи Христов). Исто како што за мојата долгогодишна грижа за Македонското малцинство во Бугарија говори споменикот на Гоце Делчев во О. Ново Делчево (блиску до Петрич). Со моја лична подршка во 1992 година се изгради плоштад на историското ВМРО и се излеа биста на главата на Гоце Делчев. За работата на секој од нас говорат писмените документи,живите сведоци и направените дела. А како финален доказ како се однесуваа премиерот Заев и министерот Димитров кон мене (крајно непрофесионално и непринципеилно), по завршувањето на мандатот и враќањето во земјатаме пратија во петнаесетдневен карантин во Гевгелија??,иако на граница уредно приложив негативен Ковид ПСР тест од Бугарска државна институција?! ЗАКЛУЧОК Мојот личен став е дека клучно за Македонската политика е конечно објавување на имотната состојба на сите државни функционери. Во прашање е категоријата сопственост. Сопственоста е манифестација на производниот однос. Во капиталистичката општествено-економска формација, сопственичкиот однос е дефиниран како право на приватно присвојување на предметите. Сопственичката содржина на нашите животи се толкува уште како “имотна состојба”. Колку вредноста на имотната состојба е поголема,толку задоволувањето на потребите е на повисоко ниво. Наравоучението е јасно!! Политичарите можат да го трошат само тоа што законски го заработиле-како плата за време на својот мандат. Се друго е обвиено со велот на сомнежот за корупција. Колку ќе бидеме поуспешни во борбата со корупцијата,толку државата ќе биде побогата,а и народот ќе биде помалку сиромашен. Ќе престанат и озборувањата и шепотењето кој колку украл,а и странците ќе немаат материјал да не прогласуваат за шампиони по корупција. Во спротивно и најпостојаната белина,при допир со секојдневна црна боја во медиумите и социјалните мрежи ќе стане црна. Тоа значи дека ќе живееме во темница,во мрак!! Впрочем,ако така милуваме,така нека биде. Тогаш,џабе ќе ни бидат демократските исчекори и реформите со коишто го моделираме нашиот морал,нашата совест,нашите нови навики,а се здобиваме и со право да се определиме за трет пол?! Морбидно!! Затоа Никола,со целосно разбирање за твојата положба во Будимпешта и неоправданоста на одделни законски постапки кон тебе,за мене е логично како поранешен претседател на Партијата и екс-премиер, да дадеш силна подршка на актуелното Партиско раководство и на претседателот Христијан Мицкоски во борбата за спречување на донесување на уставните измени,со коишто дополнително ќе се проблематизира тешката идентитетска состојба на Македонија и Македонците,за којашто сум убеден дека си длабоко свесен!! Марјан Ѓорчев

Ѓорчев: Со овој потег Груевски сака да го разруши ВМРО-ДПМНЕ кој во моментот е најстабилно и со најголем број на градоначалници во историјата на локалните избори

Ристе Здравков — Thu, 21 Sep 2023 07:44:09 +0000

Марјан Ѓорчев, во своето гостување во радио Лидер зборуваше за случувањата поврзани со Никола Груевски односно кој е интересот на Груевски да работи за уставни измени и потенцираше дека сето ова се прави во период кога ВМРО-ДПМНЕ е најкомпактно, стабилно и со најголем број на градоначалници во историјата на локалните избори. -Тука е и проблемот, што необјасниво е зошто тој би превземал било каква акција во делот да може да се разруши стабилноста на ВМРО-ДПМНЕ, кога ВМРО-ДПМНЕ е најкомпактно, после конгресот, каде со акламација е избран, проф.д-р Христија Мицкоски. И второ каде што на локалните избори ВМРО-ДПМНЕ е во водство и со најголем број на градоначалници во историјата на локалните избори во Република Македонија, рече тој. Ѓорчев во текот на своето гостување порача дека не ја гледа логичноста да еден поранешен претседател на партија кој е легитимно назначен и разрешен така да се однесува. -Не ја гледам човечката логика на еден претседател кој бил толку години, кој е избран според тоа како предвидуваат статутите на ВМРО-ДПМНЕ и разрешен на начин како што предвидуваат статутите на ВМРО-ДПМНЕ, и според мене за еден човек да остане човек до крај, во вакви моменти треба да даде поддршкка, тој го прави тоа спротивното, вели Ѓорчев. На крај Ѓорчев порача: -Во овој момент се врши страшен притисок врз Република Македонија, врз институциите и тука веројатно е обидот на Груевски на некој начин не покажувајќу цврсто јадро во себе кој што ќе значи еден амалгам кој што ќе ги обедини Македонците и ќе каже јас ви порачувам од Будимпешта вие да бидете обединети, силни и да издржите под притисок на уставните измени.

Ѓорчев: ВМРО-ДПМНЕ остана на својот став за неменување на Уставот под овие околности, а Владата се однесува крајно несериозно кон државни теми

Дарко Андоновски — Wed, 16 Aug 2023 17:29:28 +0000

ВМРО-ДПМНЕ остана на својот став за неменување на Уставот под овие околности, рече Марјан Ѓорчев, поранешен амбасадор на Македонија во Бугарија на гостување во емисијата За или против што се емитува на телевизја Алфа говорејќи за ситуацијата во пресрет на собраниската седница за промени на Уставот закажана за во петок. Според него сега е доцна за се и до изборите нема ништо да се случи во контекст на ова прашање. „Јас сум длабоко убеден дека македонскиот парламент не е подготвен за ваков процес на уставни измени“, кажа Ѓорчев. Поранешниот амбасадор укажа дека во целиот овој процес самата Влада беше несериозна, бидејќи во ваков еден процес за промена на Уставот влезе без да разговара внатре во државата и дасе обиде да постигне консензус. Ѓорчев се осврна и на изјавата на Екатерина Захариева, поранешна министерка за надворешни работи во Буагрија која повтори дека Бугарите се дел од македонскиот политички опус и не е ништо спорно да бидат вклучени и во Уставот. „Да, Бугарите се дел и ги има во Македонија и тие ги уживаат сите права, и досега кажувале дека се Бугари и тоа го правеле тука со низа на активности. Исто така реалност е дека во Бугарија има граѓани кои се чувствуваат како Македонци и тие се во пописната евиденција, меѓутоа Бугарија смета дека не постојат доволно разлики меѓу нив и Бугарите и велат дека не постојат Македонци. И сето ова е случај и покрај тоа што Судот за човекови права во Стразубр е дециден дека постојат Мкаедонци во Бугарија. Но судовите во Бугарија ги отвфрлаат пресудите на Стразбур“, вели Ѓорчев.

Ѓорчев: Македонија има право по дипломатски пат да поднесе Анекс за тие точки за кои што мисли дека го стагнираат процесот за развојот на добрососедството, пријателство и соработка

Катерина Бојаџиева — Fri, 11 Aug 2023 18:12:18 +0000

„Избори се секогаш решение кога се гледа дека граѓаните на Република Македонија бараат излез од оваа ситуација. А, тоа го покажуваат сите истражувања, а истражувањата се сепак огледало на политичката сцена во Република Македонија, истакна Марјан Ѓорчев во емисијата „Вести плус“ на Канал 5 телевизија. Ѓорчев додаде дека тогаш ќе се покаже од сите политички партии во која насока ќе се движи државата. „После договорот со Бугарија, власта самата на себеси си направи стапица со тоа што прифати исклучиво бугарска стратегија. И при прифаќање на овој договор не се почитуваа искуствата на владите од пред 2017-та година. И сега од таа стапица многу тешко се излегува“, рече Ѓорчев. Тој посочи дека Бугарија кажува убаво дека преземените обврски од при потпишувањето на договорот треба да се исполнат како што се историските прашања, образовните прашања, недискриминација, сето тоа го содржи договорот. Бугарија кажува се што ја чека Македонија. „Во последните одредби од договорот стои овој договор дека има право Република Македонија и Република Бугарија да поднесе Анекс, значи ова не е конечен договор, значи имате право по дипломатски пат да поднесете Анекс за тие точки за кои што мислите дека го стагнираат процесот за развојот на добрососедството, пријателство и соработка. Република Македонија треба да го направи тоа што поскоро, за да го ажурира договорот и тој договор да стане применливи во политички, економски и социјален контекст. А, најмногу во граѓански контекст. Така што тој договор може да има позитивна содржина дури тогаш кога негативни елементи ќе бидат отстранети, а тоа можеме да го направиме согласно оодредбите во договорот и во рок од една година од другата страна да одговори дали ги прифаќа тие измени и дополни. Пазете имаме право на измени и дополни и со тоа да го подобриме и политичкиот дијалог и односот помеѓу граѓаните во двете држави“, нагласи Ѓорчев. Тој појасни дека Бугарија може и вака Македонија да ја блокира и соотворање на првиот кластер. Бугарија може секогаш Македонија да ја блокира.

Ѓорчев: Манифестот на власта требаше да се појави пред да се прифати било каква рамка, сега е доцна, ваква преговарачка рамка е штетна за Македонија

Катерина Бојаџиева — Fri, 11 Aug 2023 17:17:55 +0000

Ние како земја кандидат, без почнати преговори со ЕУ, имаме право да сметаме дека овој предлог на Европската Унија е неприличен, штетен за Македонија по нејзините национални и државни интереси, изјави поранешниот амбасадор Марјан Ѓорчев за „Вести плус„ на Канал 5. Тој истакна дека меѓународната соработка е нужна, но нашите ставови се познати дека за култура, за историја, да бидеме доследни кон сите, но дискусија за тоа не може да биде предмет. - Јасно е дека ова се беспредметни дебати. Што има да дава гаранција некоја држава за тоа дека нема да има повеќе дебата за историја. Историјата не смее да биде предмет во преговарачката рамка, како што не може да биде ни образованието, ни културата, а сите тие одредби се во Договорот со Бугарија и се на некој начин противречни со стандардите за пристапување во ЕУ, рече Ѓорчев. Тој истакна дека европската интеграција е процес во кој космополитизмот, наднационалната политика е важно, но тоа не треба да биде по цена на нешто што претставува наука, колективна меморија и откажување од образованието на идните поколенија. Во однос на манифестот на власта, тој рече дека требаше да се појави пред да се прифати било каков предлог, а сега е доцна. - Манифестот требаше да биде објавен уште во февруари 2022 кога требаше да седнат сите политички партии за тоа каква рамка ни треба. Сега е доцна, сега се изострени политичките ставови на клучните политички субјекти, позиција и опозиција и така да сега манифестот е задоцнет и излишен. Црвените линии бе изгласани во Резолуцијата која беше изгласана во Собранието и таму јасно стои дека не може да се разговара за историја, култура и образование, а токму договорот за соработка и добрососедство кој не е за добрососедство кој беше злоупотребен од бугарска страна со ветата и во него се работи за тие теми, истакна Ѓорчев. Според него за консензус е потребно да се седне пред било кој предлог од меѓународната заедница или пред било кое важно прашање.

Ѓорчев: Уставни измени пред зачленување е класична уцена, ЕУ има начин преку своите тела да го реши проблемот со Бугарија, се што е надвор од Копенхашките критериуми не треба да е услов

Дарко Андоновски — Sun, 11 Jun 2023 18:25:18 +0000

„Ние тоа што го бараме е поддршка од ЕУ, работи кои што не можат да бидат политички интерпретирани тоа е култура, историја и образование, тоа е нешто што за кое што секоја држава има право да си го решава на начин за кој што постојат историски факти, за кои што постојат документи, за кои што постојат архиви. За тоа не би требало политиката да меша прсти и тука да имаме политички интерпретации на една или друга држава“, истакна Марјан Ѓорчев во „Тема на денот“ на Сител телевизија. Ѓорчев додаде дека Македонија има дадено многу жртви за ЕУ, многу реформи направено. „Бараме од ЕУ да ги почитува своите стандарди, Копенхашките критериуми и да го остави сето она нам што ни претставува пречка за нашето зачленување во ЕУ“, појасни тој. Тој посочи дека време е Македонија да влезе во ЕУ. ЕУ има механизам преку своите работни тела да го реши проблемот со Бугарија. „Прашања кои што не се дел од Копенхагешки критериуми не треба да се коментираат и да се услов за зачленување во ЕУ“, појасни Ѓорчев. Тој укажа дека уставни измени пред зачленување е класична уцена. она што го бара опозицијата во моментов е легитимно барање и ЕУ треба да одговори правилно.

Ѓорчев: Власта треба да понесе одговорност кон граѓаните, таа влезе неподготвена во дијалогот со Бугарија и со тоа ги направи најкатастрофалните грешки

Ивана Ефремовски — Tue, 23 May 2023 20:15:51 +0000

„Вината за спорот со Бугарија е наша, зошто влеговме неподготвени во дијалогот. Требаше да им ги знаеме нивните принципиелни ставови кон нас. Очекувам дека тие ќе бидат добронамерни, но не може да излезат од матрицата на Бугарската Академија на науките“, истакна Марјан Ѓорчев во вечерашното гостување во емисијата „24 Отворено“ на Телевизија 24. Тој додаде дека оваа власт е на власт веќе 6 години и треба да понесе одговорност кон граѓаните за нивната работа. Ѓорчев истакна дека во однос на Македонија новата Влада која е во Бугари нема да има промени, секој политички субјект таму ги има определено своите цели кон Македонија и знаеме со што се соочуваме. „Бугарија си ги оствари своите цели со францускиот предлог таа јасно ги дефинираше и своите цели уште од 2011-та година кога не дадоа согласност за она што го добиваме како препорака од европската комисија“, кажа Ѓорчев. Тој е дециден дека оваа власт во 2017-та година во рок од два месеци ги направи најкатастрофалните грешки со преговорите со Бугарија. Таа Влада го потпиша тој договор и ги прифати сите бугарски барања.

Ѓорчев: Офанзивната реторика на бугарската држава е поради тоа што таа увиде дека македонската дипломатија е неорганизирана и не се грижи за Македонците во Бугарија

Катерина Бојаџиева — Sun, 26 Mar 2023 11:28:01 +0000

„Согласно Уставот на Република Македонија македонската дипломатија е структуирана од централната точка МНР и ДКП како традиционална или класична демократија која моја да почива на принципите на меритократија, правичност и дипломатски кариерни дипломати. Но од друга страна и да вклучува во дипломатијата луѓе кои со својот опус научен, интелектуален и културен се докажани во македонското општество и можат да го зголемат фаворитното милје на македонската дипломатија“, рече поранешниот Амбасадор во Бугарија Марјан Ѓорчев на денешната панел дискусија на тема „Алармантните состојби во македонската дипломатија“. Тој посочи дека главните причини се тоа што не постои систем во министерството за надворешни работи. Тоа се должи на тоа што секоја посебна одделна политичка гарнитура во Македонската држава се однесува наместо кон дипломатската професија не како стална дипломатија туку како ад-хок дипломатија односно од случај до случај. „Одраз на ставот на оваа политичка гарнитура е дека македонската нација завршува со границите на македонската држава. Тоа е нешто што е неприфатливо во контекст на она што претставува Балканска географија и развојот на народите на балканскиот полуостров кој секогаш бил мултиетнички. Невозможно е сите други народи од соседството да имаат народи во Македонија, а само ние како Република Македонија да немаме право да говориме за нашите малцинства во Грција и Бугарија“, кажа Ѓорчев. Ѓорчев е дециден дека како држава должни сме да ги браниме човековите права на Македонците во пиринскиот крај во Бугарија. „Ние како држава покажавме огромна слабост и една од причините за една ваква офанзивна реторика на бугарската држава е тоа е искусна дипломатија и тие разбраа дека имаат работа со една неорганизирана дипломатија која ни малку не се грижи што се случува со Македонците во Бугарија и од година во година нивниот број се намалува“, изјави Ѓорчев.

Ѓорчев: Добро е што носиме закон за здруженија, бидејќи отворањето на бугарските здруженија се навреда за државата и нацијата

Ивана Ефремовски — Wed, 19 Oct 2022 19:58:05 +0000

„Според мене ова не е политичко прашање, ова е Уставно прашање, тука се напаѓа Уставот на Република Македонија, бидејќи во уставот точно стои што е спротивно на уставот и кои се правата на државата. Тука се удира директно и намерно од страна на македонски граѓани со бугарска самосвест кои формираат здруженија“, рече поранешниот амбасадор во Република Бугарија, Марјан Ѓорчев во вечерашното гостување во емисијата „24 Анализа“ на Телевизија 24. Ѓорчев посочи дека тоа е една провокација од бугарска страна и македонската држава треба да одговори соодветно, да стави еднаш крај на тие работи. Тој додаде дека добро е што носиме закон за здруженија и битно е Република Македонија да и покаже на Република Бугарија дека до тука беше со црвената линија и дека од тука натаму не може повеќе. „Македонската држава е на страната на антифашистичката борба и не може да не знае Централниот регистар да знае дека Цар Борис Трети бил цар во нивната бугарска историја на монархо-фашистичка Бугарија“, изјави Ѓорчев. Тој потенцираше дека премногу е и граѓаните кажаа дека е премногу. Тоа е навреда за државата, нацијата и за она што претставува наша заедничка европска иднина.