марјан николовски – Kurir.mk

Професор Николовски открива кои се начините за идентификација на напаѓачот од Ист Гејт, големите слушалки се особено важни

Ивона Петрова — Thu, 26 Oct 2023 18:48:15 +0000

Професорот на Факултет за безбедност и поранешен началник во МВР, Марјан Николовски во „Тема на денот“ на МРТ направи криминалистичка анализа на вооружениот напад во трговиот центар „Ист Гејт“. Николовски вели дека многу фактори укажуваат дека се работи за добро подготвен акт. -Се работи за добро организирана криминална група и неколку фактори укажуваат на тоа. Напаѓачот не е сам, има логистика, луѓе кои го следеле. Самиот начин на извршување на делото, со пукање во грб, е карактеристика на мафијашкиот тип на криминални групи. Она што особено е интересно за овој случај е заштитата од идентификација. Тој носи качкет, медиумите објавува дека носи маска на лицето, но особено интересни се големите слушалки на извршителот. Во форензичката наука има неколку методи на идентификација на личности, би ги споменал папиларните линии, ДНК анализа, препознавање по лик и препознавање по ушната школка. Во овој случај гледаме дека најголемиот дел од начините на препознавање не се познати, што укажува на тоа дека се работи за добро подготвен акт или професионално убиство, објаснува професорот. Според последните информации во Македонија има околу 180.000 парчиња легално оружје и најмалку двојно повеќе нелегално. Николовски смета дека оваа бројка треба да загрижува. -Една од основните закани за државата е големата количина за нелегално оружје, тоа нелегално оружје се влече со децении. Мислам дека се уште имаме голема количина на нелегално оружје. Ако се направи анализа на извршените убиства со огнено оружје, ќе се види дека најголемиот процент е извршено со оружје набавено на црниот пазар, посочува професорот во гостувањето во дневникот на МРТ.

Николовски: Признавањето на МПЦ-ОА е историска победа

Ристе Здравков — Tue, 10 May 2022 18:15:44 +0000

Новинарот Марјан Николовски смета дека вчерашната одлука на Вселенската патријаршија за признавање на МПЦ-ОА како канонска претставува триумф на македонската црковсна вистина. -Тоа е клучната историска придобивка, затоа што 55 годишниот автокефален статус на непризнаена црква и неколку години претходно, македонската црковна вистина се темели на потребата од создавање сопствена црква со свој род владици од Македонија. Историскиот момент е што после 55 години победи вистината за канонската исправност на МПЦ. Црква која е поставена на темели, на канони без еретички учења, што не беше доволно осознаена затоа што беше доминантна вистината на СПЦ. Успехот е што Вселенската патријаршија призна легитимитетот на сите претходно избрани владици, свештеници, целиот развој од 1943-та година преку 1958-ма и 1967-ма година и одвојувањето како автокефална православна црква. Секое крштение, секоја венчавка, секој погреб е легитимно извршено од овие свештеници и тие што биле претходно. Ова е историска победа, ако не е, тогаш не знам што би било друго, смета Николовски во емисијата „Топ тема“.

Николовски: Дозволивте политичарчиња без идеали и разум да ви кажуваат што да правите

Ристе Здравков — Wed, 30 Mar 2022 14:54:35 +0000

Математиката е проста и едноставна операција. Лесно пресметлива, лесно утврдлива. Оние кои се поведоа по паметот на лидерите на бојкотот се видновни за статистичката катастрофа на сопствениот народ, напиша на Фејсбук новинарот Марјан Николовски. Тој во својот статус пишува дека во пописот 2021 година и,а графа Административно попишани. Со други зборови тоа се лица кои поверуваа во повикот за Бојкот и дека нив статистиката ги пронајде, но дека нивната етничка, верска и јазична определба остана енигма.