марјан ристески – Kurir.mk

Ристески: Комуналната хигиена треба да биде приоритет, граѓаните очекуваат работа, а не несоодветен вокабулар како на Арсовска

Тале Кристо — Tue, 11 Jul 2023 11:33:31 +0000

Марјан Ристески, претседател на Комисија за локална самоуправа на ВМРО-ДПМНЕ на денешната трибина насловена „Предизвиците на главниот град и локалната самоуправа како сервис на граѓаните“ која е во рамките акцијата „Пораки од реалниот живот - Ова е Македонија за сите“ зборуваше за градот Скопје и градоначалничката Арсовска каде јасно потенцираше дека недопусливо е ова што му се случува на градот поради неспособноста на градоначалничката Арсовска. -Никако не е допусливо за еден градоначалник посебно градоначалник на главниот град на Република Македонија, градот Скопје да му се случува она што се случува деновови со расфрленото ѓубре. Она што го гледавме овие неколку дена по медиумите со расфрлано ѓубре околу контејнери, тоа не смее да си го дозволи ни еден менаџер, не само со град Скопје туку и со ниедна општина во Република Македонија бидејќи секогаш треба да биде приоритет граѓаните, подобрувањето на условите за живот треба да се приоритет на секој граѓанин, а не усложување на ситуациите и загрозување како што беше случајот на здравјето на граѓаните посебно во овие летни горештини кога температурите се над 30 степени. Расфрлањето на ѓубрето околу контејнери насекаде по јавните површини без да има инцијатива од страна на комуналното претпријатие и градот да биде собрано истото и да биде депонирано таму каде што му е местотото, а тоа е депонијата Дрисла, е недопусливо пред се поради не само создавање на комуналниот отпад и комунален неред и сликата на градот пред се поради појава на заразни болести и не дај боже појава на епидемија. Тогаш тука се поставува прашањето кој би ја презел одговорноста за сето тоа ако не градоначалникот на градот под чија надлежност се јавните претпријатија Комунална хигиена и секако јавното претпријатие Дрисла, рече Ристески. Тој во текот на своето обраќање укажа дека градоначалничката Арсовска своето неработење го прикрива со тоа што таа се испокара со сите и тоа нејзино однесување е недопусливо за функцијата која таа ја извршува. -Комуналната хигиена треба да биде приоритет, но гледаме дека дека секогаш кога се создаваат проблем во град Скопје некако навикнавме во овој период, навикнавме на секоја недела или месец да имаме по некој невиден циркус кој се случува во градот и секогаш вината со прст се покажува на други луѓе. Јас не знам да градоначалничката госпоѓа Аровска да се нема испокарано со некој до сега.Арсовска се искара со советниците, се скара со политичките партии, се скара со медиумите, со директорите на јавни претпријатија и секогаш својата неспобност за раководење, менаџирање ја префрла на други лица. Таа многу често користи несоодветен вокабулар што не би одговарало на една личноста која е 3 или 4 по ред функција во државата, тоа е градоначалник на Град Скопје и според мене тоа е недопусливо, кажа тој. Ристески во врска со неработењето на Арсовска ја спомена и последната анкета на ИРИ која јасно покажува дека скопјани се незадоволни од нејзиното работење и според него тоа е еден фрапантен податок за еден градоначалник кој го реализира својот прв мандат. -Сето ова се одразува на скопјани, не се задоволни од ова две годишно управување со градот Скопје и тоа го покажуваат и последните анкети на ИРИ. Знаеме дека првите две години секој градоналник се труди со ентузијазам, со знаење, со добар тим, со програмата која ја ветил што повеќе да реализира проекти со цел да остави нормално добар впечаток кај граѓаните и нормално тоа што ветил да реализра. Овдека освен вакви прес конференции, напади немаме ништо конретно видено во овие две години и тоа граѓаните го препознаваат и затоа е и таква анектата каде граѓаните преку 50 проценти се незадоволни од нејзиното работење, а еден мал процент некаде под 20 проценти се делумно задоволни од нејзиното работење. Тоа е еден фрапантен податок за еден градоначалник кој го реализира својот прв мандат во првите две години да има поразителни бројки, да е некој фер и коректен спрема граѓаните би се погледнал во огледало и би рекол јас ќе си дадам функцијата и ќе го отташам на некој способен да го води градот, кажа тој.

Ристески: Централната власт ја уназадува Македонија, потребни се промени

Ивона Петрова — Sun, 06 Nov 2022 13:29:54 +0000

На саемот на промените што носат иднина се обрати Марјан Ристески претседателот на републичката комисија за локална самоуправа на ВМРО-ДПМНЕ кој се осврна на процесот на децентрализација и предизвиците кои овој процес ги носи со себе. Според него најдобра соработка на локалната со централната власт била во периодот од 2006 до 2016 година. -Се забрзаа процесите на децентрализација во тој период, се трансферираа многу повеќе средства од централно на локално ниво, процент од ДДВ, префрлање на надлежноста за данокот на имот на локалните самоуправи, персоналниот данок дел од концесиите итн. За прв пат тогаш се донесе законот за рамномерен регионален развој, се донесоа и планските региони и започна да се инвестира во сите општини без разлика на која политичка опција припаѓаат, реализација на капитални проекти и поддршка од тогашната централна власт на чело со ВМРО-ДПМНЕ на битни проекти за развојот на општините, вели Ристески. Тој дополни дека во тој период ЗЕЛС одиграл активна улога во таканаречената борба помеѓу централната и локалната власт и успеале да реализираат многу проекти кои денес ги уживаат локалните самоуправи. Според него тој период ЗЕЛС била многу поактивна и ја повика Арсовска да биде многу поактивна. Ристески посочи дека општините кои ги наследиле градоначалниците на ВМРО-ДПМНЕ биле презадолжени, оптеретени со непотребни партиски вработувања, немале значајни проекти и капитални инвестиции, без соодветни ДУПови, многу сомнителни тендери и обструкции од власта кои јасно се нотирани во последниот извештај на ЕК, односно е нотирано дека има забавена децентрализација во Република Македонија. -Денес имаме заробена држава од страна на СДСМ И ДУИ, власт која опстојува неколку години и ја уназади Република Македонија неколку години во секој поглед, во овој период како што нагласив соработката помеѓу централна и локална власт е на ниско ниво и потребно е што побрзо предвремени парламентарни избори на кои ќе победи ВМРО-ДПМНЕ, бидејќи незадоволството кај граѓаните е огромно, нагласи тој.

Конфедерацијата на слободни синдикати најавува блокди ако Арсовска не ги врати 100 вработени од „Водовод“ на работа

Ристе Здравков — Fri, 16 Sep 2022 15:07:36 +0000

Мора да престане праксата политичарите својот гнев да го истураат врз вработените, порачаа денеска од КССМ. Доколку градоначалничката на град Скопје Данела Арсовска не одржи средба со Конфедерацијата на слободни синдикати на Македонија и не ја отповика одлуката со која 100 вработени во ЈП „Водовод и канализација“, остануваат без работа, најавија протести и блокади околу канцелариите на град Скопје и булеварот „Илинденска“. Претставници на овие синдикати денеска на прес-конференција побара од Арсовска да ги врати на работа 100 работници на кои нема да им бидат продолжени договорите. „Застануваме целосно зад вработените во ‘Водовод‘ кои градоначалничката рече ќе ги отпушти. Мора да престане праксата политичарите својот гнев да го истураат врз вработените. Па дел од овие вработени имаат земено кредити, не дај боже да зеле некој од оние брзи кеш кредити. Бидејќи знае да упаѓа на прес-конференции еве нека дојде да ја расчистиме ситуацијава“, рече претседателот на КССМ Марјан Ристески. Тој тврди дека од градоначалничката побарале средба на неколку наврати, но, безуспешно. „Кај госпоѓата Данела, ние како синдикат имаме уште ланска година барање за средба. Оваа година уште две три писма. Не се само за Водовод. Има незадоволство и во други јавни претпријатија. Се надевам ќе оствариме средба. Знаете кој ми се јави кога баравме средба? Некој преставник на синдикат, нејзин веројатно. Госпоѓа Арсовска, јас како синдикат, толку години се занимавам, не сум доживеал до сега некое претпоставено лице дали министер, дали директор, дали градоначалник, да ми даде синдикат да го решава проблемот. Нема шаанса тоа веќе така да функционира. Секој ќе има одговорност за функцијата што е назнаечен“, рече Ристески, истакнувајќи дека работниците не се виновни и не смее да бидат жртви на каков било реваншизам.

Ристески: Дали Пивофест замина во историјата?

Магдалена Андонова — Mon, 19 Jul 2021 13:59:57 +0000

ДАЛИ ЗАМИНА ПИВОФЕСТ ВО ИСТОРИЈА? ➡️Традиционално, првиот викенд после празникот Петровден, во градот под Марковите Кули се случуваше најголемиот настан во историјата на градот и Македонија -ПИВОФЕСТ... ✅Фестивал за кој немаше бариери, рушејќи рекорди невообичаени за Македонија, фестивал кој за 4 дена со над 350.000 гости во просек влезе во картата на Светските фестивали за пиво... и стана еден од најпрепознатливите туристички брендови во овој дел на Европа..‼ ✔Во градот и Македонија тие фестивалски денови се слеваа гости од целиот свет, а градот неколку месеци пред тоа се спремаше за прием на истите... ✔Нашите иселеници секогаш планираа годишниот одмор да им се поклопи овие денови со пивофестот... Градот денови и недели беше преполн со гости, а хотелите и приватните сместувања беа резервирани неколку месеци претходно... ⏩Еуфоријата траеше пред фестивалот, но и по него, со анализи, впечатоци и очекувања за наредниот.... ✅Економскиот бенефит беше огромен за градот и чаршијата, а на сите балкански музички ѕвезди и пошироко им беше престиж да се пофалат дека биле дел од овој фестивал, рушејќи рекорди во нивните кариери по број на посетеност на нивните концерти... Музика имаше за сите вкусови, но и рекорди во испиено пиво и изедена скара... ✔Многу млади луѓе со ангажманот на пивофестот зарабoтуваа сопствен буџет за одмор, школување, прошетка, и сл... ✔Пиварите имаа одлична промоција на своите пива и новитети на преубавите штандови, но и многу пропратни манифестации кои ги носеше самиот фестивал: aлтернативни бини, кампинг, модни ревии, промоции, семинари, натпревари, бинго, лотарија, хостеси, жонглери, огномети, пивски точак и воз, запросувања, прошетки на културно историски знаменитости, манастири и сл... едноставно фестивалот беше обвиен со магична еуфорија ... ❗ПИВОФЕСТ го правеше Прилеп и Македонија центар на балканот тие денови! По примерот на прилепскиот ПИВОФЕСТ многу градови во Македоија поучени од огромната посетеност и промоција почнаа да прават свои фестивали,но никогаш не го достигнаа...поточно пивофестот беше еден и единствен-пионер во развојот на една нова и сеуште непозната туристичка гранка во државава-фестивалски туризам!!! 👉П.С. Традицијата и убавите работи треба да се продолжуваат и надоградуваат, а не да се забораваат и уништуваат, тоа не е коректно за сегашните и идни генерации! 👉Пивофестот ќе ги надживее сите, па и овие... 👉П.С. Потсетување кои се големи музички имиња биле дел од Пивофест: ✔Македонски: Есма, Кирил Џајкоски, Влатко Стефановски, Суперхикс, Каролина Гочева, Кајмакоски, Слаткаристика, Драган Мијалковски, Зафир Хаџиманов, Маја Оџаклиевска, Гоце Арнаудов, Ареа, Ефто Пупиноски, Миле Кузмановски, Тијана, Тамара, Калиопи, Сузана Спасовска, Сroassroad blues band, ДНК, Блага Петреска, Нокаут, Владо Јаневски, Синтезис, Фолтин, Баклава, Влатко Илиевски, Сузана Спасовска, Игор Џамбазов,Елена Велевска,Гавазова..... ✔Балкански: Бреговиќ, Чолиќ, Цеца, Брена, Северина, Оливер Драгојевиќ, Џиновиќ, Емина Јаховиќ, Џеј, Бешлиќ, Лукас, Ковачевиќ, Д.Мерлин, Мартиновиќ, Цетински, Ван гог, Психомодопоп, Сарс, Дубиоза, Колектив, Ж.Самарџиќ, М.Илиќ, Парни Ваљак, Грашо... ✔Странски:2CELLOS,INNА, Fly project, Nastia Zoloto,Joke,Bang La Deck,Raphael,The Toasters и многу други алтернативни светски бендови и познати DJ... Фејсбук статус на Марјан Ристески

Ристески: Ако ја доградевте започнатата фабрика за отпад, Прилеп ниту депонија ќе имаше, ниту ќе смрдеше и чадеше – не ве бива!

Тале Кристо — Sat, 19 Jun 2021 17:12:09 +0000

Ако ја доградевте започнатата фабрика за отпад, Прилеп ниту депонија ќе имаше, ниту ќе смрдеше и чадеше - не ве бива!, реагира преку својата Фејсбук страница поранешниот градоначалник на општина Прилеп Марјан Ристески. -Тажни слики на запалена депонија го обвија Прилеп во смрдеа и чад овие 10- ина дена, со што не потсетија на едно минато време од пред 20 години кога депонијата секојдневно гореше... Во времето на претходната Локална самоуправа на чело со ВМРО ДПМНЕ, не само што беше решен овој децениски проблем на запалената депонија, туку истата таа беше комплетно средена со селектиран отпад во неа, редовно посипен со земја и важеше за една од најсредените депонии во Македонија и пошироко... ▪️Во домаќинствата низ градот и на јавните површини беа поделени повеќе од 20.000 корпи за отпадоци и контенјери за селекција на отпадот; ▪️Се набави машина за селекција на отпадот; ▪️Се изгради 90% затворена хала (фабрика) за инсталирање на машината за преработка на отпадот во неа... -Со ова требаше да се селектира и преработува отпадот, што ќе донесеше профит на претпријатието, нови работни места и пред сè чиста животна средина и нулта отпад во депонијата и регионот! Но, од причини "разбирливи" само за актуелната власт, ниту се дозаврши фабриката, ниту се среди депонијата, ниту пак се реализира најавената "еколошка фабрика" која остана само една попуста предизборна лага на СДСМ‼ Прилеп со оваа Власт стана несреден град, затрупан во ѓубре, смрдеа и чад овие четири години ... За нив важи познатата: И СОЛ ЌЕ ИЗЕДАМ, АМА НЕ ПРИЗНАВАМ!! е па затоа казна ЧЕ следува..., вели во својата објава Ристески.

Ристески: Развојот на манастирскиот туризам беше приоритет на претходната локална самоуправа и Владата на ВМРО-ДПМНЕ

Тале Кристо — Tue, 25 May 2021 11:54:15 +0000

Развојот на манастирскиот туризам беше приоритет на претходната локална самоуправа и Владата на ВМРО-ДПМНЕ, се надевам дека идната ЛС од ВМРО ДПМНЕ, ќе ја продолжи традицијата за изградба на достапни патишта до нашите манастири и културно-историски и природни реткости, а еден од приоритетите ќе биде и асфалтен пат до преубавиот манастир во с.Дрен, пишува во својата Фејсбук објава поранешниот градоначалник на Прилеп Марјан Ристески. Во продолжение интегрално ви ја пренесуваме целата објава на Ристески: МАНАСТИРИТЕ-ЧУВАРИ НА МАКЕДОНСКАТА ДУХОВНА РИЗНИЦА И РАЗВОЈОТ НА ТУРИЗМОТ ВО ПРИЛЕП Развојот на манастирскиот туризам беше приоритет на претходната локална самоуправа и Владата на ВМРО-ДПМНЕ од неколку причини: 🔸️преубавите стари и вредни манастири во околината на Прилеп; 🔸️живописните места на кои се изградени овие манастири; 🔸️интересот и подемот на овој вид туризам; 🔸️финансискиот бенефит од посетите, за манастирите... и за градот; ➡️Но, за реализација на оваа цел имаше два важни проблеми кои требаше да се решат: ▪️немањето соодветни патишта (тешко, скоро и невозможно достапни одредени манастири, за посетителите посебно за болни и повозрани лица); ▪️ немањето соодветна инфраструктура и уреденост на самите манастири; ✔За таа цел, приоритет беше изградба на локални патишта до манастирите кои чинеа повеќе милиони евра и уредување на конаците, црквите, дворовите и околината на манастирите... ☑Со самата изградба на достапните патишта повеќекратно се зголеми посетата и атрактивноста на манастирите, а Прилеп со овој и фестивалскиот туризам кој го развиваше, стана трет град по посетеност во Македонија (после Скопје и Охрид). За бенефитот од овој вид туризам најдобро можи да кажат: угостителите, хотелиерите, дуќанџиите, чаршијата, таксистите..целиот град! ➡️Прв пат во историјата Прилеп почувствува посета на туристи од целиот свет, но и нашинци-иселеници кои секогаш го ставаа во приоритетите за посета... Со достапните патишта многу Прилепчани ги обновија и своите навики за посета на манастирските комплекси, кои беа и подзаборавени во минатото (комунизмот). ➡️Да потсетиме, на општо задоволство се изградија достапни локални патишта до следните манастири: 🔸️Манастирот во с.Зрзе, XIV век (6 км асфалтиран пат); 🔸️Манастирот Трескавец, XIII век (7.5 км асфалтиран пат); 🔸️Манастирот "Св.Никола" во с.Манастир-Мариово, XI-XIII век (7 км асфалтиран пат); 🔸️Пешачка - туристичка патека "Крал Марко" до манастирот "Св. Архангел Михаил"-Варош, XII век(2 км камена патека и осветлување); ➡️ Покрај до овие повеќевековни манастири, се изградија асфалтирани патишта и станаа достапни и другите преубави манастири во околината: 🔸️"Св. Петка" во Лениште (1.5 км); 🔸"️Св. Димитрија" во с.Селце (3.5 км); 🔸️половина од патот до манастирот во Прилепец (до црквата с.Волково околу 5 км) и се остави готов проект до самиот манастир во Прилепец кој беше реализиран претходната година... ☑Со изградбата на овие патишта резултатите се очигледни и секојдневни за Прилепчани, кои навистина ги наполнија манастирите со посета и му дадоа уште поголема душа и живот на истите! ‼Полни манастири - полни души со историја,традиција, култура и православие... П.С. Се надевам дека идната ЛС од ВМРО ДПМНЕ, ќе ја продолжи традицијата за изградба на достапни патишта до нашите манастири и културно-историски и природни реткости, а еден од приоритетите ќе биде и асфалтен пат до преубавиот манастир во с.Дрен❗, пишува Ристески во својата објава.

Ристески: Варош, поради историската тежина не се сака само со срце, туку и со капитални инвестиции

Ивана Ефремовски — Thu, 06 May 2021 14:01:58 +0000

Голем и вековен празник посебно во најстарата и најпозната населба во Прилеп под легендарните Маркови Кули, каде православието, традицијата и културата на Македонскиот народ се плетела низ векови, но и опстојувала. На овој голем ден, празничната атмосфера во најстарата населба во градот е величенствена и посебна, правејќи нѐ горди на она што го имаме како наследство (многу приказни, преубави повеќевековни цркви, некогаш дури 77 на број и секако, еден од најубавите манастири во Македонија - "Св.Архангел Михаил"), пишува поранешниот градоначалник на Прилеп, Марјан Ристески. Во продолжение следува неговиот Фејсбук статус: Но, оваа битна населба за градот и Македонија, за жал, пред повеќе години беше една од најруинираните и најзапоставените, без канализација, соодветен водовод, асфалтирани улици, осветлување... и наместо гордост, беше срам за Прилеп и Варошани... Поради оваа лоша слика, претходната ЛС мораше да инвестира во бројни капитални проекти со цел Варош да го добие заслужениот епитет!! Да потсетиме на некои од нив: за прв пат во историјата се изгради комплетна канализација во целата населба; се промени целокупната водоводна мрежа; за прв пат беа асфалтирани калливите Варошки улици; се изгради амфитеатар за 1000 гледачи во средновековен стил (сега комплетно руиниран поради негрижа); се изгради туристичка камена патека- "Крал Марко" долга 2 км која ги повразуваше: амфитеатарот, црквите со манастирот (за жал сега делумно уништена... не постои); комплетно се реконструира манастирот "Св.Архангел Михаил" и се возобнови со нов конак; за прв пат Варош доби комплетно ново осветлување, посебно на патеката "Крал Марко", црквите и манастирот; после еден век комплетно се реконструираше и основното училиште во Варош со комплетно уреден двор, ограда и игралиште за кошарка; се изгради за прв пат детско игралиште; комплетно се урбанизира долната населба т.н.- Козле; се легализираа куќите на Варошани; се одржуваа бројни културни и спортски манифестации во текот на годината кои ѝ дадоа посебна популаризација на оваа стара населба, Прилеп и Македонија... ...Или...најкратко кажано - Варош, поради историската тежина не се сака само со срце, туку и со капитални инвестиции, како што тоа го направи претходната ЛС инвестирајќи повеќе милиони евра за да се исправи децениската неправда (неурбанизираност) кон оваа стара и важна населба П.С. Но, за жал не е само инвестирањето... многу битно беше и одржувањето, кое очигледно го нема.

Ристески: Грета Тунберг не чисти и не сади дрва- демонстрира!

Катерина Бојаџиева — Tue, 27 Apr 2021 15:10:16 +0000

ГРЕТА ТУНБЕРГ НЕ ЧИСТИ И НЕ САДИ ДРВА-ДЕМОНСТРИРА!, пишува поранешниот градоначалник на Прилеп Марјан Ристески на Фејсбук. -Во последно време гледаме по социјалниве мрежи засилени еколошки акции, чистења, садење дрва, самопромоции... и повторно си велиме оффф идат избори!! ▪️ На едни слики насмеани лица (демек еко-алтернативци)... во рацете со црни вреќи собрани: шишиња, лименки, тоалетна хартија, презервативи.... ▪️ На други слики пак млади луѓе дотерани во нова патика, скапа тренерка (задолжителна наочара за сонце)... со грешно фатени мотики и лопати во раце... бајаги садат дрва... а над главите изгорена шума накитена со боров четник и вагони гасеници поради негрижа на надлежните (парадокс за плачење или смеење одлучете сами⁉️). Селфи активности на звучни датуми: "Ден на пролетта", "Ден на планетата земја", "Ден на екологијата", Ден на ова... ден на она... дрн дрн... или по нашки кажано: денови, акции многу - ефекти "ИЧ"‼️ Факт: На денешницава "ИН" е да си "ЗЕЛЕН", ама во вистинска смисла на зборот😊... и ако вистински сте Greenpeace, тогаш ајде малку поинаку: 👉 Укажете и на власта дека ѓубрето не е само обично ѓубре, туку суровина од која се прави профит!; 👉 Правете притисок –демонстрации врз надлежните, веднаш да се активира фабрика за селекција и рециклирање на отпадот (оти само тоа е спасот, на избори се скапаа ветувања за ова); 👉 Правете континуиран притисок да се набави машина за преработка на градежен шут, па натерајте ги луѓето да им го продаваат истиот, а не да завршува во ендеци покрај патот (слично како со пластиката); 👉 Протестирајте во градот во знак на револт, оти депониите Ви се пред нос, пред Вашите згради, куќи, градинка или училиште...; 👉 ...или од местото каде садите, испратете петиција (апел) до надлежните дека треба да не заштитат од дивата сеча и да ја запрашуваат шумата од боров четник барем еднаш годишно...; 👉 Барајте ја ветената и итна гасификација за да не дишете смог...; ⏩ ...Или драги Greenpeace ентузијасти, "невладини" и подмладоци треба да научите дека црните вреќи и лопатчиња се заменуваат со демонстрирање и јавни апели со револт, за повеќе да ја заинтригирате заспаната Власт‼️ П.С. Ете тогаш ќе бидете онаа вистинската Грета Тунберг (не телефонската), оти вака, самопромоција голема, ефектот 0 или... ниту вистински ќе исчистите, ниту нова шума ќе Ви никне... да се разбереме‼️

Ристески: Водата е живот, а Прилеп пред 15-тина години имаше огромен проблем со водоснабдувањето!

Тале Кристо — Sat, 17 Apr 2021 18:58:14 +0000

Водата е живот, а Прилеп пред 15-тина години имаше огромен проблем со водоснабдувањето! Во 2005 г. локалната власт на чело со ВМРО-ДПМНЕ наследи катастрофално водоснабдување и упропастено и финансиски уништено ЈП "Водовод и канализација" од претходната власт на СДСМ. Проблемот со вода остана само едно неубаво минато, во сеќавањта на Прилепчани! Никогаш повеќе да не се повтори...пишува на својата Фејсбук страница поранешниот градоначалник на Прилеп Марјан Ристески. Во продолжение целата објава на Ристески: ВОДАТА Е ЖИВОТ, А ПРИЛЕП ПРЕД 15-ТИНА ГОДИНИ ИМАШЕ ОГРОМЕН ПРОБЛЕМ СО ВОДОСНАБДУВАЊЕТО!! ▶️Во 2005 г. локалната власт на чело со ВМРО-ДПМНЕ наследи катастрофално водоснабдување и упропастено и финансиски уништено ЈП "Водовод и канализација" од претходната власт на СДСМ: 🔸️со повеќе од 2 милиони евра обврски; 🔸️стар и уништен водоснабдителен систем; 🔸️дотраена зграда(бараки); 🔸️неадекватна опрема и механизација; 🔸️слабо обучен кадар; 🔸️стопиран проект(грант) со KFW банка; 🔸️80% загуби на вода; 🔸️азбестни цевки; 🔸️️️илјадници диви приклучоци; 🔸️ катастрофални 30% наплата; 🔸️секојдневни слики на полнење вода од цистерни по улици; 🔸️вицеви и шеги на сметка на Прилепчани за водата; ❗Или накратко, водоснабдување во колапс за град и Општина од 80-тина илјади жители во 21 век... недозволиво ама вистинито!! ✔Потребите за нови инвестиции беа итни и неопходни и за 10-тина години Прилеп стана лидер, со најдобар водоснабдителен систем во земјава: 🔸️најпрво се реализира инвестиција од КFW банката за реконструкција на водоводната мрежа вредна повеќе од 10 милиони евра, без никакво задолжување на граѓаните; 🔸️се изгради 200 км нова водоводна инфраструктура низ градот; 🔸️се изгради нова и современа административна зграда на Јавното водоводно претпријатие; 🔸️се инсталира за прв пат најсовремен СКАДА-систем за автоматска контрола на водоводната мрежа; 🔸️драстично се намалија губитоците на вода на задоволителен европскиот просек; 🔸️се набави нов возен парк и механизација; 🔸️се набави нова опрема, компјутери и други современи помагала за поефикасна работа на претпријатието; 🔸️се отстранија азбестните цевки низ градот и се вградија цевки за водоснабдување по европски стандарди; 🔸️се заменија старите и дотраени водомери со нови ефикасни водомери; 🔸️проектот на градот со KFW банката од Бундестагот беше прогласен за најуспешен во Југоисточна Европа; (резултат на тоа беше тоа што градот беше награден со нареден проект "канализациони системи и пречистителна станица"); 🔸️со помош на Владата од ВМРО-ДПМНЕ се инвестираа дополнителни 3 милиони евра во 10 нови бунари со што градот доби нови 200 л/с вода за надополнување на системот во услови на криза и сушни периоди; ✔(Прилеп никогаш повеќе не е споменат за проблеми со водоснабдување како претходно); 🔸️се реконструираа и проширија нови резервоари и препумпни станици за вода; 🔸️после проектот секоја година претпријатието со сопствени средства градеше 10-тина нови км водоводна мрежа низ градот; 🔸️подмирени беа сите долгови на претпријатието од претходно и за прв пат почнува истото да работи со позитивен резултат (прогласено во трите најуспешни водоводни претпријатија на Балканот); 🔸️претпријатието на крајот од 2017 година беше оставено со позитивен финансиски резултат од преку 300.000 евра и во одлична кондиција како никогаш дотогаш!! ✔Но, мора да се напомене дека не само во градот, претходната ЛС инвестираше и во нови водоводи во населените места, каде претходно не постоело никаков водоводен систем. ✔За прв пат во историјата, водоводи добијаа: - Подмол - Ерековци - Канатларци - Клепач - Чепигово - Штавица - Тројкрсти - Загорани - Веселчани - Манастир - до манастирот во с.Лениште - решен проблемот со вода во Кадино Село - изработен проект за водоснабдување на ман.Трескавец... и во други населени места... ❗Напомена: Сите водоводи од населените места за прв пат беа преземени на одржување од Јавното претпријатие ВиК; ✅Од најпроблематична Општина, Прилеп стана пионер и пример за квалитетно водоснабдување во Македонија и Регионот со повеќе од 15 милиони евра инвестиции за само 10 години! ⏩✅ПРОБЛЕМОТ СО ВОДА ОСТАНА САМО ЕДНО НЕУБАВО МИНАТО-ИСТОРИЈА, ВО СЕЌАВАЊАТА НА ПРИЛЕПЧАНИ❗ НИКОГАШ ПОВЕЌЕ ДА НЕ СЕ ПОВТОРИ...

Ристески: Власта со камен темелници во Прилеп ќе ги покрива предизборните лаги

Магдалена Андонова — Thu, 08 Apr 2021 08:34:23 +0000

ВЛАСТА СО КАМЕН ТЕМЕЛНИЦИ ЌЕ ГИ ПОКРИВА ПРЕДИЗБОРНИТЕ ЛАГИ !!! ➡️Пред 15-тина години Прилеп беше најсоцијален град со најголем процент на невработени во Македонија. Бројката на невработеност се движеше околу 30 илјади или над 60% од работоспособното население можеби и повеќе!!! ➡️Комплетно уништено стопанство и пропаднати фабрики-гиганти, под клуч или стечај!!! Под дрво и камен се бараше работа за егзистенција... ➡️Цели фамилии живееја од социјална помош, од малите пензии на повозрасните, од помошта од роднините од странство или се снајдуваа на овој или оној начин... ⏩Во такви услови и со катастрофален наталитет, можеби и најмал во Македонија, Прилеп имаше проблем со одржувањето на постојаните капацитети на училиштата и градинките поради мал број на деца и средства (социјална Општина). Пред само 8 години градинките беа со преполовен капацитет и мал интерес за нив, на работ на егзистенција одржувани со блок дотации и субвенции од државата и Општината. ⏺Но, сега гледано од оваа перспектива се поставува едно битно и суштинско прашање: Како наеднаш почна да расте интересот за згрижување на деца во градинките, а при сè уште екстремно мал наталитет во Општината (еден од најниските во државава)? Секоја година деца се помалку, а потреби за градинките се повеќе-дијаметрална спротивност нели? 👉Одговорот на сето ова е еден и едноставен! ✅Потребите за зголемен број на деца во градинките нагло се зголемија поради: големиот број на нови инвестиции во градот, нови фабрики и погони, зголемени индустриски зони, јаката градежна експанзија, масовното урбанизирање на градот, развој на земјоделието... и мн други фактори, а сето тоа во време на владеењето на ВМРО ДПМНЕ во градот и државата .... Сето ова предизвика застанување на цврсти нозе на економијата и намалување на невработеноста во градот. Потврда за тоа беа и бројните огласи (пред пандемијата) за пополнување на работни места. ✅За прв пат по децении, на пазарот на трудот во Прилеп имаше повеќе понуда од побарувачка за работа (недостаток на работна сила)!!! ⏩Сето ова предизвика и нови потреби кај младите брачни парови и родители, а една од нив, и потребата за згрижување на деца во предшколски установи, односно се дојде од суфицит до дефицит во сместувачките капацитети во градинките. 👍Односно, наместо како поретходно, сами да си ги чуваат децата поради невработеност, подобра варијанта стана децата да се згрижат, едуцираат и социјализираат во предшколска установи-градинки, за багателна цена! 👍Поради тоа, тогашната ЛС, како што се зголемуваа потребите за градинки, така почна и да ги зголемува капацитетите на истите, следејќи го темпото на намалување на невработеноста во градот, на општо здоволство на сите...! ❗Во период од неколку години, ЛС ги прошири капацитети на градинките во градот: ▪️се прошири градинката Бончејца со нов капацитет за 100-150 деца; ▪️ се реконструира и отвори новата градинка во Работничкиот Универзитет со капацитет за нови 60-70 деца; ▪️се реконструира и отвори нов капацитет и градинка во просторот на улилиштето "Рампо Левката" со капацитет за над 100 деца; ❗Секако, во тој период се отворија за прв пат во историјата на Општина Прилеп и нови градинки во населените места: ▪️нова градинка во Беровци (за жал сега не работи); ▪️нова градинка во Канатларци (за жал исто сега не работи); ▪️нова градинка во Тополчани (и таа не работи); ▪️нова градинка во Големо Коњари (и таа не работи); ‼ Значи за краток период се отворија нови градинки и капацитети за згрижување на повеќе од 300 деца во Општината. ❗Во неколку основни улилишта, по барање на родителите се отвори и дневен престој за деца: "Гоце Делчев" и "Климент Охридски"... ❗Исто така, битно е да се напомене дека во изминатиот период, претходната ЛС направи измени во ГУП-от и новите ДУП-ови овозможувајќи услови за изградба на нови градинки во двете најголеми населби во градот: Рид и Точила (каде што се постави камен темелник пред некој ден). 👎Но, факт е дека од отворањето на последната нова градинка ("Рампо Левката") поминаа скоро 4 години односно цел мандат, а ние не видовме ниту нова градинка изминатиот период, ниту проширување на постојаните капацитети, ниту пак зголемен број на згрижени деца во градинките, а видовме затворени градинки во населените места!?!? 👎Камен темелникот пред некој ден на новата градинка во Точила е убава работа, но ако ја видевме пред две три години!!! ...И така, долгоочекуваната градинка најавена од сегашниве Власти во 2018... па во 2019...па во 2020... заврши со камен темелник и цртеж на табла во 2021, на крајот од мандатот, сигурно и без доволно обезбедени средства во буџетот, како што стои во тендерската постапка со рок на исплата наредните три години!! 👎Мандатот веќе завршува, а камен темелници, сликање и табли со цртежи изгледа ќе се изнагледаме, ќе се редат како што ќе наближуваат изборите!! ЖАЛНО НО ВИСТИНИТО!!! Фејсбук статус на Марјан Ристески