марјан стојаноски – Kurir.mk

Изложба на скулптури на Марјан Стојаноски во КИЦ на Македонија во Софија

Тале Кристо — Wed, 24 Aug 2022 06:07:52 +0000

Во галеријата на КИЦ на Република Северна Македонија во Софија денеска ќе биде отворена изложбата „Панта реи“ на македонскиот уметник Марјан Стојаноски, јави дописникот на МИА од Бугарија. Оваа прва самостојна изложба на Стојаноски во Софија е составена од ротирачки скулптури изработени со метални и дрвени елементи. Делата се создадени во изминатите две години, а годинава беа претставени во Скопје. Изложбата ќе биде отворена до 31 август 2022 година. Стојаноски е роден во Прилеп во 1983 година, средното образование го завршил во Уметничкото училиште „Лазар Личеноски“ во Скопје, а студиите на Факултетот за ликовни уметности во Скопје, во класата на проф. Ибрахим Беди. Член е на Друштвото на ликовни уметници на Македонија – ДЛУМ. Двапати беше претседател на здружението на уметници од Прилеп. Во 2015 година ја доби наградата за скулптура „Јордан Грабул“.

Македонскиот пејач го покажа најголемото богатство кое го има: Сопруга славеше роденден, но вниманието го привлече неговата ќеркичка

Дарко Андоновски — Wed, 10 Mar 2021 15:51:15 +0000

Пејачот Маријан Стојаноски во јули претходната година стана татко на женско бебе и за првпат се резлизираа како родители со неговата сопруга Наташа Каранџулоска. Парот доби ќеркичка за која го одбраа името Вероника. Maријан не е од оние кои често објавуваат фотографии на социјалните мрежи и не кажува јавно каде е и што прави во приватниот живот. Сепак, кога ја побара Наташа за сопруга и кога стана татко за првпат, овие радосни вести ги обзнани на својот „Фејсбук“. Така деновиве, македонскиот пејач ја покажа и својата нежна страна. Имено, неговата сопруга славеше роденден, а тој и приреди мало изненадување. По тој повод пејачот објави видео на кое и ја пее неговата песна „Роденден“ додека неговата сопруга игра со наследничката. „Среќен роденден моја најмила“, напиша Стојаноски. Тој исто така објави и неколку фотографии на кои тој и сопругата заедно со ќерката позираат, па покажа колку пораснала неговата наследничка.

Познатиот македонски пејач стана татко- се ожени во време на корона, а името нема на кој не му се допадна (ФОТО)

Дарко Андоновски — Mon, 13 Jul 2020 07:53:58 +0000

Македонскиот пејач Маријан Стојаноски стана татко, а убавата вест ја сподели на својот Фејсбук профил со пријателите и фановите. Тој преку фотографија на која штрк го носи бебето и посака добредојде на ќерката која ќе се вика Вероника. Инаку пејачот пред еден месец се ожени со долгогодишната девојка, охриѓанката Наташа Каранџулоска. Откако во декември минатата година се свршија, Марјан и Наташа љубовта ја крунисаа со граѓански брак во време на короната во јуни годинава, но дали за доаѓањето на Вероника ќе има прослава и мекици, останува да видиме.