Марјан Забрчанец – Kurir.mk

Марјан Забрчанец доби нова функција во Владата на СДСМ

Ивана Ефремовски — Wed, 16 Feb 2022 17:38:51 +0000

Владата на Република Македонија на денешната 15-та седница го прифати предлогот на Комисијата за именување и донесе одлука Марјан Забрчанец, да го именува за Национален координатор за Отворен Балкан и за регионални иницијативи. Останатите точки кои беа предвидени за оваа седница, заради дополнителни усогласувања, се одложени за една од наредните седници на Владата.

Забрчанец добива нова функција, Ана Андреева е раководителка на комуникацискиот сервис на Владата

Ивана Ефремовски — Thu, 10 Feb 2022 11:10:24 +0000

Ана Андреева од денеска ќе биде одговорна за комуникациите и односите со јавност во Владата, на позицијата Секретар за комуникации и јавни политики во рамки на Канцеларијата на претседателот на Владата на Македонија. -Андреева ја презема оваа функција од досегашниот Национален координатор за стратегиски комуникации во Владата на Република Северна Македонија, Марјан Забрчанец, кој ги водеше владините комуникации во периодот од август 2017 до денес. Ана Андреева има долгогодишно професионално искуство на извршни менаџерски позиции во сферата на комуникациите во маркетинг агенциите и во граѓанскиот сектор, велат од Владата. Од таму информираат дека Забрчанец во наредниот период ќе биде ангажиран во Владата за менаџирање процеси и проекти посветени на унапредување на регионалната соработка на Македонија.

ВМРО-ДПМНЕ: Заевци, Забрчанец и екипата диктирале вести за да ја сокријат бедата и криминалот на владата

Магдалена Андонова — Sun, 26 Dec 2021 08:23:25 +0000

Заевци, Забрчанец и екипата диктирале вести за да ја сокријат бедата и криминалот на владата. Марјан Забрчанец и СДСМ вршеле притисоци врз медиумите и диктирале вести, ова е доказ за хибридниот режим на дело. Во писмото кое Бојан Јовановски го пишува до Заев тој јасно посочува дека добивал насоки за медиумското делување на 1ТВ од Марјан Забрчанец, советник на премиерот за медиуми и дека за тоа постојат докази во неговиот телефон, стои во соопштението на ВМРО-ДПМНЕ. Од партијата додаваат дека Јовановски ја открива целата трулост на системот на Заев и дека сега квалификацијата хибриден режим станува се појасна. - Заевци, Забрчанец и екипата диктирале вести за да го затскријат криминалот, да угушат секоја критичка мисла и да спречат да не излегуваат на виделина матните бизнис зделки полни со криминал и корупција. Не случајно угледниот магазин „Економист“ ја подредил земјата под владеење на Заев во групата држави каде владее хибриден режим. Контролата и притисокот врз медиумите се главен показател за заробеното општество, се додава во партиското соопштение. ВМРО-ДПМНЕ додава дека не може да има слобода во медиумите и демократија се додека е СДСМ на власт. - Ова е уште една во низата причини зошто се потребни брзи предвремени избори, посочуваат од партијата.

Стоилковски: Забрчанец да одговори дали на дневна основа бил во комуникација со Боки, дали му давал насоки и линкови што да објавува

Магдалена Андонова — Sat, 25 Dec 2021 10:39:57 +0000

Вчера Бојан Јовановски, сопственик на медиум, според Зоран Заев провладин медиум, директно го именува Марјан Забрчанец, пет години главниот човек на Заев за владината пропаганда, дека тој ги пишувал текстовите и испраќал содржина за вестите на 1ТВ, телевизија на Бојан Јовановски, со тоа што дневно испраќал, го цитирам писмото на Бојан Јовановски - „по 100 пати ми испраќал текстови и линкови кои мораа да бидат пласирани во етер“, истакна на денешната прес конференција, Наум Стоилковски портпарол на ВМРО-ДПМНЕ. Тој потсети дека Бојан Јовановски беше сопственик на телевизија на чие што крунисување присуствуваше цела влада, обвинителство, судство, со еден збор - цело СДСМ. - И Јовановски вчера директно посочи дека всушност, содржината на вестите во таа телевизија биле пишувани и уредувани од Владата. Уште повеќе, Бојан Јовановски во отвореното писмо до Зоран Заев наведува за, цитирам - „оние што ги плаќате да ви веруваат и да ве бранат“, како и за повторно ќе цитирам - „платена пропаганда од твои новинари кои ги раководи Марјан Забрчанец“. Ова е сериозно обвинување, имајќи предвид за видот, за содржината, за темите и за учесниците во емисиите, но и за уредничкиот состав на таа телевизија, во која што секојдневно гостуваа највисокиот државно политички врв, членови на СДСМ. Лицето Марјан Забрчанец се уште работи во Владата, се уште зема плата од Буџетот кој што го полниме сите ние граѓаните во Македонија и се уште е главен за владината пропаганда. Оттука, Марјан Забрчанец е должен да одговори: Дали Марјан Забрчанец на дневна основа комуницирал со Бојан Јовановски, додека овој беше сопственик на 1ТВ? Дали Марјан Забрчанец му испраќал текстови и линкови по сто пати како што вели Бојан Јовановски тие да бидат објавени како содржини на телевизија? Дали Марјан Забрчанец го раководел Јовановски како што тој сам вели и со тоа ја раководел и 1ТВ? Дали Марјан Забрчанец има листа со новинари коишто ги раководи онака како што пишува Бојан Јовановски, појасни Стоилковски. Портпаролот посочи дека ова е сериозно обвинување од сопственик на медиум за чија што близина со членови и врвот на СДСМ, членови од државниот, правосудниот и политичкиот врв е неспорна за било кого во државата. - Забрчанец, лице од владините служби, е должен да одговори, прво како владин службеник, а потоа и заради кредибилитетот на медиумскиот простор во којшто и денеска свое место имаат новинарите од уредничкиот колегиум на некогашната 1ТВ. Евентуалниот молк на Марјан Забрчанец на овие прашања ќе го отворат и прашањето за политичко судско обвинителскиот притисок врз новинари и медиуми водени од луѓе коишто не се дел од оние, ќе се послужам со зборовите на Бојан Јовановски, цитирам „оние што ги плаќате да ви веруваат и да ве бранат“, како и, повторно цитирам „твои новинари кои што ги раководи Марјан Забрчанец“. Марјан Забрчанец не смее да молчи по ваква прозивка од сопственик на според Зоран Заев провладина телевизија, додава Стоилковски.

Арсовски му одговори на Забрчанец: СДСМ го употреби Заев за да Македонија и ја подари северна, а на народот рекет и криминал

Магдалена Андонова — Sun, 21 Mar 2021 20:40:59 +0000

СДСМ го употреби Заев за да на Македонија и ја подари “Северна”, а на граѓаните “Рекет”, Ден Дончев, Рашковски и цела дружина. Да не заборавиме дека денес заради неспособноста на СДСМ има и 25 мртви од Ковид-19. Фејсбук статус на Димче Арсовски

Куновска до Забрчанец: Мрш глувче едно, еве што се случува кога на презерватив ќе му дадат да си игра со државотворна партија

Дарко Андоновски — Sat, 11 Jul 2020 17:19:26 +0000

Поранешната пратеничка на СДСМ Софија Куновска преку статус на Фејсбук упатува јавна критика до Марјан Забрчанец кој се пофали дека го ребрендирал СДСМ. -Еве што се случува кога на презерватив ќе му дадат да си игра со државотворна партија со скоро 30 години историја, меморија и емоции на стоилјадно членство. Мрш глувче едно!, стои во нејзниот пост на Фејсбук.

Еве што се случува кога на презерватив ќе му дадат да си игра со државотворна партија со скоро 30 години историја, меморија и емоции на стоилјадно членство. Мрш глувче едно ! Posted by Sofija Kunovska on Saturday, July 11, 2020

Забрчанец се фалеше дека откриле хибриден напад врз Заев со лажната Грета Тунберг, а тој со неа 10 минути зборува за марихуана и мигранти

Дарко Андоновски — Wed, 08 Jul 2020 19:46:48 +0000

Момаков @Zabrcanec се фалеше дека разоткриле хрибриден напад врз кабинетот на Зоран Заев, од луѓе кои се претставиле како Грета Тунберг, а уствари тие 10 минути муабет си правеле со „Грета" за мигранти и марихуана ?? Секоја чест како го разоткриле нападот после 10 минути ? pic.twitter.com/Okef0NRVD2
— Трале (@BaceTrajche) July 8, 2020

Советникот за односи со јавност на Заев и Спасовски оди во домашна изолација, Забрчанец имал контакт со Зекири

Ивана Ефремовски — Mon, 01 Jun 2020 06:07:34 +0000

Советникот за односи со јавност на претседателот на Владата, Марјан Забрчанец е во домашна изолација поради тоа што имал контакт со потпретседателот на СДСМ, Мухамед Зекири кој вчера обелодени дека има коронавирус. Забрчанец информираше дека е во домашна самоизолација поради тоа што во четвртокот попладне бил на состанок со Зекири. На состанокот, како што пишува, биле применети препораките за физичко растојание, носење заштитна маска и употреба на дезинфекционо средство пред и по состанокот. -Секако, заради избегнување и најмал ризик, ќе ја спроведам препорачаната самоизолација. Немам никакви симптоми, а ќе се тестирам во текот на неделата. На Мухамед и семејството им посакувам брзо оздравување. Сите да ги почитуваме доследно мерките и препораките на епидемилозите и на тој начин да се заштитиме самите себе и сите околу нас, напиша Забрчанец на Фејсбук. (МИА)

Калајџиев кон Забрчанец: Попусто се даваат гаранции, кога немаме механизми кои гарантираат дека власта нема да ги злоупотреби овластувањата

Ивана Ефремовски — Fri, 10 Apr 2020 18:40:22 +0000

Професорот по правни науки од правниот факултет од Скопје, Гордан Калајџиев на денешното гостување во Топ Тема на Телма телевизија истакна дека иако Марјан Забрчанец, како дел од владата, гарантира дека нема злоупотреби, тие не се доволни за убедување затоа што ние во моментов немаме никакви механизми за контрола на власта во вонредната состојба. -Ние немаме систем за политичката елита од неколкумина во држава би ја спречила од можно злоупотреби, ние и големи злоупотреби не сме ги расчистиле, како што е примерот со прислушкувањето, вели Калајџиев. Тој вели дека во конкретнатава ситуација не постои ни парламентарна контрола, ниту пак функционира граѓанското тело на коешто тој бил член, кое можело да врши некаква превентивна контрола. -Покрај гаранциите коишто лично ги дава Забрчанец, кои мене не ми се доволни, ние немаме механизми кои гарантираат дека власта евентуално нема да ги злоупотреби овластувањата, особено ако ситуацијата потрае, критикуваше професорот. Тој исто така вели дека пред два дена Советот на Европа, односно комесарот за човекови права обзнанил документ во којшто судовите и парламентите треба да играат контролна улога во ваква ситуација на вонредна состојба, како и тоа дека не му се допаднало решението со невраќање на парламентот. -Искрено мене не ми се допадна решението за парламентот, иако нашите уставно правни експерти се согласија дека тој не може да се врати, да се состане повторно. Суштината на демократијата немаше да биде повредена ако на парламентот му се дадеше да игра некоја ограничена и контролна улога, во смисла да може да ги разгледува сериозните мерки на владата, како што го бараат овие препораки на Советот на Европа, вели професорот.

Стоилковски за Забрчанец: Кога ќе мораш да го надсихорнизираш шефот…

Ивана Ефремовски — Sat, 29 Feb 2020 10:35:15 +0000

Кога ќе мораш да го надсихорнизираш шефот, односно да кажеш што сакал да каже авторот, како што тоа го прави Забарчанец, тогаш е јасно дека било избрашно патос со него, коментира портпаролот на ВМРО-ДПМНЕ, Наум Стоилковски. -Неизбришлив е впечатокот дека Заев е опседнат со Груевски, ама тоа не е случај кога ќе треба да го возат во тоа на М, кога седеше во барокната влада и фотелја, кога се кити со неговите проекти и проектите на ВМРО ДПМНЕ. И сето ова затоа што знаете дека професорот ве размонтира. И не знам дали гледате, ама Мицкоски ќе стане вашата нова ноќна мора. А што се однесува до Забарчанец "ај да не ја тупиме" заврши ли факултет или сеуште си најнапредниот "средношколец" советник на премиер?- пишува Стоилковски.