Марјанче Стојановски – Kurir.mk

СДСМ нема ништо против тепачот Курто Дудуш и градоначалникот кој се заканува во Демир Хисар, но им пречи Цветан Трипуновски!

Ивана Ефремовски — Sat, 18 Jan 2020 15:12:10 +0000

Градоначалникот на Шуто оризари, Курто Дудуш, кој е и поранешен пратеник од редовите на СДСМ на изборите во 2016-та во оваа држава смее да тепа, киднапира, навредува и да се заканува, а да не биде казнет ниту со ден поминат во затвор ниту со парична казна. За физичкиот напад врз Демир Исмаил, кој е претседател на Европската ромска дијаспора, Дудуш остана неказнет. Изненадувачко за сите кои барем малку веруваат во правниот систем, за крвничко претепување, Дудуш помина само со судска опомена. Во судницата, градоначалникот призна вина и рече дека жали за стореното. И верувале или не-ТОЛКУ! СДСМ, партијата која застана зад Курто Дудуш и му ја даде поддршката, не се изјасни по оваа пресуда. Дудуш инаку е вмешан и во уште поголем скандал и кршење на закон, ни ниту тоа не е доволно за СДСМ да се огради од него и да повика да биде казнет. За постетување – свиркач до редакцијата на „Економски Лидер“ достави аудио снимка на која се слуша како градоначалникот на скопската општина Шуто Оризари, лишува од слобода, тепа и измачува човек во неговиот кабинет. -Ајде седни, чекај да ја заклучам вратата за да не ми избегаш. Имам со тебе да завршам некоја работа. – вака со лишување од слобода, почнува аудио снимката, која свиркачот ја достави до нашата редакција. Понатаму во аудиото, се слуша како градоначалникот Курто Дудуш го прашува киднапираниот зошто го пцуел „на сред центар“ и почнува физички да го измачува. Во снимката во неколку наврати се слушаат силни удари и тепање на извесниот Сенат, кој е заклучен во канцеларијата на Дудуш. Градоначалникот Курто Дудуш, кој е и поранешен пратеник од редовите на СДСМ на изборите во 2016, на снимката додека го тепа Сенат, се слуша и како користи навредливи зборови како „чергар“, „п*дер“, „племето да ти го е*ам“, „мртвите да ти ги е*ам“… Се слуша и како Дудуш, додека тепа, вели дека тој е градоначалник и тепаниот не му може ништо затоа што гласот не му се слуша во Шутка. Во моментот се води постапка за новинарот кој ја објави снимката и кој веројатно ќе добие поголема казна од казната која за нападот врз Исмаил, вториот случај кој прв доби пресуда, само со судска опомена мина градоначалникот Дудуш.

Градоначалник на СДСМ прислушкува и се заканува, партијата нема ништо против

Граданочалникот на Општина Демир Хисар од СДСМ, Марјанче Стојановски им се заканува на вработените во училиштата дека ги прислушува нивните телефонски разговори и следи што прават и каде одат. Економски Лидер стигна до ексклузивно видео од состанок на Стојановски со вработените кои се бунтувале на перманентниот притисок од негова страна и заканите кои постојано ги добиваат од општината за преместување од нивните работни места и отпуштања. -Заборавате дека во МВР работев, заборавате дека ви слушам сите телефонски јавувања. Одење од куќи и така натаму, им вели разбеснатиот Стојановски на вработените во училиштето. Овој скандал не ги вознемири многу во неговата матична партија. СДСМ не покажа дека има против ваквото однесување на своите функционери. Но, им пречи Цветан Трипуновски, заменик министер во МЗШВ во техничката Влада. „Со неовластеното снимање на вработените во подрачната единица Трипуновски сторил грубо прекршување на Законот за приватност на вработени во јавен или приватен сектор. Ништо друго и не може да се очекува од кадар на Груевски, лице против кое се води кривична пријава за злоупотреба на службената должност и човек кој организира протести на лажни земјоделци. Неовластено снимање, упади, заплашување малтретирање и закани кон вработени во администрацијата, тоа е понудата на ВМРО-ДПМНЕ и Христијан Мицкоски. ВМРО-ДПМНЕ не е поместена ниту милиметар надвор од насилничката, режимска матрица и затоа се што може да очекува на 12 април е нов убедлив пораз“-се наведува во соопштението на СДСМ. Трипуновски од ВМРО-ДПМНЕ влезе во секторот ветувајќи бескомпромисна борба против секој кој се огрешил пред земјоделците. Обелоденувајќи скандали во работењето на функционерите на СДСМ, Трипуновски го разбуди стравот од разобличување на сопартијците на Заев. Затоа, овој човек им пречи на социјалдемократите. Тие, не поддршуваат луѓе како Трипуновски, туку насилници како Дудуш и заканувачи како Стојановски.

Арсовски: Стојановски да си даде оставка веднаш, му се заканува затвор

Матеја Петровски — Wed, 12 Sep 2018 12:39:54 +0000

Од ВМРО-ДПМНЕ велат дека градоначалникот на Демир Хисар Марјанче Стојановски се повеќе се заплеткува во скандалот кој излезе во јавноста. -Имено, откако тој им се закануваше на наставничките на нивното работно место пред деца со зборовите цитирам “Значи заборавате дека во МВР работев, заборавате дека ви слушам сите телефонски јавувања. Одење од куќи и така натаму“, тој продолжи да се заканува и на медиумите кои го објавија овој скандал со некакви си тужби, изјави денеска на прес конференција портпаролот на ВМРО-ДПМНЕ, Димче Арсовски. Тој порача дека ова е и повеќе од очигледно, дека ова е матрицата на СДСМ, заканување, уценување, и па пак заканување. -Но Марјанче Стојановски треба да знае дека дури и да му е точна изјавата која ја дал во полициската станица меѓу своите колеги, дека ова видео е снимено од протест во јануари 2018 година , протест кој тој со закани и уцени го спречувал, а секој протест е демократско право на граѓаните дури и тогаш направил кривично дело. Според член 155 став 2 од КЗ секое спречување на протест од страна на службено лице, во случајот избран функционер на локални избори, се санкционира со казна затвор до 3 години. Ова дело согласно изјавата на Стојановски, а пренесена од медиумите е сторено во целост. Настрана ова кривично дело, видеото отвора сомнеж дека градоначалникот учествува во организирана партиска структура на СДСМ во МВР која врши прислушкување на граѓани, во случајот учителки итн и нивно следење спротивно на закон. Согласно член 151 став 4 од КЗ доколку се докаже вина исто така следи казна затвор. Дополнително постојат индиции дека делото е извршено со злоупотреба на службената положба и овластување, казниво со член 353 од КЗ, бидејќи во скандалозното видео истиот напоменува дека работел во МВР и дека ги слуша сите разговори, изјави Арсовски. Портпаролот на ВМРО-ДПМНЕ заканите и уцените кои ги упатува кон вработените во училиштето на работно место е сосема друго дело. -Обвинителството само од оваа снимка има еден куп работа и еден куп индиции кои што треба да ги истражи и да отвори случај. Наместо нервозни и панични изјави од страна на Марјанче Стојановски кој е градоначалник на Демир Хисар тој уште веднаш треба да си поднесе оставка. Само така ќе се овозможи непристрасна истрага. Во спротивно останува сомнежот дека ќе им се заканува на сведоците, а органите на прогонот под политички притисок ќе замижат пред скандалот, изјави Арсовски. Арсовски потенцираше дека станува збор за огромен скандал. -Обвинителството, доколку е ослободено од канџите и притисоците на СДСМ, треба да интервенира и да го расчисти сомнежот дека недолжни граѓани се следени, прислушкувани и мета на уцени и закани. Ако ова им се прави на наставнички во едно основно училиште, тогаш жртва на оваа ненародна власт може да биде било кој од граѓаните. Ако вакви притисоци се прават за еден обичен протест тогаш можеме да замислиме што се прави во услови на избори или во екот на кампањата за референдум, или што се се правело за да Марјанче Стојановски дојде на функцијата градоначалник. Овој скандал го покажа сталинистичкото лице на власта на Заев и СДСМ. Овој скандал покажа дека граѓаните не им се плашат и се спротивставуваат со гласно НЕ на политиките на криминалниот картел на власт. Затоа уверени сме дека граѓаните и Република Македонија ќе победат!, изјави портпаролот на ВМРО-ДПМНЕ.

Арсовски: Оставка од градоначалникот за независна истрага без закани по сведоците

Ивана Ефремовски — Tue, 11 Sep 2018 13:12:11 +0000

Почитуван господине Стојановски, поднесете си оставка од морални причини и престанете да се заканувате. Никого нема да исплашите. Само со оставка ќе покажете дека немате намера да влијаете на истрагата и сведочењата преку закани и уцени. Само со оставка Јавното Обвинителство ќе може да си ја заврши работата околу сериозните индиции за вашето криминално поведение кое што го видовме на видеото, порачува Димче Арсовски, портпарол на ВМРО-ДПМНЕ. -На граѓаните им е доста од еден Заев, не им треба уште еден. Граѓаните не му поверуваа ни нему дека снимката како бара поткуп била монтирана. Преседанот со ослободувањето на Зоран Заев не смее да стане пракса. Денес јавноста е сведок на продолжение на скандалот со градоначалникот на општина Демир Хисар кој јавно, пред наставничките и пред децата, малолетни деца, ученици во среде училница, во училиште се закануваше дека прислушкува и ги следи граѓаните затоа што работел во МВР. Овој лик денес наместо да се извини и да си поднесе оставка се дрзнува уште да се заканува со тужби. Ова е таа матрица на СДСМ, прислушувај ги граѓаните, ако те откријат заканувај се и сеј страв меѓу јавноста, медиумите, народот. Не, господине Марјанче Стојановски, не господа од СДСМ граѓаните, јавноста и медиумите не ви се плашат на вашите закани. Тие јасно гласно кажуваат НЕ на вашата погрешна и штетна политика која што ја промовирате и стварате, истакна Арсовски. Портпаролот на партијата посочува дека овој скандал не говори само за капацитетот и карактерот на градоначалникот на Демир Хисар. -Овој скандал отвора сомнежи дали граѓаните се прислушкувани и потоа уценувани за политички цели? Овој скандал говори дека администрација се соочува со огромен притисок од власта и од СДСМ. Овој скандал отвора сомнеж дека постои партиска структура на СДСМ во МВР која се користи и служи со старите удбашки методи од едноумитето. Тоа се сталинистички, а не европски вредности со кои што ги мамите граѓаните. Затоа јавноста бара одговори, но и одговорност. Прво градоначалникот Марјанче Стојановски да си поднесе веднаш оставка, второ обвинителството уште веднаш да отвори случај за овие скандалозни одговори и трето да одговорат Заев и Оливер Спасовски дали овие снимки со кои се заканува градоначалникот на Демир Хисар се нелегално прибавените снимки со кои што располагаше Заев и кои наводно само тој ги слушал и кои наводно ги предал сите на СЈО. Македонија не смее да биде земја во која некој ќе се плаши дека некој локален шериф од Демир Хисар на СДСМ ќе се заканува на граѓаните со прислушкувани материјали. Ова не е Европа за која тие секој ден говорат, ова е време на Информбирото, посочи Арсовски.

СКАНДАЛИТЕ ПРОДОЛЖУВААТ: Градоначалникот на СДСМ се закануваше на вработени пред деца, а сега врши притисок врз медиуми

Ивана Ефремовски — Tue, 11 Sep 2018 10:41:09 +0000

Граданочалникот на општина Демир Хисар од СДСМ, Марјанче Стојановски, им се заканува на вработените во училиштата дека ги прислушува нивните телефонски разговори и следи што прават и каде одат. Економски Лидер стигна до ексклузивно видео од состанок на Стојановски со вработените кои се бунтувале на перманентниот притисок од негова страна и заканите кои постојано ги добиваат од општината за преместување од нивните работни места и отпуштања. -Заборавате дека во МВР работев, заборавате дека ви слушам сите телефонски јавувања. Одење од куќи и така натаму, им вели разбеснатиот Стојановски на вработените во училиштето, пренесе Лидер Скандалот да биде уште поголем, тој се дере и се заканува во присуство на деца. Кога беше приведен во полициска станица, градоначалникот се правдал дека снимката е од јануари, што не ја намалува неговата вина бидејќи тој и тогаш беше градоначалник. Скандалот не запре тука. Овој градоначалник од СДСМ, сега им се заканува на медиумите и новинарите и лицемерно бара извинување од нив. Градоначалникот на Демир Хисар, Марјанче Стојановски, се огласи откако во медиумите беа објавени неговите закани на вработените во ОУ „Гоце Делчев“. – По однос на монтираниот видео запис кој проциркулира низ повеќе интернет портали, телевизиски и радио медиуми, Ве информирам и Ве известувам за следното; Најпрво, периодот кој е снимено видеото е на 22.01.2018 година – првиот училишен ден од почетокот на второто полугодие во ООУ „Гоце Делчев“ во Демир Хисар и нема апсолутно никаква врска со упатување на закани и влијанија кон граѓаните на Демир Хисар за претстојниот референдум 2018 година. Моето присуство во просториите на ООУ „Гоце Делчев“ беше по претходно барање на група од триесетина родители кои одржуваа средба поради протест на две незадоволни наставнички од прераспоредувањето на работно место во образовната институција каде работат, што е законско право на раководното лице во училиштето. Претходно, дел од родителите ми се јавуваа и ме известуваа за тој протест и незадоволство на двете наставнички, како оделе од куќа на куќа и ги убедувале останатите кои имаа можност за лобирањето при носењето на одлуката за нивното прераспоредување, стои во соопштението од градоначалникот Стојановски. Стојановски ги информира граѓаните дека изречените зборови во видеото се однесуваат токму на тие разговори побарани од родителите, а не некакво прислушкување, уцени и закани. Тој бара од сите пишани, електронски, аудио и видео медиуми да да се извинат за неговиот нарушен изглед, а од лицето кое го снимило видеото да се даде информација кај надлежните органи, во спротивно на ова ќе биде поднесена тужба од негова страна до надлежните институции. Ова е притисок врз медиуми и новинари кои го открија големиот скандал, а тој наместо да се извини и да поднесе одговорност, реши да бара извинување од други. Се надеваме дека надлежните сериозно ќе се заземат за решавање на овој настан.

Четири куќи, земјоделски земјишта и автомобили: Што поседува градоначалникот на СДСМ кој се заканува дека прислушкува?

Ивана Ефремовски — Mon, 10 Sep 2018 08:49:07 +0000

Градоначалникот на општина Демир Хисар од СДСМ, Марјанче Стојановски, за кого е објавена снимка како им се заканува на вработените во училиштата дека ги прислушува нивните телефонски разговори и следи што прават и каде одат, поседува пасиште, лозје, две ливади, овошна градина и земјоделско земјиште во анкетниот лист. Има четири куќи, од кои највредната му е во Битола и проценета е на 4 милиони денари. Куќата во Демир Хисар му е проценета на еден милион денари. Другите две се со помала цена. Има возило Сеат Кородоба од 2002-ра година проценето на 150.000 денари. Од страната на своите родители пријавил трактор од 120.000 денари и старо возило Застава проценето на 5.000 денари. Стојановски, им се заканува на вработените во училиштата дека ги прислушува нивните телефонски разговори и следи што прават и каде одат. Во просторијата има и мали дечиња кои го слушаат градоначалникот на СДСМ како се дере и се заканува. -Заборавате дека во МВР работев, заборавате дека ви слушам сите телефонски јавувања. Одење од куќи и така натаму,им вели разбеснатиот Стојановски на вработените во училиштето, пренесе Лидер. Ваквата закана на Стојановска отвора простор за тоа дека МВР незаконски ги прислушува граѓаните, по што би требало да биде отворена истрага од страна на обвинителството. Министерството за внатрешни работи доцна синоќа соопшти дека градоначалникот на Демир Хисар, Марјанче Стојановски, бил повикан на информативен разговор поради видео-снимката која се појави на интернет. -Градоначалникот Стојановски во разговорот изјави дека снимката која се појавила на интернет е од протест во О.У. Гоце Делчев во Демир Хисар кој се случил во средината на месец јануари 2018 година. Протестот се одржал заради промена на две учителки во други подрачни училишта, се наведува во соопштението. По насока на обвинителство Стојановски бил пуштен во 20:30 часот, а во врска со овој случај, од МВР информираат дека ќе се повикуваат повеќе лица на службен разговор со цел негово целосно расчистување. Дури и да била снимката во јануари, тогаш Стојановски веќе беше градоначалник на општината и овој податок воопшто не го намалува скандалот. Марјанче Стојановски на градоначалничката позиција дојде на последните избори од редовите на СДСМ. Петходно работел во Министерството за внатрешни работи. Целиот анкетен лист, погледнете го ТУКА

СКАНДАЛОТ ПРОДОЛЖУВА: Градоначалникот на СДСМ се заканува пред деца и вработени, МВР со детали за исказот (ВИДЕО)

Ивана Ефремовски — Mon, 10 Sep 2018 06:59:39 +0000

Министерството за внатрешни работи доцна синоќа соопшти дека градоначалникот на Демир Хисар, Марјанче Стојановски, бил повикан на информативен разговор поради видео-снимката која се појави на интернет. - Градоначалникот Стојановски во разговорот изјави дека снимката која се појавила на интернет е од протест во О.У. Гоце Делчев во Демир Хисар кој се случил во средината на месец јануари 2018 година. Протестот се одржал заради промена на две учителки во други подрачни училишта, се наведува во соопштението. По насока на обвинителство Стојановски бил пуштен во 20:30 часот, а во врска со овој случај, од МВР информираат дека ќе се повикуваат повеќе лица на службен разговор со цел негово целосно расчистување. Дури и да била снимката во јануари, тогаш Стојановски веќе беше градоначалник на општината и овој податок воопшто не го намалува скандалот.

СКАНДАЛ: „Заборавате дека во МВР работев и дека ве прислушкувам“ – градоначалник од СДСМ со закани кон вработените

Стојановски, им се заканува на вработените во училиштата дека ги прислушува нивните телефонски разговори и следи што прават и каде одат. Во просторијата има и мали дечиња кои го слушаат градоначалникот на СДСМ како се дере и се заканува. -Заборавате дека во МВР работев, заборавате дека ви слушам сите телефонски јавувања. Одење од куќи и така натаму, им вели разбеснатиот Стојановски на вработените во училиштето, пренесе Лидер. Ваквата закана на на Стојановска отвора простор за тоа дека МВР незаконски ги прислушува граѓаните, по што би требало да биде отворена истрага од страна на обвинителството. Марјанче Стојановски на градоначалничката позиција дојде на последните избори од редовите на СДСМ. Петходно работел во Министерството за внатрешни работи.

Им се закануваше на граѓаните дека ги прислушкува: Приведен градоначалникот на Демир Хисар

Ивана Ефремовски — Sun, 09 Sep 2018 18:00:36 +0000

Градоначалникот на Демир Хисар, Марјанче Стојановски е приведен во полициска станица на информативен разговор, јавува МИА. Извори од истрагата информираат дека Стојановски е во полициска станица во врска со видеото што излезе во јавност на кое тој им се заканува на вработени во училиштата дека ги прислушува нивните телефонски разговори. Повеќе детали се очекуваат од Министерството за внатрешни работи во текот на утрешниот ден.

СКАНДАЛ: „Заборавате дека во МВР работев и дека ве прислушкувам“ – градоначалник од СДСМ со закани кон вработените (ВИДЕО)

Ивана Ефремовски — Sun, 09 Sep 2018 13:43:46 +0000

Во пресрет на референдумот кој ќе се одржи на 30-ти месецов, граданочалникот на општина Демир Хисар од СДСМ, Марјанче Стојановски, им се заканува на вработените во училиштата дека ги прислушува нивните телефонски разговори и следи што прават и каде одат. Економски Лидер стигна до ексклузивно видео од состанок на Стојановски со вработените кои се бунтувале на перманентниот притисок од негова страна и заканите кои постојано ги добиваат од општината за преместување од нивните работни места и отпуштања. -Заборавате дека во МВР работев, заборавате дека ви слушам сите телефонски јавувања. Одење од куќи и така натаму, им вели разбеснатиот Стојановски на вработените во училиштето, пренесе Лидер Ваквата закана на на Стојановска отвора простор за тоа дека МВР незаконски ги прислушува граѓаните, по што би требало да биде отворена истрага од страна на обвинителството. Со оглед на тоа што се работи за период пред референдумот, ова може да се протолкува и како притисок, што според кривичниот закон е класифицирано како тешко кривично дело. Марјанче Стојановски на градоначалничката позиција дојде на последните избори од редовите на СДСМ. Петходно работел во Министерството за внатрешни работи. За скандалот да биде уште поголем, како што можете да погледнете на видеото, градоначалникот на СДСМ се дере и се заканува, во присуство на мали деца. Прашањето кое сега се поставува е: Дали органите на прогонот ќе покренат истрага за незаконско следење на комункациите, како што СЈО покренуваше врз база на телефонски разговори?