Марк-Андре тер Штеген – Kurir.mk

Тер Штеген го продолжи договорот со Барселона

Бошко Тасиќ — Sun, 27 Aug 2023 06:53:42 +0000

Шпанскиот фудбалски клуб Барселона објави дека голманот Марк Андре тер Штеген потпишал нов договор со важност до 30 јуни 2028 година. Во договорот на Германецот е ставена и откупна клаузула од 500 милиони евра. Тер Штеген и се приклучи на Барселона во мај 2014 година од Борусија Менхенгладбах. За девет години во клубот, освои пет шампионски титули, пет шпански Купа, по еднаш во ЛШ и Светско клупско првенство.

Тер Штеген го продолжи договорот со Барселона до 2028 година

Дарко Андоновски — Fri, 25 Aug 2023 12:09:03 +0000

Марк-Андре тер Штеген го продолжи договорот со Барселона. Соработката на Каталонците со германскиот голман сега е со важност до 2028 година. Барселона за предвремен раскин на договорот одреди откупна клаузула во висина од 500 милиони евра. Беше објавено дека Тер Штеген ќе се откаже од значителен дел од неговите први две години договорна плата за да се вклопи во нормите во Ла Лига. Овие пари играчот ќе ги добие во последните три години од договорот. Да потсетиме дека Германецот брани за Барселона од 2014 година.

Барселона спреми нов договор за Тер Штеген

Бошко Тасиќ — Wed, 12 Jul 2023 04:24:45 +0000

Барселона сака да му понуди нов договор на голманот Марк-Андре Тер Штеген, со кој Германецот би останал на „Ноу Камп“ до крајот на кариерата, пренесуваат каталонските медиуми. Клубот сега е во финансиски проблеми, па раководството бара начини да ги намали трошоците на секаков начин. Имено, Барса му нуди подолг договор, но со помала плата. Германецот има договор до 2025 година, но Барселона сака да го задржи подолго и ќе му понуди договор до 2028 година. Доколку се согласи на условите тоа веројатно ќе значи дека 31-годишниот Германец ќе остане на „Камп Ноу“ до крајот на кариерата.

Тер Штеген поради здравствен проблем не отпатува на подготовки со Германија

Бошко Тасиќ — Tue, 15 Nov 2022 06:17:01 +0000

Голманот на Барселона, Марк Андре Тер Штеген не отпатува со своите соиграчи на мини-подготовките за Светското првенство. Германија се собра во Франкфурт, а денес отпатува во Оман каде што ќе се подготви за настапот на Мундијалот. Чуварот на мрежата има проблеми со инфекција на дигестивниот тракт и засега остана во Франкфурт, каде што ќе добие лекарска помош. Тер Штеген се очекува да мине неколку дена во Германија и доколку сè е во најдобар ред, ќе отпатува во репрезентативниот камп. Ханси Флик во моментов не размислува на замена за Тер Штеген.

Тер Штеген поради болест го пропушта стартот на подготовките за СП2022

Ивана Ефремовски — Mon, 14 Nov 2022 19:13:56 +0000

Голманот на германската фудбалска репрезентација Марк Андре тер Штеген нема денеска да отпатува со екипата во Оман на стартот на подготовките за Светското првенство во Катар поради инфекција на дигестивниот тракт.

Германските репрезентативцивчера се собраа во хотел на аеродромот во Франкфурт откако денеска ќе отпатуваат во Оман каде во идеални временски услови ќе се подготвуваат за Мундијалот, кој почнува на 20 овој месец. -Тер Штеген нема да отпатува денеска со екипата во тренинг кампот во Оман поради гастроинтестинална инфекција. Тој засега останува во Франкфурт и ќе отпатува веднаш штом закрепне, се наведува во соопштението на фудбалската репрезентација на Германија. Германскиот состав в среда ќе одигра пријателски натпревар против Оман, а Мундијалот го почнува на 23 ноември против Јапонија. (МИА)

Тер Штеген ќе ги пропушти јунските натпревари на Германија во УЕФА Лигата на нации

Дарко Андоновски — Wed, 04 May 2022 14:00:32 +0000

Голманот на Барселона, Марк-Андре Тер Штеген ќе ги пропушти натпреварите на Германија во УЕФА Лигата на нации во јуни со Италија, Англија и Унгарија. – Марк и јас зборувавме многу отворено и детално за неговата лична ситуација во националниот тим и во Барселона. Марк е еден од најдобрите голмани во светот, но изминатите две години не го искористи периодот во меѓусезоната за целосно закрепнување. Во пресрет на претстојното Светско првенство во Катар, двајцата се согласивме дека следниот период годинава без натпревари или тренинзи е важен и има смисла за него, изјави Ханс Дитер Флик, селектор на германската репрезентација. И самиот голман смета дека летната пауза ќе му биде од корист. – Секогаш уживам што сум дел од репрезентацијата и среќен сум секој пат кога ќе добијам повик. Од друга страна, по три интензивни сезони без вистинска летна пауза, мило ми е што селекторот на репрезентацијата го дели моето мислење дека ми треба пауза и ме поддржа, изјави Тер Штеген. Во јуни германската репрезентација ќе одигра четири натпревари во Лигата на нации – двапати со Италија (4 и 14 јуни), а ќе се сретне и со Англија (7 јуни) и Унгарија (11 јуни).

Њукасл со понуда за Тер Штеген

Ивана Ефремовски — Sat, 06 Nov 2021 10:27:34 +0000

Голманот на Барселона, Марк-Андре тер Штеген може да ја продолжи кариерата во Англија. Според „Скај Спорт“, Њукасл сака да го придобие 29-годишниот германски репрезентативец. Англискиот клуб понуди 55 милиони евра за Тер Штеген. Договорот на голманот со каталонскиот клуб е со важност до 2025 година. Оваа сезона Тер Штеген учествуваше на 13 натпревари на сите турнири и прими 15 гола. На четири средби ја зачува мрежата „сува“. (МИА)

Барселона може да го продаде Тер Штеген на Баерн поради финансиски проблеми

Дарко Андоновски — Mon, 02 Nov 2020 08:40:14 +0000

Голманот на Барселона, Марк-Андре тер Штеген би можел да стане играч на Баерн Минхен, објавија некои шпански медиуми. Клубот од Минхен останува заинтересиран за играчот, а Барселона ќе биде принудена да се согласи на трансфер поради тешката финансиска состојба. Претходно беше објавено дека Барса може да започне стечајна постапка доколку играчите не се согласат на намалување на платите. Баерн верува дека голманот ќе може да го замени Мануел Нојер во тимот. Сумата за трансфер ќе биде околу 80 милиони евра. Дваесет о осумгодишниот Германец игра во Барселона од 2014 година по трансферот од Борусија Менхенгладбах. Во тековната сезона тој не играше поради повреда. Договорот на играчот истекува во летото 2025 година.

Тер Штеген го пропушта „Ел Класико“

Ивана Ефремовски — Sat, 17 Oct 2020 08:39:31 +0000

Голманот на Барселона, Марк-Андре Tер Штеген нема да игра на дербито против Реал Мадрид на 24 октомври. Навивачите на каталонскиот гигант се надеваа дека германската репрезентација ќе се опорави за првото издание на сезоната на „Ел Класико“, но тренерот Роналд Куман призна дека не верува дека тоа ќе се случи. – Не мислам дека Тер Штеген ќе биде подготвен за една недела. Засега нема специфичен датум за негово враќање, само треба да гледаме како оди неговото закрепнување, објасни Куман. Тер Штеген беше опериран на коленото и сè уште нема играно во новата сезона. На првиот натпревар, по враќањето на теренот, голманот ќе ја добие наградата во името на „Алдо Ровира“ за најдобар играч на Барса за претходната кампања. Германецот продолжува да го држи раководството на Барселона во неизвесност и не го продолжува договорот. Тој сака 18 милиони евра по сезона, што ќе го направи втор најскап играч на клубот по Лионел Меси. (МИА)

Тер Штеген е подготвен да остане во Барселона доколку стане најплатениот голман на светот

Ивана Ефремовски — Mon, 12 Oct 2020 16:55:01 +0000

Голманот на Барселона, Марк-Андре тер Штеген е подготвен да направи отстапки кога ќе потпише нов договор со клубот, според „Гол“. Голманот првично бараше плата од 24 милиони евра годишно, но е подготвен да го намали условот на 18 милиони. Претходно беше објавено дека станува збор за договор до летото 2025 година. Неговиот сегашен договор истекува на крајот на оваа сезона. Доколку Барса се согласи на новите услови, тогаш 28-годишниот Германец ќе стане најплатениот голман во светот и втор најплатен во клубот по Лионел Меси. Капитенот на Каталонците добива околу 31 милиони евра годишно. Тер Штеген игра за Барселона од 2014 година. Оваа сезона тој сè уште не влезе на теренот поради повреда.(МИА)