Марк Гасол – Kurir.mk

Марк Гасол се враќа во шпанскиот шампионат

Ивона Петрова — Tue, 27 Sep 2022 06:47:40 +0000

Центарот Марк Гасол оваа недела и официјално ќе почне да настапува во шпанското кошаркарско првенство како играч на Жирона. Триесет и седумгодишниот Шпанец ја основа Жирона во 2014 година и оттогаш е претседател на клубот. Правилата на шпанското првенство не му дозволија официјално да се пријави на турнирот како играч. Сепак, собранието на „ABC“ ги одобри измените на правилата, објави „Марка“. Сега Гасол ќе може да ги извршува двете позиции: претседател и играч. Пред да ја започне кариерата во НБА, Шпанецот играше за Жирона од 2006 до 2008 година. Клубот се распадна во 2013 година, но Гасол основаше нова негова верзија.

Марк Гасол го напушти Лејкерс

Бошко Тасиќ — Wed, 08 Sep 2021 08:12:28 +0000

Шпанскиот кошаркар член на Лос Анџелес лејкерс, Марк Гасол може да стане слободен агент во блиска иднина. Според „Атлетик“, Гасол ќе ги напушти Лејкерс, со кои потпиша 2-годишен договор под минимални услови во меѓусезонскиот преодниот рок 2020. Центарот на шпанската репрезентација по Олимпијадата во Токио изјави дека планира да се врати во Лејкерс. Сепак, плановите на Гасол се сменија откако калифорнискиот клуб минатата недела го договори трансферот на центарот Деандре Џордан.

Марк Гасол размислува да замине од ЛА Лејкерс

Бошко Тасиќ — Sat, 21 Aug 2021 17:45:39 +0000

По само една година во дресот на тимот од Лос Анџелес, Марк Гасол сериозно ја разгледува можност да си оди од Лејкерс, тврди американскиот новинар Марк Стајн. Тој има загарантиран договор за претстојната сезона за кој по Олимписките игри во Токио рече дека ќе го одработи до крајот што е уште поголемо изненадување во моментов. „Разбрав дека Марк Гасол не е тотално сигурен околу враќањето во Лејкерс иако најави дека ќе ја одигра и втората сезона од договорот. Нејасно е дали би бил вклучен во некој трејд за да продолжи во друга НБА франшиза или, како неговиот брат, ќе се врати во татковината да ја заврши кариерата“, објасни Стајн.

Заработува милиони во НБА, а летото го минува спасувајќи животи: На славниот кошаркар му се воодушевува цела планета

Матеја Петровски — Thu, 19 Jul 2018 08:01:53 +0000

Славниот шпански кошаркар Марк Гасол се придружи во организација за спасување на животите на мигрантите од Африка кои се обидуваат преку морето да дојдат до европскиот брег. Бродовите на организацијата „NGO Proactiva Open Arms“ патролираат по Медитеранот, како евентуално би учествувале во акцијата за спасување на Афринкаците, кои ризикуваат се како би обезбедиле подобар живот за себе и своите најблиски. Шпанскиот кошаркар во вторникот учествуваше во акција за спасување на Камерунка која полусвесна пловеше на отвореното море. -Бес, лутина, немоќ. Неверојатно колку луѓе се препуштени сами на себе на морето. Му се воодушевувам н а тимот на кој му се приклучив, тие не седат со скрстени раце, напиша Гасол.

Frustration, anger, and helplessness. It’s unbelievable how so many vulnerable people are abandoned to their deaths at sea. Deep admiration for these I call my teammates at this time @openarms_fund pic.twitter.com/TR0KnRsrTE
— Marc Gasol (@MarcGasol) July 17, 2018

Жозефина имала среќа, но уште една жена и дете кои биле во чамецот немаа. Гасол одлучи да се приклучи на оваа организација кога виде фотографија која го помина светот, фотографијата од малиот удавен Ајлан Курди на брегот на Турција.

Гасол спасил жена на Медитеранот

Даниел Василев — Wed, 18 Jul 2018 13:49:29 +0000

Центарот Марк Гасол учествувал во акција за спасување на мигранти и со волонтери на непрофитна организација го спасил животот на една Камерунка. Волонтирајќи за непрофитната организација „Проактив опен армс“, тој се нашол на брод во водите на Медитеранот. Бродот Астрал пронашол остатоци од гумен чамец кој наводно бил потопен од страна на либиската обална стража. На чамецот имало жена и дете, но по потопувањето спасена е само жената. -Фрустрација, бес и беспомошност. Неверојатно е колку ранливи луѓе се оставени да умрат на море. Длабоко воодушевување кон оние кои ги сметам за свои соиграчи во овој момент, напиша Гасол заедно со пораката од организацијата. Тој објаснува дека една од работите кои го поттикнала да се бави со хуманитарна работа, меѓу другото била и фотографијата од сириското дете Алјан Курди кој непомошен лежеше на турското крајбрежје во 2015. година. -Мораме да дадеме пример, да покажеме сериозност кон она што се случува. Сакам да бидам директно вклучен и да спасувам луѓе. Ризикот кој можете да го доживеете како играч е неважен. Нема подобар начин од волонтерите кои се овде, рече Гасол.