марк маркез – Kurir.mk

Марк Маркез ја напушти Хонда по 11 години

Бошко Тасиќ — Fri, 06 Oct 2023 04:22:10 +0000

Шпанскиот мотоциклист Марк Маркез (30) на крајот од оваа сезона ќе ја напушти Хонда во која помина 11 години, објавија од јапонскиот тим. Маркез имаше договор со Хонда уште една година, но спогодбено го раскинаа, што му се отвори пат да се пресели во тимот на Гресини Рејсинг, кој го вози помладиот брат на Маркез, Алекс, и користи мотори на Дукати. -Имавме незаборавни моменти: шест светски шампионски титули, пет тројни круни, 59 победи, 101 подиум и 64 пол-позиции. Напорна работа, посветеност и врската што ја изградивме низ годините. Смеа, солзи, радост, тешки моменти, но најважно: единствена и неповторлива врска. Разделени, но секогаш заедно, изјави Маркез преку социјалната мрежа Х.

Марк Маркез ја напушта Хонда

Бошко Тасиќ — Sun, 10 Sep 2023 07:32:40 +0000

Шпанскиот мотоциклист, Марк Маркез, најверојатно ќе ја напушти екипата на Хонда и следната сезона ќе вози за тимот на Гресини, јавува „Ас“. Маркез своите најголеми успеси ги доживеа токму во Хонда, со која освои дури шест шампионски титули во „кралската класа“, а исто така има по една титула во Мото2 и Мото3 шампионатите. Медиумите на Пиринеите пишуваат дека Маркез би можел следната сезона да се приклучи на Гресини, каде вози неговиот помлад брат, Алекс, кој сезонава има освоено 102 бода. 30-годишниот Марк Маркез е еден од најлегендарните и најуспешните возачи во историјата на овој спорт.

ВИДЕО: Страшни сцени во Германија – Маркез спаси жива глава, мотоциклот на Зарк преполовен

Ивона Петрова — Fri, 16 Jun 2023 18:57:21 +0000

Морничава ситуација е забележана на вториот тренинг пред Големата награда на Германија. Познатиот мотоциклист Марк Маркез, освојувач на шест титули, доживеа тежок пад, но во таа прилика подобро се снајде од својот несреќен колега. Мотоциклот на Шпанецот излизга по патеката, по што му направи „лизгачки старт“ на неговиот противник, кој летна во воздухот. Поради големата брзина со која мотоциклот се лизгал на патеката, моторот на Жоан Зарк буквално беше преполовен. И двајцата возачи поминаа без посериозни последици.

Crash of Marc Márquez, with his bike crashing again Johann Zarco, breaking the french bike in Two pieces pic.twitter.com/gjJR829bOg
— Motorcycle Sports (@MotorcycleSp) June 16, 2023

Марк Маркез овој викенд се враќа на МОТО ГП трките

Бошко Тасиќ — Fri, 12 May 2023 04:36:38 +0000

Марк Маркез овој викенд ќе се врати на патеката за Големата награда на Франција, откако лекарскиот тим, кој ја оперираше десната рака, му дозволи повторно да се трка. Операцијата беше неопходна поради падот на Маркез на првата трка во Португалија. Маркез вчера беше прегледан, резултатите од скенерот се добри и ќе треба уште да ги помине прегледите на лекарската комисија во МотоГП, за да биде сигурен дека во петок ќе може да започне со слободните тренинзи. Тој моментално е 19-ти во генералниот пласман, со 80 бода зад Франческо Бањаја.

Марк Маркез ја пропушта трката за ГН на Америка

Бошко Тасиќ — Tue, 11 Apr 2023 19:41:10 +0000

Возачот Марк Маркез нема да учествува на трката за Големата награда на Америка. По последните прегледи, Маркез и неговиот тим, предводени од д-р Игнасио Роџер де Оно, во болницата Рубер Интернасионал во Мадрид, потврдија дека тој не е целосно опоравен. Шпанецот одлучи дека е најдобро да го послуша лекарскиот совет и да ја прескокне трката во Америка. Маркез ќе продолжи да ја прави програмата за рехабилитација и ќе биде дома за што побрзо да се опорави.

Марк Маркез успешно опериран

Бошко Тасиќ — Wed, 29 Mar 2023 05:10:08 +0000

Шпанскиот мотоциклист Марк Маркез дефинитивно ќе ја пропушти трката за Големата награда на Аргентина во Мото ГП шампионатот. На премиерата на сезоната, Маркез предизвика несреќа во која ја повреди раката и има скршеница на метакарпална коска каде веднаш беше опериран. Неговиот тим Репсол Хонда одлучи Шпанецот да ја пропушти трката во Аргентина следниот викенд со цел целосно да се опорави и да биде максимално подготвен за остатокот од сезоната. Веќе во третиот круг, Маркез загуби контрола на мотоциклот при еден свиок и удри во Хорхе Мартин, а потоа и во Мигел Оливеира, кој остана да лежи на патеката.

Маркез доби дозвола од докторите да излезе на патеката

Бошко Тасиќ — Wed, 06 Apr 2022 22:09:02 +0000

По лекарските прегледи, на шесткратниот шампион во Мото ГП, Марк Маркез, му е дозволено да се врати на патеката. Возачот на Репсол Хонда ќе учествува на трката за Големата награда на САД на 10 април, што беше и официјално потврдено од тимот. Шпанскиот ас се повреди во текот на загревањето пред трката за ГП на Индонезија, доби удар, а сите беа загрижени поради тоа што повторно има проблеми со видот, како и на претходната повреда со рамото, поради која долго време паузираше. Хонда направи „конзервативен“ план за закрепнување, а Марк се чувствуваше подобро – пред да замине за САД ги направи сите потребни прегледи и добие одобрение да биде на патеката. Маркез во текот на кариерата имаше голем успех во Тексас – на таа трка нема триумфирано само еднаш, во 2019 година, кога падна додека имаше убедливо водство. Следната трка во Мото ГП шампионатот ќе се вози на 10 април во САД.

Марк Маркез најдобар на патеката во Тексас

Бошко Тасиќ — Sun, 03 Oct 2021 20:35:18 +0000

Марк Маркез е апсолутен крал на патеката Заксенринг во Германија каде оваа година славеше и 11-ти пат по ред, но слична врска има и со патеката во Тексас, на која денеска оствари седма победа во Мото ГП. Шпанскиот возач беше пребрз за конкуренцијата и покрај тоа што стартуваше од третото место, па уште од воведот изби на врвот и доминатно и убедливо стигна до нова победа на својата втора омилена трка во Мото ГП календарот. Иако самиот Марк ги критикуваше нерамнините на асфалтот и посочи дека трката во Остин е најнебезбедна во Мото ГП, сепак траекторијата на оваа патека одговара на неговиот стил на возење, во што се уверивме и денеска. Маркез стигна до својата седма победа на трката за Големата награда на Америка, односно втора за него во актуелниот шампионат по онаа споменатата во Германија. Фабио Квартарато заврши втор и ја зголеми предноста во генералниот пласман, подиумот го комплетираше Бањаја, а во топ 10 се најдоа уште Ринс, Мартин, Бастијанини, Мир, Милер, Биндер и Еспаргаро.

По скоро две години: Кралот се врати, победа на Маркез

Ивона Петрова — Sun, 20 Jun 2021 14:59:00 +0000

Марк Маркез стигна до победа на Мото ГП по 581 ден. Изминатата година тој имаше проблеми со повреди, неколку пати се оперираше, а по денешната победа црниот период е зад него. Одличниот Шпанец славеше сигурна победа на Големата награда на Германија. За Маркез ова е 11-та по ред победа на патеката Sachesenring и осма последователна во Мото ГП серијата.

Марк Маркез се враќа на патеките

Бошко Тасиќ — Sat, 10 Apr 2021 14:52:45 +0000

Шпанскиот мотоциклист, Марк Маркез конечно се врати од повредите и ќе се врати на патеките во Мото ГП шампионатот. По пауза од десет месеци, Маркез ќе се врати на патеката во Портимао наредната седмица.Самиот возач на Твитер порача дека е среќен и едвај го чека враќањето. „Многу сум среќен. Вчера ги посетив докторите и ми дадоа зелено светло за враќање на патеките. Ова беа доста тешки девет месеци и сега сум среќен што можам да уживам во тоа што најмногу го сакам. Се гледаме наредната седмица во Портимао“, напиша Шпанецот. Да подсетиме Маркез по пад на патеката во Херез ја скрши коската над лактот, по што мораше да паузира.