Марк Мили – Kurir.mk

Марк Мили: Украинската контраофанзива ќе биде долга и крвава

Тале Кристо — Sat, 01 Jul 2023 19:25:39 +0000

Украинската контраофанзива против руските сили ќе биде тешка и „многу крвава“, оцени претседателот на Здружениот Генералштаб на САД, генерал Марк Мили, пренесе денеска Би-Би-Си. Генералот Мили рече дека не е изненаден што напредувањето на украинските сили е побавно од очекуваното, но додаде оти Украина „постепено напредува“. -Тоа оди малку бавно, но тоа е дел од природата на војната, изјави тој. Украинскиот претседател Володимир Зеленски минатата недела призна дека офанзивата напредува бавно.

Марк Мили: Украинската контраофанзива се развива побавно од предвиденото

Тале Кристо — Fri, 30 Jun 2023 20:01:12 +0000

Украинската контраофанзива се развива побавно од предвиденото, но напредува уверено, изјави претседателот на Здружениот Генералштаб на САД, генерал Марк Мили. „Се развива побавно отколку што беа прогнозите. Тоа не ме изненадува“, изјави Мили во Националниот прес-клуб во Вашингтон. Тој додаде дека офанзивата „напредува самоуверено и намерно, пробивајќи го својот пат низ комплексни мински полиња и други“ пречки.

Мили: Украинците се подготвени за продолжување на борбата против руската инвазија

Тале Кристо — Wed, 07 Jun 2023 06:50:55 +0000

Началникот на Здружениот Генералштаб на американската армија генерал Марк Мили изјави дека Украина е добро подготвена да ја продолжи битката против руската инвазија. За време на комеморацијата на годишнината од сојузничката инвазија на американските гробишта во Нормандија, Франција, Мили, исто така, предупреди дека војната ќе биде „долга“. Тој изјави дека останува самата Украина да соопшти дали и официјално е почната нејзината контраофанзива, но кажа дека украинските трупи се подготвени да се борат, пренесе Гардијан. -Нашата проценка е дека украинската армија е добро подготвена за што и да прави. Тие избираат да се борат офанзивно или дефанзивно, тие се добро подготвени, рече Мили. Според него, како што одминува времето, борбите ќе варираат. -Како и битката за Нормандија или која било друга голема битка, војувањето е давање и земање. Ќе има денови кога ќе видите многу активност и ќе има денови кога може да видите многу малку активност. Ќе има офанзивни и одбранбени активности. Значи, ова ќе биде напред-назад во долг временски период, истакна Мили.

Украина не треба да користи американско оружје за напади врз руска територија, изјави американски генерал

Ивана Ефремовски — Thu, 25 May 2023 19:05:43 +0000

САД одамна и укажаа на Украина да не користи воена опрема произведена од САД за напади врз руска територија, изјави денеска висок американски генерал, поради наводите дека проукраинска вооружена група користела оклопни возила на САД. Началникот на здружениот генералштаб на САД, генерал Марк Мили, изјави дека неговиот кабинет ги прегледува фотографиите на кои се прикажани возила за кои се верува дека биле користени во напад на рускиот пограничен регион Белгород. Сепак, според него, на Киев му е јасен американскиот став дека слична опрема од американско производство не треба да се користи во Русија. (МИА)

Генерал Мили: Зголемена е опасноста од конфликт меѓу светските сили

Ивона Петрова — Sun, 22 May 2022 09:41:20 +0000

Генералот Марк Мили, претседател на Здружениот комитет на началници на штабови на американската армија, изјави дека е зголемен ризикот од голем конфликт меѓу светските сили, пренесе Тасс. -Сега се соочуваме со две светски сили – Русија и Кина. Секоја од овие земји има значителен воен потенцијал и е немилосрдно решена да го промени сегашниот поредок заснован на правила, им кажа генералот Мили на дипломираните студенти на Воената академија Вест Поинт. „САД влегуваат во свет што станува сè понестабилен. Светот во кој влегувате има потенцијал за голем меѓународен конфликт меѓу големите сили. Тој потенцијал расте, а не опаѓа“, рече генералот.

Марк Мили: На Украина испорачани 25.000 противвоздушни оружја од САД и од сојузниците

Ивана Ефремовски — Thu, 07 Apr 2022 17:17:26 +0000

Украина доби околу 25.000 системи за противвоздушно вооружување од САД и нивните сојузници, што му помогна на Киев да не дозволи Русија да доминира во воздухот, изјави денеска началникот на Здружениот Генералштаб на вооружените сили на САД, генерал Марк Мили. Тој додаде дека САД и сојузниците на НАТО и испорачале на Украина 60.000 противтенковски системи. „Украинците се исклучително благодарни за тоа“, нагласи Мили во обраќањето пред Комитетот за вооружени сили на американскиот Сенат. (МИА)

Началникот на Генералштабот на оружените сили на САД за нови бази во Источна Европа

Ивона Петрова — Wed, 06 Apr 2022 06:02:42 +0000

Началникот на Здружениот генералштаб на американската армија, генерал Марк Мили, смета дека САД треба да размислат за формирање дополнителни воени бази во Источна Европа како заштита од руска агресија. Тој појасни дека САД треба да ротираат сили во тие бази, наместо нивно трајно стационирање. Мили во обраќањето пред Комитетот за вооружени сили на Претставничкиот дом, рече дека базите би биле финансирани од други земји, како што се Полска и балтичките земји, кои бараат распоредување дополнителни американски сили во регионот. Секретарот за одбрана, Лојд Остин, вели дека плановите за „зајакнување на безбедноста“ во Источна Европа „се уште се во тек“ и најверојатно ќе бидат разгледани на самитот на НАТО во јуни.