марк овермарс – Kurir.mk

По секс скандалот во Ајакс: Овермарс се пресели во белгиски Антверпен

Ивана Ефремовски — Mon, 21 Mar 2022 18:27:10 +0000

Еден месец откако го напушти Ајакс поради непримерно однесување кон колешките, поранешниот холандски фудбалски репрезентативец Марк Овермарс (48) е назначен денеска за нов технички директор на белгискиот прволигаш Антверпен. Легендарниот холандски фудбалер од мај 2012 година ја извршување должноста спортски директор на гигантот од Амстердам, но беше принуден да замине од Ајакс откако беше обелоденето дека непримерно се однесувал кон своите колешки на кои им испраќал непристојни телефонски пораки. На својата промоција во Антверпен, поранешниот напаѓач на Ајакс, Арсенал и Барселона, истакна дека работите во Ајакс биле решени на соодветен начин и оти не влијаеле на неговите разговори со белгискиот клуб. – Тоа што се случи во Ајакс нема да се повтори, изјави Овермарс за белгиските медиуми. (МИА)

Директорот на Ајакс им испраќал непримерни пораки на колешки, си замина од клубот

Ивона Петрова — Mon, 07 Feb 2022 10:24:53 +0000

Марк Овермарс се повлече од функцијата спортски директор на Ајакс. Причина за раскинувањето на договорот со 48-годишниот менаџер е низата непримерни пораки кои тој на подолг временски период им ги испраќал на неколку колешки. -Се срамам. Минатата недела бев испрашуван за извештаите во врска со моето однесување. За жал, не сфатив дека ја поминав границата, но последниве денови разбрав сé. Одеднаш почувствував огромен притисок. Жал ми е. Секако, за човек на моја позиција ваквото однесување е неприфатливо. Сега и јас го сфаќам тоа. Но, веќе е доцна. Не гледам друг начин освен да го напуштам Ајакс. Тоа многу влијае и на мојата лична ситуација. Затоа ги молам сите да ме остават на мира мене и моето семејство, изјави поранешниот играч на Ајакс, Арсенал и Барселона. Овермарс беше спортски директор од 2012 година и е под договор до 2026 година.

Барселона добива нов директор

Бошко Тасиќ — Sun, 07 Feb 2021 19:51:14 +0000

Холандската фудбалска легенда Марк Овермарс ќе го напушти директорското место во Ајакс на крајот од оваа сезона. Според информациите Овермарс договорил разделба со Ајакс и од следното лето ќе работи како спортски директор во Барселона. Тоа го тврди англискиот Телеграф кој известува дека Овермарс е подготвен да се врати на Камп Ноу и дека не можел да го одбие предизвикот во Барселона. Овермарс во Барселона играше од 2000. до 2004. година и само е еден од низата Холанѓани кои оставија голем трага во каталонскиот гигант.