маркињос – Kurir.mk

Маркињос ставен на трансфер листата во ПСЖ

Бошко Тасиќ — Sat, 29 Jul 2023 06:16:40 +0000

Војната на релација Килијан Мбапе – ПСЖ се заканува да предизвика голем раздор во тимот, и веќе капитенот се најде на удар на сопственикот на Светците, емирот на Катар, Тамим бин Хамад ал Тани. Капитенот на екипата Маркињос јавно му даде поддршка на Килијан Мбапе и тоа на официјална прес-конференција на тимот и веднаш го почувствува гневот на шеикот. Маркињос е ставен на трансфер-листата бидејќи шеикот не сака играчи во тимот кои се противат на неговите одлуки.

ПСЖ со нов договор за Маркињос до 2028 година

Бошко Тасиќ — Sat, 20 May 2023 04:46:15 +0000

Фудбалскиот клуб Пари Сен Жермен објави дека ја продолжи соработката за дефанзивецот Маркињос. Бразилскиот фудбалер потпишал договор со важност до летото 2028 година, со што клубот потврди дека овој фудбалер му е важен и ќе биде дел од тимот за во наредните сезони. Маркињос игра за ПСЖ од летото 2013 година, а од тогаш седум пати беше шампион на Франција, шест пати го освои Купот на Франција, исто толку пати и Лига купот на Франција. Сезонава бразилскиот дефанзивец одигра 42 меча за клубот во сите натпреварувања, а постигна два гола.

Освен Ди Марија уште еден клупски колега ограбен истата ноќ- за време на натпреварот и неговото семејство било држено во заложништво

Дарко Андоновски — Mon, 15 Mar 2021 15:44:10 +0000

Домовите на фудбалерите на ПСЖ, Анхел Ди Марија и Маркињос, биле ограбени во неделата, додека двајцата играчи беа на теренот на првенствениот натпревар против Нант, објави денеска „Л“ Екип“. Францускиот весник наведе дека за време на грабежот членовите на семејствата на двајцата фудбалери биле држени како заложници, додавајќи оти тоа било причината поради која тренерот Маурисо Покетино, по краток разговор со спортскиот директор Леонардо, предвреме го повлече Ди Марија од теренот во неделата. Соиграчот на Ди Марија и капитен на францускиот првак, преку клупското соопштение, истакна дека домот на неговите родители бил ограбен за време на натпреварот против Нант, додека неговото семејство било во куќата. – Меѓутоа, никој не е повреден и сега сите се чувствуваат добро. Француските власти започнаа истрага, посочи Маркињос. Аргентинецот Ди Марија, кој минатата недела го продолжи договорот со ПСЖ за уште една сезона, до 2022 година, веќе еднаш беше жртва на обид за грабеж во 2015 година, додека го носеше дресот на Манчестер јунајтед. „Л“ Екип“ објави крадците украле од домот на Ди Марија сеф во кој имало накит и часовници во вкупна вредност од најмалку 500.000 евра. ПСЖ го загуби вчерашниот натпревар против Нант со 4:1 што за клубот од Париз беше четврти пораз сезонава во француското првенство.