Бислимовски: Немаме однос кон водата како природен ресурс, загубите се до 60 отсто

Магдалена Андонова — Thu, 19 May 2022 08:40:06 +0000

Последните податоци покажуваат дека немаме однос кон водата како природен ресурс и загубите на национално ниво достигнуваат до 60 отсто поради лошата инфраструктура и поради отсуство на инвестиции на јавните претпријатија. Секој пат кога се определува опсег на тарифа, советите на општините најчесто ја одбираат тарифата во чија структура степенот на инвестиции е на најниско ниво и подразбира базично одржување на мрежата, рече претседателот на Регулаторната комисија за енергетика и водни услуги (РКЕ) Марко Бислимоски кој заедно со колегите од регионот и ЕУ потпиша Меморандум за соработка во областа на водните услуги. Ова, оцени Бислимовски, е проблем со кој се соочуваат сите во регионот. -Неопходно е да се објасни секој денар за што се троши и колку инвестиции се реализираат во комуналните претпријатија, подвлече претседателот на РКЕ. Меморандумот беше потпишан во Тирана од страна на регулаторните комисии за енергетика на Северна Македонија, Албанија, Косово и Црна Гора, како и Асоцијацијата на регулаторни тела на Европа за водни услуги (WAREG). Целта е заеднички изнаоѓање решенија за менаџирање на водните услуги. Како што информира РКЕ, регулаторите се обврзаа и преку заедничка соработка да ја усогласат домашната регулатива со законите на ЕУ. -Документот е резултат на досегашните заеднички билатерални програми за соработка во рамки на WAREG за зајакнување на институционалните капацитети на регионално ниво. Делиме исти предизвици, а клучен постулат во нашата работа е на сите потрошувачи да им се обезбеди правото на вода, која треба да е високо квалитетна и достапна по тарифа која ќе гарантира и инвестиции во мрежата со цел да се намалат загубите, нагласи Бислимоски, додавајќи дека оваа фаза од процесот на реформи во секторот води во земјите од регионот е неизбежна и од голема важност за доверливи, одржливи и економични системи за регулација на водните услуги. (МИА)

Бислимовски зборува за Бит-коин, варење кафиња и колку граѓаните трошат струја, а не кажува како да се излезе од енергетската криза

Тале Кристо — Wed, 10 Nov 2021 14:25:21 +0000

Во „Утрински брифинг“ во Слободна ТВ, гостуваше претседател на Регулаторна комисија за енергетика Марко Бисломовски, кој во гостувањето критикуваше за копање на Бит-коинс крипто валутите, колку имало кражби на струја и нелегални приклучоци, па и до колку време им требаше на граѓаните да сварат кафе и потрошувачката на електрична енергија, но не кажа ништо за тоа како да се надмине енергетската криза. -Осигурачите што се секој што ги има во својот дом, дозволува одредена снага на електрична енергија, одредена можност да се повлече од системот, и од тој аспект се ограничени прво што прават е ги променуваат осигурачите и не разбираат дека тоа е проблем, затоа шпто ако нашата инсталација е подготвена за одредена моќност, со осигурачите се прави проблем да има можен прекин, прегорување или несакани последици како пожар, вели Бислимовски. Граѓаните забораваат дека ако бидат фатени во кражба на струја тоа е дело од Кривичниот законик и пред неколку дена само во Шуто Оризари се фатени во кражба и ќе одговараат согласно истиот, вели тој. Бислимовски вели дека сето тоа е оптоварување на мрежата и создава проблеми на системот, а воедно има поплаки од граѓани „кафето го варев за пет минути, сега му треба подолго време“ , вели Бислимовски. Од целото негово интервју главниот на РКЕ ги кажуваше неговите надлежности, ја утврди фактичката состојба на раскинување на договорите од снабдувачите, недоволното производство, лошата хидрологија, а време за плачење немало, биле одговорни производителите на електрична енергија кои требало да го зголемат производството затоа што домашното производство било подобро.

Марко Бисломовски – Kurir.mk

Бислимовски: Немаме однос кон водата како природен ресурс, загубите се до 60 отсто

Бислимовски зборува за Бит-коин, варење кафиња и колку граѓаните трошат струја, а не кажува како да се излезе од енергетската криза