марко божиновски – Kurir.mk

Муцунски на турнирот „Марко Божиновски“: Овој настан ќе стане традиција, така вечно ќе живее ликот на младиот ракометар кој прерано не напушти

Катерина Бојаџиева — Thu, 16 Jun 2022 08:26:28 +0000

Во градењето на успешна општина посебно влијание има спортот и спортските настани кои се во интерес на жителите од нашата општина. Оваа година за првпат се организира ракометниот турнир „Марко Божиновски“ во истоимениот спортски центар, а ние даваме максимална поддршка. Станува збор за интернационален проект каде кадетските екипи имаат можност да ги докажат своите квалитети, a и младите спортисти можат да се докажат пред пошироката публика, вели градоначалникот на општина Аеродром, Тимчо Муцунски. -Како локална власт, а и како поединец давам целосна поддршка за Фондацијата Марко Божиновски. Досега направивме многу за овој спортски центар, но тоа не завршува тука. Во следниот период следат дополнителни инвестиции за спортскиот центар, а заедно со луѓето кои го организираа овој настан ќе направиме сè за истиот да прерасне во традиција. Ми претставуваше задоволство да бидам дел од отворањето на овој турнир. Само преку ваквите настани можеме да го негуваме спортскиот дух во нашата општина, да го доближиме ракометот до младите во Општина Аеродром, а и само така вечно ќе живее ликот на ракометарот кој прерано нè напушти, Марко Божиновски, додава Муцунски.

РФМ со специјален дрес за родителите на Марко Божиновски

Бошко Тасиќ — Sun, 15 May 2022 15:57:55 +0000

Денеска од денешната програма од завршницата на Ракометниот Куп најпрво се одигра ревијален натпревар меѓу кадетската репрезентација на Македонија и екипата на Бутел од Скопје. Овој натпревар ќе биде најава за финалните натпревари во Купот на Македонија. Завршницата од натпреварувањето оваа година се игра во салата „Јасмин“ во Кавадарци. Пред почетокот на ревијалниот дуел првиот човек на Ракометната федерација на Македонија (РФМ), Живко Мукаетов, им подари специјален дрес на родителите на ненадејно починатиот ракометар на бутелци, Марко Божиновски.

Муцунски: Спортскиот центар во Ново Лисиче ќе го носи името на младиот ракометар Марко Божиновски

Ивона Петрова — Sat, 04 Dec 2021 13:06:17 +0000

Од денес и официјално Спортскиот центар во Ново Лисиче имаме чест и задоволство да носи име Спортски центар – Марко Божиновски. Марко Божиновски е едно младо момче пример за млад човек, спортист, добар другар и пријател, кој што пред шест месеци трагично почина, истакна денеска градоначалникот на Општина Аеродром, Тимчо Муцунски. Посочи дека заедничка одлука била на сите советници во Советот на Општина Аеродром, и од ВМРО-ДПМНЕ, и од СДСМ, и од Левица, е овој Спортски центар да го носи токму неговото име. -Одлучивме да инвестираме во реновирање на спортската инфраструктура која што ја гледате позади вас. Дел од таа инвестиција е на општина Аеродром, но и самото семејство на Марко Божиновски, пријатели нивни, се активно вклучени во подобрување на условите кои што ќе ги има овој Спортски центар. Во чест на Марко Божиновски, кој што треба да биде пример на сите исти млади генерации, успешен млад ракометар, добар другар и искрен, верен пријател, сакаме да функционираме и таков однос да воспоставиме спрема сите други млади луѓе во општина Аеродром, да бидат како Марко Божиновски. И во таа смисла ќе продолжиме и следната година, ние како општина да инвестираме во спортската инфраструктура, да инвестираме во младите спортски таленти, истакна Муцунски.

Отворање на спортскиот центар кој го носи името на ракометарот Марко Божиновски

Ивона Петрова — Sat, 04 Dec 2021 09:48:56 +0000

Во скопската населба Ново Лисиче денеска ќе биде отворен спортскиот центар кој ќе го носи името на ракометарот Марко Божиновски. На отворањето ќе присуствуваат претседателот на ВМРО-ДПМНЕ Христијан Мицкоски и градоначалникот на општина Аеродром Тимчо Муцунски. По завршување на настанот предвидени се изјави за медиумите.

Спортски центар во Аеродром ќе се вика- Марко Божиновски!

Катерина Бојаџиева — Tue, 09 Nov 2021 21:41:52 +0000

Советот на општина Аеродром вечерва, меѓу другото, донесе одлука за преименување на спортскиот центар „Ново Лисиче“ во СЦ „Марко Божиновски“ во чест на македонскиот ракометен репрезентативец, кој ненадејни и ептен прерано почина пред шест месеци на само 20-годишна возраст. Станува збор за објектот популарен како „Дупка“, кој со години наназад важи за свратилиште и место каде што ги направија и сѐ уште ги прават првите чекори голем број кошаркарски и ракометни таленти. Божиновски, кој играше за прволигашот Бутел, е дете израснато во Аеродром и беше огромен навивач на МЗТ Скопје, поради што членовите на општинскиот совет сметаа дека треба да сторат сѐ тој никогаш да не биде заборавен, пренесува порталот Спорт1. Неговото срце прерано, во сон, престана да чука на почеткото од јуни, само два дена по последниот одигран натпревар во дресот на Бутел. Во својата кариера беше дел од кадетската репрезентација на Македонија која настапи на СП 2019, а играше и за младинскиот национален тим.

СЕ ОГЛАСИ И МВР ЗА ПОЧИНАТИОТ РАКОМЕТАР – еве ги деталите

Дарко Андоновски — Fri, 04 Jun 2021 15:02:46 +0000

На 03.06.2021 во 12.05 часот во Полициската станица Аеродром било пријавено дека во својот дом на ул.„Владимир Комаров“ починал М.Б.(20) од Скопје. Смрт констатирал лекар од Итна медицинска помош, а по наредба на Јавен обвинител телото било дадено на обдукција. Станува збор за Марко Божиновски, членот на ракометниот клуб Бутел Скопје. Божиновски е дете на Металург, пред две години настапуваше за вториот тим на овој клуб, а потоа го засили составот на Бутел Скопје. Тој беше дел од кадетската репрезентација.

ПОВТОРНО НОВА ТРАГЕДИЈА ВО МАКЕДОНСКИОТ РАКОМЕТ: Млад ракометар почина на само 20 годишна возраст! (ФОТО)

Дарко Андоновски — Thu, 03 Jun 2021 12:02:37 +0000

Нова трагична вест ја потресе македонската јавност. Уште еден млад ракометар почина. Станува збор за Марко Божиновски, членот на Бутел Скопје, објавува Спортмедиа. Божиновски е дете на Металург, пред две години настапуваше за вториот тим на овој клуб, а потоа го засили составот на Бутел Скопје. Тој беше дел од кадетската репрезентација. Срцето на Божиновси за жал, откажало.