марко џампаоло – Kurir.mk

Џампаоло пред отказ по поразот од Лацио

Ивона Петрова — Mon, 02 Nov 2020 07:35:29 +0000

Тренерот на Торино, Марко Џампаоло може да биде отпуштен, објави „Фудбал Италија“. Според изворот, причина за отказ може да биде поразот на натпреварот од Серија А против Лацио (3:4). Торино на овој дуел прими два гола по 95. минута. По шест натпревари во Серија А, фудбалерите на Торино освоија само еден бод и се наоѓаат на претпоследното, 19. место.

Торино може да му врачи отказ на главниот тренер

Магдалена Андонова — Fri, 23 Oct 2020 20:28:16 +0000

На главниот тренер на Торино, Марко Џампаоло, му се заканува отказ, пренесува „Tuttosport“. Управата сепак е подготвена да му даде уште една шанса да се докаже, но сака да види позитивни резултати. Торино ги загуби сите 3 натпревари на почетокот на сезоната во Серија А и е на последното место во поредокот. Доколку во следните неколку кола ситуацијата на тимот не се подобри, управата ќе го разгледа прашањето за разрешување на Џампаоло. Давиде Никола и Роберто Донадони се сметаат за кандидати за местото нов тренер на Торино. Вечерва Торино во рамките на 5. коло од Серија А гостува кај Сасуоло. (МИА)

Милан го отпушти Џампаоло, ова е новиот тренер на „Росонерите“

Ивона Петрова — Tue, 08 Oct 2019 10:10:42 +0000

Поранешниот италијански и европски шампион Милан донесе одлука за отказ на тренерот Марко Џампаоло, објавија медиумите на Апенинскиот Полусотров. Италијанскиот новинар Фабрицио Романо на својот Твитер објави дека Стефано Пиоли ќе го наследи Џампаоло на тренерското место. Официјално, информациите сè уште не се потврдени. Претходно беше објавено дека Лучијано Спалети е главен кандидат, но тој не можеше да го раскине договорот со Интер. Педесет и тригодишниот Стефано Пиоли исто така претходно беше тренер на Интер, а во својата кариера работеше и со Лацио, Болоња, Парма, Киево, Палермо, Сасуоло. Негов последен клуб беше Фиорентина. На Милан не му оди оваа сезона како што посакуваат раководството и навивачите. Тимот го зазема 13.место во Серија А со само три победи и четири порази.

Џампаоло по поразот од Фиорентина: Може да изгубите, но не на таков начин

Ивона Петрова — Mon, 30 Sep 2019 06:47:16 +0000

Тренерот на Милан, Марко Џампаоло ја презема одговорноста за синоќашниот пораз (1:3) од Фиорентина, но упати и критики до своите избраници. -Навивачите се навикнати на нешто сосема различно и имаат право да негодуваат. Секако, јас ја преземам одговорноста, но треба да одиме напред затоа што верувам во моите идеи. Она што ме изнервира е дека тимот изгледаше како играчите да не тренирале заедно. Може да изгубите, но не така. Пред само три дена, тимот покажа карактер, видов сегменти што ми се допаднаа. Денес играта се сведуваше на индивидуално ниво. Немаше организација, изјави Џампаоло. Милан по шест кола во Серија А веќе има четири порази и со шест од можни 18 бода се наоѓа на 16. место. Во италијанските медиуми наголемо се шпекулира за смена на тренерската позиција во поранешниот италијански и европски фудбалски шампион.

Официјално: Милан има нов тренер

Дарко Андоновски — Wed, 19 Jun 2019 18:45:48 +0000

Италијанскиот клуб Милан вечерва официјално потврди кој ќе биде наследник на Џенаро Гатузо. Нов тренер на „росонерите“ е Марко Џампаоло, кој претходната сезона ја водеше Сампдорија. Тој потпиша договор со клубот од Милано за две години, со можност за продолжување на соработката за уште една година. Џампаоло, кој ќе биде 60-тиот тренер во историјата на Милан, а осмиот откако Макс Алегри го напушти клубот во јануари 2014 година, ќе заработува два милиони евра годишно на „Сан Сиро“, објавија медиумите во Италија. 51-годишниот стратег, пред Милан и Сампдорија, предводеше голем број италијански клубови, меѓу кои и Каљари, Сиена, Емполи, Катанија …