Марко Кизиќ – Kurir.mk

Кизиќ: Можеме да стигнеме до позитивен резултат

Бошко Тасиќ — Sat, 28 Aug 2021 07:07:40 +0000

Битолскиот Еурофарм Пелистер во недела гостува кај Мешков Брест во рамките на реванш четвртфиналниот натпревар во ракометната СЕХА-лигата. Битолчани на првиот натпревар на домашен терен беа надиграни и загубија со 27-31. Иако ќе биде многу тешко да се слави со пет голови разлика во Белорусија, младиот голман Марко Кизиќ вели дека тимот не се предава предвреме. „Загубивме, но не со голема разлика за да се откажеме. Напорно работевме неделава, нема што да загубиме, треба да се бориме и да се надигруваме. Можеме да стигнеме до позитивен резултат. Мешков Брест е квалитететн тим. Сепак се четвртфиналисти на Лигата на шампионите. Имаат играчи од калибарот на Скубе, Кашпарек, Вајлупов. Имаат квалитетни индивидуалци, но не значи дека ние немаме доста квалитетни играчи и најважно ќе биде кој повеќе ќе сака да победи“, вели Кизиќ.

Марко Кизиќ го засилува Еурофарм Пелистер

Бошко Тасиќ — Thu, 15 Apr 2021 18:29:08 +0000

Битолски Еурофарм Пелистер го официјализира првото засилување за следната сезона.Битолчани се засилуваат од актуелниот шампион Вардар, и пак како и минатата сезона доведуваат млад македонски репрезентативец. Дресот на пелистерци ќе го облече Марко Кизиќ. 20-годишниот голман се обрвза на верност од три сезони со Еурофарм Пелистер, „Младиот голман на македонската репрезентација, Марко Кизиќ е нов ракометар на Еурофарм Пелистер за периодот од јуни 2021 до јуни 2024 година. 20-годишниот Кизиќ потпиша договор со битолскиот клуб и ќе ја зголеми конкуренцијата на голманската позиција.Овој млад голман доаѓа од Вардар, висок е 190 сантиметри, а тежок 89 килограми. Кизиќ веќе има искуство од настапи во Лигата на шампионите, а во новиот клуб ќе се приклучи по завршувањето на сезоната. Официјалната презентација на Марко Кизиќ ќе се одржи пред почетокот на сезоната 2021/22 во Битола“, се вели во соопштението на битолскиот клуб.

ВИДЕО: Одлична одбрана на Кизиќ и тоа со глава!

Магдалена Андонова — Thu, 15 Oct 2020 20:09:34 +0000

Вардар во моментов го игра натпреварот против Фленсбург. Гледеме еден одличен и борбен натпревар, а одбраната на Кизиќ покажува колкава е борбеноста и желбата за победа. Видеото може да го погледнете на Спортм.мк

ВИДЕО: Двојната одбрана на Кизиќ најдобра во колото од ЛШ

Ивона Петрова — Mon, 04 Nov 2019 08:44:01 +0000

Голманот на Вардар, Марко Кизиќ ја има најдобрата одбрана во 6. коло од ракометната Лига на шампионите. Осумнаесетгодишниот Кизиќ на вчерашниот натпревар со Мешков Брест во игра влезе во средината на второто полувреме и за 15 минути забележа пет одбрани. Неговата двојна одбрана беше забележана како најдобра во изборот на колото што го прави ЕХФ. Вардар го доби натпреварот со 36:31, а Кизиќ најави дека ќе биде сериозна конкуренција на – Ова беше многу важен натпревар за нас за да можеме да се вратиме на 2. место во табелата. Иако беше тешка средба, сепак, игравме дома и тоа ни даде предност и многу голем мотив. Одиме и понатаму во висок ритам и ова беше средба на која докажавме дека и понатаму имаме квалитет, изјави Кизиќ на прес-конференција по натпреварот.