Марко Одермат – Kurir.mk

Швајцарскиот скијач Марко Одермат испиша историја

Бошко Тасиќ — Sat, 18 Mar 2023 16:52:13 +0000

Швајцарскиот скијач Марко Одермат испиша историја со денешната победа во велеслаломската трка во завршницата на Светскиот куп во Андора со што дојде до рекорден збир од 2024 бодови, 24 повеќе од досегашниот рекордер Херман Маер, кој во сезоната 1999/2000 освои 2000 бодови. До 13. победа сезонава, со која се израмни со рекордерите Ингемар Стенмарк и Марсел Хиршер според бројот на победи во една сезона, Одермат дојде на убедлив начин пред Норвежанецот Хенрик Кристоферсон (+2.11) и Марко Шварц од Австрија (+2.29).

Најдобрите светски скијачи в недела ќе се борат за слаломскиот Мал кристален глобус

Марко Одермат до нов триумф во Крањска Гора

Бошко Тасиќ — Mon, 13 Mar 2023 05:35:58 +0000

Марко Одермат e победник на претпоследната велеслаломска трка во сезоната од Светскиот куп во алпско скијање која се возеше во словенечка Крањска Гора. Швајцарецот до победата стигна со вкупно време од 2:20.91 минути што беше за 32 стотинки подобро од второпласираниот Норвежанец Хенрик Кристоферсе. Подиумот го надополни Французинот Алексис Пантуро со заостанување од 70 стоти делови од секундата зад времето на победникот. Со овој пласман Одермат го освои малиот кристален глобус во велеслалом и со тоа го додаде ова признание на големиот кристален глобус, но и на малиот кристален глобус во супервелеслалом. Најдобрите скијачи во светот се селат во андорскиот Солдеу каде од среда почнуваат трките со кои ќе се затвори сезоната во алпско скијање.

Одермат го одбрани Големиот кристален глобус

Бошко Тасиќ — Sat, 11 Mar 2023 19:02:01 +0000

Швајцарскиот скијач Марко Одермат, со победа во саботниот велеслалом за Светскиот куп во Крањска Гора, го осигура освојувањето на Големиот кристален глобус втора година по ред. Одермат во првото возење оствари значајна предност пред конкурентите, а потоа со седмо време во второто возење успеа да го обезбеди првото место за својата 21. победа во Светскиот Куп, а 10. во оваа сезона. Швајцарецот имаше време од 1:65.65. Второто место му припадна на Алекис Пинтурао, додека трет беше Хенрик Кристоферсен. Крисферсен и натаму е во конкуренција а Малиот кристален глобус, но сега заостнува 140 бодови, па Одермат веќе во недела ќе може да ја обезбеди и таа титула.

Второ злато за Одермат на СП во Франција

Бошко Тасиќ — Sat, 18 Feb 2023 05:11:22 +0000

Марко Одермат го освои вториот златен медал на Светското првенство Франција, Швајцарецот кој беше најдобар во спустот, денеска беше најдобар и во велеслалом, со што стана само петтиот скијач во историјата на Мундијалите кој освоил злато во на едно првенство во овие две дисциплини. Зад Одермат завршија неговиот сонародник Лоик Меилар и Австриецот, Марко Шварц кои се закитија со среброто и бронзата. На денешниот велеслалом единствениот македонски претставник Мирко Лазарески остана без пласман по првата трка.

Марко Одермат освои злато во спустот на СП во Франција

Бошко Тасиќ — Sun, 12 Feb 2023 21:20:26 +0000

Марко Одермат е новиот светски шампион во најбрзата скијачка дисциплина спустот. Швајцарецот со своето прво Мундијалско злато стигна на патеката во францускиот ски-центар Куршевел, остварувајќи најбрзо време 1:47,05 минути.

Тој го доби директниот дуел со Александер Амот Килде и тоа за 48.стотинки, па Норвежанецот мораше да се задоволи со среброто негово второ на ова првенство.

Дека Канаѓаните имаат одлични натпреварувачи во брзите дисциплини потврди и Камерон Александер, кој заостана 89.стотинки зад новиот шампион, додека неговиот сонародник Џејмс Крофорд, кој беше сензационален победник во Супер Џи, сега заврши како петто пласиран.