Марко Пејчиновски – Kurir.mk

Младиот пливач Пејчиновски доби стипендија од Владата

Ивона Петрова — Wed, 28 Sep 2022 10:05:17 +0000

Премиерот Димитар Ковачевски денеска имаше средба со младиот пливач Марко Пејчиновски на која му ја врачи одлуката за стипендија во износ од 200.000 денари, средства обезбедени преку Националната федерација „Спорт за сите”. Ковачевски, како што се наведува во соопштението од неговиот Кабинет, му ги честиташе на Пејчиновски досегашните пливачки успеси и упати порака дека Владата преку Агенцијата за млади и спорт ќе продолжи да ги поддржува младите успешни спортисти кои се силни промотори на спортска култура во државата. Како знак на признание на Пејчиновски кој и покрај ретката болест постигнува извонредни спортски резултати, премиерот Ковачевски на младиот пливач му ја врачи одлуката за стипендија во износ од 200.000 денари, средства обезбедени преку Националната федерација „Спорт за сите”. Со ова, како што се наведува, на овој млад спортист му беше укажана почит и благодарност за неговиот личен пример на пожртвуваност и високи спортски успеси кои Пејчиновски ги посвети на подигнувањето на свеста за лицата со ретки болести. Неговиот последен спортски успех кој предизвика восхит, е препливувањето на делницата од 64 километри на релација Охрид – Струга – Св. Наум – Охрид. На средбата беше разговарано и за идните спортски и професионални планови на младиот спортист и за заложбите на Владата за вложување во модерна, безбедна и пристапна спортска инфраструктура наменета за рекреативни и професионално спортување, со цел да го развиваме спортот согласно со светските стандарди.

Општина Охрид ќе продолжи со поддршка за подвизите на Марко Пејчиновски

Ивона Петрова — Tue, 30 Aug 2022 12:35:41 +0000

Градоначалникот на Општина Охрид, Кирил Пецаков денеска го прими младиот пливачки херој Марко Пејчиновски, кој викендов исплива 64 километри во водите на Охридското Езеро, на релација Охрид – Струга – Свети Наум – Охрид. Тој најави дека Општината ќе даде поддршка за Марко, со надеж дека и во иднина ќе продолжи да биде спортски пример за неговите врсници и идол за идните генерации. – Фасциниран сум од храброста и посветеност на овој исклучителен млад охриѓанец и не постојат доволни силни зборови со кои може да се упати најсоодветна честитка за неговите легендарни подвизи во пливањето, на кои се горди сите охриѓани, истакна Пецаков. На средбата, како што соопшти општинската прес-служба, двајцата соговорници разговарале за условите за развој на индивидуалното пливање и водените спортови во Охрид. Било потенцирано дека е потребно што поскоро да се создадат услови за тренинзи во затворен простор, што е од особена важност во зимските месеци. Шеснаесет годишниот Марко Пејчиноски е дете кое поради здравствената состојба, инфаркт на долните екстремитет 99 проценти плива само со рацете. Тој е најмладиот пливач кој го препливал Охридското Езеро од Охрид до Свети Наум во двата правци. Со последниот пливачки подвиг, Марко ги заврши најавените 10 препливувања на разни релации на Охридското Езеро, во вкупна должина од 250 километри, што е своевиден рекорд, кој до сега не го постигнал ниту еден пливач.

БРАВО МАРКО, ТИ СИ НАША ГОРДОСТ: Детето спортски херој пливаше речиси 22 часа – си ја исполни својата желба (ВИДЕО)

Ивана Ефремовски — Sun, 28 Aug 2022 10:22:55 +0000

Некогаш неостварена желба, сега реализирана цел. Марко го заврши последниот подвиг за време од 21 час и 42 минути. Марко Пејчиновски, младиот македонски пливачки маратонец на отворени води летово го препливуваше Охридското езеро за да инспирира и да докаже дека сè е возможно. Тој денеска успешно го заврши и последното 10 препливување за ова лето, на релација Охрид – Струга – Св. Наум – Охрид во должина од 64 километри. На празникот Голема Богородица го заврши последниот подвиг за време од 21 час и 42 минути. Од почетокот на својата пливачка кариера, младиот маратонец прави подвизи кои никој досега ги нема направено. Неговата желба е секогаш да ги крева стандардите, да направи нешто поголемо, нешто потешко, да го тргне зборот „невозможно“ од речникот.

Младиот Марко на Голема Богородица ќе се обиде да ја оствари својата цел, го најави последното препливување на Охридското езеро

Ивона Петрова — Fri, 19 Aug 2022 09:30:02 +0000

На Голема Богородица, младиот пливач Марко Пејчиновски ќе го започне своето 10-то препливување на Охридското езеро. Целта на Марко за ова лето беше да исполни 10 препливувања на езерото со вкупно 250 километри. Следниот викенд тој ќе се најде пред својот последен предизвик за ова лето. -По 186 километри и 9 препливувања го најавувам моето последно пливање Охрид-Струга-Св.Наум-Охрид. 64 километри. Пред три години поради болки во ногата го прекинав пливањето на оваа релација и остана мој неостварен предизвик. Тука сум да си докажам колку сум подобрен, да си докажам дека можам да го оставарам мојот сон и да ја исполнам мојата желба и празнината која остана, вели Марко. Младото момче имаше порака за мотивација за сите. -Ова сакам да ве инспирира и вас, без разлика колку нешто изгледа тешко во животот не значи дека е невозможно, без разлика на препреките кои ви стојат на патот до успехот не смеете никогаш да се откажувате. Имајте своја цел, најдете мотив и остварете ја, порачува Марко. Му посакуваме на Марко многу среќа, мирно езеро и сила за исполнување на својата цел.

БРАВО МАРКО: Успешно го заврши 9-тото препливување на Охридското езеро

Ивона Петрова — Sun, 14 Aug 2022 13:51:15 +0000

Младиот Марко Пејчиновски денеска успешно го заврши деветото од планираните десет препливувања на Охридското езеро. Релацијата Градиште - Трпејца - Охрид, која изнесува 20 километри, Марко ја преплива за 5 часа и 59 минути. Неговото пристигнување во Охрид може да го погледнете во видеото во продолжение.

Марко Пејчиновски го исплива 7- миот соло маратон од планираните 10 за ова лето

Ивона Петрова — Mon, 01 Aug 2022 06:19:20 +0000

Амбициозниот, млад пливачки маратонец Марко Пејчиновски од Охрид, го исплива седмиот соло маратон во водите на Охридското Езеро, на патеката Радожда - Трпејца (карпа „Стог“) - Градиште, во должина од 24 км, за 6 часа и 52 минути. По пристигнувањето на целта, каде беше пречекан со овации од присутните, Марко изјави дека е пресреќен и задоволен од најновиот маратонски подвиг, кој го испливал лесно и за побрзо време од очекуваното. Последниот маратон е дел од десетте маратонски препливувања на Марко, планирани за ова лето во вкупна должина од 250 км, со што тој повеќе пати ќе го прокрстари Охридското Езеро од македонска страна. Целта на 16 годишниот охридски спортски херој е со личен пример да ги инспирира луѓето никогаш да не се откажуваат од нивните соништа, бидејќи како што порачува тој, сè е можно, со посветеност и истрајност.

Марко Пејчиновски успешно преплива 22 километри, од Струга до Градиште

Ивона Петрова — Sun, 24 Jul 2022 19:13:43 +0000

Mладиот Марко Пејчиновски успешно преплива 22 километри на релација Струга – Градиште. Препливувањето го заврши за 6 часа 53 минути 20 секунди. Марко го заврши шестото препливување за 2022 година од планираните десет.

БРАВО МАРКО: Успешно преплива 14 километри од Радожда до Охрид (ВИДЕО)

Ивона Петрова — Sun, 12 Jun 2022 17:45:59 +0000

На релација Радожда-Охрид, младиот македонски пливач Марко Пејчиновски денеска го започна првото од десетте планирани препливувања. Момчето кое многупати досега докажа дека кога се сака и се има вистинска желба, се е можно, успешно го заврши и денешното препливување во должина од 14 километри. -После големи искушенија со ветар и бранови, Марко пристигна на Охридското пристаниште за 5:25:09 часа, е објавеното на неговата Фејсбук страна.

ГОЛЕМА ТАГА: Почина мајката на младиот херој Марко, едно од пливањата и го посвети нејзе (ВИДЕО)

Катерина Бојаџиева — Sat, 22 Jan 2022 15:01:49 +0000

Охриѓани се во тaга по веста дека почина Виолета Пејчиновска, медицинска сестра од Охрид. Граѓаните, колегите, пријатели ја опишуваат како жена со големо срце. Била секогаш спремна да помогне на сите, секогаш имала насмевка на лицето и била ведра. Виолета беше мајка на нашиот херој Марко, кој пред три години го преплива езерото и покрај инфаркт на нозете. Тој со 12 години стана најмладиот маратонец што ја испливал 30-километарската делница од Свети Наум до Охрид. Едно од последните пливања го посвети токму на нејзе, неговата мајка. Во насловот на видеото на младиот Марко стои: Ова видео го поcветyвам на мојата мајка.

БРАВО ЗА МАРКО: Нов подвиг на македонскиот спортски херој (ВИДЕО)

Ивана Ефремовски — Sat, 31 Jul 2021 12:41:22 +0000

Младиот спортски херој Марко Пејчиновски, исполни уште еден предизвик и предмалку успеа да доплива до брегот на Охридското Езеро кај Свети Наум. Марко пред три лета на само 12 години направи огромен подвиг кога успеа да го преплива Охридското Езеро. И покрај тоа што има некроза на коска на долните екстремитети, младиот Марко успева во своите подвизи и го следи својот сон.