марко ројс – Kurir.mk

Марко Ројс ќе остане во Борусија Дортмунд

Бошко Тасиќ — Tue, 11 Apr 2023 04:18:29 +0000

Раководството на германскиот фудбалски тим Борусија Дортмунд му понуди нов едногодишен договор на капитенот Марко Ројс. 33-годишниот напаѓач ќе прифати намалување на сегашната плата која изнесува 12 милиони евра и следната сезона ќе заработува 7 милиони евра, плус дополнителни бонуси. Капитенот на Борусија Дортмунд јавно истакна дека би сакал да остане во клубот до крајот на кариерата, а раководството на „милионерите“ верува дека ќе ја исполни неговата желба. Марко Ројс има осум гола и седум асистенции на 24 натпревари во дресот на Борусија Дортмунд во сите натпреварувања оваа сезона.

Ројс се поврзува со трансфер во Манчестер јунајтед

Ивона Петрова — Tue, 17 Jan 2023 11:09:04 +0000

Англиските медиуми објавија дека наскоро може да се случи трансфер на 33-годишниот фудбалер на Борусија Дортмунд, Марко Ројс во редовите на Манчестер јунајтед. На Ројс на крајот на оваа сезона му истекува договорот со германскиот клуб, а медиумите наведуваат дека неговиот менаџер веќе стапил во контакт со премиерлигашот од Манчестер. Ројс во кариерата настапуваше само за три клубови досега. Професионалната кариера ја почна во Рот Вајс, потоа настапуваше за Борусија Менхенгладбах, а од 2012 година го носи дресот на бундеслигашот од Дортмунд. Сезонава за Борусија постигна три голови, додавајќи и четири асистенции, а поради повреда не беше во составот на Германија на неодамнешното Светско првенство во Катар.

Нема поголем малер: Марко Ројс и официјално ќе го пропушти Мундијалот

Ристе Здравков — Thu, 10 Nov 2022 11:52:08 +0000

Играчот на Борусија Дортмунд и на германската репрезентација, Марко Ројс и официјално ќе го пропушти Мундујалот во Катар. Ова е дури петти пат во кариерата да не настапи на големо натпреварување повреда повреда. Ројс ги пропушти Европските првенства во 2012 и 2016, и тоа поради повреда во последниот подготвителен меч, додека поради повреда не играше на Мундијалот во 2014 и ЕП минатата година. Овојпат Марко Ројс нема да биде дел од германската репрезентација поради повредата на глуждот, со која се здоби пред два месеци.

Ројс поради повреда ќе го пропушти Мундијалот во Катар, тој не отпатува со Германија на СП 2014, Евро 2016 и Евро 2020

Ивана Ефремовски — Thu, 10 Nov 2022 09:43:03 +0000

Фудбалерот од средниот ред на Борусија Дортмунд, Марко Ројс нема да и помогне на германската репрезентација на Светското првенство 2022 година поради повреда. Според „Скај Спорт Дојчланд“, 33-годишниот Ројс нема да може да учествува на Светското првенство поради повреда здобиена во средината на септември. Селекторот на Германија Ханси Флик до последно се надеваше дека Ројс ќе закрепне, но играчот нема да може да влезе на теренот уште неколку недели. Ројс заработи повреда на лигаментите на скочниот зглоб во победата од 1:0 над Шалке на 17 септември. Четири недели подоцна, во мечот со Унион (0:2), тој се врати на теренот, влегувајќи како замена на полувремето. Сепак, по натпреварот почувствува болка. Минатата сабота, на 5 ноември, Ројс се врати на теренот по повреда – влезе како замена во 67. минута од натпреварот против Бохум (3:0). По тој натпревар, скочниот зглоб повторно почна да го боли. Да потсетиме, Марко поради повреда го пропушти Светското првенство во 2014 година, кое го освои Германија. Исто така, поради повреда, Ројс не играше на Евро 2016 година. Тој го пропушти Евро 2020, наведувајќи го заморот по „исцрпувачката сезона“. Мундијалот во Катар ќе се игра од 20 ноември до 18 декември. (МИА)

Капитенот на Дортмунд се повреди пред СП во Катар

Бошко Тасиќ — Sat, 17 Sep 2022 18:06:27 +0000

Борусија Дортмунд победи против Шалке во дербито на Рур. Стрелец на единствениот гол на натпреварот беше Јусуф Мукоко во 79. минута на асистенција на Мариус Волф. Победата на „милионерите“, остана во сенка на повредата со која се здоби капитенот Марко Ројс. Тој во 29.минута на носилки беше изнесен од теренот. Клубот не се огласи за да открие каков е степенот на повредата, но на прв поглед таа изглед сериозно. Некои германски медиуми шпекулираат дека за него оваа сезона е завршена. Сето ова се случува на два месеци до почетокот на Светското првенство.

Ројс ја критикуваше трансфер-политиката на Борусија Дортмунд

Тале Кристо — Tue, 16 Aug 2022 09:07:36 +0000

Капитенот на Борусија Дортмунд, Марко Ројс ја критикуваше политиката на трансфери на неговиот клуб. – Секогаш е срамота да се види како потпишуваме талентирани млади играчи кои, за жал, сакаат да се развиваат во други клубови за 2-3 години. Пред сезона секогаш има чувство дека сега ќе изградиме навистина силен тим, но се повторно се распаѓа, бидејќи си заминуваат 2-3 важни играчи. Погледнете кој играше за нас во последните години: Халанд, Гундоган, Геце, Санчо, Дембеле. Да останеа во Борусија Дортмунд, ќе можевме да се докажеме во европските натпреварувања. Но, јас разбирам дека ова е бизнис, секој има свои цели, секој носи одлука за себе, ја пренесуваат изјавата на Ројс германските медиуми. Ројс е „дете“ на Борусија Дортмунд кој го напушти клубот во 2005 година и повторно се приклучи во 2012 година. Заедно со тимот двапати го освои Купот на Германија и три пати го освои германскиот Суперкуп. По две кола од сезоната 2022/23, Борусија Дортмунд е на второто место во германското првенство со максимални шест бода од два натпревара.

Ројс може да се врати на теренот на натпреварот против Баер

Дарко Андоновски — Thu, 09 Sep 2021 13:44:12 +0000

Тренерот на Борусија Дортмунд, Марко Розе зборуваше за состојбата на играчот од средниот ред Марко Ројс. – Марко веќе се чувствува подобро, очекуваме дека ќе може да игра во следната рунда, го цитира Розе прес-службата на германскиот клуб. Во сезоната 2021/22, Ројс одигра пет натпревари за Борусија, постигна два гола и две асистенции. Триесет и двегодишниот Германец го пропушти вчерашниот натпревар со репрезентацијата против Исланд (4:0) поради проблеми со коленото.

Марко Ројс го одбил повикот за настап на ЕП за Германија

Бошко Тасиќ — Tue, 18 May 2021 19:55:25 +0000

Фудбалерот на Борусија Дортмунд Марко Ројс одби да биде дел од германската репрезентација за претстојното Европско првенство летово, објави „Билд“.

Ројс бил во контакт со селекторот Јоаким Лев и му било кажано дека е во плановите за селекцијата , но потоа во нов разговор му соопштил дека плановите му се поинакви и дека сака прво добро да се одмори после напорната сезона, а потоа да се насочи на подготовката за новата сезона. Оваа одлука Ројс ја образложил дека не сака да се става во дополнителен ризик и под уште поголем напор после една многу тешка година со ептен згуснат распоред, па повторно да се доведе во ситуација да се повреди, поучен од многуте повреди поради кои долго време отсуствуваше од терените. Според најавите на списокот на Лев се очекува да се вратат Томас Милер и Матс Хумелс.

Ројс за поразот од Лацио: Вака не сакавме да ја започнеме оваа Лига на шампиони

Дарко Андоновски — Wed, 21 Oct 2020 08:06:22 +0000

Напаѓачот на Борусија Дортмунд, Марко Ројс го коментираше поразот од Лацио со 1: 3 во натпреварот од 1. коло во групната фаза од Лигата на шампионите. -Борусија спиеше во поголемиот дел од првото полувреме. Не можам да објаснам зошто се случи тоа. Во второто полувреме можевме да создадеме 2-3 добри шанси, но немавме амбиција или компактност. Така не сакавме да ја започнеме оваа Лига на шампиони. Недостаток на детали. Немавме доволно луѓе во последната третина од теренот каде требаше да создадеме закана. Играта со додавање не функционираше, не работеше ниту притисокот. Одигравме далеку од најдобрата игра и мора да прифатиме дел од критиките на нашата адреса, самокритичен е Ројс. Во 2. коло Борусија на домашен терен ќе игра со Зенит. Средбата е закажана 28 октомври.

Ројс се враќа во игра за прв пат по седум месеци

Ивона Петрова — Mon, 31 Aug 2020 10:32:05 +0000

Капитенот на Борусија Дортмунд, Марко Ројс целосно закрепна од повредата на бутниот мускул, пренесува Билд. Триесет и едногодишниот играч од средниот ред може да учествува на натпреварот во Купот на Германија против Дуизбург закажан за 14 септември. Натпреварот ќе биде прв за Борусија во новата сезона. – Во неделата, го погледнав тренингот на Марко. Марко зрачи со позитивна харизма, рече спортскиот директор Томас Цорк. Последен пат Ројс влезе на теренот на 4 февруари на натпреварот од германскиот куп против Вердер Бремен (2:3).