Марко Верати – Kurir.mk

И Меси му честиташе на Верати за новиот предизвик: Веќе знаеш…

Ристе Здравков — Thu, 14 Sep 2023 09:22:57 +0000

Марко Верати нема повеќе да го гледаме во дресот на Пари Сен Жермен, тим на кој му беше верно посветен во претходните 11 сезони. Италијанецот повеќе од една деценија беше многу важен играч на „светците“, но по доаѓањето на тренерот Луис Енрике и новиот проект на клубот тој беше отпишан и мораше да побара нова средина. Тој ја напушта Европа и во иднина ќе настапува за Ал Араби од Катар, тим во кој веќе беше претставен како нов играч. Килијан Мбапе како еден од лидерите на ПСЖ го испрати Верати во новата средина, а тоа го направи и Лионел Меси кој по се изгледа развил добар однос со Италијанецот во двете години минати на „Паркот на принцовите“. -Со среќа во новата етапа. Веќе знаеш дека секогаш ти го посакувам најдоброто, -порача Лео на Инстаграм.

View this post on Instagram

A post shared by Leo Messi (@leomessi)

Марко Верати потпиша во Катар

Бошко Тасиќ — Thu, 14 Sep 2023 03:53:14 +0000

Во периодот кога сите потпишуваат за клубови од Саудиска Арабија, една голема ѕвезда од стариот континент се пресели во Катар. Ал-Араби официјално го објави трансферот на играчот од средниот ред на Пари Сен Жермен, Марко Верати. 30-годишниот фудбалер за ПСЖ настапуваше од 2012 година. Минатата сезона Верати одигра 38 натпревари за ПСЖ во сите натпреварувања и постигна една асистенција. Пазарната вредност на фудбалерот е 40 милиони евра, а изненадува тоа што за него немаше понуди од клубови од Европа. Пред да дојде во ПСЖ, Верати го носеше дресот на Пескара во Серија Б.

Галатасарај сака да го ангажира Верати

Ивана Ефремовски — Sat, 26 Aug 2023 15:32:12 +0000

Фудбалерот од средниот ред на ПСЖ, Марко Верати може да ја продолжи кариерата во Турција, тврди новинарот Николо Шира. За 30-годишниот Италијанец е заинтересиран Галатасарај. Играчот доби и профитабилни понуди од клубови од Саудиска Арабија и Катар. Верати минатата сезона забележа 38 настапи и една асистенција во сите натпреварувања. Актуелниот договор на играчот со ПСЖ е до 30 јуни 2026 година. (МИА)

Манчестер Јунајтед заинтересиран за Верати

Бошко Тасиќ — Sun, 20 Aug 2023 17:34:54 +0000

Манчестер јунајтед е заинтересиран за Марко Верати. Италијанецот веќе има договор со Ал-Ахли, но Саудијците сè уште не можат да се договорат со ПСЖ. Според „GFFN“, повикувајќи се на L’Équipe, трансферот на играчот од средниот ред во Манчестер јунајтед „не се исклучува“.Претходно беше објавено дека ПСЖ сака 50-60 милиони евра за Верати. Во сезоната 2022/2023, Верати одигра 38 настапи за ПСЖ во сите натпреварувања, постигнувајќи една асистенција. Беше објавено дека новиот тренер Луис Енрике не смета на играчот.

ПСЖ бара од Ал Ахли 80 милиони евра за Верати

Тале Кристо — Sun, 06 Aug 2023 15:29:12 +0000

Ал Ахли не може да постигне договор со Пари Сен Жермен за трансферот на играчот за врска Марко Верати, пишува новинарот Матео Морето. Според изворот, страните не можат да се договорат за цената на трансферот. Парижаните сакаат да добијат најмалку 70 милиони евра за играчот. Ал Ахли е подготвен да даде само 30 милиони евра. Поради тоа што преговорите се одолговлекуваат, играчот може да остане во ПСЖ. Претходно, инсајдерот Фабрицио Романо објави дека Верати ќе потпише тригодишен договор со Ал-Хилал. Триесетгодишниот Италијанец минатата сезона забележа 38 настапи за клубот и оствари една асистенција. Верати игра за ПСЖ од 2012 година. Неговиот актуелен договор со парижаните е до 2026 година.

Марко Верати останува во ПСЖ

Бошко Тасиќ — Sun, 06 Aug 2023 12:06:16 +0000

Италијанскиот фудбалер Марко Верати и во следната сезона ќе го носи дресот на Пари Сен Жермен. Тој во еден момент се поврзуваше со трансфер на Блискиот исток и за него беа заинтересирани Ал Ахли и Ал Хилал, но очигледно немаше намера да го напушти Стариот континент. Од европските великани на моменти Верати се поврзуваше со трансфер во Барселона, Ливерпул или Челзи, но висината на откупната клаузула од 80 милиони евра беше главната пречка за евентуално заминување од француската престолнина. Верати со Пари Сен Жермен има договор до 2026 година.

Атлетико Мадрид го посакува Марко Верати

Бошко Тасиќ — Wed, 12 Jul 2023 04:32:48 +0000

Шпанскиот фудбалски тим Атлетико Мадрид е заинтересиран да го доведе Марко Верати како најважно засилување во летниот преоден рок на тимот на Диего Симеоне, тврдат шпанските и италијанските медиуми. Италијанскиот фудбалер од средниот ред повеќе години е во Париз, но шпекулациите велат дека е незадоволен од ситуацијата во францускиот шампион иако има договор до јуни 2026. Се верува дека Рома на Жозе Мурињо е заинтересирана за неговиот потпис, но не успеале да го убедат да се врати во Италија. Атлетико во исто време, мора да го засили својот среден ред, откако станува јасно дека веќе не сметаат на Жоао Феликс и ќе се обидат да го продадат Португалецот ова лето.

Манчестер сити ја одби понудата на ПСЖ да ги вклучи Верати или Донарума во договорот на Силва

Дарко Андоновски — Tue, 13 Jun 2023 16:37:12 +0000

Манчестер сити ја одби понудата на Пари Сен Жермен за играчот од средниот ред Бернардо Силва, објави „Footmercato“. Парижаните биле подготвени во зделката да го вклучат голманот Џанлуиџи Донарума или играчот од средниот ред Марко Верати, но таквите услови не му одговарале на Сити. Во сезоната 2022/23, Силва одигра 55 натпревари на кои постигна седум голови и осум асистенции. Порталот Трансфермаркт го цени играчот на 80 милиони евра.

Марко Верати на излезна врата во ПСЖ, Мадрид е негова следна дестинација?!

Ристе Здравков — Mon, 15 May 2023 11:44:27 +0000

Информациите од Франција велат дека ПСЖ сака да го продаде Марко Верати на лето, од клубот сметаат дека тој заработува повеќе пари отколку што допринесува и има поголема тежина од потребната. 30-годишниот Верати 11 години е во ПСЖ, италијанскиот фудбалер никогаш не играл за клуб од Серија А бидејќи во Франција пристигна од Пескара која тогаш играше во Серија Б. Верати важеше за незаменлива алка во средниот ред на ПСЖ, но за него оваа беше убедливо најлошата сезона досега. Според „Ла Паризиен“, има неколку причини поради кои ПСЖ го губи трпението со Верати. Првата и основна причина се неговите перформанси на теренот, втората е дисциплината надвор од теренот, особено кога станува збор за тежината. Верати се појави на подготовките на тимот видно здебелен. Тоа за клубот е непростливо откако Верати доби нов и подобар договор според кој заработува еден милион евра месечно. Ова лето Меси сигурно ќе замине од ПСЖ како слободен играч, а на излезна врата е и Нејмар, голема е веројатноста и Верати да им се приклучи со напуштање на клубот.

Марко Верати си заминува од ПСЖ?

Бошко Тасиќ — Fri, 17 Mar 2023 05:25:35 +0000

Италијанскиот интернационалец Марко Верати размислува да го напушти францускиот шампион Пари Сен Жермен на крајот на сезоната, бидејќи е незадоволен од ситуацијата во клубот, пренесува „Калчомеркато“. Верати израсна во Пескара, а од 2012 година е член на ПСЖ. Тој има договор со францускиот првал до 30 јуни 2026 година. Медиумите на Апенините пренесуваат дека Верати бил цел на критики од навивачите по елиминацијата на „светците“ во осминафиналето на Лигата на шампионите од Баерн. Италијанскиот фудбалер ги одигра двата натпревари против Баерн, кои германскиот клуб ги доби со вкупен резултат од 3:0. Тензиите во ПСЖ се зголемија откако шампионот на Франција беше елиминиран од Лигата на шампионите, а бројни играчи беа жестоки критикувани, меѓу кои и Верати. На италијанскиот фудбалер му пречат критиките, бидејќи смета дека на секој натпревар го дава максимумот. Тој размислува да го напушти клубот на крајот на сезоната, но ПСЖ нема намера да го продаде италијанскиот играч за врска.