марко вујин – Kurir.mk

Марко Вујин најде клуб

Бошко Тасиќ — Sun, 14 Mar 2021 19:52:45 +0000

И официјално некогашниот српски ракометен репрезентативец Марко Вујин има нов клуб, а тоа е унгарскиот ПИК Сегед. Вујин не е промовиран се уште во ПИК Сегед, но е заведен во листите на ЕХФ. Затоа Вујин нема да може да игра во домашното првенство, меѓутоа ќе му биде на располагање во Лигата на шампионите. Во Вардар Вујин дојде како големо засилување, а на крајот беше можеби и најголемо разочарување . Покрај играњето во Спортинг, Вујин играше уште за Дунафер, Веспрем и Кил.

Вујин: Ги воочивме грешките од првиот меч со Киелце, во Полска одиме на победа

Ивона Петрова — Tue, 24 Nov 2020 10:44:35 +0000

Десниот бек на Вардар, Марко Вујин, верува дека неговиот тим може да оствари добар резултат на гостувањето во Киелце. „Црвено-црните“ пред пет дена загубија на домашен терен и сега сакаат да се реваншираат на гостувањето во Полска. – Киелце е силен противник. Тоа го видовме и кај нас пред неколку дена. Вистина е дека без навивачите домашниот терен не е некоја предност и нема некоја голема улога за екипа која е домаќин. Ние одиме во Киелце со одработени неколку тренинзи меѓу двата натпревара. Направивме видеоанализа на нивната игра. Ги воочивме грешките што ги направивме на првиот меч. Се надевам дека тоа ќе го исправиме и ќе успееме да направиме позитивен резултат. Тие се врвен тим, но и ние исто така. Сакаме да победиме, па ќе видеме што ќе се случи, изјави Вујин. Натпреварот Киелце – Вардар е закажан за утре (25 ноември) со почеток во 20.45 часот.

Марко Вујин ново засилување на Вардар

Тале Кристо — Fri, 10 Jul 2020 11:20:07 +0000

Српскиот интернационалец Марко Вујин потпиша двегодишен договор со Вардар 1961, соопштија од македонскиот шампион. Десниот бек кој зад себе има богата интернационална кариера го одбра бројот 41 на дресот со кој ќе настапува во „црвено-црниот“ тим. Вујин има настапувано за Синтелон, Дунафер, Веспрем, Кил и Спортинг Лисабон. (МИА)

Вујин потпишува за Вардар?!

Ристе Здравков — Thu, 04 Jun 2020 12:04:07 +0000

Најтрофејниот македонски ракометен тим Вардар крои тим за наредната сезона, недостасуваат среден и десен бек, имињата да го носат „црвено-црниот“ дрес се нудат, а едно од нив кое проструи во јавноста е доста звучно. Се работи за 35-годишниот десен бек Марко Вујин. Шутерот, кој е еден од најдобрите во историјата на Лигата на шампионите, си замина од Спортинг Лисабон и моментално е слободен агент. Бара тим за новата сезона, а „Балкан Хендбол“ пишува дека двете страни се на линија. Вујин играше за Спортинг од 2019 година, а претходно ги носеше дресовите на Кил, Веспрем, Дунафер и Синтелон. За репрезентацијата на Србија тој игра од 2003 година и има над 130 настапи со 490 гола. Вардар по заминувањето на Толедо во Баја Маре има само еден десен бек, а тоа е Томислав Јагуриновски. Тимот од стартот на овој месец официјално ја започна „новата ера“ под водство на Михајло Михајловски. Досега, Вардар ги донесе Филип Талески, Гоце Георгиевски, Томислав Јагуриновски, Дмитри Санталов и Робин Кантрегел.

Вардар тргна по потписот на Вујин

Ристе Здравков — Thu, 28 May 2020 18:53:33 +0000

Европскиот шампион, РК Вардар во наредниот период ќе се обиде да го доведе поранешниот српски репрезентативец Марко Вујин. Новиот сопственик, Михајло Михајловски има големи амбиции со „црвено-црните“, а Вујин треба да биде замена за Криштопанс кој се пресели во редовите на ПСЖ. „ Болна точка и место во тимот е десната бековска позиција. Мора да ја решиме на адекватен начин. Вујин би бил одлично решение“- стои во соопшението на клубот. Вујин неодамна го напушти Спортинг Лисабон, а во кариерата со голем успех настапуваше во Кил, Веспрем, Дунафер и Синтелон. Со селекцијата на Србија го освои сребрениот медал на Европското првенство во Белград во 2012 година. извор: dribling.mk