Маркос Алонсо – Kurir.mk

Маркос Алонсо до крајот на сезоната во Барселона

Ивона Петрова — Sat, 03 Sep 2022 13:49:04 +0000

Шпанскиот дефанзивец Маркос Алонсо и се приклучи на Барселона и со каталонскиот клуб потпиша едногодишен договор. Левиот бек доаѓа во Барселона без обесштетување, откако го раскина договорот со премиерлигашот Челзи. Триесетиедногодишниот Алонсо го носеше дресот на Челзи шест години и настапи на преку 200 натпревари. Во 2017 година му помогна на лондонски Челзи да ја освои и Лигата на шампиони.

Зошто Барселона може да потпише со Алонсо и покрај тоа што преодниот рок заврши

Ристе Здравков — Fri, 02 Sep 2022 12:38:38 +0000

Преодниот рок заврши вчера на полноќ но и покрај тоа се очекува во текот на денот Барселона да го потврди ангажманот на Маркос Алонсо, левиот бек доби раскин на договорот па како слободен играч може да потпише кога сака. Трампата помеѓу Барселона и Челси во која ќе бидат инволвирани Пјер Емерик Обамејанг и Маркос Алонсо беше една од главните вести во последниот ден од преодниот рок. „Сините“ го потврдија трансферот на напаѓачот, но од Камп Ноу не пристигна инфо за ангажман на левиот бек. Но и покрај тоа што е завршен преодниот рок, Барселона може да потпише со Маркос Алонсо и Шпанецот денеска да биде регистриран. Клучот лежи во потегот на Челси да му го раскине договорот на Маркос Алонсо пред крајот на преодниот рок, па левиот бек стана слободен играч, или според прописите во Шпанија, фудбалер без работа. Клубовите во секое време можат да потпишат со ваков играч, но се очекува „каталонците“ денеска да ги завршат сите процедури за да можат да го вметнат Маркос Алонсо на листата за Лигата на шампиони.

Барселона потпишува дефанзивец

Бошко Тасиќ — Sat, 06 Aug 2022 11:22:18 +0000

Маркос Алонсо е пред трансфер во Барселона, само се чека договор од двата клуба. Шпанецот веќе е прекуброен во Челзи, откако лондонскиот тим на позицијата лев бек веќе ги има уште и Бен Чилвел и Марк Кукуреља. Според добро упатениот новинар Фабрицио Романо, Барселона и Челзи ќе си стиснат рака за договор вреден 10 милиони евра за трансфер на Алонсо од Лондон во Барселона.

Барселона е заинтересирана за Маркос Алонсо

Бошко Тасиќ — Sun, 01 May 2022 18:28:51 +0000

Каталонскиот фудбалски тим Барселона покажува сериозен интерес за левиот бек на Челзи, Маркос Алонсо. Бараселона е во потрага по квалитетна алтернатива за Жорди Алба, кој веќе има 33 години е во фудбалска зрелост. Каталонците разгледуваат неколку опции, а најголема желба е Маркос Алонсо.Алонсо е во Челзи од 2016 година, но во последно време го загуби првотимскиот статус и е спремен да ја промени средината. 31-годишниот Шпанец на лето влегува во последната година од договорот, па и Челзи е спремен да го продаде,

Челзи подготвен да се раздели со Алонсо

Тале Кристо — Sat, 22 Feb 2020 09:42:40 +0000

Челзи е подготвен да се раздели со левиот бек Маркос Алонсо. Од тимот се надеваат дека ќе добија конкретни понуди за него за време на летниот преоден рок, пишува „Калчомеркато“. Шпанецот не влегува во сметките на Френк Лампард, кој е подготвен да се раздели со него. Најсериозен интерес за Алонсо има од Интер. „Нероазурите“ беа заинтересирани за него уште во јануари, но тогаш не беше постигнат договор. Се верува дека главната причина за тоа е високата цена што ја постави Челзи. Тимот од Лондон сакаат 30 милиони евра за 29-годишниот играч. Затоа Антонио Конте ги засили своите редови со ветеранот Ешли Јанг од Манчестер Јунајтед за многу поскромна сума од 1,5 милиони евра, што не е долгорочна инвестиција, со оглед дека во јули ќе наполни 35 години.

Алонсо во Челзи до 2023 година

Ристе Здравков — Wed, 24 Oct 2018 08:35:14 +0000

Шпанскиот фудбалер Маркос Алонсо го продолжи договорот со Челзи до 2023 година, објави лондонскиот клуб. Алонсо, кој дејствува по левата страна, од доаѓањето од Фиорентина во 2016 година, стана еден од клучните играчи на „сините“ и заслужи да добие поповолен финансиски договор. – Среќен сум што подолг период останувам во Челзи, еден од најдобрите клубови во светот. Имав две одлични сезони и се надевам дека ќе бидам уште подобра во иднина, изјави Алонсо. Во Премиер лигата, тој досега постигна 14 гола со седум асистенции на 64 натпревари. За време на неговата кариера играше за Сандерленд, Болтон и Реал Мадрид.

Алонсо казнет поради насилничко однесување

Даниел Василев — Thu, 19 Apr 2018 16:17:40 +0000

Фудбалерот на Челси, Маркос Алонсо е суспендиран на три натпревари поради насилничкото однесување по стартот над играчот на Саутемтон, Шејн Лонг во натпреварот во Премиер лигата. Алонсо го згази грбот на Шејн Лонг, а суспендиран е ретроактивно, бидејќи судиите не го видеа инцидентот кој се случи на натпреварот во саботата. Шпанецот ќе го пропушти денешниот натпревар против Барнли во ПЛ, полуфиналето во ФА Купот против Саутемтон во недела и првенствниот дуел со Свонси на 28 април. Алонсо е единствен играч на Челси кој е избран во најдобриот тим на Премиер лигата.

Алонсо: Се надевам дека Мората ќе оди на Мундијалот

Ивона Петрова — Wed, 21 Mar 2018 07:41:49 +0000

Фудбалерот на Челзи, Маркос Алонсо, изјави дека неговиот партнер во шпанската репрезентација и клупски колега Алваро Мората не е задоволен од фактот што не бил повикан во националниот тим. Алонсо очекува Мората да биде дел од репрезентацијата на Светското првенство во Москва. - Алваро не беше премногу задоволен. Тој мораше да помине низ тежок период поради повреда. Сега е целосно подготвен, а неодамна постигна гол. Тој е многу важен играч за нас. Се надевам дека тој успешно ќе игра на крајот од сезоната и ќе оди на Мундијалот, рече Алонсо. Шпанија в петок ја очекува контролен дуел со Германија на гостински терен.