Маркус Рашфорд – Kurir.mk

Маркус Рашфорд е играч на годината во Манчестер Јунајтед

Бошко Тасиќ — Wed, 31 May 2023 04:34:29 +0000

Маркус Рашфорд е официјално избран од навивачите на Манчестер Јунајтед за играч на сезоната 2022/23. Одличниот офанзивец одигра феноменална сезона и беше прва „ударна игла“ во нападот на тренерот Ерик Тен Хаг. Англискиот репрезентативец имаше и една ситна повреда, меѓутоа сепак успеа да се наметне како прва сила во нападот и постигна вкупно 30 голови и 11 асистенции во сите конкуренции, со што оваа сезона е убедливо најуспешната во неговиот престој кај „црвените ѓаволи“. Рашфорд е прв играч на Јунајтед кој успеа да стигне до бројката од триесет голови по одличниот Робин ван Перси кој забележа исто толку погодоци уште во ерата на Сер Алекс Фергусон. Воедно, тој е еден од ретките играчи од академијата на Манчестер Јунајтед што е избран за најдобар во сезоната. .

Навивачите на Манчестер јунајтед го избраа Рашфорд за играч на годината на тимот

Катерина Бојаџиева — Tue, 30 May 2023 08:24:14 +0000

Фудбалерот на Манчестер јунајтед, Маркус Рашфорд од страна навивачите е избран за најдобар играч на тимот. Дваесет и петгодишниот Англичанец ја доби наградата „Мет Базби“. Тој е избран во анкета на навивачите на клубот на официјалната веб-страница на Манчестер јунајтед и во апликацијата на клубот. Во исто време, Рашфорд стана првиот фудбалер од школата на Јунајтед, по 1998 година, што ја добива наградата. Претходно таа му припадна на Рајан Гигс. Во сезоната 2022/23 Рашфорд одигра 55 натпревари на кои постигна 30 голови и шест асистенции.

Манчестер јунајтед сака да ги направи Рашфорд и Кејн најплатени играчи

Ивона Петрова — Tue, 25 Apr 2023 12:25:58 +0000

Манчестер јунајтед е подготвен да понуди големи пари на напаѓачот на тимот Маркус Рашфорд и најдобриот фудбалер на Тотенхем, Хари Кејн. Воедно, раководството на Манчестер јунајтед ќе ја намали платата на голманот Давид де Хеа, објави „The Sun“. Голманот сега е најплатен играч на клубот со 375.000 фунти (424.000 евра) неделно. Триесет и двегодишниот Шпанец, чиј договор завршува на лето, ќе ја намали платата на 200.000 фунти (226.000 евра). Дваесет и петгодишниот Рашфорд има нешто повеќе од 12 месеци од договорот и „црвените ѓаволи“ се обидуваат да преговараат за негово продолжување зголемувајќи ја неговата плата од 200.000 фунти на 300.000 фунти неделно (339.000 евра). Според „Сан“, Кејн заработува 200.000 фунти неделно во Тотенхем, но Манчестер јунајтед му нуди 100.000 фунти повеќе. Претходно беше објавено дека во Тотенхем нема да ги разгледуваат понудите за Кејн доколку се омали од 95 милиони евра.

Рашфорд го израмни сопствениот рекорд по голови во една сезона

Катерина Бојаџиева — Fri, 17 Feb 2023 07:02:41 +0000

Во моментов најдобриот фудбалер на Манчестер јунајтед, Маркус Рашфорд постигна гол на синоќешното гостување кај Барселона (2:2) во плејофот на Лига Европа и израмни сопствен рекорд. Сега Рашфорд има 22 гола, исто колку што постигна во сезоната 2019/20. Во тековната сезона, Рашфорд 12 пати се запиша во листата на стрелците во Премиер лигата, пет пати во англискиот Лига куп, четири гола даде во Лига Европа, еден во ФА Купот. Со оглед на тоа дека крајот на сезоната 2022/23 е далеку, Рашфорд многу веројатно ќе постигне нов рекорд по ефикасност во дресот на „Црвените ѓаволи“.

Рашфорд под водство на Тен Хаг го покажува најдобриот учинок во кариерата

Дарко Андоновски — Wed, 11 Jan 2023 08:19:50 +0000

Напаѓачот на Манчестер јунајтед, Маркус Рашфорд, под водство на тренерот Ерик тен Хаг го покажува најдоброто издание во кариерата. Фудбалерот во просек постигнува голови на секои 140 минути со холандскиот специјалист на тренерската позиција – 13 гола за 1.821 минута. Рашфорд оваа сезона одигра 25 натпревари за Манчестер јунајтед, постигнувајќи 15 голови и шест асистенции. Во победата (3:0) на Јунајтед над Чарлтон во ЕФЛ купот, синоќа Рашфорд постигна два гола.

Касемиро го издвои играчот кој посебно го импресионирал во Јунајтед

Бошко Тасиќ — Mon, 02 Jan 2023 07:46:13 +0000

Искусниот Бразилец со секое ново издание потврдува зошто Манчестер плати 70 милиони евра за неговиот ангажман, па иако многумина велеа дека тој не може да се вклопи во фудбалската филозофија на Тен Хаг, работата на теренот покажува нешто друго. Касемиро полека прераснува во вистински лидер во средниот ред, а додека навивачите се воодушевени од него, тој открива дека посебно е импресиониран од еден свој соиграч. Бразилецот имаше можност да соработува со најголемите фудбалски ѕвезди во Реал Мадрид, па затоа неговата изјава за Маркус Рашфорд привлекува големо внимание во јавноста. – Ќе бидам нависитна искрен со вас. Навистина останав изненаден од тоа каков играч е Маркус Рашфорд. Кога го гледав однадвор, можев да заклучам дека е добар играч, но сега кога го гледам секој ден, ќе кажам дека може да биде во топ 5 најдобри во светот. Знае на неверојатен начин да ја шутне топката, силен е и брз, луцидно мисли и најмногу ме изненади откако сум тука, – открива Касемиро за бразилски „ЕСПН“.

Рашфорд: Имаме огромни амбиции, можеме да играме уште подобро

Тале Кристо — Wed, 30 Nov 2022 07:44:43 +0000

Маркус Рашфорд го пофали англискиот национален тим по синоќешната победа над Велс (3:0) и пласманот во нокаут фазата на Светското првенство. – Бевме малку разочарани по натпреварот со САД (0:0). Мислам дека можевме да одиграме многу подобро, па затоа беше важно да прикажеме добра игра на следниот натпревар. Во првото полувреме добро се браневме, само требаше да ги реализираме шансите и рано да ја убиеме играта. Драго ми е што стигнавме во следната рунда, имаме огромни амбиции. Мислам дека можеме да играме уште подобро, изјави англискиот напаѓач, кој беше двоен стрелец на овој меч. Во осминафиналето на Мундијалот во Катар, Англија на 4 декември ќе игра со Сенегал.

Ова е неверојатно – Боби Чарлтон, 56 години пауза, па Маркус Рашфорд

Ристе Здравков — Tue, 29 Nov 2022 22:29:24 +0000

Англија успеа да обезбеди осминафинале на Светското првенство во Катар откако во групата „Б“ го совлада Велс со 3:0. Стрелец на два голови во победата беше играчот на Манчестер јунајтед, Маркус Рашфорд во 50 и 68 минута од натпреварот. Негов трет на СП, претходно еднаш ја затресе мрежата на Иран. Рашфорд е инаку првиот играч на Манчестер јунајтед кој постигнал три гола на СП за Англија од шампионската 1966 година, кога тоа му успеало на легендарниот Боби Чарлтон. Избраниците на селекторот Герет Саутгејт за пласман во четвртфиналето на Мундијалот на 4 декември ќе играат против селекцијата на Сенегал. Еве уште неколку интересни податоци за англиската репрезентација, Хари Кејн од кого се очекува да биде првиот стрелец, членот на Тотенхем реди асистенции на Мундијалот. Тој е првиот англиски репрезентативец кој асистирал на три гола на едно Светско првенство од 2002 година кога тоа му успеа на Дејвид Бекам, кој исто така трипати беше асистент. Англија завршува како првопласирана во група на СП за првпат од 2006 година кога беше елиминирана во четвртфиналето од Португалија.

Манчестер ќе му понуди нов договор на Маркус Рашфорд

Бошко Тасиќ — Wed, 02 Nov 2022 05:30:33 +0000

Манчестер Јунајтед сака да ја обезбеди долгорочната иднина на Маркус Рашфорд на „Олд Трафорд“ пред крајот на годината за да го спречи интересот на европските гиганти за него ова лето. Напаѓачот влезе во последните осум месеци од договорот и Јунајтед или ќе му понуди нови услови или ќе ги активира дополнителните 12 месеци од неговиот сегашен договор, бидејќи Рашфорд ќе може да започне официјални разговори со други клубови од 1 јануари. Во текот на летото агентите на англискиот репрезентативец имаа средба со преставици на Пари Сен Жермен, но „црвените ѓаволи“ беа категорични дека напаѓачот не е на продажба. Рашфорд наполни 25 години во понеделникот, откако го прослави својот 100-ти гол за Јунајтед во неделата.

Рашфорд: И ние како и навивачите силно посакуваме победа над Ливерпул

Дарко Андоновски — Sun, 21 Aug 2022 14:07:39 +0000

Маркус Рашфорд ги сподели своите очекувања во пресрет на премиерлигашкиот натпревар против Ливерпул. За Јунајтед сезоната почна разочарувачки со два пораза, а тоа предизвика гнев кај навивачите кои очекуваа многу повеќе. – Сакате да го победите секој противник, но кога играте против Ливерпул и Сити, сакате да докажете зошто го претставувате Манчестер јунајтед. Победата над Ливерпул ме прави да ги чувствувам истите емоции како во младоста, изјави Англичанецот. Рашфорд исто така побара од навивачите да му дадат поддршка на тимот на претстојниот натпревар. -Колку што се сеќавам, кога го победивме Ливерпул, навивачите ни помогнаа многу. Натпреварите се секогаш тешки, и физички и емотивно, па дефинитивно ќе ни биде потребна поддршка од трибините. И ние многу сакаме да го победиме Ливерпул исто како и нашите фанови, потенцира напаѓаџот на Јунајтед. Натпреварот помеѓу Манчестер јунајтед и Ливерпул ќе се игра утре (22 август) со почеток во 21 часот.