маркус рашворд – Kurir.mk

Рашфорд го уништи својот автомобил, за среќа мина без повреди

Бошко Тасиќ — Mon, 25 Sep 2023 03:57:42 +0000

Фудбалерот на Манчестер Јунајтед Маркус Рашфорд доживеал сообраќајна несреќа. Целиот тим со автобус се вратил во тренинг-центарот на Јунајтед, по што играчите со своите автомобили заминале од Керингтон. „Би Би Си“ јавува дека Рашфорд со својот бел „ролс-ројс“ се судрил со уште два автомобили, по што удрил и во електричен столб, но сите возачи минале без посериозни повреди. Фудбалерот се пожалил само на болки во грбот, па лекарскиот тим веднаш извршил прегледи, по што било констатирано дека не се работи за никаква сериозна повреда. Сепак, англискиот репрезентативец скоро целосно го уништил својот скап автомобил, вреден нешто над 700.000 фунти.

Маркус Рашфорд и Манчестер јунајтед конечно се договорија

Бошко Тасиќ — Tue, 18 Jul 2023 03:24:43 +0000

Англискиот фудбалски репрезентативец, Маркус Рашфорд, дефинитивно ќе го продолжи договорот со Манчестер јунајтед, објавија англиските медиуми. Веднаш по завршување на минатата сезона, двете страни започнаа преговори за нова соработка, но дури два месеци подоцна, е најден заеднички јазик. Актуелниот договор на Рашфорд истекува идното лето, но напаѓачот одлучи да потпише нов петгодишен договор и да остане на „Олд трафорд“, иако имаше примамливи понуди, пред сè од ПСЖ. Со новиот договор, Рашфорд ќе заработува 435.000 евра неделно, односно 21 милион евра по сезона.

Маркус Рашфорд сака да остане во Манчестер Јунајтед

Бошко Тасиќ — Wed, 29 Mar 2023 04:57:41 +0000

Фудбалерот на Манчестер Јунајтед, Маркус Рашфорд ја одби понудата да потпише за ПСЖ за неделна плата од 450.000 евра, бидејќи сака да остане на „Олд трафорд“. Англискиот репрезентативец планира на крајот од сезоната да седне на преговарачка маса со челниците на Манчестер јунајтед на преговори за нов договор бидејќи актуелниот му истекува идната година. Рашфорд оваа сезона одигра 44 натпревари на кои постигна 27 гола, а менаџерот на Црвените ѓаволи, Ерик тен Хаг го гледа напаѓачот како клучен играч во тимот во завршницата од сезоната.

Јунајтед бара 120 милиони фунти за Рашфорд

Бошко Тасиќ — Sat, 13 Aug 2022 06:17:55 +0000

Англискиот Манчестер јунајтед побарал 120 милиони фунти за англискиот репрезентативец во своите редови Маркус Рашфорд, откако вчера бомбастично беше објавено дека се започнати преговори за негов трансфер во Пари Сен Жермен. Според информациите на „ЕСПН“, ПСЖ за Рашфорд понудиле 60 милиони фунти, но „црвените ѓаволи“ немат намера да го продадат за таа сума и бараат двојно повеќе. Со ова, скоро да е невозможно да се случи трансферот, зашто преголема е разликата од понудата и побарувачката, но и поради ставот на менаџерот Ерик Тен Хаг за овој евентуален трансфер.

Изненадувачки прв трансфер во својата кариера – Рашфорд пред голем предизвик!

Ристе Здравков — Mon, 28 Mar 2022 18:07:55 +0000

Маркус Рашфорд најверојатно ова лето ќе го напушти Манчестер Јунајтед, па ќе мора да го направи првиот трансфер во својата кариера. Според „Daily Mail“, 24-годишниот напаѓач има понуда од Арсенал, тренерот Микел Артета во него гледа одлични напаѓачко засилување за својот тим следната сезона. Артета ќе се обиде да ги искористи незадоволството на Рашфорд во Јунајтед и да го донесе во лондонскиот тим, со што ќе биде воедно и голем трансфер. Поради слабата форма, напаѓачот остана без повик за англиската репрезентација, што пак може да биде добра најава за прв трансфер во неговата кариера. За Јунајтед дебитираше пред седум години, одигра 297 меча и постигна 93 гола.