мармарис – Kurir.mk

Две лица загинаа при пад на хеликоптер во близина на Мармарис

Тале Кристо — Wed, 21 Sep 2022 17:43:28 +0000

Две лица загинаа, а петмина асе повредени по уривањето на пожарникарски хеликоптер кој летал кон турското летувалиште Мармарис, каде гори шума. Во хеликоптерот имало двајца Руси и петмина турски државјани. Турското Министерство за внатрешни работи не го соопшти идентитетот на загинатите. Сè уште не е позната причината за несреќата. Во гаснење на шумскиот пожар во близина на Мармарис, за што се претпоставува дека е подметнат, вклучени се 15 хеликоптери и осум авиони, 500 пожарникари со 40 камиони-цистерни и полициски водени топови.

Ставен под контрола пожарот кај популарното летувалиште

Катерина Бојаџиева — Fri, 29 Jul 2022 20:22:25 +0000

Противпожарните екипи успеаја да го стават под контрола шумскиот пожар што денеска избувна во турската туристичка област Мармарис во западната провинција Мугли, јави Анадолија. Пожарот од се уште непозната причина избувнал во шумскиот предел во Турунц, а поради ветерот брзо се проширил и стигнал до објектите. Противпожарните единици на Подрачното шумско стопанство во Мугла брзо реагираа и при гаснењето на пожарот употребија противпожарни хеликоптери. Гувернерот на Мугла, Орган Тавли соопшти дека пожарот е ставен под контрола и дека пожарникарите продолжуваат со гаснењето на пожарот кој повеќе не се заканува да се прошири. Тавли рече дека во пожарот нема настрадани. Пожарот го зафатил и во голема мера го оштетил хотелот на Универзитетот „Ситки Кочман“ во Мугла, а спасувачките екипи навремено ги евакуирале луѓето од зградата. Изгорени се и поголем број автомобили.

ГОЛЕМИ ПОЖАРИ: Уништени ридови во близина на турското летувалиште Мармарис

Катерина Бојаџиева — Mon, 09 Aug 2021 14:15:35 +0000

Ридовите во близина на турското летувалиште Мармарис, што беа покриени со густа зелена борова шума, уништени се во шумски пожари што беснеат веќе две недели. Снимка од беспилотни летала од малиот приморски град Ичмелер од пред и потоа покажува големи последици од уништувањето. Во измминатите две недели, пожарите оштетија десетици илјади хектари шуми во турските медитерански провинции, при што загинаа осум лица, додека илјадници луѓе, вклучително и туристи, беа принудени да избегаат. Слично уништување можеше да се види пред и по снимањето со беспилотни летала на селото Баир и крајбрежното одморалиште Турунч, исто така во провинцијата Мугла, каде што се наоѓаат Мармарис и Бодрум. Општината Мугла објави дека изгореле 55.000 хектари шуми, што е двојно повеќе отколку во цела Турција минатата година, и дека 36.000 луѓе биле евакуирани. Силниот ветер, ниската влажност и температурите над 40 степени придонеле за ширење на пожарите.

Едно лице го загуби животот во големиот пожар во Мармарис

Тале Кристо — Sun, 27 Jun 2021 14:45:18 +0000

Едно лице загина денеска при гаснењето шумски пожари во турската провинција Мугла. Загинатиот е вработен во Турската дирекција за шумарство, пренесува агенцијата Анадолија. Пожарот изби во шумата во близина на хотел во турското одморалиште Мармарис. Голем број на пожарникари, како и шест хеликоптери, булдожери и цистерни за вода се борат против пожарот, кој постојано се шири со помош на ветерот.

Голем пожар беснее во близина на плажа во Мармарис

Дарко Андоновски — Sun, 27 Jun 2021 12:30:45 +0000

Голем шумски пожар избувна во близина на плажа во турското одморалиште Мармарис (област Мугла), јави турската телевизија Си-Ен-Ен-Турк. Причината за пожарот, кој брзо се прошири на релативно голема површина, сè уште не е позната. Пламенот беснее во близина на населено место и позната плажа. Фотографии и снимки од плажата покажуваат како луѓето со вознемиреност ја гледаат огнената стихија. Противпожарните служби се обидуваат да го изгаснат огнот и од копно и од воздух.