марсеј – Kurir.mk

Познати детали од договорот на Гатузо со Марсеј

Дарко Андоновски — Wed, 27 Sep 2023 12:21:51 +0000

Италијанскиот стручњак Џенаро Гатузо наскоро може да ја преземе тренерската функција во Марсеј, пренесува новинарот Николо Шира. Според Шира, договорот на Гатузо со францускиот клуб ќе биде со важност до 2025 година. Останува уште клубот и агентите на тренерот да се договорат за последните детали. Гатузо моментално е без ангажман. Негов последен клуб беше Валенсија, каде работеше од јули 2022 до јануари 2023 година. Претходно, Италијанецот беше тренер на Наполи, Милан, Пиза, Палермо, Сион и ОФИ.

Папата Франциск во посета на Марсеј

Катерина Бојаџиева — Fri, 22 Sep 2023 15:19:58 +0000

Папата Франциск денеска пристигна во посета на југоисточниот француски пристанишен град Марсеј. Француските медиуми јавија дека дводневната посета на поглаварот на Римокатоличката црква на Марсеј ќе биде посветена на прашањето за миграцијата и ситуацијата во регионот на Медитеранот во целина. Папата Франсиск (86) на аеродромот во Марсеј, вториот по големина град во Франција, го пречека премиерката Елизабет Борн. Тој утре ќе се сретне со претседателот Емануел Макрон и ќе отслужи миса на стадионот „Велодром“.

Санчез: Отсекогаш сакав да останам во Марсеј, но тоа не зависеше само од мене

Ивона Петрова — Sat, 26 Aug 2023 12:28:08 +0000

Напаѓачот Алексис Санчез го коментираше неговото заминување од Марсеј. - Не ми останува ништо друго освен да му се заблагодарам на клубот, неговиот медицински тим, персоналот и на целиот тим. Споделив многу убави моменти со моите партнери. Ви благодарам што ме поддржувавте и извинете што вршев притисок врз вас на секој натпревар и на секој тренинг. Голема благодарност до целата јавност во Марсеј која секогаш ме поддржуваше срдечно во добри и лоши моменти. Прекрасно си поминав и имам многу убави спомени од тоа. Исто така, би сакал да разјаснам некои теми и да кажам дека од моја страна отсекогаш сум сакал да останам во Марсеј. Ова е она што отсекогаш го сакав, но не зависеше само од мене. Овој пат управата направи поинаков избор, но јас го почитувам, го цитира Санчез „Footmercato“. Во сезоната 2022/23, Чилеанецот одигра 44 натпревари за Марсеј и постигна 18 гола во сите натпреварувања. Санчез од денес официјално се врати во Интер, клуб за кој настапуваше од 2019 до 2022 година.

Обамејанг и Марсеј договорија соработка до 2026 година

Дарко Андоновски — Tue, 18 Jul 2023 09:27:22 +0000

Пјер-Емерик Обамејанг се согласи на преселба во Марсеј. Според инсајдерот Фабрицио Романо, страните се договориле да склучат договор до 2026 година. Францускиот клуб е во преговори со Челзи и се очекува да нема проблеми околу зделката. Напаѓачот на репрезентацијата на Габон одигра 15 натпревари во Премиер лигата во сезоната 2022/23 и постигна еден гол.

Пронајдени две тела под урнатините на зградата што се урна во Марсеј, се трага по најмалку шест лица

Катерина Бојаџиева — Mon, 10 Apr 2023 09:05:30 +0000

Две тела се пронајдени под урнатините на зградата што се урна вчера во Марсеј по силна експлозија, соопштија денеска француските власти, додека спасувачите трагаат по уште најмалку шест лица. Телата се пронајдени околу 24 часа откако при експлозијата се урна четирикатна зграда во тој град на Средоземното Море. Операциите за пребарување и спасување продолжија во текот на ноќта со помош на кран, но незапирливиот пожар под урнатините им ја отежна работата и пожарникарите не беа во можност да ангажираат кучиња трагачи. „Со оглед на одредени потешкотии, извлекувањето (на пронајдените тела) ќе потрае одредено време“, најавуваат пожарникарите. Службите, како што се посочува, потоа ќе почнат да ги идентификуваат жртвите. Пред да бидат пронајдени двете тела, локалниот обвинител Доминик Лоренс изјави дека осум лица „не одговарале на телефонски повици“. Пет лица од соседните згради се здобиле со полесни повреди во експлозијата и уривањето. Причината за експлозијата допрва треба да се утврди, но истражителите ја разгледуваат можноста за истекување на гас. Речиси 200 жители беа евакуирани.

Осум лица веројатно се загинати под урнатините на двете згради во Марсеј

Катерина Бојаџиева — Mon, 10 Apr 2023 06:46:56 +0000

Осум лица не одговараат на повиците и се верува дека се под урнатините на двете згради што се урнаа во вчерашната експлозија во Марсеј, соопштија локалните власти. Причината за експлозијата се уште не е утврдена, изјави синоќа обвинителот од Марсеј, Доминик Лоренс. -Уривањето на зградите предизвика пожар што ја отежнува работата на спасувачите и истражителите и тој се уште не е под контрола, рече таа. Пет лица се пренесени во болница со сериозни повреди, што но не опасни по животот. -Третата зграда делумно е урната, изјави министерот за внатрешни работи Џералд Дарманин, кој го посети местото на несреќата. Тој додаде дека 30 згради во областа се евакуирани. Министерот за домување Оливие Клајн изјави за радио Европа 1 дека околу 180 луѓе се евакуирани. -Колку што е познато зградите што се урнаа на улицата „Тиволи“ немаа структурни проблеми, додаде обвинителката.

Се урна зграда во Марсеј, па се запали – се бараат преживеани лица

Ристе Здравков — Sun, 09 Apr 2023 08:03:51 +0000

Најмалку пет лица се повредени при уривање на четирикатна станбена зграда во Марсеј, објави градоначалникот Беноа Пајан. – Пожарот е исклучително тешко да се контролира. Пожарникарите од минута во минута проценуваат како најдобро да го изгаснат овој пожар бидејќи внатре има потенцијално живи луѓе – рече Пајан и додаде дека јавноста мора да биде подготвена за тоа што внатре има жртви. Улиците околу урнатата зграда се опколени и задушени со прашина. Надлежните наведуваат дека засега не се знае колку жители имало во урнатата зграда. – Се обидуваме да ја забрзаме акцијата бидејќи времето е важно, но кучињата не можат да ја издржат оваа температура и топлина – изјави командантот на баталјонот на противпожарната бригада на Марсеј, Лионел Матје. Локалните власти соопштија дека се уште не се знае колку луѓе живееле во зградата.

🚨🇫🇷URGENT - Une explosion vient de se produire dans un immeuble rue de Tivoli à #Marseille. (📹@aurelien1335) pic.twitter.com/xJmFFnIzCH
— AlertesInfos (@AlertesInfos) April 8, 2023

Париз, Марсеј и уште четири француски градови ќе го бојкотираат СП во Катар

Тале Кристо — Tue, 04 Oct 2022 08:00:22 +0000

Шест француски градови најавија бојкот на Светското првенство во 2022 година во Катар, пренесува „Ge.globo“, повикувајќи се на Градскиот совет на Париз. Според спортскиот портал, Париз, Марсеј, Лил, Стразбур, Ремс и Бордо нема да организираат натпревари во живо и други настани за фудбалскиот Мундијал. Оваа одлука е протест на градските лидери против Катар како земја домаќин на Светското првенство во 2022 година. Мундијалот во Катар ќе се игра од 20 ноември до 18 декември. Франција е во Д-групата заедно со Австралија, Данска и Тунис.

ФОТО: Снегот го одложи натпреварот Сент Етјен – Марсеј, погледнете како изгледа стадионот

Ивона Петрова — Sat, 02 Apr 2022 14:20:28 +0000

Натпреварот од 30. коло во француското првенство меѓу Сент Етјен и Марсеј, што требаше да се одигра вечерва од 21 часот, е одложен за утре поради обилни снежни врнежи, кои го попречија домаќинот навреме да го подготви теренот. Од Сент Етјен уверуваат дека одложениот натпревар најверојатно ќе се игра утре, иако за точниот термин дополнително ќе информираат од Лига 1.

Макрон нема да го одржи првиот предизборен митинг во Марсеј поради војната во Украина

Тале Кристо — Tue, 01 Mar 2022 09:17:34 +0000

Претседателот на Франција и најверојатно кандидат за втор мандат, Емануел Макрон, нема да ја почне својата кампања следниот викенд со митинг од Марсеј, како што беше планирано. Имено, кризата во Украина ги наруши сите планови на Елисејската палата, јави дописникот на МИА.. Макрон требаше да го одржи својот прв голем предизборен митинг на 5 март во Марсеј, а овој голем митинг е откажан, наведуваат повеќе француски медиуми. Меѓународната ситуација се судри со плановите на претседателот откако Москва ја нападна Украина минатиот четврток. Станарот на Елисејската палата, сепак треба да ја објави својата кандидатура оваа недела по неколкумесечна лажна неизвесност за неговите намери. Меѓу главните можности што се разгледуваат, се разгледува евентуална изјава во вести на телевизија или интервју во регионалниот дневен печат. -Во оваа фаза ништо не е поставено, сè ќе биде приспособено според претседателската агенда и еволуцијата на меѓународната ситуација, објаснува неговото опкружување. Во секој случај кандидатурите треба да бидат поднесени пред Уставниот совет на Франција до 4 март.