Марсело Биелса – Kurir.mk

Марсело Биелса ќе биде нов селектор на Уругвај

Бошко Тасиќ — Sat, 08 Apr 2023 04:53:33 +0000

Марсело Биелса ќе биде нов селектор на Уругвај. Двете страни наводно веќе се договориле за сите детали од соработката и наскоро се ќе биде официјално. Веста ја потврдија дел од авторитетните медиуми во Јужна Америка. Договорот со Биелса ќе биде потпишан до крајот на квалификациите за СП 2026 година, со можност за продолжување доколку тој го однесе Уругвај и на ова Светско првенство. Последниот тренерски ангажман популарниот „лудак“ го имаше во Лидс Јунајтед каде замина минатата година.

Биелса е пред враќање во Премиерлигата

Бошко Тасиќ — Sat, 12 Nov 2022 18:59:21 +0000

Легендарниот аргентински тренер, Марсело Биелса е блиску до враќање во Премиерлигата, тој е во завршни преговори да го преземе Борнмут. Новинарот Дејвид Орстејн од „Атлетик“ тврди дека Биелса е еден од најсериозните кандидати на Борнмут за нов тренер. Деновиве клубот треба да добие нов сопственик, Бил Фоли кој сака да го постави Биелса за нов тренер. Во текот на наредната недела ќе се знае дали ваквите најави ќе станат и реалност.

Биелса го носи Гризман во Атлетик Билбао

Тале Кристо — Fri, 17 Jun 2022 12:45:02 +0000

Аргентинскиот фудбалски стратег Марсело Биелса најави дека доколку биде поставен за тренер на Атлетик Билбао ќе го донесе во редовите на баскискиот клуб францускиот напаѓач Антоан Гризман. Името на Биелса се споменува како можен нов тренер на Атлетик Билбао, откако еден од кандидатите за претседател на клубот, Инјаки Аречабалета, го најави тоа во случај да победи на претседателските избори. Биелса е без ангажман од февруари годинава кога доби отказ во премиерлигашот Лидс. Според шпанските медиуми, Биелса веќе се договорил со Гризман, кој му ветил на аргентинскиот стратег дека ќе ја продолжи кариерата во клубот од Баскија. Гризман има договор со Атлетико Мадрид до 30 јуни.

Биелса ќе го продолжи договорот со Лидс

Бошко Тасиќ — Mon, 24 May 2021 19:27:03 +0000

Фудбалскиот стратег Марсело Биелса останува на кормилото на англискиот Лидс. Според англиските медиуми Аргентинецот се договорил со клубот на нов едногодишен договор . Биелса да подсетиме го внесе Лидс во Премиер лигата и имаше добри резултати сезонава. Лидс заврши на деветтото место во оваа сезона во Премиер лигата. За оваа екипа настапува и македонскиот фудбалски репрезентативец Езџан Алиоски и во дебитантската сезона во Премиер лига реализираше два гола и запиша три асистенции.

Биелса: Гвардиола му нанесе голема штета на фудбалот

Ивана Ефремовски — Sat, 03 Oct 2020 12:50:41 +0000

Еден од најголемите ексцентрици во фудбалот, Марсело Биелса, изјави дека Пеп Гвардиола му нанел голема штета на фудбалот поради системот што го користи. Двајцата се добри пријатели, а каталонскиот стручњак во повеќе наврати изјави дека научил многу од Аргентинецот. Денес ќе дојде до судир меѓу двајцата на ниво на Премиер лигата, откако Лидс е домаќин на Манчестер Сити. -Гвардиола му нанесе голема штета на фудбалот затоа што ненамерно измисли систем за одбрана на својот тим. Неговите екипи секогаш го започнуваат дефанзивниот дел од играта со висок притисок, што го заморува противникот. Еден е Клоп, еден е Гвардиола, а јас сум сосема поинаков. Тие не можат да се сметаат за еднакви или да се споредуваат, изјави Биелса за „ДАЗН“. Аргентинскиот тренер зборуваше и за својата кариера. Биелса именуваше три екипи кои никогаш нема да ги заборави. -Ништо не може да го замени чувството да се биде тренер во Њуелс Олд Бојс. Но, кога зборуваме за Европа, Марсеј и Атлетик Билбао се два уникатни тима, а градовите мирисаат на фудбал. Луѓето живеат за своите тимови, рече тој. (МИА)

Богат договор за тренерот на Лидс, откако успеа клубот да го врати во елитното натпреварување во Велика Британија

Тале Кристо — Sun, 19 Jul 2020 11:17:56 +0000

Раководството на повратниците во Премиер лигата, екипата на Лидс Јунајтед, планира да понуди нов, многу попрофитабилен договор на менаџерот Марсело Биелса. Аргентинскиот стручњак, кој е на чело на клубот од „Еланд Роуд“, по точно 16 години успеа да го врати во елитното натпреварување во Велика Британија. Според островските медиуми, управата ќе му понуди на 64-годишниот стручњак нов тригодишен договор, според кој тој ќе заработува 8,8 милиони евра годишно наместо досегашните 6,6. Лидерите на клубот се очекува наскоро да започнат разговори со Биелса, но само за одредени детали, бидејќи тој се очекува да прифати продолжување на соработката под предложените услови. – Виктор Орта, Андреа Радризани и јас наскоро ќе седнеме на маса со Марсело, поточно следната недела и ќе разговараме за плановите за следната сезона. Тој има преглед на ситуацијата, тој знае во која насока сакаме да одиме, ќе разговараме за оние играчки работи, како и за деталите што сè уште треба да се решат, рече извршниот директор Ангус Кинир. Договорот на Биелса официјално истекува на крајот на следната недела, но клубот има автоматска опција да го продолжи за една година. Биелса свесно ја одложи приказната за договорот со цел да се концентрира на теренот и да се однесе тимот во повисок ранг на натпреварот. Се зборуваше дека тој би можел да го напушти клубот во случај Лидс да не влезе во Премиер лигата, но таа опција сега е елиминирана. Покрај сето тоа, Лидс обезбеди сума од 121 милиони евра со влез во Премиер лигата, а се верува дека групата „Катар Спорт Инвестмент“, која има контрола над Пари Сен Жермен, е подготвена да вложи пари во клубот. На Лидс останува само еден натпревар да доигра со Дерби до крајот на Шампионатот. Натпреварот на „Прајд парк“ во Дерби започнува во 15 часот.