Марсело Брозовиќ – Kurir.mk

Крај на сагата за Брозовиќ, Хрватот потпиша со Ал Наср

Ристе Здравков — Mon, 03 Jul 2023 12:19:50 +0000

Марсело Брозовиќ во новата сезона и дефинитивно ќе му биде соиграч на Кристијано Роналдо откако денеска стави потпис на договор со Ал Наср. Брозовиќ долго време размислуваше дали да ги прифати парите на Саудијците, а откако го направи тоа Ал Наср побара дополнителен попуст од Интер, по што работата се одложи. Сега е готово, конечниот договор е Ал Наср на Интер да му плати 18 милиони евра за Брозовиќ. Хрватот стави потпис на тригодишен договор, период за кој се очекува да заработи околу 100 милиони евра.

Marcelo Brozović has signed contracts as new Al Nassr player. Deal valid until June 2026. 🟡🔵🇸🇦 @SkySport #AlNassr

€18m final fee to Inter. Here we go confirmed. pic.twitter.com/g9Dy3PL43z
— Fabrizio Romano (@FabrizioRomano) July 3, 2023

Неочекуван пресврт: Брозовиќ останува без 100 милиони евра!?

Ристе Здравков — Fri, 30 Jun 2023 10:31:53 +0000

Ситуацијата со Марсело Брозовиќ и неговиот трансфер во Ал Наср е една од оние со најмногу пресверти до овој момент. Откако вчера поголем број медиуми објавија дека се е завршено и Брозовиќ ќе стане најплатениот Хрват со договор од 100 милиони евра, сега се случил пресврт. Интер и Ал Наср имаа договорена оштета од претходно која требаше да изнесува 23 милиони евра, меѓутоа сега од засега непознати причини, Саудијците на италијанскиот тим му понудиле 15 милиони, плус 13 како бонус, пренесува Џанлука Ди Марцио. Ќе потсетиме, со споменатиот договор вреден 100 милиони евра, Брозовиќ би станал најплатениот Хрват во овој момент.

Брозовиќ доби 100 милиони евра и потпишува за Ал-Наср

Ристе Здравков — Fri, 30 Jun 2023 07:43:34 +0000

Хрватскиот интернационалец Марсело Брозовиќ ќе биде најновиот соиграч на Кристијано Роналдо во саудискиот клуб Ал-Наср. Раководството на Ал-Наср на крајот успеа да го убеди одличниот играч за врска да ја продолжи кариерата во Саудиска Арабија. Ал-Наср на Интер ќе му плати отштета од 23 милиони евра, а Брозовиќ ќе добие 100 милиони евра плата и потпис на договор. Брозовиќ денеска треба да ги изврши лекарските прегледи, а потоа да потпише договор на три години.

Марсело Брозовиќ се сели во Саудиска Арабија

Бошко Тасиќ — Tue, 20 Jun 2023 19:17:25 +0000

Марсело Брозовиќ има богата понуда од Саудиска Арабија и може да биде новата ѕвезда која ќе се пресели во таа земја. Интер е спремен да слушне понуди за Хрватот и сака да го продаде ова лето, а Ал Наср е спремен да понуди 20 милиони евра. Точно толкава е сумата која „нероаѕурите“ ја бараат за неговата слобода, па сега се е во рацете на фудбалерот. Неговиот агент преговара со претставници од Саудиска Арабија и наводно Брозовиќ е спремен да ја прифати богатата понуда.

Трансфер на кариерата за Марсело Брозовиќ

Бошко Тасиќ — Mon, 17 Apr 2023 07:42:19 +0000

Голем дел од шпанските и хрватските медиуми ја пренесоа веста дека голема е веројатноста Марсело Брозовиќ да замине од Интер летово и негова следна дестинација да биде Шпанија. Одличниот играч од средниот ред би можел да го реализира трансферот на кариерата и да замине во еден од најголемите европски клубови. Одамна е познато дека Барселона е сериозно заинтересирана за услугите на Брозовиќ. Каталонците се обидоа да го доведат и минатото лето како дел од директна размена на играчи, но Интер не ја прифати понудата и Хрватот остана во Милано. Најновите информации велат дека Барселона уште еднаш испратила понуда до „нероаѕурите“ во која нудат двајца играчи како замена за хрватскиот репрезентативец.

Статистика: Овој играч истрчал најмногу на СП во Катар

Ристе Здравков — Fri, 09 Dec 2022 13:12:47 +0000

Останаа уште осум репрезентации во битката за светската титула во Катар. Турнирот се ближи кон самиот крај, а денес започнуваат возбудувањата во четвртфиналната фаза. Хрватска ќе биде еден од кандидатите за највисок пласман. Во своите редови „коцкестите“ го имаат човекот кој истрчал најголем број километри во досегашниот тек од Мундијалот. Се работи за Марсело Брозовиќ, кој покрил неверојатни 56,26 километри. Далеку зад него е Американецот Тајлер Адамс (49,62), а потоа следува Џексон Ирвин од Австралија (48,96). Брозовиќ е еден од најдобрите во хрватската репрезентација на СП 2022. Покрај тоа што покрива голем дел од теренот, тој е играчот кој одиграл најмногу додавања и се понудил во најмногу наврати да прими додавање на своите соиграчи.

Интер е подготвен да го продолжи договорот со Брозовиќ до 2026 година

Тале Кристо — Thu, 18 Nov 2021 13:16:06 +0000

Фудбалерот од средниот ред на Интер, Марсело Брозовиќ наскоро ќе може да го продолжи договорот со клубот од Милано, објави „Фудбал Италија“. Неро-азурите се подготвени да му понудат на Хрватот нов договор до летото 2026 година со плата од 5,5 милиони евра по сезона. Самиот фудбалер сака да добие многу повеќе. Актуелниот договор на 28-годишниот фудбалер со Интер истекува во летото 2022 година. Пазарна вредност на Хрватот на фудбалскиот пазар се проценува на околу 40 милиони евра.

Интер ќе започне преговори за продолжување на договорот со Брозовиќ

Ивона Петрова — Wed, 06 Oct 2021 09:34:36 +0000

Италијанскиот фудбалски шампион Интер планира да го продолжи договорот со играчот за врска Марсело Брозовиќ, објави новинарот Фабрицио Романо. Според добриот познавач на италијанскиот фудбал, раководството на „нероаѕурите“ ќе почне да преговара со застапниците на 28-годишниот Хрват по октомвриската пауза за натпреварите на репрезентациите. Брозовиќ игра за Интер од јануари 2015 година. Во сезоната 2021/22, фудбалерот одигра девет натпревари и забележа една асистенција. Актуелниот договор на играчот е со важност до крајот на јуни 2022 година. Интер исто така преговара за нов договор со напаѓачот Лаутаро Мартинез.