марсело – Kurir.mk

30.000 навивачи го пречекаа Марсело на „Маракана“

Бошко Тасиќ — Sat, 11 Mar 2023 18:48:36 +0000

Бразилскиот фудбалер Марсело се врати на „Маракана“, поточно во Фулминенсе, каде му беше приреден дочек за паметење. Левиот бек се врати во Флуминенсе, откако помина повеќе од една деценија во Европа. Сцените од промоцијата, на кои присуствуваа повеќе од 30.000 луѓе, ја покажуваат врската помеѓу Марсело и гигантот од Рио де Жанеиро. Марсело во мај ќе го прослави својот 35 роденден, а сепак остава впечаток на играч способен да направи разлика. “Се вратив дома во најдобрата животна возраст. Знам дека луѓето овде веруваат во мене и дојдов да се борам, да му дадам страст и уживање на овој народ”, изјави Марсело пред навивачите кои му создадоа атмосфера за паметење. Најтрофејниот играч во историјата на Реал Мадрид, во Флуминенсе дојде како слободен играч, откако во јануари по само шест месеци престој во Атина, спогодбено се раздели со Олимпијакос.

Марсело по само десет натпревари го напушти Олимпијакос

Бошко Тасиќ — Sat, 18 Feb 2023 20:26:28 +0000

Бразилецот Марсело го напушти Олимпијакос по само пет месеци. Најтрофејниот играч во историјата на Реал Мадрид, ја напушти Грција и Олимпијакос иако помина само пет месеци. Медиумите во Грција пренесуваат дека раководството не било задоволно од неговите настапи и сметаат дека сумата која ја вложиле во него биле превисока. Марсело ќе стане слободен играч откако со клубот договори раскинување на договорот. Со Реал Мадрид Бразилецот освои 25 трофеи од 2007 до 2022 година, додека за грчкиот гигант настапи на 10 натпревари и постигна три гола.

Марсело изведе две бравури во Грција: „Бомба“ со послабата нога и волеј минијатура во шеснаесетникот (Видео)

Ристе Здравков — Fri, 16 Dec 2022 09:54:07 +0000

Марсело доби доста критики во последно време и грчките медиуми почнаа да шпекулираат дека Олимпијакос размислува да му го раскине договорот, но како одговор на овие гласини, легендарниот бразилски лев бек вечерва подготви две фудбалски бравури. Најтрофејниот играч во историјата на Реал Мадрид ги постигна првите свои два гола во дресот на Олимпијакос и му помогна на својот тим да победи против Атромитос со резултат 4:1. Фантастичниот лев бек најпрво испрати неодбранлива „бомба“ со својата послаба десна нога за предност на фаворитот од 2:1, а потоа ги постави конечните 4:1. Вториот гол беше исто така извонредно добар, бидјеќи Марсело сам си ја намести топката на волеј и маестрално го матираше противничкиот голман. Ова беше прв натпревар од осминафиналето во грчкиот Куп, што значи дека овие два тима ќе одиграат и реванш.

Марсело потпиша за Олимпијакос

Ивона Петрова — Sat, 03 Sep 2022 09:44:44 +0000

Бразилскиот фудбалер Марсело потпиша договор со грчки Олимпијакос откако го напушти Реал Мадрид во текот на сезоната, објави грчкиот фудбалски шампион. Олимпијакос не откри детали од договорот, а грчките медиуми јавија дека 34-годишниот поранешен бразилски фудбалер потпишал едногодишен договор со опција за продолжување на соработката за уште една година. Марсело го напушти Реал како играч со најмногу освоени трофеи во 120-годишната историја на Кралскиот клуб, дури 25, од кои пет титули во Лигата на шампиони. Опција за левата бековска позиција во Олимпијакос претходно беше и македонскиот репрезентативец Езѓан Алиоски, кој потпиша за турски Фенербахче.

Марсело избра нов клуб

Бошко Тасиќ — Sat, 03 Sep 2022 05:23:47 +0000

Легендарниот бразилски фудбалер Марсело (34) го избра клубот во кој ќе ја продолжи кариерата.Шпанскиот El Chiringuito донесе ексклузивна информација дека Марсело е многу блиску до потпис за тимот од Пиреја и дека потписот треба да биде официјализиран во наредните часови. Марсело минатото лето беше поврзуван со бројни клубови. Претходните денови најмногу се зборуваше за заминување во Лестер, но на крајот немаше ништо за одење во Англија. Легендарниот лев бек кариерата ја продолжува во Грција и ќе видиме дали навистина ќе се случи овој трансфер.

Марсело оди во клуб за кој до неодамна не ни сонуваше да игра

Ристе Здравков — Sat, 27 Aug 2022 07:29:13 +0000

Бразилскиот фудбалер Марсело го напушти Реал Мадрид на крајот од минатата сезона и моментално е слободен агент. Марсело помина 15 години во Реал Мадрид и остави неизбришлива трага, а неколку сезони секако беше еден од најдобрите леви бекови во светот. Сепак, искусниот фудбалер го напушти кралскиот клуб на крајот на минатата сезона бидејќи не успеаја да се договорат за продолжување на соработката, односно Реал не му понуди нов договор на Марсело. Иако два месеца е слободен играч, овој 34-годишник се уште не си најде нов клуб, што е навистина големо изненадување. Тој ја отфрли опцијата за враќање во Бразил, а Марселон претходно на маса имаше понуди од Ница и Монца од кои не е премногу задоволен и не сака да брза со конечната одлука. Сепак, германските медиуми најавија дека Марсело би можел да ги изненади сите со изборот на нов клуб и да заврши во Бундеслигата, каде пред неколку сезони сигурно не можеше да замисли дека ќе игра. Наводно голем интерес за Бразилецот покажал Баер Леверкузен, кој веќе стапил во контакт со агентите на овој искусен играч и му нуди на Марсело двегодишен договор. Челниците на Леверкузен испратија официјална понуда до Марсело и понудија многу подобри услови од Ница и Монца и сега со нетрпение ја чекаат одлуката на Бразилецот.

На најтрофејниот играч на Реал Мадрид не му е под чест да чисти фудбалски терен (ФОТО)

Ристе Здравков — Wed, 29 Jun 2022 12:30:05 +0000

Марсело го заврши своето поглавје во Реал Мадрид, но се уште е во главниот град во Шпанија додека го чека следниот ангажман. Со 25 освоени пехари, Марсело е најтрофејниот фудбалер во историјата на Реал Мадрид. Неговиот син настапува во младинските школи на Реал Мадрид, па Марсело се уште е во шпанската метропола. Викендов се одржа турнир на кој учествуваше синот на Марсело, но пред почетокот од натпреварите имаше големо невреме па теренот беше прекриен со вода. Марсело ги „засука ракавите“ се фати за работа, почна и тој да чисти со останатите со цел теренот што побрзо да биде оспособен за игра.

Милан го сака Марсело

Ристе Здравков — Mon, 20 Jun 2022 18:57:47 +0000

Марсело се прости од Реал Мадрид по 15 години поминати во европскиот великан. Бразилецот не сакаше да го напушти кралскиот клуб и сакаше тука да ја заврши кариерата, но управата не сакаше да му го продолжи договорот. Шпанските медиуми пренесуваат дека заинтересиран за неговите услуги е италијанскиот шампион, Милан. Актуелниот шампион на Италија му нуди годишна плата од 3 милиони евра. Марсело досега во Реал заработуваше по 6 милиони евра, но нереално е било кој друг клуб би можел толку да му плати на Бразилецот.

Макрон, Шолц и Драги пристигнаа во Киев

Тале Кристо — Thu, 16 Jun 2022 08:45:18 +0000

Францускиот претседател Емануел Макрон, германскиот канцелар Олаф Шолц и италијанскиот премиер Марио Драги пристигнаа денеска со воз во Киев, на заедничко патување кое треба да ја нагласи нивната поддршка за Украина во борбата против руската агресија. Француската телевизија БФМ ТВ прикажа во живо снимка од ноќниот воз кој пристигнува во главниот град на Украина со европските лидери. Лидерите на трите најголеми земји на Европската унија се очекува денеска да ја покажат својата поддршка за Украина за време на нивната посета на Киев, непосредно пред одлуката на Брисел за статусот на украинската кандидатура за членство во Европската унија. Нивната посета, која не беше официјално најавена од безбедносни причини, доаѓа еден ден пред Европската комисија да даде препорака за статусот на Украина како кандидат за членство во ЕУ.

Марсело се расплака на прошталниот говор после 16 години во Реал Мадрид (ВИДЕО)

Ристе Здравков — Mon, 13 Jun 2022 14:07:00 +0000

Бразилецот Марсело после 16 години во Реал Мадрид и освоени 25 трофеи си заминува од најтрофејниот и најгламурозниот светски клуб, со солзи во очите, откако се расплака денеска на прошталниот говор по повод неговото заминување од „Сантјаго Бернабеу“. Марсело освои сѐ што можеше да се освои со „кралевите“ и тоа по неколкупати, беше незаменливна левата бековска позиција, но во последните две години, добиваше премалку шанса и дојде крајот на неговата авантура во шпанската престолнина. „Си заминувам среќен. Остварив сѐ што можев и сега оставам наследство за помладите“, рече Марсело, па продолжи: „Кога заминав од Бразил сакав само да играм Лига на шампиони, а денеска си заминувам како најтрофејниот играч на овој клуб. И ќе кажам нешто што досега не сум го кажал, му благодарам на Раул за сѐ, многу ми помогна кога дојдов, ми даде многу совети. Никогаш нема да заборавам што сѐ ми подари кога ми се роди првиот син Енцо“.

#Marcelo crying 🥹
pic.twitter.com/sIh8mHKPgT
— 🆉🅸🆉🅾🆄 (@zi_46) June 13, 2022