Марта Костјук – Kurir.mk

Украинска тенисерка одби да се ракува со Азаренка по дуелот на Ју-Ес Опен (ВИДЕО)

Ристе Здравков — Fri, 02 Sep 2022 13:15:40 +0000

Тенискиот меч меѓу Марта Костјук и Викторија Азаренка заврши со победа на тенисерката од Белорусија, но не и со вообичаеното ракување на ривалките. Украинката Костјук немаше шанси против фаворитката на мечот на Ју-Ес Опен, а по неговиот крај само го подаде рекетот како еден вид алтернатива за поздравување со Азаренка. – Тоа беше моја одлука, не сакав да се поздравам.

For the armed forces of Ukraine 🇺🇦 Kostyuk-Azarenka handshake aka cold racquet tap pic.twitter.com/EJHCp22i19
— JB (@Brar_JSB) September 1, 2022

– Никогаш не дојде да ми каже што мисли за актуелниот конфликт. Немам ништо лично против неа, но сметам дека можеше да направи многу повеќе во овој период, посебно што е член на советот на ВТА, – изјавила Костјук. Украинката открила дека и еден ден порано испратила смс порака до Азаренка, со која и најавила дека не планира да се ракува со неа.

На Украинката Костјук и е мака што ги гледа руските тенисери и тенисерки

Бошко Тасиќ — Sat, 12 Mar 2022 06:21:44 +0000

Украинската тенисерка, Марта Костјук ги нападна тениските федерации и организаторите на Мастерсот во Индијан Велс поради присуството на руските тенисери и тенисерки, признавајќи дека е „тешко да се гледаат“ на турнирот. 19-годишната Костјук, која го мина првото коло со 6:7/7:6/7:5 победа над Белгијката со украинско потекло, Марина Заневска не беше нежна на зборови по мечот, обвинувајќи ги руските тенсиери дека се позагрижени за своите финансиски трансфери отколку за војната во Украина. „Не се согласувам што им дозволија да настапуваат. Видете ги сите други спортови, големи спортови… Да се видат тука навистина ме боли. Не можеш да бидеш неутрален. Нивните ‘Не за војната’ изјави тие ме болат, бидејќи немаат основа. Единствен проблем им е да ги префрлат парите и тие работи, за тоа зборуваат и тоа е неприфатливо. Не е тајна тоа што се случува. Не мораш да знаеш политика да знаеш кој кого нападна, кој кого бомбардира. Руските тенисери и тенисерки не дојдоа да зборуваат. Не слушнав извинувања, не слушнав за поддршка“, изјави Костјук.

Костјук: Ниту една руска тенисерка не ми се извини поради војната

Ивана Ефремовски — Fri, 11 Mar 2022 13:58:06 +0000

Откако победи на стартот на ВТА турнирот во Индијан Велс, 19-годишната украинска тенисерка Марта Костјук им се пожали денеска на новинарите на однесувањето на руските колешки, посочувајќи оти ниту една нив не изразила жалење поради инвазијата на Украина. -Разочарана сум бидејќи ниту една руска тенисерка, досега, не ми пријде и не ми изрази жалење поради сè што се случува, изјави Костјук по тричасовниот тениски маратон во кој ја совлада Белгијката, Марина Заневска со 6-7(5), 7-6(6), 7-5. -Ниту една не ми се извини поради тоа што нејзината земја и го нанесува на мојата. Ова што се случува е страшно и никој не ми даде поддршка, никој не ме праша како сум. Тоа е шокантно. Тука не станува збор за политика, туку за човечки животи. Ме боли кога гледам какви проблеми ги мачат тенисерките и тенисерите. Нив им е важно каде ќе ги префрлат своите пари или слични теми. Украина никогаш нема да се предаде, но знаеме дека ниту Путин нема да запре. Тој е луд, изјави Костјук. (МИА)