Мартин Јанушев – Kurir.mk

Детали за пукањето во Ист Гејт, еве кон кого било пукано

Ивона Петрова — Fri, 25 Aug 2023 16:02:31 +0000

По пријавата за пукање во трговскиот центар Ист Гејт се огласија од МВР од каде информираат дека случајот кај нив е пријавен околу 15:50 часот. -Добиена е пријава дека во гаражите на трговски центар во Скопје едно лице кое било со патничко возило „ауди“, пукало кон Р.Т. (39) од Скопје, но не го погодило. Во возилото, според пријавеното, имало уште едно лице. Повредени лица нема, информира МВР. Известен е јавен обвинител и се преземаат мерки за расчистување на случајот. Телма објави дека било пукано кон Раде Трајковски Штекли кој бил во блиндирано возило. Штекли, неофицијално се поврзуваше со убиството на младиот фудбалер Мартин Јанушев. Тој беше екстрадиран по апсење во Србија.

Девет години и четири месеци затвор за убиецот на фудбалерот Мартин Јанушев

Дарко Андоновски — Tue, 05 May 2020 18:59:47 +0000

9 години и 4 месеци затовор доби Филип Секуловски, убиецот на Мартин Јанушев. Тој ја призна вината уште на почетокот на судењето по што судот воопшто и не се впуштил во доказната постапка туку само ги ценел околностите кои можат да бидат олеснителни или отежителни. Убиството на Јанушев се случи на 3 ноември 2017та година, пред зграда во Аеродром каде живеел. По убиството Секуловски беше во бегство две години по што сам се пријави.

По две ипол години: Поднесено обвинение за убиството на Мартин Јанушев

Ивона Петрова — Thu, 12 Mar 2020 10:27:37 +0000

Основното јавно обвинителство – Скопје, поднесе Обвинителен акт против жител на Скопје на возраст од 28 години, со кој го товари дека сторил кривично дело „убиство“, информираат од скопското Обвинителство. Според соопштението на Јавното обвинителство, обвинетиот на 03. 11. 2017 година со умисла го лишил од живот сега починатиот Мартин Јанушев. – Утрината на критичниот ден, користејќи дозволено викенд отсуство, обвинетиот ја напуштил КПУ Затвор Скопје – Скопје, каде што издржувал казна затвор во траење од 20 месеци. Тој со умисла да го изврши делото, во попладневните часови истиот ден се движел пешки и околу 18.00 часот пристигнал пред зградата во која живеел Јанушев. Откако се сретнал со жртвата пред влезот на зградата, испукал кон него повеќе проектили од огнено оружје марка „Црвена Застава М70“ со калибар 7,65 мм, нанесувајќи му пет огнострелни повреди – прострелни рани. Од здобиените повреди дошло до прекин на работата на витално важните органи и до смртен исход кај сега покојниот Мартин Јанушев, велат од Основното јавно обвинителство – Скопје. Воедно, истрагата против сега обвинетиот Основното јавно обвинителство Скопје ја отвори во октомври 2018 година, кога од судот побара и да му биде изречена мерката притвор. Со оглед на тоа што сега обвинетиот беше недостапен на органите на прогонот, согласно Законот за кривична постапка, надлежниот јавен обвинител до Министерството за внатрешни работи издаде Наредба за распишување домашна и меѓународна потерница. – По една година, на 14.10.2019 година, лицето беше лишено од слобода и за него почна да се спроведува веќе определената мерка притвор, која по барање на обвинителството е неколкупати продолжувана. Во рамки на сеопфатната истражна постапка, обвинителството обезбеди голем број материјални и вербални докази, релевантни вештачења и анализи, беа испитани и над 40 сведоци, потенцираат од скопското обвинителство. Заедно со обвинението, јавниот обвинител од Основното јавно обвинителство Скопје до Кривичниот совет при Основниот кривичен суд Скопје достави и предлог за продолжување на мерката притвор, бидејќи сеуште постои опасност од бегство на обвинетиот, како и опасност да ги сокрие трагите и да влијае врз сведоците.

Вечерва уапсен убиецот на младиот фудбалер Мартин Јанушев

Дарко Андоновски — Mon, 14 Oct 2019 17:57:35 +0000

Полицијата вечерва го уапси Филип Секуловски Кобра , убиец на Мартин Јанушев , кој пред две години беше убиен пред својот дом во скопската населба Аеродром. Од МВР за Канал 5 информираат дека Филип Секуловски Кобра е веќе спроведен во затворот во Шутка. Младиот фудбалер беше застелан пред неговиот дом на 4. ноември 2017 , по што Секуловски беше во бегство. 28- годишниот Јанушев беше фудбалер на клубовите Локомотива, Маџари солидарност и 11 Октомври.

Мицкоски: Заев ја злоупотребуваше смртта на Никола Младенов и Мартин Нешковски само за да дојде на власт

Ивана Ефремовски — Wed, 03 Apr 2019 21:07:07 +0000

На прагот сме на уште една голема победа, победа за Македонија и треба да сте горди затоа што ние, ние бевме тие кои што кога на нејзе и требаше се исправивме пред предизвикот како што секогаш сме го правеле тоа наназад во историјата. Уште од 1893-тата година. Овие четири свети букви биле и ќе останат заветот на Македонија, порача лидерот на ВМРО-ДПМНЕ, Христијан Мицкоски вечерва од Кавадарци. -Во текот на вчерашниот ден неколкумина наши браќа поставија еден два транспаренти. Беа наменети за Гога. Еве јас ќе се обидам да им одговорам на тие наши браќа. Кога професорката Гордана беше ВМРО и кога професорката Гордана Силјановска Давкова и застана на првата линија на фронтот во одбрана на најпрвин на онаа неправедна територијална распределба во 2004-тата година. А потоа и сега кога крвареше Македонија, Вие браќа бевте на Бихаќка да добиете инструкции што треба да му направите лошо на ВМРО-ДПМНЕ и на Македонија, додека таа крвареше заедно со нас. Така што ниту можете да пишувате, ниту смеете да пишувате дека Гога не била ВМРО. Гога е поголемо ВМРО и Македонија од сите вас заедно. Тоа е неправда, а ние заедно со професорката Гордана Силјановска, со оваа жена која што беше пред вас, сопруга, мајка, сосетка, педагог и пред се пријател и голем Македонец сме овде денеска и бараме да ја вратиме правдата во Македонија, ајде заедно на 21 април да победи правдата во Македонија, а потоа да ја завериме правдата и на петти мај. И потоа се разбира добри луѓе, предвремени парламентарни избори и да им ја покажеме темната страна во историјата на овие квислинзи кои што денеска се власт во Република Македонија. Да им покажеме како се работи за татковината, посочи тој. Мицкоски одговори на прашањето: „Што е неправда“? -Неправда е сето она кое што денеска и се случува на Република Македонија. Неправда е и тоа како дојдоа таму каде што дојдоа. Се сеќавам шетаа по плоштадите по улиците ширум Македонија. Седеа во нивниот штаб онде на Бихаќка и ги пуштаа оние воајерски снимки. Злоупотребуваа човечки судбини. Се сеќавате на онаа за Никола Младенов, на трагично починатиот новинар Никола Младенов. Кога велеше Зоран Заев, злоупотребуваше дека не било сообраќајна несреќа туку дека некој за жал го утепал тој бард на македонското новинарско перо. За да години потоа сопругата на Никола Младенов јавно на телевизија каже која е вистинската причина за тој трагично предвреме завршен човечки живот. Тоа била брзината со која го управувал возилото. Односно тоа кое што беше тогаш дел од полициските извештаи. А нормално деспотот го нема нигде да излезе и да им се извини на граѓаните и на семејството на Никола Младенов затоа што ги злоупотребил. А зошто ги злоупотребил за пуста власт, ете тоа била причината. Се сеќавате и на оној трагично згаснат живот на Мартин Нешковски, премиер стана поради тој случај, а јас можам денеска да се кладам, да се обложам со вас дека ниту знае што прави семејството, ниту пак прашал како од први до први врват. Иста е судбината и со Мартин Јанушев, иста е судбината и со малиот Саздо, дали знае тие семејства како живеат денеска, дали знае каков чемер и каква темнина ги обвиткала, додека убијците слободно шетаат на улица. Зошто, затоа што овој човек е бескурпулозен, затоа што овој човек е подготвен со човечките судбини да прави компромис, посочи Мицкоски.

Дали животот на младиот Мартин Јанушев е помалку вреден од другите?

Предраг Кукиќ — Sat, 03 Nov 2018 10:47:24 +0000

Измина една година од убиството на Мартин Јанушев, а јавноста се уште чека судска разрешница.

Зошто животот на 28-годишното момче е помалку вреден од животот на другите слични случаеви каде што Јавното Oбвинителство успеало за брз период да направи обвинение?

Основното јавно обвинителство Скопје на 17 октомври годинава информираше дела отворила истражна постапка против едно лице за сторено кривично дело Убиство од чл.123 ст.1 од Кривичниот законик. Според информациите на ОЈО, „лицето е осомничено дека на 03.11.2017 година со умисла го лишил од живот сега починатиот Мартин Јанушев. Имено, осомничениот, користејќи дозволено викенд отсуство, ја напуштил КПУ Затвор Скопје – Скопје, каде што издржувал казна затвор во траење од 20 месеци, дошол пред зградата во која живеел Јанушев, се сретнал со него и испукал повеќе проектили од огнено оружје кон жртвата, нанесувајќи му пет огнострелни повреди – прострелни рани. Од здобиените повреди, Јанушев починал“. На јавното обвинителство му беа потребни 11 месеци за да отвори истражна постапка.

Јавноста го памети случајот каде што беше убиен Мартин Нешкоски на 06.06.2011 година.

Осомничениот по два дена веднаш беше изведен пред истражниот судија, за да во октомври, истата година, обвинението станува правосилно и по четири месеци, убиецот ја доби заслужната казна.

Имено, Мартин Јанушев беше убиен на 4-ти ноември, 2017 година во скопскиот Аеродром при што веднаш на социјалните мрежи беше лоцирано лице кое беше посочувано како убиец на младото момче.

За Филип Секуловски има распишано меѓународна потерница, но на официјалната страница на МВР не стои за кое кривично дело се бара, дали потерницата е поради убиството на Мартин или поради тоа што тој е бегалец од Идризово каде беше на издржување затворска казна, а ден пред Јанушев да биде застрелан, Филип беше пуштен од затворот на слободен викенд, по што му се губи трагата. Критичната ноќ неколку часа по ликвидацијата на Мартин, на социјалните мрежи беше посочувано лице како наводен извршител на ликвидацијата. Истиот тој беше поврзан и со фантомската агенција за обезбедување „Омерта“, но, овие наводи беа демантирани од истражните органи. Чаршиската истрага, побрза од онаа на полицијата и обвинителството, ден по убиството на Јанушев го лоцираше и Филип Секуловски како наводен извршител на убиството. Две недели по шпекулациите обвинителството се одважи да распише меѓународна потерница по Филип.

Определена мерка притвор за едно лице за убиството на Мартин Јанушев

Ивона Петрова — Wed, 17 Oct 2018 13:06:11 +0000

По предлог на скопското Јавно обвинителство, судија на претходна постапка на едно осомничено лице за убиството на Мартин Јанушев му определи мерка притвор во траење од 30 дена, сметано од денот на негово пронаоѓање и лишување од слобода. Од Основното јавно обвинителство Скопје во денешното соопштение велат дека е отворена истражна постапка против едно лице за сторено кривично дело „убиство“ од Кривичниот законик. Лицето е осомничено дека на 3 ноември 2017 година со умисла го лишил од живот сега починатиот Мартин Јанушев. Имено, осомничениот, користејќи дозволено викенд отсуство, ја напуштил КПУ Затвор Скопје – Скопје, каде што издржувал казна затвор во траење од 20 месеци, дошол пред зградата во која живеел Јанушев, се сретнал со него и испукал повеќе проектили од огнено оружје кон жртвата, нанесувајќи му пет огнострелни повреди – прострелни рани. Од здобиените повреди, Јанушев починал. Кривичната пријава од МВР за ова лице е поднесена до Основното јавно обвинителство Скопје на 17.11.2017 година. По поднесената пријава, во текот на предистражната постапка, Обвинителството интезивно работеше на обезбедување материјални и вербални докази. Притоа, се испитани над 40 сведоци и обезбедени се голем број релевантни вештачења и анализи. Со оглед на тоа што осомничениот се уште е недостапен на органите на прогонот, согласно Законот за кривична постапка, надлежниот јавен обвинител до Министерството за внатрешни работи издаде наредба за распишување домашна и меѓународна потерница. MИА

Зошто животот на младиот Мартин Јанушев е помалку вреден?

Ивана Ефремовски — Mon, 30 Jul 2018 09:12:48 +0000

Поминаа 8 месеци од убиството на младиот Мартин Јанушев, а ОЈО се уште не може да состави обвинение за убиство.

Исто така и на официјалната страница на МВР нема никакви информации за потрагата на убиецот на Јанушев.

Зошто животот на 28-годишното момче е помалку вреден од животот на другите слични случаеви каде што Јавното Oбвинителство успејало за брз период да направи обвинение?

Јавноста го памети случајот каде што беше убиен Мартин Нешкоски на 06.06.2011 година.

Во јавноста и на социјалните мрежи, постојано има низа на реакции поради тоа што МВР се обидува да го заташка убиството.

За Филип Секуловски има распишано меѓународна потерница, но на официјалната страница на МВР не стои за кое кривично дело се бара, дали потерницата е поради убиството на Мартин или поради тоа што тој е бегалец од Идризово каде беше на издржување затворска казна, а ден пред Јанушев да биде застрелан, Филип беше пуштен од затворот на слободен викенд, по што му се губи трагата Критичната ноќ неколку часа по ликвидацијата на Мартин, на социјалните мрежи беше посочувано лице како наводен извршител на ликвидацијата. Истиот тој беше поврзан и со фантомската агенција за обезбедување „Омерта“, но, овие наводи беа демантирани од истражните органи. Чаршиската истрага, побрза од онаа на полицијата и обвинителството, ден по убиството на Јанушев го лоцираше и Филип Секуловски како наводен извршител на убиството, по нарачка на тајниот сопственик на „Омерта“. Две недели по шпекулациите обвинителството се одважи да распише меѓународна потерница по Филип, но до денеска никако да докаже дека токму Секуловски критичниот 7 ноември го повлекол орозот на пиштолот, нишанејќи во Мартин.

ОЈО по 8 месеци не може да напише обвинение за убиството на Мартин Јанушев

Ивона Петрова — Sun, 29 Jul 2018 14:24:36 +0000

Јавното обвинителство по повеќе од 8 месеци не може да го состави обвинението за убиството на 28 годишниот скопјанец Мартин Јанушев, кој беше застрелан пред неговиот дом, во населбата Аеродром, јавува телевизија Алфа. Извори на Алфа од истрагата посочуваат дека единствениот сведок кој по убиството, наводно посочил дека ноќта на 7 ноември лани, Филип Секуловски пукал во Мартин, ја повлекол изјавата, па оттука случајот не може да мрдне од мртва точка. Од Јавното обвинителство за Алфа прецизно не одговорија до каде е постапката и зошто се уште нема обвинителен предлог, кога истражните органи тврдат дека случајот бил разрешен, со тоа што идентитетот на убиецот е познат, без разлика што тој е во бегство. „Во Основното јавно обвинителство Скопје се постапува по кривичната пријава. Во истражна постапка се преземаат во континуитет дејствија за да се утврдат факти. Испитани се сведоци и законските застапници на оштетениот. Осомничениот е се уште недостапен на органите на прогонот, велат од ОЈО за Алфа. За Филип Секуловски има распишано меѓународна потерница, но на официјалната страница на МВР не стои за кое кривично дело се бара, дали потерницата е поради убиството на Мартин или поради тоа што тој е бегалец од Идризово каде беше на издржување затворска казна, а ден пред Јанушев да биде застрелан, Филип беше пуштен од затворот на слободен викенд, по што му се губи трагата. Критичната ноќ неколку часа по ликвидацијата на Мартин, на социјалните мрежи беше посочувано лице како наводен извршител на ликвидацијата. Истиот тој беше поврзан и со фантомската агенција за обезбедување „Омерта“, но, овие наводи беа демантирани од истражните органи. Чаршиската истрага, побрза од онаа на полицијата и обвинителството, ден по убиството на Јанушев го лоцираше и Филип Секуловски како наводен извршител на убиството, по нарачка на тајниот сопственик на „Омерта“. Две недели по шпекулациите обвинителството се одважи да распише меѓународна потерница по Филип, но до денеска никако да докаже дека токму Секуловски критичниот 7 ноември го повлекол орозот на пиштолот, нишанејќи во Мартин.

Кој е следниот што ќе биде избоден до смрт? Спасовски нема капацитет да се справи со насилствата во Скопје

Катерина Бојаџиева — Thu, 26 Jul 2018 07:59:57 +0000

Црната хроника ги наполни медиумите, а сцените во Скопје се почесто наликуваат на сцени од вестерн филм чиј дејствија се одвиваат на дивиот Запад. Имено, вистински хорор преживеало 20-годишно момче од Скопје откако 3 маскирани разбојници во доцните вечерни часови влегле во неговиот дом. Според информациите кои ги објави министерството за внатрешни работи, момчето го пријавило настанот во полицијата на која и раскажало дека ноќеска во 2:30 часот неколку маскирани лица влегле во неговиот дом да го ограбат. Разбојниците покрај тоа што го ограбиле момчето, повеќе од 10 часа се иживувале врз него и го прободеле со остар предмет. Пред да си заминат разбојниците од неговиот стан одзеле, лап топ, мобилен, телефон и пари. Младото момче откако пријавило во полицијата било со возило на Итната помош префрлено во Ургентниот центар. За жал ова не е изолиран случај, а убиствата и престрелките по скопските улици станаа секојдневие, граѓаните се плашат за своите и животите на своите најблиски. Да се потсетиме дека само пред неколку дена момче беше избодено во пределот на ногата од непознати напаѓачи, на што му претходеше настанот во март месец кога малолетник беше прободен со нож на автобуската постројка „Рекорд“ додека се враќаше од училиште, а минути го делеа од смртта. За жал пред само две недели почина и младиот Никола Саздовски Саздо, кој беше претепан и брутално убиен од тројца напаѓачи од кои едниот од напаѓачите се уште е во бегство. Досега не е пронајден ниту пак убиецот на фудбалерот Мартин Јанушев кој мафијашки беше застрелан пред својот дом. Трагично е што во изминатиот период од година дена има речиси 10-тина убиства во Скопје и околината кои се уште не се расчистени, а за дел од нив не се пронајдени ниту сторителите. Опозициската ВМРО-ДПМНЕ во повеќе наврати повикуваше на поголема ажурност на органите на прогонот, и апелираше Спасовски како министер да запре со релативизирањето на влошената безбедносна состојба, бидејќи на тој начин дава ветер во грбот на криминалците, очигледно продолжија со своите криминални активности.