Мартин Костовски – Kurir.mk

Пратеникот од СДСМ Костовски разочаран од конфликтите во партијата – преку статус на Фејсбук моли за единство! (ФОТО)

Дарко Андоновски — Wed, 27 Sep 2023 07:39:13 +0000

Пратеникот од владејачката СДСМ, Мартин Костовски е разочаран од конфликтите во партијата и бара единство. „Социјалдемократи другари и другарки или ќе се држиме сите заедн еден до дру, или ќе потонеме сите еден покрај друг… Време е за помирување и обединување“, напиша Костовски на својот фејсбук профил. Објавата на Костовски, познат како долгогодишен приврзаник на министерот за внатрешни работи Оливер Спасовски со кого заедно соработуваат во огранокот на СДСМ во Куманово, сведочи за сѐ поголемите несогласувања во владејачката партија, особено по прашањето на уставните измени.

Пратеник „распали“ по инцидентот на граница: Напад на полицаец е напад на државата

Ристе Здравков — Sat, 04 Feb 2023 14:29:56 +0000

Пратеникот од редовите на СДСМ, Мартин Костовски се огласи на социјалните мрежи по инцидентот кој се случи на граничниот премин Деве Баир, во кој тројца бугарски државјани беа уапсени, откако со часови ги напаѓаа македонските полицајци. „Државата функционира доследно и професионално,напад на полицаец е напад на државата. Приведени тројца бугарски државјани на Деве Баир кои со часови провоцираа. Македонското достоинство се брани со чест, однос и професионалност. И пак ќе кажам Гоце Делчев не го заслужува овој циркус од провокаторите нека ти е вечна слава даскале“, напиша Костовски на ФБ.

ФОТО: Според пратеникот на СДСМ од Куманово, во таа општина 50% од членовите не гласале воопшто за претседател на партијата

Магдалена Андонова — Mon, 13 Dec 2021 14:29:19 +0000

На 12.12.2021 година во СДСМ на вонредните внатрепартиски избори за наследник на Зоран Заев, е избран Димитар Ковачевски. Гласале вкупно 44.406 членови на СДСМ. Гласањето се одвиваше на 194 избирачки места низ општинските организации ширум државата, почнувајќи од 08:00 часот наутро, се до 19:00 часот попладне. Покрај Ковачевски, за претседател на партијата се кандидираа и Фросина Ременски, поранешна пратеничка и екс-потпретседателка на СДСМ и Јован Деспотовски, актуелен директор на Дирекцијата на ТИРЗ. Според пратеникот Мартин Костовски од СДСМ Куманово во таа општина 50% од ажурираните членови воопшто не гласале за претседател на партијата.

Покрената иницијатива: „Поддршка за Зоран Заев да остане на чело на СДСМ“

Ивана Ефремовски — Mon, 01 Nov 2021 16:21:51 +0000

Претседателот на ОО СДСМ Куманово, Мартин Костовски, преку социјалните мрежи покрена иницијатива за поддршка на Зоран Заев. Костовски апелира до сите социјалдемократи во државата за безрезервна поддршка за Заев да остане на лидерската позиција во СДСМ. „Јас Мартин Костовски претседател на ОО СДСМ-Куманово, од денеска покренувам иницијатива кај сите социјалдемократи во државата за поддршка на претседателот Зоран Заев. Недвосмислена и безрезервна поддршка да остане на лидерската позиција во СДСМ. Искрено и чесно, одговорно и храбро, многу дадовме за овие 5 години за Македонија, за СДСМ“, апелира Костовски.

Петрушевски до Костовски: СДСМ по идеологија е комунистичка партија, дали по изјавата на Заев ќе ја смените идеологијата, ќе ги смените ли имињата на плоштадите во Куманово?

Магдалена Андонова — Wed, 25 Nov 2020 18:04:55 +0000

- Јас би ве прашал доколку сте доблесен да одговорите вие како политичка партија себеси се сметате за анследници на комунистичка партија идеолошки на Македонија. Вие себеси се сметавте наследници на партизаните, се повикувавте на таа антифашистичка борба на македонскиот народ. Вие доколку сметате дека еве иднината е загрозена и го менувате вашиот став, еве во градот од кој што потекнуваме двајцата имаме два плоштада од кои што едниот се вика „Јосип Броз Тито“, а другиот се вика „Нова Југославија“, дали сте спремен вие да прифатите промена на имињата на тие плоштади оти она што премиерот Заев го изјави дека Југославија била државата која што не кочела, односно не делела со Бугарија, го запраша Бране Петрушевски пратеник до редовите на ВМРО-ДПМНЕ и Коалицијата „За обнова на Македонија“ претаникот од СДСМ, Мартин Костовски при гостување во емисија „24 Анализа“. Петрушевски додаде дека дали СДСМ ќе смогне сили по изјавата на Заев да ги смени имињата на плоштадите во Куманово, дали СДСМ ќе ја смени идеологијата поради Бугарија.

На Талат и Костовски им се заканува затвор доколку ги прекршат Уставот и законот

Катерина Бојаџиева — Tue, 03 Jul 2018 12:01:29 +0000

Спикерот Талат Џафери најсрамно ќе го прекрши законот и Уставот доколку, како што најави, ги објави во Службениот весник- законите за ратификација на Договорот помеѓу Македонија и Грција, како и законот за јазици, без потпис од претседателот Ѓорге Иванов. Истото важи и за Мартин Костовски кој е директор на Службениот весник на Република Македонија. Џафери и Костовски доколку го направат тоа за едниот закон, им се заканува затворска казна од најмалку 5 ипол години за злоупотреба на службената должност и самовластие, а исто така толкава затворска казна им е запретена и за другиот закон доколку го објават во Службениот весник без потпис од Претседателот Иванов, истакна тој. Од ВМРО-ДПМНЕ вчера пак, потенцира дека членовите од Кривичниот законик јасно велат: -Член 353 (5) сторителот ќе се казни со затвор најмалку пет години. -Член 392 (1) Тој што самовласно прибавува некое свое право или право што смета дека му припаѓа, ќе се казни со парична казна или со затвор до шест месеци. -Доколку Костовски како Директор на Службениот весник на Република Македонија и Талат Џафери како Претседател на Собранието на Република Македонија го сторат ова кривично дело и ги објават законите без потпис од претседателот Иванов, не само што ќе бидат оспорени пред Уставниот Суд, тие и ќе се соочат со затворска казна од најмалку 11 години. Да ги потсетиме Костовски и Џафери дека кривичното дело кое што е сторено никогаш не застарува. Државните и јавните функционери се избрани да го почитуваат законот и да работат според него. Во спротивно, ние ќе ги искористиме сите правни можности и мерки да бидат истите соодветно казнети. Истите Костовски и Џафери треба да ја почитуваат волјата на народот и да не си играат со законите заради кои што можат да добијат и затворска казна до 11 години затвор, истакнаа од ВМРО-ДПМНЕ.

Службен весник и Правниот факултет „Јустинијан Први“ потпишаа меморандум за соработка

Ивона Петрова — Mon, 05 Feb 2018 16:04:33 +0000

Директорот на ЈП Службен весник на РМ Мартин Костовски и Деканот на правниот факултет „Јустинијан Први“ Горан Коевски потпишаа меморандум за соработка во рамките на Правната клиника за ранливи групи. Службен весник на РМ, како што информираат во соопштението, со обезбедување на бесплатен пристап до електронската база на прописите од севкупното законодавство во Македонија, сака да придонесе во зајакнувањето на капацитетите на институцијата за обезбедување практична настава и да даде поддршка во остварувањето на правата на граѓаните на кои таа им е потребна. – Електронската база на прописи на ЈП Службен весник на РМ е извонредна алатка за безбедно правно работење и брзо изнаоѓање на прописите. Оттука, оваа база треба да им помогне на студентите при подготвување бесплатни совети, изјави Костовски. Во е-базата на прописите во РМ се сместени над 30.000 прописи од 1944 година до денес, и во неа со секоја измена на закон се изработува нов редакциски пречистен текст. Меморандумот, како што информираат, покрај соработката со Правната клиника ќе овозможи зајакнување и интензивирање на комуникацијата помеѓу двете институции во врска со издавачката дејност, во доменот на стручната литература, како и усовршување на кадри од областите во кои двете институции имаат кадровски и други потенцијали и интереси.