Транспаренти меѓу марширачите на Заев: Кој го пушти убиецот на Мартин Нешкоски? (ВИДЕО)

Катерина Бојаџиева — Mon, 17 Feb 2020 17:38:22 +0000

Транспаренти се појавија меѓу марширачите на Зоран Заев на кои е испишано прашањето: Кој го пушти убиецот на Мартин Нешкоски? Инаку, специјалецот Игор Спасов, кој е осуден за убиството на Мартин Нешковски, се бара со меѓународна потерница откако избега од затвор. МВР под водство на Оливер Спасовски долго проверуваше дали можеби ќе го пронајде Спасов пред да ја распише меѓународната потерница, а по која и денес се бара. Спасов за стореното кривично дело беше осуден на 14 години затворска казна која почна да ја издржува во 2011 година. Поради здравствени проблеми во 2018-тата тој добива прекин на казната, а за доиздржување на истата треба да се јави во штипскиот затвор на 18 октомври 2019 година. Десет деца подоцна, на 28 октомври минатата година, МВР откако не го наоѓа Спасов на подрачјето каде живее распишува национална потерница за него. Ден подоцна, односно 11 дена по неговото непојавување „специјалецот“ се бара со меѓународна потерница. По бегството на Спасов, се погласно се слушаа прашањата на граѓаните зошто тој е пуштен од затвор. Имено, Заев при посета на затворот „Идризово“ во 2017 година беше фотографиран како се поздравува со Спасов со кој разменил и по некој збор. Иако по неговото бегството, Спасовски велеше дека МВР не е надлежно, Заев во дадена изјава очекуваше Министерството да го пронајде. -Очекувам истрагата да покаже каде е човекот. Прочитав од медиумите за бегството, институциите постапуваат според законот. Било кој човек кој издржува казна има право на викенд.Постапено е согласно сите процедури и очекувам МВР да утврди каде е. Верувам дека истрагата ќе дознае бргу што се случува – уверуваше Заев кој повторно ги излажа граѓаните. Според неофицијални информации Игор Спасов, осуденикот за убиството на Мартин Нешковски е избеган во Холандија. Граѓани го искористија „маршот за правдата“ на СДСМ кој доживува вистински дебакл да прашаат- Кој го пушти убиецот на Мартин Нешкоски?!

Осудениот Игор Спасов на лекување заради влошена здравствена состојба

Ивана Ефремовски — Tue, 24 Jul 2018 13:26:01 +0000

Игор Спасов, осуден за убиство на Мартин Нешкоски, е на лекување заради дијагностицирање на влошена здравствена состојба и треба да се врати на издржување на казната на 6 август годинава во КПД Идризово. - Поради сомневање за влошување на здравствената состојба, на барање на КПД Идризово, по претходно доставена молба од осудениот и приложена медицинска документација, на осудениот му се одобрува прекинот на казната од 22.06.2018 до 07.07.2018 година. Во медицинскиот наод е наведено дека актуелната здравствена состојба кај осуденото лице се следи суспектен наод на липоматозна туморозна формација која дијагностички треба да се потврди, а заради која прекинот на казната е одобрен, се наведува во соопштението од Управата за извршување санкции при Министерството за правда. На 5-ти јули годинава, Основниот суд Штип го известил КПД Идризово дека на барање на осудениот, на истиот му се продолжува прекинот на казната, и тој ќе се врати на доиздржување на казна затвор во КПД Идризово на 6 август годинава. - Барањата на осудените лица или на казнено-поправните установи кои се однесуваат на влошена здравствена состојба или потреба од клинични испитувања, се предмет на одобрување на прекин на казната од страна на Управата за извршување на санкциите и надлежните судови. Прекинот на издржување на казната не се засметува во издржаниот дел на казната, се вели во соопштението. (МИА)

мартин нешкоски – Kurir.mk

Транспаренти меѓу марширачите на Заев: Кој го пушти убиецот на Мартин Нешкоски? (ВИДЕО)

Осудениот Игор Спасов на лекување заради влошена здравствена состојба