мартин нешковски – Kurir.mk

Игор Спасов бил уапсен поради семејно насилство

Ивона Петрова — Tue, 02 Feb 2021 11:00:16 +0000

Игор Спасов бил приведен по пријава за семејно насилство, потврдија полициски извори за Бугарското национално радио, јави дописникот на МИА од Софија. За време на увидот од бугарската полиција било утврдено дека тој бил баран од Интерпол. Игор Спасов влегол во Бугарија од Турција пред извесно време. Бугарското Министерство за внатрешни работи за дописникот на МИА потврди дека Игор Спасов е приведен од бугарската полиција во понеделникот, но не сакаше да каже каква ќе биде постапката понатаму. Поранешниот полицаец Игор Спасов осуден за убиството на Мартин Нешкоски, кој се бараше со меѓународна потерница, уапсен е вчера во поппладневните часови во населбата Младост во Софија од страна на бугарската полиција по добиена дојава, претходно јави Бугарското национално радио БНР, пренесува дописникот на МИА од Софија. Веста за апсењето на Спасов синоќа ја потврдија за МИА од нашето МВР, Спасов е осуден на 14 години затвор за убиството на Нешкоски што се случи на плоштадот во Скопје на прославата на победата на ВМРО-ДПМНЕ на парламентарните избори во 2011 година. МВР распиша меѓународна потерница за Спасов на крајот на октомври 2019 година откако тој не се врати во затворот по завршување на лекувањето. Тој се бара за доиздржување на казна затвор од седум години и три месеци, стои на веб страницата на нашето МВР.

Во Бугарија уапсен убиецот на Мартин Нешковски

Магдалена Андонова — Mon, 01 Feb 2021 20:53:14 +0000

Министерството за внатрешни работи соопшти дека Бугарската полиција денеска го уапсила Игор Спасов, осудениот за убиството на Мартин Нешковски во 2011 година. По Игор Спасов беше распишана меѓународна потерница.

Јакимовски: Убиствата на Младенов, Нешковски, Смилковско беа големо сценарио на Заев за добивање гласови, граѓаните беа излажани, а вистината не ја дознаа

Ивона Петрова — Sat, 04 Jul 2020 08:17:14 +0000

Зошто и ден денеска не се расчистуваат убиството на Никола Младенов и на Мартин Нешковски, убиството кај Смилковското езеро, Диво Насеље, и други судски предмети, објасни претседателот на ГРОМ, Стевче Јакимовски во емисијата "Заспиј ако можеш" на Алфа телевизија. Тој вели дека народот не ја дозна вистината, затоа што сето тоа било едно големо сценарио, една голема лага, само за Заев да ја претстави власта како монструозна и брутална за да ги добие гласовите од граѓаните и потоа да и направи на Македонија сето она што и го направи. Продавање на идентитет, име, економски колапс и што уште не. -Тоа беше сценарио. Тоа беше за да се создаде една грозоморна слика за актуелната власт. Работата беше "ќе видите што ќе дознаете ако гласате за СДСМ". И народот тука трзнаа на тоа. Дај да гласаме и да видиме што власта направила. Дали навистина биле монструми. Тоа беше дел од сценарио да се претстави власта како монструмска, да иде до таму да убива новинар, да убива пет невини деца на Велики Четврток, јас не знам дали во светот постои таква власт да убива свои деца. Тоа беше сценарио да се покаже влста дека е брутална, криминална, недемократска и така натаму. Значи сето тоа беше за "дајте поддршка и ќе видите што ќе дознаете". И ајде да видиме сега што дознавме? Ништо. Народот класично беше излажан, рече Јакимовски.

ВМРО-ДПМНЕ: Убиецот на Нешковски е на слобода, ослободени се убијците на три деца – Заев е главата на криминалниот октопод

Ивана Ефремовски — Sat, 27 Jul 2019 07:06:43 +0000

Правда во Македонија нема. Убиецот на Мартин Нешковски е на слобода, а луѓе лежат за обичен прекршок кога немаат пари да ја платат казната, реагираат од ВМРО-ДПМНЕ. Во продолжение следува интегрален текст од соопштението на партијата: Двајцата убијци од Арачиново се ослободени, за убиството на три деца, а на Зоран Заев му се заблагоруваат за ослободувањето. Власта не кажува кои се Кики и Фрики, а нема фирма која не е изрекетирана. ОЈО не поведува постапка против Драги Рашковски, иако има сомненија дека сторил милионски криминал, а новинари се викаат во станици и им се врши тортура. Обелоденет е најголемиот рекетарски скандал, бизнисмени јавно говорат, изнудувани се милиони во период од неколку месеци, а Катица Јанева во чие име е вршен рекетот се шета на слобода. Зоран Заев е главата на криминалниот октопод кој ја има запоседнато државата последниве три години. Зоран Заев е гаранцијата за неказнивост на сите криминалци и мафијаши кои ги мачат граѓаните. Зоран Заев мора да си замине. Граѓаните заслужуваат да живеат мирен живот. Потребни се итни предвремени парламентарни избори, и ЈО кое ќе биде финансиски независно и ќе може да биде непристрасно.

Потврдено: Убиецот на Мартин Нешковски една година не е во затвор

Катерина Бојаџиева — Fri, 26 Jul 2019 10:13:47 +0000

Осудениот за убиството на Мартин Нешковски, Игор Спасов не е во затвор затоа што се лекува, потврдуваат за Фактор од Управата за извршување на санкции. Според информациите тој е на лекување речиси една година. Судот му го продолжувал отпустот во неколку наврати. -Осудениот Игор Спасов почнувајќи од 29.08.2018 година, до денес се наоѓа во прекин на издржувањето на казната затвор, кој му е одобрен со решение на Основен суд Штип и првично требало да трае два месеци до 22.10.2018 година. Но, потоа истиот суд му го продолжува прекинот на казната од 22.10. 2018 до 17.12.2018 година, па со ново решение му го продолжил до 17.12.2018 до 18.02.2019 година, како и одново од 18.02.2019 до 18.05.2019 година, за да последен пат му биде продолжен од 18.05.2019 до 18.08.2019 година кога треба да се врати во КДП Идризово на доиздржување на остатокот од казната, информираат од Управата за извршување на санкции. Прекинот на казната му е одобрен од судијата за извршување на санкции во истиот суд кој е надлежен според местото на живеење, а причината е неговата здравствена состојба, додаваат од Управата за извршување на санкции. Спасов е осуден на 14 години затвор за убиство на Мартин Нешкоски за време на прославата на ВМРО-ДПМНЕ по изборите во 2011 година. Во мај годинава во дел од медиумите се појави информација дека е забележан во кафуле во Скопје.

„СДСМ да одговори каде е сега убиецот на Нешковски и дали заради неговата блискост со Заев не ја издржува казната во Идризово“

Катерина Бојаџиева — Sun, 14 Jul 2019 12:19:00 +0000

Зоран Заев мора кривично да одговара за поттикнување. Со објавената интегрална снимка се гледа дека докажаниот манипулатор и лажго Заев свесно и намерно изнел скратена и монтирана снимка со цел да ги доведе во заблуда граѓаните на Република Македонија во врска со убиството на Мартин Нешковски. Заради неговата измама и манипулација 40-тина полициски службеници беа сериозно повредени, десетици добија кривични прекршочни пријави, а беше причинета и огромна материјална штета во насилните протести кои следеа после лагите на Заев. Време е обвинителството да почне да се меша во својата работа и да покрене постапка против Заев за поттикнување на кривично дело. СДСМ треба да одговори каде е сега убиецот на Мартин Нешковски, Игор Спасов и дали заради неговата блискост со Заев и срдечниот поздрав во затворот истиот не ја издржува казната во затворот Идризово.

Дали животот на младиот Мартин Јанушев е помалку вреден од другите?

Предраг Кукиќ — Sat, 03 Nov 2018 10:47:24 +0000

Измина една година од убиството на Мартин Јанушев, а јавноста се уште чека судска разрешница.

Зошто животот на 28-годишното момче е помалку вреден од животот на другите слични случаеви каде што Јавното Oбвинителство успеало за брз период да направи обвинение?

Основното јавно обвинителство Скопје на 17 октомври годинава информираше дела отворила истражна постапка против едно лице за сторено кривично дело Убиство од чл.123 ст.1 од Кривичниот законик. Според информациите на ОЈО, „лицето е осомничено дека на 03.11.2017 година со умисла го лишил од живот сега починатиот Мартин Јанушев. Имено, осомничениот, користејќи дозволено викенд отсуство, ја напуштил КПУ Затвор Скопје – Скопје, каде што издржувал казна затвор во траење од 20 месеци, дошол пред зградата во која живеел Јанушев, се сретнал со него и испукал повеќе проектили од огнено оружје кон жртвата, нанесувајќи му пет огнострелни повреди – прострелни рани. Од здобиените повреди, Јанушев починал“. На јавното обвинителство му беа потребни 11 месеци за да отвори истражна постапка.

Јавноста го памети случајот каде што беше убиен Мартин Нешкоски на 06.06.2011 година.

Осомничениот по два дена веднаш беше изведен пред истражниот судија, за да во октомври, истата година, обвинението станува правосилно и по четири месеци, убиецот ја доби заслужната казна.

Имено, Мартин Јанушев беше убиен на 4-ти ноември, 2017 година во скопскиот Аеродром при што веднаш на социјалните мрежи беше лоцирано лице кое беше посочувано како убиец на младото момче.

За Филип Секуловски има распишано меѓународна потерница, но на официјалната страница на МВР не стои за кое кривично дело се бара, дали потерницата е поради убиството на Мартин или поради тоа што тој е бегалец од Идризово каде беше на издржување затворска казна, а ден пред Јанушев да биде застрелан, Филип беше пуштен од затворот на слободен викенд, по што му се губи трагата. Критичната ноќ неколку часа по ликвидацијата на Мартин, на социјалните мрежи беше посочувано лице како наводен извршител на ликвидацијата. Истиот тој беше поврзан и со фантомската агенција за обезбедување „Омерта“, но, овие наводи беа демантирани од истражните органи. Чаршиската истрага, побрза од онаа на полицијата и обвинителството, ден по убиството на Јанушев го лоцираше и Филип Секуловски како наводен извршител на убиството. Две недели по шпекулациите обвинителството се одважи да распише меѓународна потерница по Филип.

ЕКСПРЕС: Се случил ли во Драчево нов случај ,,Саздо” и ,,Мартин Нешковски”?

Дарко Андоновски — Fri, 12 Oct 2018 11:31:13 +0000

Граѓански активисти на социјалните мрежи обвинуваат дека во Драчево минатата недела се случил инцидент во кој со ножеви биле нападнати две лица, напаѓачот е близок на моќник близок на власта а јавноста се уште не е информирана за поднесена кривична пријава, пренесува Експрес. “Пред два дена во кафе бар во Драчево се избодени со нож две лица, сопственикот и негов другар, за банална причина, “пушти српска музика”, и во ниеден билтен или вест не се кажува пошто извршителот е син на човек близок до власта, а сопственикот се бори за живот”, објави на Твитер активистот кој од страв од одмазда не го открива својот идентитет. Тој открива дека притоа насилниците откако биле набркани од толпа луѓе избегале во полициската станица во Драчево да се заштитат и сеуште нема кривична пријава за никого. Во билтенот на МВР информацијата за настанот што се случил на 7 октомври е објавена дури на 10 овој месец. Според МВР ,,Секторот за внатрешни работи Скопје, до надлежното Основно јавно обвинителство Скопје, поднесе кривична пријава против Е.Р.(23) и А.Т.(21), двајцата од Скопје, поради постоење основи на сомнение дека сториле кривично дело „насилство”. На 07-ми овој месец во 22.30 часот во кафе бар на улица „Иван Хаџи Николов“ во Скопје, додека сопственикот Д.С. седел со лицето А.П, дошле пријавените Е.Р. и А.Т. и физички ги нападнале, при што на Д.С. и на А.П. им се нанесени и повреди со нож во пределот на градниот кош. Нападнатите се здобиле со тешки телесни повреди, по што се пренесени во Комплексот клиники „Мајка Тереза“, каде им била укажана лекарска помош. По настанот, сторителите биле приведени и задржани во полициска станица”. МВР во своето соопштение вели дека е поднесена кривична пријава за насилство а не за обид за убиство. Слично како во случајот “Саздо” каде напаѓачите кои го избодеа Никола Саздовски со нож до смрт првично добија кривична пријава за насилство која откако тој почина беше преименувана во убиство извршено на свиреп начин. Со двоневното доцнење на информацијата за инцидентот во Драчево, МВР отвара дилеми кај јавноста дали во овој случај се прекршени правилата и дали е направен обид за заштита на сторителот кој според активистот е син на човек близок на власта. Со објави на социјални мрежи беше откриено дека МВР се обидело да го забошоти убиството на Мартин Нешковски а со помош на информации од Фејсбук во јавноста беше откриена целата вистина за убиството на младиот комита Никола Саздовски.

Зошто животот на младиот Мартин Јанушев е помалку вреден?

Ивана Ефремовски — Mon, 30 Jul 2018 09:12:48 +0000

Поминаа 8 месеци од убиството на младиот Мартин Јанушев, а ОЈО се уште не може да состави обвинение за убиство.

Исто така и на официјалната страница на МВР нема никакви информации за потрагата на убиецот на Јанушев.

Зошто животот на 28-годишното момче е помалку вреден од животот на другите слични случаеви каде што Јавното Oбвинителство успејало за брз период да направи обвинение?

Јавноста го памети случајот каде што беше убиен Мартин Нешкоски на 06.06.2011 година.

Во јавноста и на социјалните мрежи, постојано има низа на реакции поради тоа што МВР се обидува да го заташка убиството.

За Филип Секуловски има распишано меѓународна потерница, но на официјалната страница на МВР не стои за кое кривично дело се бара, дали потерницата е поради убиството на Мартин или поради тоа што тој е бегалец од Идризово каде беше на издржување затворска казна, а ден пред Јанушев да биде застрелан, Филип беше пуштен од затворот на слободен викенд, по што му се губи трагата Критичната ноќ неколку часа по ликвидацијата на Мартин, на социјалните мрежи беше посочувано лице како наводен извршител на ликвидацијата. Истиот тој беше поврзан и со фантомската агенција за обезбедување „Омерта“, но, овие наводи беа демантирани од истражните органи. Чаршиската истрага, побрза од онаа на полицијата и обвинителството, ден по убиството на Јанушев го лоцираше и Филип Секуловски како наводен извршител на убиството, по нарачка на тајниот сопственик на „Омерта“. Две недели по шпекулациите обвинителството се одважи да распише меѓународна потерница по Филип, но до денеска никако да докаже дека токму Секуловски критичниот 7 ноември го повлекол орозот на пиштолот, нишанејќи во Мартин.

НетПрес ексклузивно дознава: Убиецот на Мартин Нешковски пуштен од затвор

Матеја Петровски — Tue, 24 Jul 2018 10:22:36 +0000

Убиецот на Мартин Нешковски, специјалецот Игор Спасов кој во 2012 година беше осуден на казна затвор од 14 години излегол од затворот во Идризово и во моментов се наоѓа во својот дом во Штип, дознава НетПрес. По само 6 години затвор за убиството на Мартин Нешковски Спасов е пуштен од затвор под неразбирливо образложение дека има потреба од домашно лекување. Засега официјалните институции се недостапни за понатамошни објаснувања во врска со овој случај. Нејасно е зошто доколку имало потреба од лекување не се користи арестанското медицинско оделение туку Спасов веќе се наоѓа во својот дом во Штип. Инаку, Игор Спасов минатата година оствари и средба и се ракуваше со премиерот Зоран Заев, кој го посети затворот Идризово. Во меѓувреме Владата донесе и одлука за амнестија, со која повеќе од 800 осудени криминалци и сторители на кривични дела добија едлумно или целосно ослободување од затворските казни. Како што е веќе познато во јавноста, СДСМ и и припадниците на т.н. Шарена револуција протестираа постојано во изминатите години за случајот Нешковски и бараа правна разрешница, завршува текстот на НетПрес.