мартин серафимов – Kurir.mk

Серафимов: Не се откажуваме во ниту еден момент

Бошко Тасиќ — Sun, 15 Oct 2023 07:07:17 +0000

Во вторник македонскиот вицешампион Алкалоид ќе дебитира во Европската лига на ЕХФ, а за прв противник го има тимот на Војводина, кој во ова натпреварување влегува како освојувач на ЕХФ Купот. Во пресрет на средбата во Скопје, атмосферата во редовите на Алкалоид е позитивна, а македонските репрезентативци Игор Ѓоргиев и Мартин Серафимов најавуваат голема борба на паркетот. „Подготвени сме. Со нетрпение го очекуваме првиот натпревар во Европската лига“, кратко истакна средниот бек. Серафимов пак вели дека нема откажување и во натпреварот ќе се влезе со желба за победа. „Играчите се подготвени за предизвиците. Не се откажуваме во ниту еден момент. Секогаш на терен влегуваме со срце и желба за победа“, рече Серафимов.

Серафимов: Ќе го анализираме поразот и ќе биде подобро против Холандија

Бошко Тасиќ — Sat, 14 Jan 2023 07:18:37 +0000

По натпреварот, своето размислување за воведниот меч на Мундијалот изнесе десниот бек Мартин Серафимов. „Ќе го анализираме поразот заедно со целата екипа, па во наредниот натпревар ќе влеземе одново максимално. Не бев изненаден од Норвежаните. Како што кажав, влеговме со голема желба на стартот на Мундијалот со позитивни мисли. Сега, целта е во следното коло да одиграме добро против Холандија“, изјави Серафиов. Веќе в недела Македонија ќе се судри со Холандија, додека третиот натпревар во кој се гледа шансата за главната фаза е во вторник против Аргентинците.

Серафимов: Ако одиграме како што знаеме, ќе стигнеме до позитивен резултат со Романија

Бошко Тасиќ — Tue, 15 Mar 2022 23:34:57 +0000

Македонските репрезентативци продолжуваат со подготовките во пресрет на дуелот со Романија во Скопје, закажан за четврток во салата „Борис Трајковски“. Еден од нашите млади ракометари кој ќе добие шанса на тој меч е Мартин Серафимов.

„Очекувам добар натпревар од наша страна. Романија не е селекција што треба да се потцени, наша цел е да излеземе на терен и да дадеме се од себе и верувам дека со тоа ќе стигнеме до позитивен резултат. Стручниот штаб ја следеше формата на противникот и верувам дека добро ги имаме анализирано, наше е да ги одработиме најдобро овие подготовки и максимално ангажирани да влеземе во натпреварот“, истакнува Серафимов.

По првиот натпревар во Скопје, македонската репрезентација в петок со чартер лет ќе патува за Букурешт, каде в сабота ќе го игра реваншот од овој двомеч – бараж. Победникот од овој двомеч во следната фаза од квалификациите за СП 2023 ќе се сретне со Чешка.

ФОТО: Ракометната репрезентацијата го одбележа Бадник, паричката кај Серафимов

Ивона Петрова — Thu, 06 Jan 2022 12:50:05 +0000

Ракометната репрезентација го обележа големиот христијански празник Бадник. Паричката падна кај репрезентативецот Мартин Серафимов. Од РФМ му посакаа среќна и бериќетна година.

Серафимов: Чест е да се биде дел од ваков собир, посебно пред настан како што е Европското првенство

Бошко Тасиќ — Sat, 25 Dec 2021 07:57:51 +0000

Ракометната машка репрезентација на Македонија ги започна подготовките за Европското првенство во јауари ко ќе се игра во Словачка и Германија. Нашиот селектор Кирил Лазаров предводи една подмладена селекција, а еден од оние претендира да биде во составот е десниот бек Мартин Серафимов. „Подготовките течат одлично, верувам ќе продолжиме во овој ритам. Работиме точно и прецизно, секој си ја знае својата работа. Ние помладите знаеме да правиме грешки, но затоа имаме квалитетен стручен штаб и поискусни играчи кои ни даваат совети како подобро и поефикасно да се вклопиме. Лазаров верува во секој играч кој го има на располагање. Чест е да се биде дел од ваков собир, посебно пред настан како што е Европското првенство“, изјави 21-годишниот Серафимов.

Кога Кире дебитираше на СП, Мартин Серафимов уште не беше роден

Ристе Здравков — Thu, 10 Jan 2019 18:38:01 +0000

На Светското првенство во Германија и во Данска во репрезентацијата на Македонија се најде и капитенот на кадетската репрезентација, Мартин Серафимов за кого ова е прво ваков вид, но и шанса да стегне огромно искуство кое ќе му биде од голема корист за Мундијалот кој во август ќе се одржи во Македоија. Мартин Серафимов на 3 март ќе наполни 19 години, а тоа е една година и два месеци помалку од дебито на Кирил Лазаров на Светските првенства во сениорска конкуренција. Лазаров својот прв меч на Мундијалите го одигра на почетокот на јуни во 1999 година, а тоа беше девет месеци пред Серафимов да се роди. Затоа овој двоец на десната бековска позиција кој ќе биде на теренот на натпреварите од Светското првенство станува максимално интересен. Серафимов е еден од играчите од кои се очекува да го наследат Лазаров, а тој покажува лидерски квалитети така што е сосема извесно дека може во следните години да се најде како еден од ракометарите кои ќе ја носат играта на Македонија. Она што сега може да радува е дека Кире Лазаров (38 години) и Мартин Серафимов (18 години) претставуваат тандем со најголема разлика во години на овој шампионат. Воедно Серафимов може да учи од Лазаров и да напредува, а од тоа ќе има голема корист и тој и репрезентацијата.